حياك الرحمن

" TWIX "

روح النكته وخفة الدم حلاتها بطبيعتها من غير تصنع وتغيير في الملامح والنكته تطلع دائما من خفيف الدم وصاحب الروح الجميله بشكل غير مباشر لانها طبيعته .. وخفة الدم والنكته لا تنتمي لجنس ولا وقت معين احيانا تطلع معك حاجه وانت في مراسم عزا وبدون قصد ..

شوف عزيزي مجتمعنا للامانه فيه خفة دم مو طبيعيه ومن غير تصنع او امام كاميرا ..

انت تقول ان الشباب فيهم خفة دم اكثر من البنات وذكرت لنا كتاب وممثلين ..

طيب نسيت اسعاد يونس ؟ وسعاد عبدالله ومريم الغضبان وحياة الفهد ؟

بخصوص طارق العلي وخفة الدم لاتنسى انها بـ اتفاق مسبق مع الممثلين وطارق ماعنده شي والدليل تكرار الجمل او اجيب واحد واحط عليه من بداية المسرحيه الى نهايتها او جلد الذات ومو خفة دم اسميها يمكن مصخره وقلة حيا اقرب ما تكون.
وبقولك بعد انت نسيت سعد الفرج وخالد النفيسي دمهم خفيف وعلى طبيعتهم مو مثل طارق اللي يقط النكته ويستغرب لو مااحد صفق ويأجر ناس يصفقون وارجع لمسرحياته وشوف نهايتها كيف يودع الجمهور بوس ومشكورين ومدري ايش يعني كأنه داعيهم ..

عزيزي ..

بالنسبه للانثى خفة دمها وروحها الجميله تراها مخفيه يعني مو بالاعلام عندنا خصوصا ..

وحده تسولف على اختي تقول يوم خطوبتي الرجال جاء قبل الموعد وابوي استقبله وخلاه يشوفني وانا افحط بالحوش مع خواني الصغار لا ومن زين الطبايع تقول اطلع صوت مثل صرخة الكفر واقول الف الصلاة عليك يارسول الله محمد :for2:..

وتقول يوم الزواج واحنا على الكوشه قال الرجال تدرين انك خفيفة دم وعسل قالت يمه شلون قال شفتك تفحطين مع اخوانك بالحوش :c7:

وتقول قالي ما ودك على الكوشه
تفحطين :c7:

ترى بناتنا خفة دمهم مخفيه وعساك ما تطيح بيدينهم

" TWIX "
دوك:11_1_218v