هذا ماحدث لي شخصيـاً يوم الأحد في جامعة القصيم .. قمة في الفوضوية

[جنرال الهلال]

[align=center]بسم الله الرحمن الرحيم ..
سـ أروي لكم قصتي مع التقديم لـ جامعة القصيم ..
سيكذبني البعض .. و لكن أسـألو من قدم هذا اليوم ويعطيكم المعلـومات الكـافية
كـانت نسبتي في الثانوية 94 ومع القياس ( المكـافـأة) 89 أي أن حضوري لـ تقديم هو يوم الأحـد في الفترة الأولى من الساعة 8 حتى 11:30 ص ..

يجب أن تعرف ما هو الرقم .؟
الرقم هو ورقة صغيرة تعرف بـ أن نسبتك المكـافـأة هي النسبة المطلوبة هذا اليوم .. ولا تستطيع الدخول إلا بهذه الورقة الصغيرة ..


أتى هذا اليوم الذي سـ أقدم فيه جميع أوراقي لـ اكون طالبـاً في جامعة القصيم , كنت في الجـامعة في تمام الساعه 7:25 أي قبل الوقت المحدد بـ 35 دقيقه
قلت يمديني أرتـاح شوي و اشوف وش حنا عليه قبل التقديم .. و تفـاجـأت وقتهـا بـ وجود شخص يوزع أرقـام وهنا بـدأ فلم جامعة القصيم المـآساوي ..

