يا حبي [ للبنيَّات ] ..!

[أبوبسام]

اتفق معاريس بصباحيتهم إنهم مايفتحون الباب لأية أحد مهما كان ( إمبيـِّـتـيـن النية )؛ وصار صدق .. جو أهل المعرس الزوج يطقون الباب ساعة؛ وتناطروا الزوجين وجزموا على وعدهم، ولا أحد منهم قام وفتح لهم؛ وبعد شوي جو أهل ( البنت ) يطقون الباب . وأبطوا، وبرضوه جزموا مايفتحون، لكن الزوج ناظر زوجته وعيونه غرقانة من الدموع، وقالت والله مايهون على قلبي أمي وأبوي واقفين ورى الباب وأنا موجودة، قامت هي وفتحت الباب والزوج ( أسكت ) وخلاهـ بنفسه وكتمه .. وبعد سنين رزقهم الله ثلاثة عيال والرابعة جتهم ( بنوتة )، وفرح بها الزوج وسوى له الاحتفال الكبير اللي ما مرَّ مثل حفلات عياله الذكور ..!

تعجَّب الأقارب منه إنه فرح بالبنت أكثر من العيال الثلاثة اللي يبي يشيلون اسمه .. فقال لهم :

( البنت ) هي اللي تبي تفتح لي الباب ..!
ياحبي لقلوبهن ..!

طفلتي رَوْح ..!

[ميمي نايس]

قصة رائعه وجميله

صدقت اخوي ابو بسام والله البنت ارحم من الولد مليون مرره الله يكثر البنات ويخليهن لنا

ولا يهونون العيال مالنا غنات عنهم !!

[انين الذكريات]

وووووه ياكره البنات همممم

[كروومه]

وه ياطعم البنات والله ودي ربي يرزقن عشر بنات !!

الله يعطيك العافيه اخوي ابو بسام على القصه الحلوه

وفعلا البنت فيها رحمة وعطف وشفقه على والدينه الله يخليهن لنا !

والولد لا اصلحه الله وبر بوالدينه يالله من فضلك الله كلن يخليله من ولد وبنت !

[ŋŌuƒ]

+

[مايا]

هذي المواضيع الصح
المهم دوكم هالقصة


‏‏قصه واااقعيه
سأل فهد / عيسى
ليش جسمك هزيل وثيابك وسخة إلى هذا الحد؟
‏قال عيسى: أنا الحين كبير في السن وشغلي خليته...
وعيالي الثلاثة تزوجوا وكل واحد بنى له بيت خاص ونقل...
وزوجتي امرأة كبيرة في السن لا تقوى على شغل البيت من طبخ وغسيل وماعندنا احد يخدمنا أو يصرف علينا غير أهل البر والإحسان...

بس غريبه !!!
آشوفك يا فهد حالك زينه وملابسك نظيفة ومكوية وأنت مثلي !!!!
بناتك تزوجوا! وتعيش في البيت مع زوجتك اللي ماتقوى على شغل البيت..


قاله فهد : بقولك
بنتي الكبيرة تجينا كل يوم في الصباح وفي يدها فطورنا تفطرنا وتغسل ملابسنا ثم ترجع لبيتها ...
وبنتي الوسطى تجينا في الظهر ومعها الغداء وتكوي ملابسنا ثم ترجع لبيتها...
وبنتي الصغيره تجينا في الليل وفي يدها عشاءنا... تعشينا وتروشنا وتنومنا وتغطينا...

هل تعرف ايش يعني هذا؟؟
قال عيسى: لا ما اعرف!! ايش يعني...

قاله :هذا يعني أن أبو البنات ينام وهو متعشي
وأبو العيال ينام على الجوع

هذه القصة واقعييية!!
يقولون الاولين

{ اللي ماعنده بنيه يموت وعلاّته خفيه}
ويقولون بعد
( جعل عدو عيني مايجيله بنيه )
صااادقين

يالبـى قلوب البنات والله

[مدير خبرة]

مع الاسف

ان هذا الكلام صحيح..!!!!!

الشاب ينكر اهله بسرعة.. ويغرق في العسل على طووول

بينما الفتاة حتى وهي تنجب ويكبر ابنائها... تعلقها باهلها يستمر ويكبر..

خذ مثلا الزيارات..

