مشاوير ياقلب العناء مشاوير ... المشاوير الخاصة !!

[صاحي و رايـق]

[align=center]

اقتباس:  المشاركة الأصلية كتبت بواسطة •°سـرىآ اللـيـل°•     [align=center] الفاسخ خخخخخخخخخ تذكرت فاسخ الفاسخ صديق نيفين بمهرجان إبداع هه ., الله يخارجنا ياشيخ ., [/align]

إذا نيفين حلوه رايقه مقاربه لبنات الحمايل المشعلاتي
وصلي لها سلامي الحاره تكفين
ترا هذي آمانه وسلمتها لك
وإذا حصل أشتري لها تورته وورده وأشياء قيمه وأعطيها
وراح أحاسبك والوعد بيوم الحساب ! [/align]

[•°سـرىآ اللـيـل°•]

^^

أقول وراك ماتروح لتسجيلات إبداع أو أي تسجيلات وتشتري مهرجان إبداع الثاني .,

علشان تشوف نيفين وأهله ., وأحكم بعيونك إذا هي رايقة و صاحية ومشعلانية وعجرمية .,

إختصار للوقت وتوفير لفلوسي لأني داجة مع إحترامي لبوكي << بصراحة أبني بيت والميزانية ضاربة .,

خيرها بغيرها ., ولو بشتري جاتوهات كان أشتريت لي أنا وأم خليل اليوم بالحديقة ماغير نقطع بالزرع من الجوع .,

أهذب تاهيه’

[رايق دايم]

اقتباس:  المشاركة الأصلية كتبت بواسطة •°سـرىآ اللـيـل°•     ^^ << بصراحة أبني بيت والميزانية ضاربة ., أهذب تاهيه’

مـــــالت علي اللي أعرست على وحده ماتفكر إلا بالأكل والسفر . وجلست شهرين أدووووووور على شقه ويالله بطلوع الروح لقيتها وهي ولا على بالها .

[عجوز سمنسي]

[align=center]

اقتباس:  المشاركة الأصلية كتبت بواسطة بندر الحمر     لاشك بأن الملامه أخي سمنسي قد تقع بجزء كبير على الرجل ولاننسى بأن المرأة المصونه لن ترضى الكوب مع السائق حتى لو كان معه محرم لأن ما يدمي القلب بصراحه هو ذلك السائق الاجنبي والذي يجوب شوارع بريدة ويركب تلك ويوصل هذه من اخواتنا السعوديات بدون محرم مع وجود ملاحظات سابقة عليه كتب عنها هنا في المنتدى وقد لا ألوم الرجل لأن المرأة لو تجيب لها سواق كان ما جلست بالبيت ولا دقيقه وقد تكون من اسباب خراب البيوت لن انسى ثقة الاهل بأحد السائقين من الجنسية الاسيوية عند احدى الحدائق في بريدة عندما ذهبت ذات الــ15 سنة وطلبت من امها بانها ستذهب لتشتري آيس كريم ووافقت الأم بأن تذهب وخرجت وركبت بالفان المظلل مع السائق الظال والذي قفز في المراتب الخلفية بجانب احدى الحدائق في بريدة وبدأ بـــ ((الكلام مشفر)) ومر أحد الاشخاص قرابة السياره فأوجس حراك في السيارة والمرتبه الامامية لا يوجد بها أحد فراقب الموقف عن بعد فإذا بالطفله تنزل من السيارة والعامل يقفز لمرتبته وقام بإستدعاء الهيئة لإحتواء الموقف تم بعدها أخذ السائق لمركز الهيئة والام والفتاة واخيهم الصغير جالسين على الرصيف بلا مجيب فلا حول ولاقوة إلا بالله

هلا بك ياصديقي

والله كلامك يدمي القلب يادب

ام خمس طعش وتسربت مع السواق ؟ لاقينها والله السائقين

شف كلام الزين النجدي عن صديقتها وشلون منهبلة على الفلسطيني

الحريم مايبون احد يوديهم يبون احد يتمقلون بوجهه

ترى وجهك حلو بس مايعرفون قيمتك انت وشدوقك

شرفتني ياحبي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة أمــاسي ونص     كركركركركركركركركركر اصبر ماقضيت ضحك كركركركركركركركركركركركركركركركر عادي وش فيها اذا الكشابير علمك الي عندنا مايهشون ذبانه وانت بكرامه من يودينا <<تتصيح خلالالالاص وش السوات اروح لاكن يكون بدون محرم وشاب حليوه <<صعبه الواحد الحين ماياثق بنفسه وش السوات <<توه سمعته ووده تقوله كركركركركركركر اااه يابطني

