دائما في آوائل و آواخر الصفوف !!

[أبو الريش]

بسم الله الرحمن الرحيم

السلام عليكم ورحمة الله وبركاته

أبو الريش

دائماً في آوائل الصفوف وفي آخرها؟

مجتمعنا( الشرقي) وبالتحديد (مجتمعنا الخاص) مجتمع يحمل كثير من الأجناس منهم المتعلم ومنهم الجاهل ومنهم الفاهم بأمور الدنيا,,

وأحيانا يكون الجاهل أفضل منهم جميعا بحكم التربيه الصحيحه,, هي من علّمته!

يتوافد بعض من أفراد مجتمعنا على المسابقه في أول الصف جزاهم الله خير ,,لكن

هل سعيهم والبحث عن مقام الصف الأول بحث إيجابي (لا) ييتسابقون على

الصفوف الأولى فيما يرضي رغبتهم ويغضب فطرتهم فتجد الأغلب منهم

مثلاً ,,,,,تجد أكثر إحتلالنا للصف الأول!

في السفر للفساد ,,, البحث عن أسهل الأقسام في الجامعات وإنعدام بُعد النظر ,,,

البحث عن الشهوات المفرطه والمنافيه للفطره,,, المفاخره العلنّيه ببعض السلوك المعاكس لنا ,,, سبّاقين لإرضاء طيش المراهقه ,,, الإبتزازالمتكرر ,,, عند مواقع التفحيط ووووووو الخ



وتجدهم بآخر الصف ,,, عند المحاضرات العلميه ,, عند مواجهة الحقيقه,,,

عند مساعدة المحتاج ,,, عند القيام لصلاة الفجر (أن كان يصليها جماعه)

عند البحث عن الرزق بالصعوبه ,,, عند مقاعد طلب العلم في مؤسسات

التعليم بأنواعها ,,, وو الخ


لماذا نحتل الصف الأول في أتفه الأمور ونحتل الصف الأخير في أهم الأمور؟

سؤال لم أعرف إجابته؟.

[فديكا التميمي]

حتى انا ماادري؟؟؟؟بس والله انك طلعت اللي بتسبدي وعجزتن اعبر عنه يعطيك العافيه

[عجوز سمنسي]

[align=center]هلا ابو الريش

لانعدام الطموح اصبحنا نبحث عن الصفوف الاولى للسير للخلف

تعلمنا وتربينا ان كل شي بالبركة وتعلمنا اننا نمشي الامور اهم شي شهادة
بعد النظر لانعرفه

والطموح مقتول

والتنازل اقرب الينا من اي شي اخر

ولهذا اصبحنا في الصفوف الاولى للتخلف وغيرنا في الصف الامامي ف التقدم
التربية

التعليم

التوجيه

كلها اشياء معدومة لدينا

تحيتي لك[/align]

[خالد2007]

شف ياخلف جدي بالعربي الفصيح حنا عار على امة محمد صلى الله عليه وسلم .شعب زي البهيمه يمشي ورى شهوته ماغير بلع وسهر ووطموحه ملاحق البنيات .
شف اي شي شين وحرام تلقاه عندنا عادي وزي براد ابو اربعه . تبي ربا موجود وحلال بعد بشريعتنا الجديده .تبي زنا موجود تبي رشاوي موجوده تبي لواط على وذنه شغال تبي مخدرات متوفر ..مابقي بس الا نكفر بالله وتكمل .
وتسأل تقول ليش حنا بآخر الصفوف . تصدق اني ماعمري نمت الا افكر بزلزال او خسف يجينا على غفله بس رحمة ربي كبيره .

[فديكا التميمي]

والله انك صادق ياخالد هذا شعبنا للاسف

[العبرى]

فاهمين الرقي والحضارة خطأ..!
الحياة رفاهيـــه عند الأغلب..!!
وأبقى مكانك..وكل شيء يأتي إليك بسهولة..قاعدة أصبحت..!



تحيتي,,,

[رحّــال]

حتى نحن أعضاء المنتدى

نحتل الصفوف الأولى في اتفه الأمور !!!!!!!!

