|
أيامنا زمان وأيامهم الآن .....والفرق الكبير!!!!!!!!!!!!!!
كنا في الماضي عندماكنا أطفالا كانت الحياة قاسية والإمكانيات متواضعة ومع ذلك كنا سعداء ومبدعين وأذكياء ويعتمد علينا, كانت حياتنا بدائية لاتلفزيون ولاسوني ولا لعب أطفال ولاكمبيوتر ولافضائيات ولا جوالات كنا نذهب للمدرسة على رجلينا رايح جاي وطبعا كانت الكلاب الضالة في ذلك الوقت كثيرة وكنت بالمرحلة الإبتدائية وكنا نذهب جماعات خشية هجوم الكلاب علينا ,,حصل مرة أن تأخرت في الذهاب للمدرسة وجت الوالده رحمها الله ولبستني القحفية (أم نسافه) ومزركشة من الأمام وقالت يالله رح للمدرسة وطبعا خوياي رايحين..ورحت وأنا أمشي وبعد ماقربت للمدرسة وجدت الكلاب وقد جلسن تحت أثله وأثر السالفه لاحقات بس ورقى البس لرأس الأثله ويوم شافنن وينطلقن لمي وأنا أركض بسرعة للمدرسه وأحلت كتبي بالأرض وهات ركض والحمدلله وصلت بشق الأنفس...معاناة......
كانت منازلنا عبارة عن بيوت طين وإذا جاء رمضان نفرح قوه ليش؟؟؟؟؟علشان المحلبيه والتوت لأننا مانذوقه إلا برمضان.... وكنا أطفالا بعقليات رجال كنا ندرس ونعمل مع آبائنا في التجارة والزراعة ... لكن عيال هالوقت برغم توفر الإمكانيات وأصبحت الحياة حلوة وتوفرت لهم كل حاجياتهم سواء مدرسية أو ترفيهية أو نقل للمدرسة تجد منهم الإهمال وعدم اللا مبالاة في حياتهم كلها تجدهم أصبحوا كالخفافيش يسهرون ليلا وينامون نهارا.. يذهب لمدرسته بأفخم سيارة ومع ذلك مشاكله كثيرة في المدرسة... تجد والده قد وفر له حياة كريمة ومع ذلك تجده ينفخ على والده وربما يعقه ... قهرني أحد الطلاب يقول لي كم بقي على رمضان؟؟؟؟قلت وراك تسأل؟؟؟قال أحب رمضان بس علشان طاش ماطاش.....الحقيقة بط كبدي.. ليش ياناس مع بؤس حياتنا في الماضي وشقاها تعلمنا في المدارس رغم الضرب الموجود ورغم قلة الإمكانيات وأصبحنا مفيدين لمجتمعنا,,بعكس الجيل الحالي اللي توفرت له كل الإمكانيات ومع ذلك تجده كسولا خاملا معطلا مخه عن التفكير أكبر همه سياره وقصيصه للشعيراته ومتابعة آخر شريط للفنان العلاني وتبطح بالأرصفة والإستراحات ولايطيع أمه أو أبوه إذا بغوه ..تلقاه يقول أنا مشغول ,,طبعا مشغول مع شلة الأنس.....وش السبب هذا التباين رغم أن الإمكانيات لصالح هذا الجيل؟؟؟؟؟؟دمتم بخير |
ابو خالد ذكراني بالدنانه يوم كنا نصلح العابنا بانفسنا ايام ماكنت اسوي شيول وقلابي اذكر كنت متاثر بفلم الكلب لاسي كنت اروح للنفود ادور على جرو صغير علشان ادربه من صغره المهم لقيت جرو صغير وحاولت اطلعه من جخره عيا ابن النيص قمت وجبت بلكه وسديتها عليه ودفنته وهو حي وكنت الى الحين اتذكر كتم انفاسه شقاوة اطفال طبعا اذكر زمان نلاحق البساسة واذا مسكنا بس بخينا عليه طيب وولعنا فيه وهو يركض ومولع نيران مع مرارة مافعلناه لكنها تبقى ذكريات الشقاوة في الطفولة لها متعتها تدري يابو خالد لماذا الاطفال لايعرفون متى ياتي رمضان ويملون العابهم بسرعة ؟ لانهم لم يتكلفوا في الحياة كما تكلفنا حياتنا كانت بدائية عاد انتبهن يابنات تراني ناوي امسك وحده منكن واخليها مثل البس ابخها طيب واولع فيها هي وقناصيعها |