الله يشفي البنت ياناس

تكفون ادعو لها ترى كشرتها تشققت من كثرة الكركره

عاد البنات الحين مايستانسن الا اذا راحوا مع السواق احب لهن من ابوهن على الاقل تكثر المصالة بالسيارة والغنج ويمكن الدلع مع السواق

دمتي يام كشرة وكركرة[/align]

[عجوز سمنسي]

[align=center]

اقتباس:  المشاركة الأصلية كتبت بواسطة أمــ الحب ــير     هلآ حبي ,, عارف كتبت رد هذا طوله بس حذفته لآتسآلني ليش

والله ذبحتن الشرافة ياقلبي ودي اعرف وش كتبت

علمني ولو بالخاص تكفى

شرفتني لو انك حذفت الرد[/align]

[عجوز سمنسي]

[align=center]

اقتباس:  المشاركة الأصلية كتبت بواسطة قلب الأسد     اخي المشاوير الخاصه اصبحت كالسلعه في كل يد وفي كل مكان واي وقت فقط اتصل نصل ,, لقد شاهدت الكثير ممن يعملون في المشاوير الخــــاصه واكثرهم غير سعوديين , فوالله قبل فتره واكثر من مره شاهدت سائق مشاوير خاصه يقف بجانبي في حي الفايزيه دون محرم وبدون شماغ شاب ســــــوري او مصري اوفلسطيني ,وينزل من السياره اكثر من خمس فتيات ومحرمهــــــن ولدين بسن الرابعه والخامسه تقريبا من العمر ,وكان الوقت قبيل الساعه 2 ليلاً وهذا من الناحيه الأجتماعيه مرفوض من قبل الجميع ولو سألت اهل تلك الفتايات في اي مجلس سوف يشتم ويلعن من يركب مع هؤولاء واهلــه هم من ركبـــوا وهذي مصيبه , وان كان يعرف فالمصيبه اعظم .. اما من الناحيه الدينيه وقول الشرع فيه فأعتقد انه لايجوز لعدم وجود المحــــرم . ما اقول الا الله يستر بس على هالبنيات ...

اهلا بقلب الاسد

لعلمك ترى البزر اللي معهن يقاله هو المحرم الله يخلف

على بالهن البزقة هذا يبي يخوف ابو شكيم اذا بغى يسوي شي

والا يمكن علشان يطلعن من الحرام يجيبن البزر معهن وهن متضايقات منه

الله يصلح الاحوال قسم حريم ودك تجمعهن بحفرة وتحرق فيهن بلارحمه

شرفتني ياقلب الاسد [/align]

[عجوز سمنسي]

[align=center]

اقتباس:  المشاركة الأصلية كتبت بواسطة توتي     هلا بالعجوز افندي والله حالت بنآتنا وعيآلنا يرثى لها .. والله لو تشوف بعض الشباب الحين يتسآبقون على وظآيف توصيل الطلبات اكثر من مسآبقهم على الدراهم .. يجيك الواحد ماعنده قآصر ابد احوالهم فوق المتوسطه بكثير ولو يقول لابوه ابي 2000 ريال قال خذ 3000 ياولدي انت تامر امر ومع ذلك يروح يشتغل بـ 1200 سواق يوصل طلبآت بالمطآعم ليس لاجل ملء الفرآغ ولا لاجل المال بل لاجل الارزآق احد الشباب فيه شي من الوسآمه << الكثير طبعاً يشتغل بمطعم يقول السوري ان البنات يتصلن يقولن نبي كذا وكذا من الطلبآت بس بشرط ان اللي يجيب الطلب .. ((فلآن)) .. وانا اقول وش اللي مصبره وتاركن قعدت الحوش والوناسه اثره علشآن القهقهه مع بنآت النآس اما سالفة الفآنات المنتشره كلنا يذكر السائق الفلسطيني ومافعله مع بنات بريده من اغتصاب و و وبالاخير كم جلده وخمس سنوات سجن فقط مع انه جرد اكثر من 4 فتيات من عذريتهن ..!!!! اهمال الفتيات من قبل آبآئهن واهلهن عموماً + قل دينهن وتربيتهن + غبآئهن + طفة الشباب كل هذا ادى لمآ ترى بعينك الآن وما ستسمعه مِن مَن مارسوا هذه المهن تحيتي محبكـ .. توتي ..