كانت هنـاك ماصة متر × نص متر و فيها شخصين معاهم آلتين حاسه يقومون بحساب النسبة المكـافـأة لـ طلاب لـ الدخول لـ صالة التقديم الرئيسية ..
بدايتـاً .. كـان هاذان الشخصان بطيئين لـ جداً جداً في الحساب .. فـ كان الطـالب الواحد يجلس دقيقه و أكثر
المهم .. لم يكن هناك أي تنظيم لا طـابور ولا سراء كان الطلاب متجمهرين لا أكثـر لم يكن العدد وقتها كبير فقط كـان 20 طـالب مجتمعين على طاولة متر × نص متر ..
بـدا توزيع الأرقام على عدد قليل جـداً جـرّاء بطئ الموظفين في الحساب و عددهم القليل جـداً ..
طبعـاً يعطون طالب ( رقم ) ويجي 3 طلال جدد .. بـدأ العدد يكثر حتى الآن الأمور تسير بكل سلام رغم انني كنت متخوف من هذا الوضع ..
انهوا بعد 20 دقيقه 30 طـالب و توقفوا عن توزيع الأرقـام لـ مدة 10 دقايق .. وبعد ان عادوا لـ توزيع الأرقـام أصبح عدد الطلاب الذين يريدون الأرقـام أكثر من السابق بـ كثير فـ الطلاب في تـزايد .. و لا يـوجد إلا موظفين وفي قمة البرودة في الحساب ..
حتى أزدحمت الصفوف على طاول صغيرة جـداً و توقف هذانا الشخصان عن توزيع الأرقـام .. وقالوا سنعود لكم بـعد قليل ..
ذهبوا وعيون الطلاب كـانت معهم .. أصـبابنـا إحبـاط هل من المعقول أنني سـ أنتظر ربع ساعه في الشمس ... راحت 20 دقيقه ولا جاء أحد بـدأ الطلاب بالإنتقال يمين ويسار بغية الحصول على الرقم أما انا فبقيت عند الـطـاولة لأني توقعت ان الموظفين سيعودون بعد قليل ..
أنا و شخصان فقط .. حتى سمعنا صوت الطلاب و هم مسرعين نحو الطاولة و يسبشرون جاء اللي يوزع ارقـام بالتـأكيد كنت في الصف الأول أي أنتظر مجيء هذا الموظف واحصل على هذا الرقم ..
ازدحم المكـان الطاولة الصغيرة لم تكن تستطع حمل هذه الأعـداد الرهيبة التي وصل عددهـا لـ 60 أو 70 طـالب كنا في حالة زحام كلٍ يريد الوصول لـ بداية الطـاولة جلسنا على هذه الحـال قرابة الـساعه و الشمس الحارقة فوق روسنـا .. ولا من شاف ولا من دري لا موظف يوزع أرقـام و الدعوه فوضى × فوضى ..
يئسنا من الوضع السيء بـدأ الطلاب بالبحث عن اي شخص يقوم بتوزيع الأرقـام .. و إذا بنا نرى أحد المسؤلين عن التسجيل و القبول ينادي بـ أعلى صوته على جميع أولياء الأمور الذين يريدون التقديم لـ بناتهم و خواتهم ان يذهبوا فـ لايوجد تسجيل بنات في جـامعة القصيم .. أحدثت هذه ضجة عند كثير من كبار السنه بـدأنا نسمع كبار السن وهم في حالة يرثى لها وهم ينادون عمادة القبول و التسجيل ولكن لا جدوى ..
أزدحم الطلاب و أوليا الأمور حول البـوابة الرسمية التي لا يستطيع ان يدخلـها الا من يملك رقم .. أزدحموا شيئـاً فـ اكثر العدد قرابة الـ 150 شخص و أزدحام كبير جـداً حتى استـطاعو فتح الباب بـ كسر القفل الصغير بقي الباب الثاني وبعدها يدخل الجميع على الغرفة الأساسية و التي فيها كل شيء عن القبول من اوراق و .. ويكفي هناك التكيف و الراحة فـ نحن هنا على الشمس الحارقة ونجلس على ظلال الجـدران كم هو وضع سيء جـداً ..
استطاع احد منسوبي التسجيل دفع الطلاب الى الخارج وخرج وقال تعالو معي وراح نوزع أرقـام الطلاب كلهم مشوا معاه .. كـان معه كذا دكتور وكذا موظف و حارس امن ..
بـدأ بالتنظيم .. اللي نسبته 86 يجي بالصف هذا و اللي نسبته 87 و 88 و ....
تنظم الطلاب بشكل جيـد خلاص ما بقي الا توزع الأرقـام .. قال دقيقه و أرد لكم بس اجيب الأوراق و أجي .. ونحن على سرانا و الشمس فوق روسنـا .. ولكن ملفاتنا لم تقصر فكانت كـ المـرواح لـنا نستمتع بالهواء من خلالهـا .. الشماغ أصبح جاهزاً لإزالة العرق .. حالة يرثى لهـا .. جلسنا على هذه الحالة نصف ساعه ولا حولك أحد الموظفين و الدكاتره راحوا ولا حولنا احد .. عرفنا ان المسـألة تخدير
وعرفنا ان المسـألة خطة لـ إبعاد الطلاب على زحمة البوابة الرئيسيه .. عاد الطلاب لـ هذه البـوابة و بـدأنا نطالب بالحصور على أرقـام و الوضع كان مزري للغاية
زحمة و شمس فوق روسنا وكتمه و الشخص اللي معه أوراق بـ أخر الباب ويقول تنظموا ونعطيكم أوراق ..!
