مشاكل هالتوصيل خذ وخل ياعجوز بيك سمنسي
خذ هالسالفة صايره لي انا ما اقول يقال
اخوك مره جوعان طلعت لأحد المطاعم (اللي فيها شوام خبرك )
جيت عند المحاسب عشان الطلبية المحاسب (طبعا شامي) وشكله جديد على الديره ومشغول في التلفون انتظرته يخلص طالت السالفة قلتله ياخوي خلصنا
قال لي لحظة شوي باخذ الوصف من هالتلفون . يبدو انه ما ضبط الوصف واضح من كلامه .
المهم تفاجأت يوم طالت السالفة من حبيبنا السوري يعطيني سماعة التلفون قلت خير ان شاءالله قال (من فزلك خود الوصف وارسملي كروكي )
انا اخذت السماعة
قلت الو
قالت مرحبا
قلت حياك
قالت ممكن (بميوعة )الله يرضى عليك باوصفلك البيت وترسم كروكي للبيت عشان توصيل الطلب
قلت ممكن ..بس مافيه رجال يكلمني قالت لاء طبعا ...وانا اسمعهن يخكرن
قالت خذ الوصف شارع الملك عبدالله إشارة ... ماراح اكمل عارفكم مشافيح
المهم وصفت البيت بالتفصيل الممل حتى لون الجدار والباب والبراده اللي جنب الباب
تصدق عاد ياسمنسي لو اني لابس ترنق او بدله (كاناخذت الطلبية ووديتها )
وش رأيك بهالجرأه .... ؟
العرض الشجري