ايه ياقلبي ليه مايتسابقون على التوصيل

لاقين الدبس والسكر قدامهم

صايرين مثل النمل والقعر يحبون الدبس

من يقول الزين مايكمل حلاه ** كل شي في حبيبي اكتمل

ولاقين ياقلبي

الشفايا كنها جمر الغضى ** تحرس الريق المحلى بالعسل

والله انا اعذرهم ياقلبي

لو تحصل لي وظيفة انا توصيل طلبات افصل من وظيفتي واصير موصل طلبات لصرت ابلقي الوناسة كل ليلة

شرفتني يايعد عمري[/align]

[الزعيم@]

مواضيعك جيدة ياشايب المنتدى

[صاحي و رايـق]

[align=center]

اقتباس:  المشاركة الأصلية كتبت بواسطة •°سـرىآ اللـيـل°•     ^^ أقول وراك ماتروح لتسجيلات إبداع أو أي تسجيلات وتشتري مهرجان إبداع الثاني ., علشان تشوف نيفين وأهله ., وأحكم بعيونك إذا هي رايقة و صاحية ومشعلانية وعجرمية ., إختصار للوقت وتوفير لفلوسي لأني داجة مع إحترامي لبوكي << بصراحة أبني بيت والميزانية ضاربة ., خيرها بغيرها ., ولو بشتري جاتوهات كان أشتريت لي أنا وأم خليل اليوم بالحديقة ماغير نقطع بالزرع من الجوع ., أهذب تاهيه’

المشكله شرطان دينيه ما أسمع لها
حتى الأغاني العربيه بطلت وتبت منها
خلاص دام مياده الحناوي بطلت أنا ببطل مثلها
لإنه ما كان يطربني إلا هي
أما غيرها من الأغاني أحسها سوالف ما فيها أحساس
لكن طحت بالأغاني الغربية ولها فوائد كبيره
منها ما تدرين وش يقولون ومنها تهز وتطبل معاها
يعني يخلنك تطرب غصبن عليك
يعني ما تسمعين عن حب أو وداع في كلماتهم
لإن ذولي للرومانسيين اللي مثلنا تضيق أصدروهم !
أو شوفي شريط ( أبو ملوح ) تلاقينه بأي تسجيلات إسلاميه له أربع أجزاء !

وشوله أروح أخسر وأشتري وأبهذل روحي
تأكدي أني واثق من ذوقك !

ترا عندي مؤسسة مقاولات إذا أنتي على الحديدة وتبين أكمل لك عمارتك
ترا فيني نخوه وفيني خير لهالضعوف
طيب وش خانت زوج المستقبل يا سرى
قطيعه تقطعه إن شاء الله إذا أنتي راح تبنين لها بيت
نصيحه خوذيها من مهبول هالمره
لا تتزوجين أبد
وش لك برجال هالوقت
اللي أرجل واحد فيهم له علاقة مع مئات البنات والبنات بالمثل
هذا زمن شيئين
زمن المرأة وزمن الخيانه !

ما أعرف شو هي الجاتوهات
لكن أثاريك حركات أنتي وأم خليل
أقالكن رفيقات راح يذكرها ويسجلها التاريخ في مدوناته
أجل صرتن برابر أنتي وياها تقطعون من الثيل وتاكلونه
دربك خضر يا سرى
آيه يا سرى عطينا سوالفكم أنتي وأم خليل
وش قالت بالعرس ووش ما قالت << ضم روحه معهن
أكيد جبتوا طاريي بالقعده
ترا بذبحكن إذا مدحتوني << واثق
أدري أن سوالف أم خليل من جيته لحد ما راحت عن زوجه فقط
مستانسه يا حول
قوليله يقول بودي ترها فتره لحد شهرين فقط وتشوفين كيف المعامله تنقلب 180 درجه لا تفرحين به
مساكين أيتها المتزوجات
طحتن بوكر هؤلاء الرجال !

يالله نعيش وناكل غيرها حتى لو ناكل ثيل مثل فتحيه وسرى ![/align]

[•°سـرىآ اللـيـل°•]

زوج المستقبل مارضى يحط له خانه !!