من المستحيل أن ينظم طلاب أنفسهم يجب أن ينظمون .. ونحن نعرف تنظيم هذا الكـذاب .. فـ كم مرة ينظمنا وبالنهاية يحسب علينا ولا من شاف ولا من دري ..
حتى خرج هذا الشخص من الزحـام و لكن الطلاب فرضوا عليه هذه الحالة فـ حاصورة وكانوا يطالبون بـ أرقام تمكنهم الدخول .. الساعه الآن 10:15 يعني راصين بالشمس ساعتين ونص ..
و على هذا الحـال الطلاب وهذا الشخص المسـؤول عن الأرقـام .. لكن اكتشفنا بعد حين ان البلاء من أبو سلطـان شخص أخر يرفض ان يعطي الطلاب أرقـام إلا إذا تنظموا و الشخص اللي كنّا نطـارده لنا ساعه كـان شخص يساعدنا لـ يقف معنا على الرغم من تعنت أبو سلطـان اللي ماذاق معنا الشمس وهي فوق روسنا ساعتين ونص ..
الوضع لا جديد .. طلاب متجمهرين يريدون ارقام .. ولكن بسبب سوء التنظيم لم يستطيعو توزيع ارقام على الطلاب ..
كنّا ننتظر شخص ينظمنا تنظيم رائع يرضي ابو سلطـان عله يعطينا هذا الرقم اللي ندخل فيه لـ الصالة الملكية .. عفـواً لـ صالة القبول ..
المهم تجمهرنا حول الباب الشمالي للمبنى وبـدأ ينادي هذا الشخص اللي نسبته 97 يجي عندي بعدين يصير قتال بين الطلاب و اللي نسبته 96 يجي و .. حتى وصل نسبتي و جدعت الشماغ و الطاقية وفسرت الكموم ودخلت ارض المعركة .. عفـواً دخلت الزحام للوصول لـ أبو سلطـان حتى يعطينا هذا الرقم الذي طالما بحثتنا عنه ..
قاتلت و قاتلت نعم كدت ان اقتل في بوابة صغيرة جـداً يتجمهر اكثر من 200 طالب كلهم يبحثون عن غرفة التكيف هروبـاً من هذه الشمس التي احرقتهم .. بعد جهد جهيد وتعب رهيب وقتال و مخوش وصلت لـ أبو سلـطان وعطاني رقم و لله الحمد و كررت المعركة بالخروج حتى خرجت سالمـاً الحمد لله ..
لبست الشماغ و بي اتجه لـ غرفة الـ vip الصالة المكيفة التي بمجرد دخولك في هذه الصالة تعتبر انهيت التسجيل .. دخلت ولكنني لم أكن اعرف اين اذهب .؟
سـألت أحد الموظفين الذين امامي على الكوينتر .. و كان وجهي أحمـــرررر من الحر تعبان وقلت له لو سمحت وش نسوي الحين ..؟ بكل أدب فرح اني دخلت ..!
قالي يالله أمسك سرى وانت سـاكت , كنّا نربي وندرس أطـفال .. يالله اجلس يالله .. يا ساتر وش الحاصل ..!!
جلست بـ كل أدب حتى يـأتي دوري كنت أحمل ورقة الفترة الاولى ذات اللون الأزرق .. وكـان بجـواري أحد الدكـاترة في الجامعة وله علاقات بـ اصحاب القبول .. أخذتنا الاحـاديث يمنه ويسرى عن الجامعة وعن القبول وعن الأقسام والسنة التحضيرية .. طبعـاً الساعه الحين 11:20 شاف معي الرقم الأزرق قال هي انت انت بالفترة الأولى رح للموظف بسررعه قبل لا يقولون انتهى الوقت بسررعه رح لمه .. قلت يا دكتور توني رايح لمه قبل 5 دقايق وقالي اجلس وخذلك سرى .. قالي رح لمه انت بالفترة الاولى باقي 10 دقايق على الفترة الثانية
استمتعت لـ كلام هذا الدكتور و اتجهت لـ هذا الأحمق ..! قلت له لو سمحت انا بالفترة الأولى و عطيته الملف قـالي .: ما تفهم أنت يالله ورني عرض اكتافك واجلس وانت ساكت لين أنـاديك يالله اقلب وجهك عني ..!! هنا لم أتمـالك نفسي وبديت أخذ و أعطي معاه و استهتر فيه وهو كذلك يستهر فيني .. حتى جاني احد من أخوياي وقالي وش اللي صاير قلت أكلم ثوب ما فيه احد .. زعل وقام ويش الفوضى .. و ...
ابتسمت ورحت لمـكاني وكان الدكتور ينتظرني وقال اسف .. وش اللي صار .. قلت له السالفة وشرحت له بالتفاصيل ..
الساعة الآن 11:30 المهم خلصنا امورنا وقدمت ملفي ورحت لـ عمادة التسجيل ما بقي الا ورقة خلاص تثبت انك بالجامعة ومقبول يعني انتهى المسلسل ..
الساعة كانت 11:45 انتظرت حتى الساعه 12:30 صلينا الظهر ورجعت في الإنتظـار حتى الساعة 1:20 نزلت وكلمت اللي جالس على الجهـاز يا دكتور وش اللي حاصل انا من الساعة 11:45 وانا هنا والى هالحين ما جت ورقتي ..
رد علي بـ أسلوب غير حضاري أبـدأ .. أجلس مثلك مثل غيرك ومن قالك تجلس تبي هذا الشيء والا اطلع ..! بالله عليكم هذا اسلوب ..
جلست حتى الساعة 2:40 ودقيقه والحمد لله نادى بإسمي و اخذنا هالورقة و طلعنـا ..

