في سفرة من سفرات حبيبنا الجنرال المكوكية الأرضيه وهو يكد على هالخطوط الله يكون بعونه وفي ليلة من ليالي آخر الشهر يعني لا قمرا ولا يحزنون ظلما خرمس تعطّل التسعاوي اللي يجرح ويداوي بس الشكوى لله هالمره طلع التسعاوي خرباوي.....
المهم الجنرال وقف على جال الشارع يعني على الردميه يبي يشّر لأي سياره تمر لعل وعسى توصله لأقرب محطه.
لا وزودن على الظلما عجاج (( ياليل ما اطولك ))
يابعدي ما يقدر يشوف إيده من الظلما ومن زين الحظ عجاج
اخيرا ..وبعد طول انتظار......
(مرت سيارة يالله تمشي شوي شوي اللي يمشي رجليه يسبقه
ما يدري الجنرال منين جت هالسياره .....المهم توصيله والسلام
يوم طلعت هالسياره من هالظلام وقفت عنده.......
ركب الجنرال السيارة وصك الباب......
!!يوم دقق بالسياره ولاه بدون سواق!!!!!!!!!
السيارة بدأت تحرك شوي شوي مره ثانيه
يوم بدت النفافيض والتريجد تقول محطوط على الهزاز (( الخوف الله يكفينا شره ))
بدت السياره تسرع شوي......
وقربت السياره من لفه قويه خطيره.......
الجنرال بدا يدعي ربه إن الله ينجيه.....
مافيها الموت قرب الله يستر !!!.....إلا ....
فجأه قبل اللفه دخلت يد من الدريشه وامسكت الدركسون وعدّت من اللفه بسلام
فرح الجنرال واستانس انه عدت على خير بس مازالت النفافيض به من الخوف وبدا يشوف اليد كل شوي داخله من الدريشه كل ماجت لفه مثل اللي قبل شوي
اخيرا ..ما بدهاش....
قرر الجنرال الهجّة من السياره
فنقز من السياره وراح الى اقرب محطه رجليه وهو مغبر من العجاج وخايف وحالته حاله.
يوم وصل أقرب محطه وبدأ يقص قصته المخيفه والمرعبه لكل من كان بالمحطه
وكل الهنود والبنغاليه اللي بالمحطه متحمسين معه وبعد نص ساعه
جا رجلين للمحطه ويوم شافوا الجنرال......
قال واحد منهم لخويه:
أقول يا بوعبدالله مهب هذا الحبيب اللي ركب بالسياره وحنا ندفه قبل شوي ؟
بسم الله عليك يالجنرال كل ذا خوف يابعدي بع التسعاوي يارجال واقعد بديرك وخل عنك ضرب الخطوط
بالنسبة لموضوع شمال دوت كوم (( عشان ماحد يدري وش السالفه ))
أنا مازلت متحمس بس الحين برد جميده يالله يالله بالصيف بس فكنا من التسعاوي أنا ما أركب إلا شبح أو فياغرا عطي الله ولد نعمه
لا تفوتكم قصة أخونا العزيز الجنرال
..بس تراني
.....(عادي تراني متاثر بالعمل
..)
العرض العادي