اللهم يجي ويسكن في هالبيت مجرد محرم مثله مثل غيره من ألوف الرجال في عصرنا الظالم .,

بس باقي سواق وشغالة على حسابي أروح معهم وأجي وهو يروح للإستراحة يوسع صدره ليه يتعب لاحرام << علشان أطبق موضوع سمنس .,

كلامك صحيح بخلي أخوي يقراه لعله يعطين أرض بالمخطط حول أمي مهب يقول بتتزوجين وش أرض وش بيت لك روحي لبيت رجلك أقول !!

على طاري فتحية بجد ماجابت طاري زوجه وقالولك فاضية له بحضرتي هه ((مالكسرى لكسرى ومالقيصر لقيصر))

أفاااي بس لانصير سالفة أكلت يوم أكل الثور الأبيض << والله هالحياة صرت أخاف منه وبقوة الله يستر بس .,

أهذب تاهيه’

[عجوز سمنسي]

[align=center]

اقتباس:  المشاركة الأصلية كتبت بواسطة خوان بابلو سورين     [align=center]ياعيوووووووووووووووني على موضوعك يافهوووووووووووودي ايه قرالك فين انتى وبتعمل ايه ياظنووووووووووووووووووني اه ياظنوووووووووووووووني متسيبوني مش نائص انا حيره عليه <<متأثر بليالي القاهره شكلك شاري لك باص وبادي تودي وتمشور بهاالموزز يعني كود مااروح واتركك يااجعري حبي خذها مني رزق من ورى حريم لايهمك الله لايحيجنا لهن وهاالاسمراني اللي تقول والله ان ينسعر بس اصبرلو شوي[/align]

هلا بخوان

هلا بك ياقلبي

ياشيخ ذكرتني بالطرب الاصيل

وين عبدالحليم يسمع سح دح بو علشان يلعن الزمن اللي قعد يرزز البزران اللي يناهقون عندنا فقاقيع الصابون المنتشرة

ياحبي لكشرتك بعد

وسلم لي على خويك اللي ماشفناه [/align]

[عجوز سمنسي]

[align=center]

اقتباس:  المشاركة الأصلية كتبت بواسطة كعكي     مشاكل هالتوصيل خذ وخل ياعجوز بيك سمنسي خذ هالسالفة صايره لي انا ما اقول يقال اخوك مره جوعان طلعت لأحد المطاعم (اللي فيها شوام خبرك ) جيت عند المحاسب عشان الطلبية المحاسب (طبعا شامي) وشكله جديد على الديره ومشغول في التلفون انتظرته يخلص طالت السالفة قلتله ياخوي خلصنا قال لي لحظة شوي باخذ الوصف من هالتلفون . يبدو انه ما ضبط الوصف واضح من كلامه . المهم تفاجأت يوم طالت السالفة من حبيبنا السوري يعطيني سماعة التلفون قلت خير ان شاءالله قال (من فزلك خود الوصف وارسملي كروكي ) انا اخذت السماعة قلت الو قالت مرحبا قلت حياك قالت ممكن (بميوعة )الله يرضى عليك باوصفلك البيت وترسم كروكي للبيت عشان توصيل الطلب قلت ممكن ..بس مافيه رجال يكلمني قالت لاء طبعا ...وانا اسمعهن يخكرن قالت خذ الوصف شارع الملك عبدالله إشارة ... ماراح اكمل عارفكم مشافيح المهم وصفت البيت بالتفصيل الممل حتى لون الجدار والباب والبراده اللي جنب الباب تصدق عاد ياسمنسي لو اني لابس ترنق او بدله (كاناخذت الطلبية ووديتها ) وش رأيك بهالجرأه .... ؟

هلا بكعكي

وينك من زمان عند ياقلب العنا انت

ياحبي لو انا منك كان فصخت ثوبي ورحت بفانيلة وسروال

اهم شي تطلع مزيون

واذا شافتك يبي يتخيل لها ان فانيلتك قميص وسروال السنة حقك بنطلون ايطالي

هذي حريم غبية تخق على الشكل اهم شي تطلع حمر عطر

والله مالقاها الا اصحاب المشاوير وتوصيل الطلبات

اليوم وربي اباخذ مشويات لقيت السوري يتمخنج ويقول بالتلفون حبيبتي وين البيت ؟

حبحب جلدك انت وياه قسم لو هو انا اللي راد كان صكت السماعة بوجهي ومسوية بلوك لمطعمنا