الشاب يزور اهله لاقل من ساعة ربما مرة او مرتين في الاسبوع

بينما البنت تزور اهلها اكثر من مرتين.. والزيارة من العصر وحتى اخر الليل

[مستقل]

البنت ريحانة البيت وعطره الفواح

البنت رحومه شفوقه حبوبه لها

قلب ينبض بالحب وقلب يحس

بالابوين ولسان عذب كأنه العسل

البنت بلسم البيت وغذائه الروحي

البيت بدون بنت متصحر وجاف وليس

فيه رقه ولا نعومه ولا احساس

لله ما اجمل البنت في صغرها شقيه

بنعومه وفي كبرها حساسيه تفيض

بالمشاعر هي الدوحه الفيحاء والروضه الغناء

المشكله ان البنت تموت وهمها في صدرها

تحتاج البنت الى من يسمع كلامها ويصغي

لها تحتاج الى من يضاحكها ويمازحها ويلعب

معها ويفتح لها صدره واذنه ويكرمها بلسانه بالكلام العذب

هي لاتريد منكم الا لسان عذب واذن مصغيه فقط
وستكون لكم سحابه تمطر عليكم بالحب والتضحيه

سهلة المشاعر تضحكها بادني سبب وتبكيها

بادني سبب لكنها اذا ضحكت اعلنت وجاهرت

واذا بكت تخفت في غرفتها

الا ايه الاباء والاخوان والامهات رفقن بهن

رفقا بفقاعه الصابون ارحموا من في الارض

يرحمكم من في السماء

[الحلم المنتظر]

ايه والله ياحبيل البنات ...... بس فيه احيانا عيال يبردون القلب

[رفيــع الشــان]

معروف رقت قلب وحنان البنت
سواء على والديها او أبنائها
لكن السؤال ليش الولد اذا تزوج نسى اهله
الله يخلي لك روح ويرزقك برها وبر اخوانها

[تَـرفْ ♪]

-


فعلا , البنت برها بأهلها مستمر لحد موتها
بالمقابل , في عيال برهم لأهلهم أعظم ,
يكفي مسكن زوجته معهم وحاط اهله قدام عيونه , الا اذا كان عشان المصاريف , الله يستر هه

يخلي لك البنوووتة ويسعد قلبك ببرها يارب
حرام عليكم ليه المناكير ممدي عليهاا

[فديكا التميمي]

ياطعمهن هالبنيات لابصغرهن ولاحتى لاكبرن
البنت قلبه على اهله سوا عندهم والا متزوجه
لكن الولد لاجت المحروسه على الدنيا السلام يمر مرور الكرام ...

[هلاوين]

قال رسول الله صلى الله عليه وآله وسلم :

" من عال جاريتين حتى تدركا دخلت الجنة أنا وهو كهاتين - وأشار بإصبعيه السبابة والوسطى - وبابان معجلان عقوبتهما في الدنيا البغي والعقوق " .


اذا علمنا ان البنات سبب لدخول الجنه مايكرهن غير جاهل .

حبهن وتربيتهن والعطف عليهن من الدين والاخلاق


شكرا لك

[طايرتن بوهته]

احببك الله الذي احببتنا فيه خخخخ



سبحان الله اللي حط خف الدم بالبنات وثقله بالعيال

والدليل البنت قامت تفتح من خف دمه لهله والولد ماقام يفتح مثقلن عليه دمه

[قـتـالـه]

ماكل البنات جنه !
واذا جتك بنتن وطبه يالله تنجح بدراستها
ومن مدرسه خاصه للثانيه تبيها تستعز ويصير بيدها شهاده
ويمنها صارت بالكليه واثرك وراها تدف
هذي حصة مصريه وذي حصة سوريه
اذا حسبت حسبتك يمديك شاري بخسايرها طياره
وهي همها المطاير وشرا البلايز وأغرب انواع الحلا لخوياتها
وبعضهن تجيب لك الزنقبوط يمنها أعرست
كل يوم شارده ومتهاوشه مع رجلها وتقوله بيت ابوي أولى بي :|
مادري وش سانده ظهرها عليه
الابو يموت والاخو يبان نابه وهي لايد ولاظهر حتى وظيفه ماعندها
الحياة ياناس ماهي حلا او عشا تجيبه البنت بين عشاوين
ولاشلونك يايبه تقولها بالجوال
البنت هم وكسرظهر ان ماوفقها ربي بوظيفه او برجل يرفعها هي وبزارينها
عن مواطي اخوانها وحريمهم