اقتباس:
تصدق ياعجوزواحد من أقاربي صار مسؤول كبير بوزارة الداخلية برتبة لواء,ويقول ذكرياته الدراسية زمان لنا إن يشيب رأسك...من ضمن حديثه يقول منول مانعرف السراويل ماغير نلبس ثوب الخام ويقعد معي خمس سنين وإذا غسلته أمي أقعد مصلوخ إلين تقضي غاسلته وتدري وشي النشاف؟؟؟؟الضو(النار) تحطه أمي على الضو ودقيقتين وأنا لابسه وأنواع روايح الهصير(خشب الأثل)ويقول قصص غريبه ومع ذلك الآن هورجل ناجح له مركزه,,وهالحين شباب هالوقت الله يخلف... |
وه يالشايب كل هذا اجرام
شكل اسرائيل تاخذ الخطط منك صادق يابو خالد ليش كذا اطفال الوقت أذكر حنا يوم كنا صغار اذا شفنا احد اكبر منا وسعنا له المكان أو قمنا وجلسناه وكنا نحترم العالم قوه هذولا لا مايحترمون أحد أبد بصراحة افعالهم وطبايعهم عجيبة اطفال الوقت ياسلام ذكرتن باللعب ونسوي عرايس بالقراطيس ونحط المنديل شعر له وعود الاسنان يدين ومتقاولين مع الخياط أنا وبنت خالتي يجيبلنا اللي يبقى من الأقمشة ومن كرتون التايد دولاب والكبريت نحط عليه خيط ونسوي فيه شنطة اثرنا اذكياء منول بس مافي احد نمى المواهب اللي فينا ولا كان وشي اليابان عندنا عاد لاتحسبونن عجوز تراه كانت كل الألعاب موجودة في ذلك الوقت بس انا كنت عايشة عند جدتي وكانت الألعاب لها طعم مو مثل اللحين احس الأطفال مايفرحون مثلنا يعني حنا كنا أونس منهم حياتنا وفقط ودمتم بود |
اقتباس:
بخصوص ألعاب زمان...حنا العيال كنا نلعب طبات,وكنا نقطع عسيب نخله ونحطه بين رجلينا يقال له حصان وهات ياركض,,والدنانه ,,,كذلك جالون الزيت نركب له كفرات من غطيان قوارير الببسي...وهالحين نجيب لهم لعاب بمئات الريالات بل بالآلاف ولايفرح فيها ..يلعب فيها شوي ويتركه........دمتي بخير أختي العزيزة. |
تصدق عاد
انا كنت ارووح اشتري من بسطه ام جيراننا اللي شوي بعيدين ومررره لحقني كلب ماااانساه ذاك الموقف ماحييت اثر فيه ناس زيي بس انا كل الموضووع شقاوة بس انت مكافح ماشاء الله عليك |
ابوخالد
حلو انك تخاف من الكلاب لكن تصدق كان بطريقي للمدرسه ديك عن عشرة كلاب :( ابوخالد لا اعتقد بأن تلك الأيام جميلة كهذه الأيام لكن براءة الطفوله وبساطة المعيشه تجعلنا لانذكر إلا الجميل منها لو تذكرت كيف نسير بالقوايل حافين وكيف كنا نتزلغ من الطيحات والشقاوه ولو تذكرت الشطوب من المشق ووشلون وجعه اذا جاء النوم :( كان تحسد عيال هالوقت على اللي هم فيه عيال هالوقت بيجي يوم ويقولون نفس كلامنا تحياتي |
[align=center]
رغم أن جيلي ليس بعيدا ولكني أيضا أرى أن الجيل الحالي غريب جدا رغم توفر وسائل لم تكن متوفرة لنا ولا بالأحلام إلا أنهم لا يقدرونها فتجدهم في ملل دائم و(حالات طفش) والدراسة والعلم آخر إهتماماتهم وطوالة اللسان تتميز فيهم وبكثرة أشياء كثيرة لا تعجبني فيهم ولا زلت أذكر قبل عدة سنوات في صباح شتوي غارق بالمطر وصوت الرعد وبريق البرق يفزعني كنت أقف في الشارع خوفا من ذهاب الباص ومن ثم الغياب عن المدرسة ثم أرى بعض الكلاب تمر قريبا ثم أدخل بسرعة وأختبئ خلف الباب حتى أتأكد أنها ابتعدت ثم أخرج مرة أخرى تحيتي هامة حاسوبية [/align] |