الشكوى لله شهبان حنا مالهن خلقنا

شرفتني ياكعكي

الا وش اخبار ميسون ونعمان؟[/align]

[aljuhani]

السلام عليكم

اعجبني موضوعك يا اخ عجوز سمنسي

دائما اتصفح لكني قليل المشاركة وهذا الموضوع اجبرني للمشاركة

موضوعك يحكي المشاوير الخاصة كما هو بالعنوان
وهو جدير بالمناقشة لان هذه الظاهره غريبة علينا وانتشرت بسرعة

وبعض الاعضاء خرج عن الإطار المحدد او لنقول عمم على جميع المشاوير وجعلها عامة
واقحم مشاوير توصيل المعلمات في الموضوع
علماً ان توصيل المعلمات شائع منذ زمن طويل ومتعارف عليه

وهناك فرق بين توصيل المعلمات والمشاوير الخاصة

توصيل المعلمات والطالبات للمدرسة هي مشاوير ضرورية لغرض الذهاب للعمل
اما التوصيل للعثيم والحكير والحدائق وغيرها فهي مشاوير غير ضرورية وهي فقط للتنزه والتمشي والتسوق الغير ضروري

توصيل المعلمات والطالبات هو بوقت الصباح وقد لايستطيع رب الاسرة توصيلها إما لبعد المكان او لتوصيله بعض أبنائه وتعارض موعد عمله مع توصيل زوجته مثلاً اذا كانت المدرسة بعيدة
اما المشاوير الخاصة فهي بوقت يسمح لها ان تجد من يوصلها وغالباً ما يكون وقت العصر والمغرب والعشاء

توصيل المعلمات والطالبات يكون توصيل لمجموعة معلمات او طالبات وغالباً ما يكون هذا التوصيل بمحرم لان الوقت محدد ذهاب في الصباح في ساعة محدده وعودة بعد الظهر في ساعة محدده

اما المشاوير الخاصة فليس جميعها وانما بعضها يكون لإمرأه بمفردها وان كان معها احد فهو إما اخوها الصغير الغير بالغ او ابنها الصغير او ابنتها وغالباً تجدها بغير محرم لان المحرم لن تستطيع الخروج كل وقت مع السائق

فهناك فرق بين هذا وذاك

وانت ذكرت المشاوير الخاصة بالعنوان
ارجو من بعض الاعضاء عدم اقحام توصيل المعلمات والطالبات ضمن المشاوير الخاصة

ونعود للمشاوير الخاصة وانا مررت بموقف يحكي ما أوردته بموضوعك

مرة كنا في العثيم موول بعد ما خرجنا انا وعائلتي وجدت زوجتي ابنة خالتها تنتظر أحداً يوصلها إلى بيتها

ابنة خالتها مطلقة لديها خمسة اطفال وبيت اهلها بعيد وهي تسكن في بيت إيجار لوحدها لقربة من المدرسة التي تعمل بها وقد جاءت للعثيم مول مع سائق مشاوير خاصة والسائق ليس خاص بها وانما يقوم بإيصالها وإيصال غيرها والدفع لكل مشوار وحده وليس شهرياً

طلبت من زوجتي ان تعرض عليها الذهاب معنا لنقوم بإيصالها لمنزلها فذهبت زوجتي وقوبلت بالرفض وعند سؤالها قالت (( استحي من زوجك )) عجباً لكم ياحريم

تستحين من زوج ابنة خالتك ولا تستحين من الغريب مع ان ابنة خالتك موجوده ولست وحدي لتقولي ذلك

فاستغربت من الرد وانصرفت وعلامات الاستفهام والتعجب تدور برأسي؟؟!!!! وبعد عدّة أيام طلبت من زوجتي الاتصال بها وسؤالها لماذا تستحي وقلت لها ابلغيها اذا احتاجت اي شيء للمنزل من اغراض وخلافة ان تقول لكِ وانا مستعد ان اوصل لها ما تريد واذا احتاجت الذهاب الى اي مكان ما عليها سوى رفع سماعة التلفون وابلاغنا لنقوم بالواجب وأكدي عليها انني لن أكون وحدي فستكوني معي اي زوجتي

فعرضت عليها الموضوع ورفضت !! بكلام واسباب لم تدخل مزاجي منها انها على حد قولها مطلقة وتخاف كلام الناس وانها تحت المجهر ومحسوب عليها من تذهب معه ومن تأتي معه
يعني المسألة (سمعة) ووجودها معنا تشويه لسمعتها!!!