انتهى المسلسل الممل ..

صدق عزيز جلسنا و الشمس فوق روسنـا 4 ساعات ونصف الساعه .. شمس حارقة لا دورة مياه ولا شيء ..
صدق عزيزي جلست أنتظر ورقة القبول 3 ساعات ..


بصراحة هذه الجـامعة أثبتت فشهلها الكبير هذا اليوم .. أحبطت بـ جميع الطلاب المتقدمين .. وعكست صورة سيئة لـ الموظفين في هذه الجـامعة ..


أخوكم المتحترق من الشمس ..[/align]

[راشد الصليحان]

انا أشهد على كل ماقلته وبصراحة أخي العزيز فيه أشياء ناقصه ماقلتها !!

وين اليوكن (ابو التملق) ؟ وش تقووول الحين !

اللي يروي القصة ماسقط بالجامعة مثلي !!

[عاشق التحدي]

يصراحة حالة مؤسفة ..!!!!

نفتقد في كثير من الأماكن للموظفين الفاهمين الذين يجيدون التعامل والاستقبال وحسن التنظيم .

[MeSh3L]

أخوي أنا كنت موجود يوم الأحد

وكلامك صحيح 100% جمعونا بعد بوابة القبول بالتراب لاظل ولاهم يحزنون والمطوع ( الله لايوفقه ) ماغير يسكتنا وفيه واحد قصير وسمين واسمر هذا هو اللي بغيت ارتكب جريمه فيه قهرني ماسك سرا وجاء قال انت اطلع اببدأ باللي وراك وجلست اناظره شوي وتهاوشت انا واياه بالكلام وخليته وعدت على خير .. وين عميد الكليه عن هالحاله ؟؟ ولاجالس بالمكتب تكييف مركزي وشاهي وقهوه ولادرى عن حال الطلبه

ماأقول ألا الله لايوفقهم كلهم ولاعادت على جامعتهم والله لاأتردد للرياض ولااسجل عندهم اذا هذا اولها اجل شلون تاليها ؟؟؟؟؟؟

مشكور على موضوعك أخوي

خالص ودي ..

[امرؤ القيس]

اشكرك اخوي على عرض هذه المشكلة المأساوية التي تنم عن التخبط في التنظيم رغم انكم في صرح علمي يجب ان يكون السباق في دقة التنظيم

لكن تم تجديد كل شيء ماعدا العقول مازالت هي هي !!


تحيتي لك

[أبو حكيم]

هل المشكلة في انهم يقبعون في قاع العالم الثالث ؟ نستبشر في دخولنا عالم التقنية ونقرأ عن الحكومة الألكترونية , ونفاجأ في عالم متخلف وسوء نتظيم ,,,,


المؤهلون قله , تطالعنا الصحف بأخبار عن دكتور في احد الجامعات يحمل مؤهل دكتور مزور !!!!!! فكيف بموظف بسيط يمثل جامعة بحجم جامعة القصيم ,, يسيء للجامعة وينشر غسيلها على صفحات النت !!!!



نتطلع إلى وعي اكبر ونظرة إيجابية لكل انسان ( {وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً }الإسراء70) فكيف ببني الأنسان يقف مهيناً بقصد او بدون قصد لأخيه الأنسان ؟؟؟



هناك من يلطخ وهناك من يبني ويلمع والهدم اسرع من البناء !!!



نقف في وجوه من يعيق حركة التقدم ويعيدنا إلى الوراء ,,,,,,,, ونتطلع إلى نتظيم أفضل في السنوات القادمة


تحياتي

[جنرال الهلال]

اقتباس:  المشاركة الأصلية كتبت بواسطة راشد الصليحاني     انا أشهد على كل ماقلته وبصراحة أخي العزيز فيه أشياء ناقصه ماقلتها !! وين اليوكن (ابو التملق) ؟ وش تقووول الحين ! اللي يروي القصة ماسقط بالجامعة مثلي !!

[align=center]هلا راشد ..

أنا في هذا الموضوع أذكر ما حصل لي شخصيـاً ولم أتطرق أبـداً لما حصل لـ زملائي الطلاب .. فـ بعض ما ذكره لنا من زملائنا الطلاب يفوق ما حصل لنا .. ولكن ذكت ما حصل لي فقط لـ أكون صادقـاً من الجميع .. فـ ذكرت لكم ما حصل لي [/align]

[اليوكن]

الله يصلحك ياصليحاني يارويشد هالموضوع جاب لي الزكمة

لكن بما إنك طلبتني بالإسم فيالبيك وأسمع أنت وهالجنرال ( جنرال فريق الموج )

علشان اثبت لك بالدليل إن الموضوع مبهر تبهير كثير فركز معي لأنني سأعطيك مسألة دون أن افسرها ولكنها تثبت بالدليل بهتان المستر جنرال بيك أفندم متولي!!

أضرب 94 في 70 ثم اقسمها على 100 يطلع الناتج 65,8

هاااااه مركز

ثم أضرب 89 في 30 واقسمها على 100 يطلع الناتج 26,7

وبعدين الله يصلحك انت والجنرال :

أجمع 65,8 مع 26,7 يطلع الناتج يااااحبيبي 92,5

وهالنسبة لكل من تواجد بالجامعة ومن شاهد المنشورات يعرف أنها مقرر لها يوم السبت فقط والاحد لمن نسبهم من 86 فما فوق

يعني حبيبك الجنرال من هواة سماع وكالة ( يقولون ) وكل سواليفه سباحين آخر اليل
وإذا كان يدري إنها ماهي بنسبته وجاي فهو واحد من مسببي الزحام وبراءة ياجامعة نطق شاهد من اهلها وعرف سبب هالفوضى طبعاً البركة برويشد وجنرال فريق وج

