الحب لغيرك حرام ... والبسمة لغيرك اجرام ... كتبت أبيات الغرام ... حبك في قلبي وسام
أخوتي الأكارم .. السلام عليكم ،
سجلت ملاحظاتي و تمنيت مشاركتكم لي فيها .. و أحببت أن أبدأ بتلك العبارات ^^^
أينما ألتفت حولي .. لا أجد سوى .. مشاعر تنزف .. و عيون تدمع .. و قلوب حب كبيرة طائرة بالهواء
و جروح عميقة .. و طعنات هوا .. و أشعار أشعار أشعار .. الله وكيلكم تعبت من المشاهدات هذه .. !!
ياورد من علمك تجرح ؟! .. و يا قرد وش طيحك بالغزل .. ! .. و يا أبله .. وش فهمك بالحب ؟!
الكل اليوم أصبح : شاعر !!
و الظاهر أنه لا يشعر بغبائه و ثقل دمه ..!
جميع الفتيات .. معاشقات .. !!
ويشهد عليها كتابها .. و جوالها .. و مخدتها اللي اغرقت بدموعها ..!!
يامال الضّعفة .. اعشقي العفة .. اعشقي أمك و أبوك .. أعشقي دروسك ..
جماهير مجمهرة .. من شباب الأمة .. عاشق و معشوق .. هه
وش فهمك بالأحاسيس يا فطفوط ؟!
بالأمس تسرق مفاتيح سيارة أبوك .. و كل يوم و الثاني مقبوض بتهمة ( إزعاج كفرات ) ..!
واليوم عشان أخضرت شواربك .. صار لازم تضبط المرزام و تصيد الغزلان ؟!
الله يرحم أيامك يا عليّان و سعيدان ..!
تقول :
أحبك لو يموت الحب
و تصير القلوب قبور
أشوف الحب هو موتي
و أشوفك انت تابوتي
هه
أمحق عاشق .. هذا كئيب جداً .. الله يعين اللي تحبك !
رسمت الدنيا بعيونك
وتهت أنا من دونك
حلفت إني ماخونك
أحبك موت وأصونك
مممممم
أتحداك .. أتحداك .. قال ماخونك قال .. ترى مرقم 800 وحدة غيرك !
الشمس ترسل "حبا" ذهبيا
والقمر يرسل "حبا" فضيا
وأنا أرسل لك حبا "أبديا"
هه
بكره يعزمك على عرسه .. و يرفعك في درج خاص بــ التالف ..
**
في المنتديات .. بكل ثقة .. يعرض صورته ، و يكتب تحتها بيتين غرام ..
يا أخي الكريم .. ماعمر أحد قالك تراك شين ؟!
أو تصدق كلام اميمتك إذا قالت : أنت أحلى واحد بالجماعة ..؟!
يعني لو وسيم شوي .. مايخالف مايضر .. ولو أنه بيعاني من مسخرة الغيورين ..
بس شين و يسوي زحمة كذا .. ليه ياربي !؟
وهي تعرض صورة تقطع القلب .. و ( أنا اللي سهرني الهوا و جفاني النوم ) ..
وشرط إنها تنام 16 ساعة باليوم .. ماجابت خبرك ..!
يا أخوتي انا تعبت من هالحالة ..
معقول انا صح و كل العالم غلط ؟!
انا بس عاقلة .. و الناس مجانين ؟!
المشاعر كانت و ستظل مخفية .. خاصة جداً .. ليست عرضه للجميع ..
ولا تستنزف بشكل قبيح رخيص ..
ليه نسمح لأي من كائن أن يطلع على أسرارنا ؟!
ليه نبيع مشاعرنا الغالية بثمن بخس ؟!
ليه نرخص أرواحنا للي يسوى و اللي مايسوى ؟!
ليه مضطرين إدعاء الرومانسية ؟!
ليه نعود أنفسنا على : آه آه .. مظاليم الحب .. و الحزن و الفراق و الذل ...؟!
ليه نشوه الكتب .. الجدران .. التشات .. الجوالات .... حتى الريالات ماسلمت من أشعارنا ؟!
أنا عكست التيار ؟! أو التيار ما يبيني ؟!
ما أقول إلا :
Je n'voudrais pas qu'tu crois que je t'attends
جونو فودغيه با كو تو كغوا كو جوتا أتوه
لا أرغب أن تعتقد بأني أنتظرك
هه .. بالفرنسي عشان نغيّر شوي
ياحول .. ياللي ماله عشيق ..!!
العرض الشجري