[نجمة سهيل]

جاهلين وإن تعلمنا
الدين يقول (مامن مولود يولد إلا على الفطره فاابواه يهودانه او ينصرانه او يمجسانه)
لاكن انا اقول معقوله حنى هودنا وحنا هذانا نصلي!!!
طرح نابع من قلب مستشعر

[أبو الريش]

فديكا بريده

اقتباس: حتى انا ماادري؟؟؟؟بس والله انك طلعت اللي بتسبدي وعجزتن اعبر عنه يعطيك العافيه

حاولي فكري وطلعي حل يمكن نستفيد لو من كلمه


عجوز سمنسي

اقتباس: هلا ابو الريش لانعدام الطموح اصبحنا نبحث عن الصفوف الاولى للسير للخلف تعلمنا وتربينا ان كل شي بالبركة وتعلمنا اننا نمشي الامور اهم شي شهادة بعد النظر لانعرفه والطموح مقتول والتنازل اقرب الينا من اي شي اخر ولهذا اصبحنا في الصفوف الاولى للتخلف وغيرنا في الصف الامامي ف التقدم التربية التعليم التوجيه كلها اشياء معدومة لدينا تحيتي لك

يعني من نحط اللوم على الوالدين ولا على أنفسنا لأننا مانعرف نفكر للمستقبل ولا على الرفاهيه الزايده اللي ماقدرت ان الواحد يحس بالمسؤليه ويكافح !!

لكن الآن جاء الوقت اللي نحصد فيه الأستهتار بالمستقبل ومايخبي من ليالي سود


خالد 2007

اقتباس: شف ياخلف جدي بالعربي الفصيح حنا عار على امة محمد صلى الله عليه وسلم .شعب زي البهيمه يمشي ورى شهوته ماغير بلع وسهر ووطموحه ملاحق البنيات . شف اي شي شين وحرام تلقاه عندنا عادي وزي براد ابو اربعه . تبي ربا موجود وحلال بعد بشريعتنا الجديده .تبي زنا موجود تبي رشاوي موجوده تبي لواط على وذنه شغال تبي مخدرات متوفر ..مابقي بس الا نكفر بالله وتكمل . وتسأل تقول ليش حنا بآخر الصفوف . تصدق اني ماعمري نمت الا افكر بزلزال او خسف يجينا على غفله بس رحمة ربي كبيره .

هاللي ذكرت بكل مكان موجود لكن وحنا نتلهف لمثل هالأمور لأنه مافيه شي تحاول تفكر فيه أيجابي وتسوي غيره صدقت أخوي خالد

لكن وش معناة ( زي براد أبو اربعه) دايم اسمعه ولا اعرف وش معناه


العبرى

اقتباس: فاهمين الرقي والحضارة خطأ..! الحياة رفاهيـــه عند الأغلب..!! وأبقى مكانك..وكل شيء يأتي إليك بسهولة..قاعدة أصبحت..! تحيتي,,,

العبرى أن هذي دايم أفكر به الحياة الرفاهيه وهي اللي ودت لأغلبنا للهاويه حتى الرفاهيه تخلي الوحد غبي وأنا لاحظته على أغلب المرفّهين

وإذا على الرقي والحضاره فاهمينها غلط << الرقي والحضاره عندنا أنك ماتعرف حتى تتفاهم مع غيرك بأسلوب راقي وهذا أبسط مايكون فمبالك بالأشياء اللي أكبر منه وهذا يدل على زواله والفهم بالغلط يتوارث

رحّال

اقتباس: حتى نحن أعضاء المنتدى نحتل الصفوف الأولى في اتفه الأمور !!!!!!!!

كيف وشلون يعني قلي السبب وأبوقف بصفك إذا صار فيه شي غلط وملاحظه أنت على الأعضاء ومنب مجامل أبد

نجمة سهيل

اقتباس: جاهلين وإن تعلمنا الدين يقول (مامن مولود يولد إلا على الفطره فاابواه يهودانه او ينصرانه او يمجسانه) لاكن انا اقول معقوله حنى هودنا وحنا هذانا نصلي!!! طرح نابع من قلب مستشعر

أي والله صدقتي فسّرتي الحديث من جزء ماله طرف

لكن إذا حنا جاهلين وحنا متعلمين كلامك صحيح وهذا اللي أشوفه من أغلب المتعلمين للأسف صارو هم القدوه في أساليب سيئه يقتاد بها غيرهم

أنا أعرف دكتور جامعه في علم النفس ودارس ببريطانيا كل ماشفته وأسمع كلامه يوجد بداخلي صراخ وأستغراب من كلامه ,, يتكلم بالعنصريه ويتكلم بالناس ويقذفهم ويسوي حركات غريبه أتعجب كل العجب منه

