*** مستشفى بريدة التخصصي .... وأكثر من علامة إستفهام ؟؟؟؟؟ ***

[رايق]

السلام عليكم ......


كان لي يوم أمس موعد في مستشفى الملك فهد التخصصي ببريدة , وقد لاحظت عدة ملاحظات في المستشفى أهمها مايلي :


الملاحظه الأولى : عندما تدخل إلى العيادات الخارجيه يفاجئك صوت غريب وكأنك داخل على منجرة أو على ورشة حدادة أتدرون ماهو هذا الصوت ؟؟؟؟؟؟؟؟


إنه صوت الآله التي تطبع أوراق المواعيد


ولاحظوا أني قلت ( أوراق ) لأن الكروت السابقه ألغيت !!! واستبدلت بأوراق عاديه يكتب عليها الموعد !!!!

ولاأدري هل هذا توفير من المستشفى أم ماذا ؟؟؟؟؟؟؟


المهم نرجع للآله


هل نحن في العصر الحجري حتى نستخدم هذه الآله المزعجه ؟؟؟؟


أين الكمبيوتر ؟؟؟؟ أين الطابعات الحديثه ؟؟؟؟؟؟؟


مانقووووووووول إلا ................


_ الملاحظه الثانيه : عندما ذهبت إلى الصيدليه تفاجأت بالزحام الشديد الذي أراه لأول مره

تصدقون حتى الشباك الخاص بالنساء ملئ بالرجال

قلت في نفسي يمكن مافيه إلا صيدلي واحد وعلشان كذا صار فيه زحام !!!!!!

المهم مسكت سرى مع الناس وأسمع التذمر والشكوى من هنا وهناك !!!!!


ويوم قربت للشباك إنصدمت

تدرون كم اللي يصرفون الدواء ؟؟؟؟؟؟؟؟؟


اللي أنا شفت بس خمسه ( سعوديون طبعا )

لكن ولا واحد فيه بركه للأسف


تخيلوا واحد أخذ الروشته وبعد ماقراها ماعرفها

تصدقون اجتمعوا ثلاثه علشان يفهمونها وقعدوا عليها أكثر من ربع ساعه

المصيبه الأكبر إنك تاخذ الدواء وأنت على أعصابك تقووووول على هالحال يمكن يخطئووون بالدواء والله يستر !!!!!


نروح لواحد ثاني من الصيادله الكرام !!


قاعد يوصف الدواء لصاحبه ويقول : شف هالدواء تستعمله شهرين بس ! لأنه بعد شهرين وكم يوم بتنتهي مدة صلاحية العلاج

معقوووووووووله ياجماعه !!!


مستشفى حكومي ويصرف دواء بتنتهي مدته بعد شهرين

وين حنا فيه ؟؟؟؟؟؟؟؟


ونفس الصيدلي دق جواله وهو يصرف الدواء !!!!


ورد وقال : هلا يبه !! وقام ودخل داخل الصيدليه وترك المريض

<<<<<<<<< عاد أبوه مانقدر نقول شي


كل هالمشاهدات شفتها وأنا واقف بالسرى !!!!!!!!!!


عاد أنتم احكموا كم من الوقت وأنا واااااااااااقف !!!

أبصم بالألف لواللي في الصيدليه صيدلي أجنبي واحد أو صيدليه أجنبيه واحده كان ماشفت كل هالزحام عند الصيدليه !!!!


والدليل صيدلية العيادات الخارجيه من جهة الشمال ! تصرف الدواء في ثواني معدوده !!

تدرون ليش ؟؟؟؟؟؟


لأن اللي فيها أجانب !!!!!!


واللبيب بالإشارة يفهم

صحيح أننا نتمنى السعوده في كل شي !!

ولكن ليس على حساب صحتنا ووقتنا !!!!!!



تحياتي للجميع

[الطشت]

أهلين وتحية لك ياريـــــــــــــــــــــــــــــــق

والحمدالله على السلامة وماتشوف شر انشاءالله .

الملاحظة الاولى \

عندما كنت اطالع هذا الموضوع كان بجواري احد منسوبي مستشفى بريده المركزي وقال

والحسره واضحة على محياه حنا بالمستشفى المركزي نتمنى جهاز كمبيوتر ولو يعمل على

فحم او قاز ونتمنى نطبع التقارير ولو على ورق اسمنت .

الملاحظة الثانية\

تقول (عندما ذهبت إلى الصيدليه تفاجأت بالزحام الشديد الذي أراه لأول.............الخ )

اعتقد ان الواجب علينا تحمل بعض الاجتهادات الغير مؤثرة الصادرة من هؤلاء الخرجين الجدد

الذين هم عماد المستقبل في مثل هذه المرافق الهامة حتى يتم الاستغناء عن العمالة الاجنبية

وخاصة منك انت بالذات يارايـــــــــــــــــــق.