لنتجاهل ذلك ونقول كلامها صحيح لكن ألاّ ينطبق هذا على السائق الخاص ؟

اذا هي فعلاً خائفة من كلام الناس فلتذهب مع أخيها بدلاً من السائق؟

اصبح السائق الان يقف عند الباب ويركب او ينزل النساء ولا يسأل عن شيء وربما يقوم بإنزال الاغراض داخل البيت !!

بعض السائقين يأتي بعامل آخر لإصلاح ثلاجة أو مكيف او غسالة ويدخل معه داخل البيت!!!
ربما ليشاهد له الطريق !!!

فتجد الآن الناس اذا شاهدوا سيارة غريبه وسائقها سعودي الجنسية تقف عند احد المنازل في الحارة (يطيرون عيونهم) ويبحلقون فيه ) ويتسائلون من يكون هذا وهم لايعلمون قد يكون قريبها

بينما اذا كان سائق اجنبي يمر الموضوع مرور الكرام ولا يلقى له بالاً

والأمر ينطبق اذا كانت زميلة للزوجة بالمدرسة اذا عرضت عليها توصيلها بوجود الزوجة طبعاً لعدم قدوم السائق او لأي ظرف ما ،، ترفض ذلك بحجة الحياء وتفضل السائق على زوج زميلتها المعلمة

سؤالي للنساء

هل الركوب مع زوج قريبتك او زميلتك بالمدرسة او صديقتك بوجود محرم (حرام) بينما السائق الاجنبي بدون محرم (حلال)؟

انا عممت السؤال للنساء لاني لاحظت اكثر النساء يفعلن ذلك بحجة قولة استحي اذا كان يربطهما صلة قرابة او نسب او معرفة لزوجته

بينما الاجنبي لاتستحي منه لانه لايعرفها !!

وهو مطابق لأحدى القصص التي أوردت في أحد الردود وهي قصة السعودي الذي دخل للصالة على النساء برضاهن ضناً منهن انه غير سعودي وبعد علمهن بأنه سعودي قامة القيامة!!

هل السعودي وحده يملك قــ.....!! والاجنبي لا يملكه أم أن قـ.... الاجنبي مقطوع ؟؟!!

هل السعودي رجل والاجنبي ليس برجل؟

اذا كان كذلك فهو اعتراف برجولة السعودي وفحولته

أين بعض الاخوات ممن ردت على هذا الموضوع وانتقصت من قدر بعض السعوديين واتهمتهم بعدم الرجولة

أو الرجولة تعطى للاشخاص حسب الظروف والمصالح!!!



اشكر الاخ على طرح الموضوع الذي لامس الجرح ويجب اشباعة بالنقاش وتغيير بعض المفاهيم الخاطئة لدى النساء

[عاشق تراب بريده]

بالخير ياعرب ...

صدقت والله مصيبه السعوديه لافكرت ان الاجانب اامن واستر عليه من السعودي !!

يارجال انا صايره لي السالفه بنفسي عندي بالمحل وحده متزوجه مع زوجها الرخمه دخلو المحل المهم الرجال واقف بعيد عني والمره تسال بكم ذا وتشم العطر الفلاني والمكياج العلاني فيه منه كذا ومن الخرابيط لدرجه انها من قربها لي مروا الهيئه من المحل وقالو للحرمه يابنت تستري الله يجزاك وابعدي عن مخالطه الرجال بدون محرم المصيبه ان زوجها الرخمه داخل المحل بس واقف تسنه ماله دخل الله يهدي بعض حريمنا ورجالنا بعد بعضهم سطول من جد ..

واذكر سالفه قاله لي واحد من الشباب والعهده على الراوي يقول انه فيه مقطع منتشر هالايام بلوتوث وحده مع السواق الافغاني حقه الله يخلف عليهم حنا نجيب الاجانب لبيوتنا وهم اكبر خطر ومابي انسى الشغالات مصايبهم كثيره ومايامنون على بزاريننا الخدم ذولي مصيبه الله يستر على بناتنا وبنات المسلمين اجمعين ...
وسامحونا ...

تحياتي ياعجم ...