يقول عزي لحالك ياوليدي وانا ابوك
كان الزمان اللي توطاني توطاك
ترآه ماينفعك لاخالك ولا اخوك
لآصار ماتقضي ألزومك بيمناك
وربعك أليآ بان الخلل فيك عافوك
أقرب قربيآلك من الناس يشناك
أن كثر مالك صدقوك وطاعوك
وأن قل مابين اياديك شانت حلآياك
لو تطلب الماءعندهم منه مااسقوك
ابعد مزارك عن وطنهم ومرباك
وان طاب حظك قربولك وحبوك
وأن بارك بك محدن يبي غير فرقاك
وهراجة المجلس اليا جيت وروك
منازلآ تطرب نظيرك بدنياك
واليا قضوا منك اللوازم وخلوك
تفرقوا وانت تحتمل كل ماجاك
كنك سراج البيت للنور شبوك
واليا انقضى اللآزم حدا الربع طفاك
والياجفوك اهل الوطن واستخفوك
طلع غريسه منه واهدم ركاياك
تراك لو ترجع على الرجل صعلوك
احسن من اللي تلتجأله وياطاك
واصح لخلآن الرخى لوتعافوك
اعرف ترى اطيبهم اليااحتجت يجفاك
واعرف ترى مالك من الضيف مفكوك
لولآه مايطلب حاجته منك ماجاك
العرض العادي