[QUOTE=ليالي الشوووووق;1309639]
ومررره لحقني كلب ماااانساه ذاك الموقف ماحييت QUOTE] هالحين عيال الوقت الحالي تجيه طلباته بالتلفون حتى باب البيت,,ولو تلاحظين السمنة المفرطة المنتشرة بينهم بسبب كثرة الأكل وقلة الحركة,,بعكسنا تماما ...سرني مرورك. |
ههههههههههههههه
والله يابو خالد اني مت من الضحك .. تخيلت شكلك بالقحفيه وانت طالع للمدرسه وتلحقك كلاب هههه الظاهر ان الكلاب لاحقتك تحسب القحفيه لحمه فوق راسك خخخ والله يابو خالد هذا الجيل فيه الخير والبركه وفالهم طيب ،، والجيل القديم متعب وكله غرابيل ولو اني ماعشته بس احس انه كسافه .. |
يازين سوالفكم يابو خالد هالموضوع قريته ثلاث مرات
ياكثر لكاعتهم الحين طبعا التطور ووالسفر والانفتاح له دور كبير في ذلك والحين مهما سويت مايعجبه شي اول غير يابو خالد اي شي يرضيكم ويفرحكم بس بصراحة ماتخيل اللي قلته بجد حياة صعبة 7 7 والله يالعجوز سمنسي انك تخووف الله يستر لا وهالبساس مولعة نيران وانت مستانس اقتباس:
|
أثرت وجداني واحاسيسي يابوخالد
بنقلك شيء من الكريات حكاياتي مع البسطــة والبليلا ...! جيراننا امهم تبيع عسكريم (عسكريم توت) اللي بالباغات ..العسكريمة بأربع أقروش والله يالعسكريم له طعم ..خصوصاَ بالقايلة عقب الظهر إذا تجمعنا مع أعيال الحارة عند (القصبة ) الماسورة ..! إذا أشتريت عسكريمة ..كل واحد من الشلة يقول ( تاليك ) تاليك ..يعني عطني بعدك ..! وجيراننا اللي بجنبنا يبيعون بليلا ..! عندهم خل يحطونه بقارورة توت ..والله ياهو رهيب الخل بذاك الوقت ..! تصدقون اروح أشري صحن بليلا من عندهم ..عشان الخل ...دايم اقول لبنتهم اللي بسني (طبعاً ) البنت نلعب انا وأياه الدور لأننا صغارين ماتغطى عن !! دايم اقوله كثري الخل ...اكيد هي طيبة بالحيل تزود لي الخل إذا ماكان عندنا احد أخوانه...!واسطة ولد جيرانهم ..! امي مدللتن الله يطول بعمره على الطاعة ..! قالت خل ابوك يشتريلك بسطة ..! والبسطة عباره عن صندوق له شبك وقفل واربع أرجل ابيع فيها علوك وبسكوت وقشطة وحلاو شكليت..وحلقوم ..دايم عيال الحارة يتراهنون عندي ...! مرة قفلت البسطة .ودخلت للبيت يوم رجعت للبسطة واثرها مكسورة ومأخوذ اللي فيها ..! مدري مين اللي كاسرها ! رجعت لأمي وجلست اصيح عندها ...قالت وليش تصيح وانت هالكبر ..واخزياه ..! قم رح دور اللي سارقها عشان نوريك فيه ..! امي تربيني على الصبر ..رغم انها مدللتني ..! وتعلمت منها كيف الإنسان يصبر ويتحمل كل مايجيه من أذى ..! ................ رابط يابوخالد لمن اراد مشاهدة ايام زمان http://buraydh.com/forum/showthread.php?t=112507 |
اقتباس:
|
اقتباس:
|
اقتباس:
واحد يافتحي يقول لي:تصدق إنه كان علي ثوب خام يوم أنا صغير ومن الوسخ اللي عليه صاير كأنه خرايط العالم ,,ويحلف يقول مره فصخته علشان أمي تغسله يقول تصدق إن الثوب وقف صار تقل برميل غازمن الوسخ.. جيلكم يافتحي جيل الرفاهية والهامبرجر,,لكن جيلنا جيل المصيصه والنبيطه.سرني مرورك. |
لكل جيل ناسه من مرحلة الطفوله حتى الشيخوخه ...
