أشوف ان الموضوع أخذ أكبر من حقه وتجمع فيه حزب من عدة أشخاص كل واحد فيهم يطبل للثاني وياقلب لاتحزن لكن استغربت من اللي يقول ان تجار خضاير يتراكضون لشراء أسم القبيله ... يعني أفهم من كذا ان القبيله بالنسبه لكم صارت مجرد سلعة تباع وتشترى !!! ياأخوي المفروض ماقلت هالكلام والله مو حلوة بحقكم .... قولوا من الأول انكم تبون ناس كاش بس أتمنى ان كل واحد يقولنا وش استفاد من أسم قبيلته اللي قطعها بالمدح والفخر ( تأكله - تشربه - تعلمه - تعيشه برفاهيه ..... الخ) وش استفاد والله ماأشوفها غير لقب مايودي ولايجيب .. والمشكله يجون ناس يتفاخرون بقبيلتهم ونكتشف بعدين انهم كانوا مجرد قطاع طرق يسلبون أموال الحجاج .. فـ على ماذا التفاخر! الأخ مزاجي اقتباس: سأهدده بذلك وأحاول أن أقنعه ( بتدارك ) الخطأ وإن رفض غصبناه على ذلك فالمفسدة ستطال العائلة ( كلها ) وليس وحده فقط ..!! فبنات العائلة وأولادها سيتضررون من فعل هذا السفيه !! فربما سيحجم الاخرين عن التقدم إلى بنات العائلة بأسرها بسبب هذا التصرف الطائش ونفس الكلام ينطبق على الأولاد فربما العوائل الأخرى سترفضهم !! ناهيك عن أولاد تلك البنت التي لايشك عاقل بضررهما وسيطالهم النبز والتعيير وربما الشتم من قبل الاخرين حتى سيحصل لهم الذل والمهانة من أفراد عائلة أبيهم فلن يسلموا منهم فأي تصرف وحديث مشين يصدر منهم سينسبه الاخرين إلى أحد الطرفين فأفراد عائلة أبيهم سيقولون أنهم ورثوه من أخوالهم والعكس صحيح !! هذه قمه العنصريه .. لكن سؤالي هو لماذا لاتطال المفسده ( على قولتك مع أعتراضي على هذه الكلمة) العائلة اذا كان الزواج بين قبيلي وأجنبيه ؟؟ فهذا ... قبيلي متزوج "فرنسيه مسيحيه" ولم يحركوا أهله ساكن بالعكس أمه "أعرفها شخصياً" كانت دائماً تمدح الفرنسيه بطبعها وأنها تضبط "المطازيز" وكانت تفضلها على باقي حريم عيالها .. ولم يحجم الأخرين عن التقدم الى بناتهم كما ذكرت.. والأدهى انه تم الطلاق بعد أن انجبت 3 بنات .. وأخذتهم معها وراحوا بنات القبايل لفرنسا وهذا ... شخص ثاني قبيلي متزوج "امريكية مسيحيه " حتى انها اذا أمطرت السماء أخبرت أطفالها بأن الله يبكي والعياذ بالله ... ولم يطالهم الضرر ولانبز ولاتعيير ولاغيره لكن لو يتزوج خضيريه على دينهم وعلى أخلاقهم وعلى ملتهم قامت الدنيا ولاقعدت وصار فيها أضرار وتفكك بالعائلة فبماذا تفسرون هذا الرفض غير أنه مجرد عنصريه مقيته؟؟؟؟؟؟؟؟ لاتجون تقولون لي الخضاير يتزوجون أجنبيات لأني أعلم بالشي هذا لكن اتكلم عن نظريتكم بالمحافظه على النسب انا هنا لاأدعو للزواج بين القبايل والخضاير لأني أشوف ان المسأله شخصيه ان كان فيه رفض وكل أنسان حر بخياره سواء بالقبول أو الرفض وماأحد مجبور ... والجدال في هذا الموضوع عقيم لأن كل طرف عندهم كم هائل من البنات الخلوقات والشباب الخلوقين واللي خلقهم خلق غيرهم .. لكن المشكله اذا كان فيه قبول بين الطرفين وكان الرفض من العائله نفسها ( اذا كانوا خضاير) او من القبيله اللي تصدر الأوامر (اذا كانوا قبايل) أنا متأكده بأن كل واحد منكم في قرارة نفسه يعلم بأنه على خطأ وبأن مقياس التفاضل بين الناس التقوى ( بين الله وبين الناس ) فنحن نتبع أوامر الله ورسوله لا أوامر شيخ القبيلة .. .. ولكننا شعب اذا تعارض لدينا الدين مع العادات والتقاليد قدمنا العادات والتقاليد على الدين للأسف .. لأن أوامر القبيلة لايمكن مخالفتها ولكن أوامر الرسول ندور لها ألف حجه لمخالفتها ولا نقول لـ "درء المفاسد" ... الأخ نبض القلم اقتباس: ما أعجب هذا الفهم القاصر لحديث جاء بلفظ ( جاءكم ) أي ضمير جماعة يعود على الناس قاطبة لا على القبيليين فحسب !! وفي الوقت ذاته يؤكد على الاهتمام بشرط الدين والخلق كأهم شروط الزواج .. لكنهم يحورون معنى الحديث مظهرين أن الضمير في لفظ ( جاءكم ) يعود على فئة .. وأن من ترضون دينه وخلقه ينتمي إلى ( فئة أخرى ) !!!! شي طبيعي وبديهي لأننا نتكلم عن فئتين بس (قبايل وخضاير) ونقارن يبن أمر الرسول صلى الله علي وسلم والوضع اللي صاير حالياً .. ملاحظه // راجع عنوان الموضوع واذا تبي نتكلم عن الفئات الثانيه من "الناس قاطبة" ماعندنا مانع . . . . على فكرة بعض الردود ينطبق عليها بيت الشعر ... لكل داء دواء يستطب به ... إلا الحماقة أعيت من يداويها تقبلوا تحياتي