واخيرا ياريق صحيح نحن جميعا نبحث عن الافضل ولكن هذا لا يمنع من ذكر الايجابيات التي

شاهدتها اثناء تواجدك تشجيعا للبعض وتحفيزا للبعض الاخر وليكون المنتدى ذا مصداقية عند

الاخرين .

وتقبلوا تحياتي الطشت.

[رايق]

الأخ العزيز / الـــــطــــــشـــــت



بالنسبه للملاحظه الأولى : الحمد لله أنك وافقتني على ذلك !!


أما الملاحظه الثانيه : فأقول أن علامات الإستفهام زادت عندي أكثر من قبل


حبيبي إذا كانوا خريجين جدد فليس هذا مكان للتدريب على حساب الناس


إذا ماهم مهيأين للعمل 100 % ليش يحملونهم مسؤوليه أكبر منهم ؟؟؟؟؟؟


إذا بغوا يتدربون يروحون لمستوصف حكومي ويتدربون فيه !! على الأقل مافيه كثرة مراجعين مثل المستشفى !!!!!


واخيرا ياريق صحيح نحن جميعا نبحث عن الافضل ولكن هذا لا يمنع من ذكر الايجابيات التي

شاهدتها اثناء تواجدك تشجيعا للبعض وتحفيزا للبعض الاخر وليكون المنتدى ذا مصداقية عند

الاخرين .


وهل إذا ذكرنا السلبيات لايكون المنتدى ذا مصداقيه عند الآخرين !!!!!!!!!!!!!!


لماذا نطالب دائما بذكر الإيجابيات فقط دون السلبيات ؟؟؟؟؟


أليس ذكر السلبيات هو السبيل لتلافيها في المستقبل ؟؟؟؟؟؟


أم أننا نريد المدح في كل شي وحجب عيوننا عن أي خطأ نراه ؟؟؟؟؟؟؟؟



تحياتي لك


شاكرا مرورك الكريم

[غريب]

السلا م عليكم ...

مرحباً اخي رايق ...

مشكلة الآله لو تم إبعادها عن مسامع وعيون المراجعين تنتهي المشكله ... أليس كذلك ..

اما قضية الصيادله الخريجون الجدد .. فإذا لم تتحملهم أنت لبعض الوقت فلن يتعلموا أبداً وبإعتقادي أنه سيكون معهم متخصص قديم يراقب عملهم ولو من بعيد للتأكد من دقة العمل ... ففي هذه المهنه خطأ بسيط قد يؤدي الى تردي الحاله المرضيه أو وفاة لاسمح الله ...

وكما قال أخي الطشت ... نتمنى أن يكون إمكانيات مستشفيات بريده ومراكزها كإمكانيات التخصصي ...

تحياتي للجميع ...

[رايق]

الأخ العزيز / غــــــــــريــــــــــب




للأسف عزيزي لا يوجد معهم متخصص قديم ولا جديد ولا مراقب ولا هم يحزنون



ليتهم بس يجيبون فلبيني يترجملهم روشتة الدواء



ونتمنى تكون إمكانيات مستشفيات بريدة أفضل من مستشفى الملك فهد التخصصي



تحياتي لك


شاكرا مرورك الكريم

[khalid]

السلام عليكم اخوي رايق

اتمنى ان تخبرني ما هي مهنتك ان كنت موضف؟؟

وعلى ضوء اجابتك سأرد مره اخرى

انتظرك

[شاهد]

الحقيقه صيدليه التخصصي ترفع الضغط والسكر وانا عانيت منها الكثير والمصيبه حسب علمي ان مديرها يحمل اعلى الشهادات في تخصصه لكن التنظيم بالصيدليه معدوم مع ان الصيادله بالعشرات سعوديين واجانب والله ولي التوفيق

[الاخـصائي]

بسم الله والحمد لله
والصلاة والسلام على رسول الله
مشكور اخوي رايق على الطرح
ونا اايدك الراي بكل كلمة قلتها
فأذا ما اهتمينا في الصحه وش نهتم فيه يجب ان تكون مواعيد ومراجعات المرضى تمر بكل سلااسه وسهوله لهم
لانهم بالغالب ناس كبار بالسن ويحتاجون رعاية اكثر من الناس العاديين
واذا هم مو بحاجة للمراجعات وشو له جايين المستشفى اصلا
والموظف المختص اذا ما هيء له ادوات العمل المريح اكيد ما راح ينتج انتاجية حسنه
فأذا الطابعه بهذا الشكل وكروت المواعيد بهذا الشكل اكيد ان الموظف يبي يقل حماسه للشغل ويحس بالفرق بينه وبين موظفي دوائر حكومية اقل اهمية ويمتازون بمميزات ارقى سواء بالمكان او المرتب
هذا من ناحية التجهيزات المكانية والتكنولوجية
اما من ناحية صرف الادوية فهي مصيبة ان ترى مجموعة من الشبااب الديكور ولكن لا يفقهون شيء بصرف الادوية
وانا لا اكذب عليكم
ان هؤلاء الشباب لا يلامون بل الملام هو من يشرف عليهم
وغالبا يكون المشرف خارج العمل ويعتمد عليهم بصرف الادوية ولو كان المريض احد اقاربه لتجده هومن يصرف له العلاج او يذهب بالعلاج به الى منزله
ويترك هؤلاء الشباب يتدربون بسائر الناس
صحيح انه اذا لم نقف بجانب هؤلاء الشباب من سيقف معهم في بداية حياتهم الوظيفية الحساسه
ولكن يجب ان لا نغفل ان ارواح الناس ليست لعبة او مكان للتجريب
فالمفترض ان يكونو حصلو على شهادة الصيدلة وهم على اعلى درجات التدريب في الصرف وليس الصرف فقط بل وعلى اعلى درجة في امكانية تركيب الادوية
فهم صيادلة
وليسو عطارين
نأمل ان يرتفع مستوى الاهتمام في النفس الانسانية ولو في هذه الوظيفة
يا اله العجب
هل الاجانب احسن منا عقول او ادمغتهم اكبر من ادمغتنا
لا اعتقد
ولكن الاهتمام وروح التطوير والحرص لديهم اكثر منها لدينا
والله من وراء القصد
الاخصائي

[درة نجد]

[align=center]أما عن عن قولك عن صلاحية العلاج وانهاء التاريخ فقدر الله لي أن راجعت عيادة ......... فحينما صرف لي الطبيب المعالج وكان (((((( استشاري )))))) قال انتبه تاخذه من صيدلة المستشفى لأن اللي بالمستشفي قرب انتهائه فلسلامتك إشتر من صيدلة خارجية

هذا الكلام قبل سنة ونصف تقريبا عاد ماأدري وش صار عليهم الآن[/align]
[align=center]أخوكم درة نجد[/align]

[المدقق]

رايق !

على مايبدو أنك أبعد ماتكون عن أسمك وأنت هناك !! أو أن الوضع المتردي هو ماأبعدك قليلا عن إسمك !

كلامك ليس غريبا على من إعتاد مراجعة التخصصي دون واسطة !

فكل زاوية في ذلك المستشفى تشهد على تردي الأوضاع بشتى الصور من الأمكانات الماديه إلى الأمكانات البشرية

وكل سنة وإنتم بصحة بعيدا عن تجارب ذلك المستشفى

[رايق]

الأخ العزيز / khalid



وما علاقة مهنتي بالموضوع


أعتقد أني فهمت قصدك !!!


ولكن لن أقول شيئا حتى أسمع ردك



عموما حبيبي إذا موضوعي مو عاجبك لست ملزما بالرد عليه !!!


تحياتي لك



شاكرا مرورك الكريم

[رايق]

الأخ العزيز / شـــــــــــــــاهـــــــــــــد



عادي أخوي خل الضغط والسكر يرتفع


أهم شي شبابنا يتدربون ويتعلمون



بس إنتبه للعلاج لايعطونك إياه بالغلط وتروح فيها



تحياتي لك



شاكرا مرورك الكريم

[رايق]

الأخ العزيز / الاخـــــــــصـــــــائـــــــــي



ماشاءالله عليك أخوي كفيت ووفيت



تحياتي لك


شاكرا مرورك الكريم



الأخ العزيز / درة نــــــــــــــجـــــــــــد


(((( قال انتبه تاخذه من صيدلة المستشفى لأن اللي بالمستشفي قرب انتهائه فلسلامتك إشتر من صيدلة خارجية ))))

هههههههههههههه


فعلا شر البلية مايضحك

مستشفى حكومي ليس لديه أدويه بصلاحيه حديثه


وكأننا من دول العالم الثالث


تحياتي لك


شاكرا مرورك الكريم

[رايق]

الأخ العزيز / الـــــمــــــدقــــــــق



كل مانتمناه أخي أن يتم الإعتراف بالتقصير من قبل المستشفى , حتى يكون ذلك سبيلا إلى الإرتقاء بكافة خدمات المستشفى !!!!


أما المكابره وذر الرماد بالعيون فلن تفيدنا في شي إلا التخلف والتقهقر إلى الوراء للأسف !!!!!


تحياتي لك


شاكرا مرورك الكريم

[khalid]

لااملك لك الا