قد نرى ان الوضع تغير عندما كنا اطفالا مقارنه بأطفال اليوم , ولكن يقد يرى اطفال اليوم عندما يكبرون ان الأطفال في كبرهم يختلفون عنهم , وهكذا ... هذه سنة الحياة كلن يعتقد ان طفولته تختلف وهي بلأساس اختلاف الأزمان وتطورها ... اعذب تحيه للكل . |
مسكين هو هذا الجيل
تكالبت عليه التهم من كل اتجاه |
هلا أبو خالد .. عشت والله تغير كل شيء .. حتى لو تلاحظ جيل هالوقت على طول يكبرون , مو مثل أول تغيب عنه وألا ما تغيب هو هو ما يتغير ! جيل زمان صحيح أنه كسافه وغرابيل ودردبيس من كل نا حيه , بس فيهم شيء وهذا هو المهم (( البرائه )) .. هذه الصفه غابت عن هذا الجيل . جيل هالوقت فيهم الذكاء ومتوفر لهم كل شيء من أسلوب المساعدة , بس مو قادرين يوظفوا هذا الذكاء وهذه الأشياء في صالحهم .. تائهين وكلن يعد نفسه مشغول وهو خرطي ! حتى لو تلاحظ بعض مبزره هالوقت والله أنهم يزيدون الهم هم خصوصآ بعضهم يجي مهايطي ومسوي فيها أن عمره 60 سنه وعارف الكفت والنون وما يعلمون , وما كأنه البرائه يوم توزعت على الاطفال مرت عليه ! شكرآ لك أبو خالد وهذنا طلينا عليك من جديد |
اقتباس:
|
اقتباس:
ويمكن تذكر ياراشد أول ماطلع حلاوة المصيص اللي بالببسي....المهم حنا نقعد تلحيس بهالمصيص....ولد جيراننا تدري ويش يزين؟؟؟؟يروح يجيب تمرة شقراء ويدربيها ويكسر عود من الأثله ويحط العود بالتمره ويقعد يلحس التمره كأنها مصيصه... راشد أكيد لك ذكريات مع عشش العصافير وتطليع (الحوقل) من العشه ....زمان أيامه برغم قسوتها إلا أنها لذيذة وبسيطه,,مافيها خداع ولا كذب ولا لبس أقنعه......دمت بخير راشد. |
اقتباس:
|
اقتباس:
|
[align=center]
اقتباس:
هذا أكثر مايثير غضبي وعندما أحدثهم عن اهتمامي قديما بالدراسة وما أفعله يقولون : "صدق فاظية ، لك خلق دراسه !! ، حنا الدراسة آخر همنا" أثرت عليهم الأفلام الغربية والمسلسلات همهم الموضة وآخر الصيحات وأفضل المطاعم أصبح العقل والإنتاج آخر مايفكرون فيه انحرفت لديهم المفاهيم في أسباب التميز بين الجميع أما عن نفسي فقد جنيت ولله الحمد أطيب الثمار تحيتي هامة حاسوبية [/align] |
اقتباس:
هل تعلم أخوي عبدالله أن المملكة تعد من الدول المتقدمة في الترتيب العالمي للسمنة المفرطة ...يعني ياقهرررر عيالنا من فئة الوزن الثقيل,,, ماتلاحظ منول بكل حاره ملعب كوره,,,هالحين إغسل إيدك لأن عيال هالجيل مثولث مايقدر يقوم ولايقعد من هالشحوم (اللهم ياكافي)....الاليت الزمان يعود يوما....شرفتني عبدالله وترى لك وحشه.. |
[align=center]
اقتباس:
ذكرتني بالبسطة قبل ما ادرس اخوي عطاني بليلا وقال ابيك تتعلم التجارة وتعرف تبيع وتشتري المهم طلعت ابيع بليلا ورصيت بالشارع ابي احد يشتري ماجاء الا واحد وربي بعت القدر كله عليه بريال وقمت نفضت قشي فرحان عاد النتيجة طراق خلاني الف العالم من الدوخة[/align] |
على طاري الديك ذكرتني بولد جيراننا في ذاك الوقت كان ممن يهوون تربية الدواجن وكان عنده في ذاك الوقت ديك وانطلق من الشبك المهم أخونا كانت بيتهم طين يعني دور ونصف الديك نط من الطاية على الشارع عاد جاك اخونا ومن غلاة الديك عنده نط وراه وعلى طول ودوه أهله لجلوف منكسرة رجله......... موقف من المواقف التي لاتنسى...... الله يرد ذيك الأيام بخير..............