والأدهى من ذلك أنه أنسان العيوب تملئ قوامه ,<< وهذا نتاج ماقلتي

[رحّــال]

ابو الريش

اقتباس: كيف وشلون يعني قلي السبب وأبوقف بصفك إذا صار فيه شي غلط وملاحظه أنت على الأعضاء ومنب مجامل أبد

طبعاً الحكم لا يشمل الجميع لكن الغالبية العظمى منا أي مانسبته 99%

لاحظ مدة جلوسنا أمام شاشات الأجهزة وتواجدنا المستمر في المنتدى فما الفائدة التي جنيناها ؟؟؟

أي استخدامنا للانترنت استخدام خاطئ حتى وإن مرت بالصدف بعض المعلومات التي نكتسبها لكن عندما نقارن الوقت المهدر بالفوائد البسيطة التي نخرج بها نجد انفسنا أننا مخطئين ومهدرين أوقاتنا بلا فائدة ...


ويمكن أن تتأكد من ذلك من خلال مشاركتنا بالمواضيع المتواضعة والتي لا تقدم ولا تؤخر والإقبال عليها وترك ماهو مفيد من مواضيع ,,


ناهيك عن العلاقات بين الاعضاء ....


فكل هذا يثبت بإننا نحتل الصفوف الأولى بتوافه الأمور ,,,

[أبو الريش]

رحّال

اقتباس: لاحظ مدة جلوسنا أمام شاشات الأجهزة وتواجدنا المستمر في المنتدى فما الفائدة التي جنيناها ؟؟؟

اللي أعرف من بعض الأشخاص من كثر ماجلسو قدام شاشة النت أستفادو أشياء كثيره على الأقل كانو يجهلون بأشياء بمراحل تعليمهم والنت كان مساعد لهم في فقدانها

أنا شخصياً أستفدت أشياء كثيييره كنت أجهله لكن مايمنع أن وقت الفراغ هو المسبب لإنفلات أغلب الاعضاء خلف أوهام

اقتباس: أي استخدامنا للانترنت استخدام خاطئ حتى وإن مرت بالصدف بعض المعلومات التي نكتسبها لكن عندما نقارن الوقت المهدر بالفوائد البسيطة التي نخرج بها نجد انفسنا أننا مخطئين ومهدرين أوقاتنا بلا فائدة

صدقت حتى الهجران المُلاحظ على قسم الحوار مع أنه يوجد في مواضيع تنّمي لو شي بسيط داخل العضو من معلومات تنشّط ثقافته

اقتباس: ناهيك عن العلاقات بين الاعضاء ....

أخوي رحّال المنتدى يذكرن بالحواري القديمه يوم كنا نلعب كوره يصير بين الاعبين مشاحنات بسبب الأخطاء اللي تصير بتحكيم المبارة حتى وصل الحال لتشتت العلاقات وهذا شيئ واقع نشوفه ويوجد مبرر لسوء التفاهم اللي صار

لكن ,,,,,,,

أستغرب هنا يوجد لك عدو وأنت ماتدري وبالصدفه تلقى واحد متحامل عليك ولاتدري

أنا عن نفسي لاحظت من عضو يبي يتصادم معي لكن أنا استلطف بحقه

مأستفدنا وهذا يدل على أننا آخذين كل شي بجدّيه والإنتقام يجري بالدم الله يهديهم

[aĻŖeem]

اقتباس: حتى نحن أعضاء المنتدى نحتل الصفوف الأولى في اتفه الأمور !!!!!!!!

[align=right] ارى بحروفك اهتمام كبير بالمنتدى يارحآال ...
وهذا امر جيد
ولكن مشكله عندما يزداد هذا الاهتمام اكثر من حدهِ ... ..؟؟

شكرا ابو الريش [/align]

[دِيم]

[align=right]الأمر ليس مزعجاً تماماً
فغوغائية البشر تحتل 98%
و2% هم من يُطلب منهم تغيير العالم
لا غرابة

,
[/align]

[رحّــال]

اقتباس:  المشاركة الأصلية كتبت بواسطة الريـــم     [align=right] ارى بحروفك اهتمام كبير بالمنتدى يارحآال ...[/align][align=right] وهذا امر جيد ولكن مشكله عندما يزداد هذا الاهتمام اكثر من حدهِ ... ..؟؟ شكرا ابو الريش [/align]

أين المشكلة الريم ؟؟