والذكي فقط يفهم طريقتي في هذه الإجابة ولا عزاء للصلحااااااانيين

[جلوي العتيبي]

اخي جنرال الهلال

هنا موضوعان عن الوضع المآساوي الذي حدث هناك

والكلام خارج المنتدى أكثر


أين الخلل؟ ...ومن المسؤول ؟ وهل هذا يليق بجامعة بحجم جامعة القصيم!!؟

ننتظر إجابات هنا أو على أي وسيله إعلاميه من المسؤلين هناك

فهذا لايخدم المنطقه ولايخدم الجامعه والقائمين على شؤون القبول والتسجيل أولاً

اخي اليوكن

اقتباس: أجمع 65,8 مع 26,7 يطلع الناتج يااااحبيبي 92,5 وهالنسبة لكل من تواجد بالجامعة ومن شاهد المنشورات يعرف أنها مقرر لها يوم السبت فقط والاحد لمن نسبهم من 86 فما فوق

طيب اذا نسبته 92.5 يعني فوق 86 مايحق له يقدم يوم الأحد!؟

اسأل الله لك اخي جنرال الهلا التوفيق في مستقبلك الدراسي ولجميع الطلاب

[جنرال الهلال]

هلا يا أخـوان

حبيبت أرد رد خاص على اليوكن ..

نسبتي في الثانوية 94 .. و القياس 76 .. أنا جمعتها لك يعني اجمعها يصير 88.9 فهمت يا شــاطر ..!!

أنا قلت نسبتي المكـافـأة ولم أقل نسبتي بالقياس ..

تعريف المكـافـأة : هي نسبة الثانوية ×7, بالإضافة لنسبة القياس ×3.

المهم انا جامعهم وطالعين 88.9

حبيبي أفهم زين

[جنرال الهلال]

اليوكن رد بـ أدب يا شـاااطر ..!!
بعدين إفهم الوضع و إفهم الموضوع وتعال رد ..
مهب جـاي لنا مطفي النـور و تتوقع إننا نصـابين ..
ويالله يارب إنه يجيك اللي جـانا و تعرف وش هي معانتـا , و تحرقك الشمس وبالنهاية نقولك أنت نصــاب ..
المهم فرق بين نسبة المكـافـأة و نسبة القيـاس ونسبة الثـانوية .. بعدين تعـال دافع عن الجـامعة ..

[عيون الصقر]

اخوي اليوكون الله يجزاك خير ويوفقك يارب

الموضوع واضح ولا فيه تجني على الجامعة ، نعم فيه تقصير كبير في عملية التنظيم واعداد المكان لاستقبال المتقدمين ويجب انك تكون بصف المواطن خل الجامعة يضبطون امورهم ويهتمون اكثر عندهم مساحات فارغه مظلله وتكييف مركزي ومقاعد لايوجد دراسة ولا دوام موظفين لماذا لايستفيدون من القاعات ويقدمون خدمة للطلاب المتقدمين بدلا من الوقوف بالعراء تحت اشعة الشمس والاهانة.

مشكله اذا انت من موظفي الجامعة

[مبحوحة الصوت]

اخوي الجنرال


الجامعه ذي من زمان فايحه ريحته


وحده من صديقاتي مضيعين ملفه وشهادته وسنتين يتردد اخوه عليهم


ماعطوه وجه البنت بتحول كليه بتدرس حاله حال الناس سنتين جالسه بالبيت ولابعد شهادته ضاعت


بكل بساطه ضاعت


عموما بكل مكان نعاني من المسؤلين الي مالهم داعي يعني ناس غلط بمنصب صح



تشكرات يالمنشوي بالشمس

[اليوكن]

ياااااااااااارب تهدي كل طلااااابنا ولاتعافبهم بعقوبة على عدم شكر النعم وأولهم هالصليحاني رويشد



للأسف وللأسف البالغ أننا في هذه البقعة من الكرة الأرضية لايعجبنا العجب ولا الصيام في رجب ومهما ( صار وحصل من خير وتقدم )فأنت مذموم مذموم مذموم

[جنرال الهلال]

حبيبي اليوكن ..
هل تريدنا أن نتحترق بالشمس و نسكت ..
تكملنا و عاتبنـا والحمد لله تعدل الوضع في يوم الاثنين و الثلاثاء و ...
فـ أنت قبل لا تتكلم حاول تعرف وش القصه و السالفة مهب تجي و تمدح وتزكي ..