تحياتي لكم.... |
ليالي رمضان أيـام زمــان بالحــارة
عندما يحل رمضان ضيفاَ عزيزاَ وغالياَ علينا تتبدل الإستعدات وتختلف الحياة ..كما يحدث حالياَ لكن الفرق ذيك الأيام ..ماهناك انواربالحارات ...لاتوجد انوار إلا بالشوارع الرئيسية .. السهر فيه على خفيف ..والنوم ضروري عشان نقوم لصلاة القيام ونتجمع عند المسجد نسولف وندخل للصلاة إذا ركع الركعة الثانية ..عشان إذا سلم الإمام نجلس نتقهوى شاهي وحليب وقهوة ...وكنا نصب الشاي والفهوة و الريس (المذن) يحدث يقرأ من كتاب قديم على الطريقة النجدية ..! كثير من الشباب والمطوع يقرأ تشوف كل واحد منهم (ينود ) يهز رأسه من النوم ..! الصيام كان صعب بالحيل النهار طويل ودرجة الحرارة 45 درجة آنذاك ...احسن شيء النوم (بخلوة المسجد ) فيها برودة طبيعية احسن من البيوت ..! نعاني كثيرا من قلة الإمكانيات ...! البيت مافيه إلا مكيف صحراوي واحد بالمجلس ...وتجتمع كل العائلة عند المكيف الصحراوي وينامون عنده ..! المساكين اللي ماعندهم إلأا مروحة حالتهم كانت صعبة ...كل شوي يرشون الماء على رؤسهم ...فالعطش كان السائد ..! >>>>بعض اعيال الحارة صايمين عند اهلهم لكنهم مفطرين بالشارع ..! يأكلون ويشربون ..وإذا جو يرجعون للبيت ..تظاهرو بالعطش ..عشان يقولون اهلهم (والنعم بعيالنا اللي يتحملون الصيام ) >>>>على مين ! خخخخخخخخخخخ اتذكر يوم كنت أصوم (صوم الدجاجة والديك ) على قولة جدتي ربي يرحمها ...كانت الحرارة لاتطاق إطلاقاَ فالصائم يتعرض لحالة من الخمول لامثيل لها قبل الإفطار بسبب العطش ...!مرة من المرات الوالد شافني العب كورة قبل آذن المغرب ..! ضحك كثيراَ وقال لي ذات مرة ...(ماخبرنا ياوليدي ان الصائم المنهك والمرهق ) يلعب كورة بهذي الشمس ؟؟ وقتها كنت صغير ولم ادرك من كلامه ان يقصد (مستحيل اصدقك ) إنك صايم ..! رديت عليه وانا اركض وقلتله عند اعيال الحارة ...ايه يابه ...انا صائم احسن من ذولاكلهم ...!! خخخخخخخخخ >>> عندي ان ابوي مصدق كلامي ..!! لكن رمضان رهيب فيه محلبية (تطلي ) وسمبوسا ابويمن !! والله لاوتشوفون الذبان وشلون يتجمعون على (الحليوا ) و(السمبوسة ) والتوت اللي يبيعة ولد الحارة او بنت الحارة ..! وعلى قولتهم (توت من ذاقه مايموت ) كنا نتجمع عند الماصورة بالحارة ...! والليل اظلم وحالك مافيه نور ..كل الناس هاجعين .المهم يجون (العيارى ) كانوا اربعة اخوان من عائلة العييري محسوبين على اخوان بريدة..يلاحقون الشباب اللي يتجمعون بالحارات معهم ديهاتسون غمارتين يقولون جميع بصوت واحد صلووو صلوووا خذ يامطارد بينهم وبين الشباب...! مافيه اماكن لترفيه الشباب ..ماعند الشباب إلا التجمع والتسكع بالشوارع ...! والعيارى مالهم خلق تجمعات الشباب مثلهم مثل الهيعة ( الهيئة ) !! لو تشوفون المساجد وشلون تكون عامرة بالمصلين والمصليات ..! تشوف الحريم وهن يطلعن متلففات ..وريروحن للمسجد ..وقت التراويح والقيام ...! |
اقتباس:
خل سالفة الديك بعدين :) نعم افلحنا اكثر من ابناء هذا الوقت لكن كيف ؟ كانت الفرص امامنا كثيرة والخيارات متعدده فالحيره تكتنفنا بين اكمال الدراسه او اختيار الوظيفه فكل الطرق مشرعة امامنا لأختيار مانراه مناسب وافضل لنا كان الواحد منا يتمنى ان يكبر ويتخرج ليتمكن من فعل مايريده وينعم بالدنيا لثقته بأنه سيصل إلى مايحقق له ذلك بغض النظر عن الطريق الذي يسلكه لكن اليوم يصل الشاب إلى الجامعة وهو يشعر بأن الأمر يزداد سوءاً ويتمنى الواحد منهم لو استطاع ايقاف الزمن حتى لايجد نفسه امام لحظة يكون معلقاً فيها بالهواء فلا وظيفة تكفل له الحياة التي يتمناها ولا طفولة تجعله يعتمد على ابيه صدقني شباب اليوم يحملون هموم كالجبال لكن لايجدون منها مخرجاً إلا بمحاولة الهروب إلى التسليه والتطنيش الحلول لم تعد بأيديهم في عالم استطاع ان يسيرنا نحن فما بالك بهم اتمنى ان لانقسوا على شباب اليوم وان نحاول استشعار مايعانونه لعلنا نستطيع الأسهام بمساعدتهم وايجاد الحلول المناسبة لذلك تقبل تحياتي |
ايه ذكرتن بالأونو والكيرم والمنوبولي اللي لهم مذاق خاص في رمضااااااااااان...
|
ما أجمل الماضي
الله يعيد ايامك الحلوة |
اقتباس:
ابو خالد ولك الخير كله ... |
[align=center]
في الماضي كنا على أعتاب نهظة وتطور فارق ، يحتم زيادة الجد والإجتهاد والعشوائية من المجتمع ليصل لما يجب الوصول إليه ، أبو خالد هل هذا الجيل الذي تتحدث عنه جيل بتايا أم قبله ، عجوز سمنسي نحتاج الكثير من مواقفك السابقة ، الجيل الحالي يؤثر عليه العقلية الإستهلاكية ، والمضاهر البراقة المغلفة بالتدليس والتقسيط ، كما يؤثر عليه الإعلام المسطح لعقله والتعليم الحائر الذي لم يعد يوجه مخرجاته لتحقيق النهظة المستمرة والتطوير المستمر للوطن ، الجيل هو الذي لم يتخذ وسائل تربوية حديثه لتربيته ، ولو ربى أحد ابنه تربية مثالية لأصبح ابنه شاذ عن الإتجاه العام للمجتمع ، لكم اطيب المنى [/align] |
اقتباس:
|
اقتباس:
|
اقتباس:
وترى قصة الديك نبيها....... |
اهلا استاذ ابو خالد
قيل لي سواليف كثيره عن حيات الماضي لكني انقهرت لأني لم احظر تلك الللحظات وددت ان اشاهدها لكن لا استطيع اي والله صدقت يابعدي جيل هالوقت يسمى جيل النيدو اثرك شايب يابو خالد؟؟:) محبك . |
لــــكـــــل زمــــــان دولـــــة ورجـــــــــال |
ههههههههههههههههههه
مت من الضحك من الطرائفكم الممتعه والشيقه والله زمان اول فيه لعب مو معقول والحين كود ادفدفه يلعب ويبعد ثم يبعد خمس دقائق ثم يرجع هلكان والسواقه كان يمسك السياره وعمره 13 اذكر اخوي مسافربنا وهو عمره 14 ومعه عيايلتين ومستانسين وهو بلحاله مامعه احد من الرجاجيل والحين يمسك السياره با الثانوي ولاينفع تدرون ليش هذه اطباع هذا الجيل لان كل واحد من البو يقول منب مكلف ولدي علي المسؤليه لان كان مكلف هو المسؤليه منب مخليه زيي ثم يضيق صدره ابخليه يتمتع في حياته هذا الي يخربه او توه صغير |
بإعتقادي السبب ضعف المعلومات في التربية الاسرية والاجتماعية و الكبت الحاصل في السابق لأولياء الأمور
|
اقتباس:
|
| الساعة الآن 05:43 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة