البارحة في منامي شفت خلي ... هــوس الــنــســاء فـي تـفـسـيـر الاحــــــلام

[دِيم]

’عودة : )
هذا الموضوع شوقني أن أجرب تفسير الأحلام
لكن كل الخوف ان اخطيء برقم ما
كرقمكم فأصبح موضوعاً في المنتدى

[أحاسيس مبعثره]

باااك،،
بذي صدقت الصراحه كل ماشفت برنامج عن تفسير الرؤى يكون كل المتصلين نساء والوحده وهي تقول حلمها كأنها تقص كل حياتها،،

عموما مو كل حلم يفسر ويطلق عليه روياء،،
عندما يتكرر الحلم على الشخص أكثر من مرتين يفسر ربما يكون نذير أو تبشير،،

‏(أما تقعد ترفس في بطن زوجها المسكين حشى تحارب ماتحلم وإلا هالزوج المسكين بيتركها ترفس ويسالمها ماظنتي الصراحه زوج مسكين)

تحيتي لك وتقبل مروري،،

[عجوز سمنسي]

اقتباس:  المشاركة الأصلية كتبت بواسطة ابو فارس الحمادا     معقولة السمنسي تفسير الرؤياء شي جميل عاد اتصدق جلست في مجلس عند الشباب وماشاءالله أكثرهم يفسرون رؤى وكل واحد يقول أنا لها صارت شي طبيعي ولايحقرون أنفسهم واثق من نفسه عاد يالسمنسي توك جاي أرفق عليهن ياحليلك

هلا بك ابو فارس

تفسير الرؤى شي جميل لمن اتاه الله الحكمة والفراسة والالهام وهي منّة من الله

لكنها اليوم اصبحت وبال على صاحبها بسبب استنفار النساء والناس لكل خذايفهم الى المفسرين والذين ايقنوا ان الناس باتت تتعلق بالاحلام عن الواقع

شرفتني ياقلبي

[بريدة.. معشوقتي]

يامرحباً بعودة عجوز سمنسي ..والحمد لله على السلامة...
وإن شاء الله تكون بداية عودة الأخوة والأخوات الذين فقدناهم من سنوات..

هذي سالفة احد الشباب

.. أحد الشباب ألهمه الله تفسير الأحلام .. وبالفعل تطوع لاستقبال المكالمات والتفسير مدة ولكن ليست بالطويلة...

والسبب............ مثل ماذكرت .. وسوست البنات وكثرة أحلامهن و وجع الراس..


وساوس النساء صارت رزق لبعض القنوات والمفسرين....<< مصائب قوم عند قوم فوائد.

[عذبـــــة]

أولا .. عودا حميدا .. حضور قوي كالعادة
ثانيا .... متى تكون المرأة السعودية من عداد النساء المرضي عنهن لدى الرجال السعوديين ؟؟

اقتباس:  المشاركة الأصلية كتبت بواسطة عجوز سمنسي     لكنها اليوم اصبحت وبال على صاحبها بسبب استنفار النساء

لاتخاف
اذا كان صاحبها رجل فلن تكون وبال عليه بالعكس ستكون مصدر للوناسة
وخاصة اذا كان المفسر سربوت واعذروني على هالكلمة
لكن اعرف مفسر يسرق الدقايق والساعات من زوجته ليعطيها للنساء عن طريق المكالمات والرسائل وبغياب زوجته
مستحيل يكلم حرمه او يفسر لها بحضور زوجته
لازم يصرفها ولا يقول للمتصلة انا ادق عليك بعد شوي اذا تغيفل هالزوجة المسكينة
يستغل مااعطاه الله من الالهام والحكمة في السوالف مع النساء
وتقول لي انها وبال على صاحبها ؟؟
اللي مايبي يفسر يقطعها ويقول انا ماافسر
مو يوزع رقمه بين النساء ويقول انها وبال علي

اقتباس:  المشاركة الأصلية كتبت بواسطة عجوز سمنسي     اتذكر مرة اتصلت فيني بالغلط امراة وعلى طول دخلت بسوالف الحلوم وقعدت تقص علي سوالف اهلها قلت لها : هييييييه وقفي وش تبين انتي ؟ قالت : هووو مهب انت الشيخ المطلق؟ الحريم تدرعم على طول ومايردها ولا سور الصين العظيم بس انت عطهن وجه وتبي تشوف

ههههه اجل قلت لها هيييي وقفي وش تبين انتي ؟
بعدين هي قالت هوو مهب انت الشيخ المطلق؟
تصدق يالسمنسي لو انت قايل انها قالت لي هوو مهب انت ماجد المهندس كان اصدق بس المطلق ؟ مهب قوية شوي ؟ ههههههه
شكلك يوم ترد عليها قلت عليكم السلام بارك الله فيك ؟كيف حالك اثابك الله ؟ كم حفظتي من كتاب الله ههه
اغديك متعوذ من ابليس وتاركن شرب البيرة تالي الليل اغديك تستصح شوي
اعذب تحية

[دِيْــمُـقْــرَاطِـيْ]

اعذب تحيه ياعميد
صباح ومساء كل قارأ وبالاخص صاحب الموضوع
يبدو ان لك شعبيه كثيره سيدي لله درك ياعميد
عوده حميدا استاذي

بالنسبه لموضوع كما ذكرت النساء يطاردن خلف مفسرين الاحلام لان يبدو بنظرها ان يكون الحلم احلام سعيده
مره جلست مع المفسر الرومي فأكثر المتصلين نساء
يبدو ان 90% منهن يحكن مع المفسر ولايخجلن
الرومي لايستطيع وضع الهاتف بأذنه فيضعه المكرفون لخطر الهاتف على الاذن فراى المتصلات يحكن ببجاحه
الى هذي الدرجه تستطيع الحكي مع رجل وبكلام لايقال !
وضع النساء من الاسوا الى الأسوا

شكرا لك وتقبل مروري

[To Be]

اقتباس:  المشاركة الأصلية كتبت بواسطة to be     سبق وان تحديت على ان لا يكسر السمنسي الرقم المميز الا بموضوع مميز ويبدو انني كسبت التحدي عودا حميدا السمنسي اقول : يا بخت اللي على تفسير الاحلام قاوي ******************سهمه خضر وان طاح المؤشر زان سوقه صح لساني السنوات الاخيرة اصبح سوق تفسير الاحلام من الاسواق الناجحة تدعمها التقنية بمختلف انواعها "يوسف أيها الصديق أفتنا في سبع بقرات سمان يأكلهن سبع عجاف وسبع سنبلات خضر وأخر يابسات لعلي أرجع إلى الناس لعلهم يعلمون " فما كان من الملك بعد تفسير يوسف للحلم ومعرفته بأمر تلك النسوه الا : "وقال الملك ائتوني به أستخلصه لنفسي فلما كلمه قال إنك اليوم لدينا مكين أمين" فاصبح نبينا يوسف عليه الصلاة والسلام من المقربين للملك بعد ما كان في السجن وذلك بفضل الله ثم تفسير الحلم وأمانته اليوم اصبحت حياتنا الطبيعية كالحلم في سرعة احداثها فاختلط الواقع فيما نرأه في المنام فاصبحت تشكل غنيمة دسمة للكثير ممن يبحث عن الغناء السريع فكانت جيوب النساء هي الثروة الاقرب لحساباتهم تنفض عن طريق الرسائل النصية للجوال والقنوات الفضائية الا من رحم الله لا اخفيك احيانا ابحث عن تفسير بعض الرؤى باستخدام بعض كتب تفسير الاحلام والاستعانة بأحد المفسرين فلا تتردد بالاتصال بي اذا رغبت التفسير تحيتي لهذا الحضور الجميل

يا دفع البلى السمنسي

عسى ما في الخواطر شي



صباح الورد

[عاشق الخير]

اقتباس:  المشاركة الأصلية كتبت بواسطة to be     يا دفع البلى السمنسي عسى ما في الخواطر شي صباح الورد

يمكن ردك طويل والعجوز قضى نفسه من مواجهه الصبايا ..
فلم يكن كشبابه ..

ليتك مقتبس ابوي معك
رحمه الله
قصدي ردي عن ابوي وكره الحريم لشوفه بالحلم ..

[To Be]

اقتباس:  المشاركة الأصلية كتبت بواسطة عاشق الخير     يمكن ردك طويل والعجوز قضى نفسه من مواجهه الصبايا .. فلم يكن كشبابه .. ليتك مقتبس ابوي معك رحمه الله قصدي ردي عن ابوي وكره الحريم لشوفه بالحلم ..

ابوك له دعوات صادقه في هذه الساعة المباركه

ان يجعل الرحمن قبره روضة من رياض الجنة

وان تنزل عليه رحمة من السماء تنير قبره

اما ردك فما اقول

الا الله يكون في عيون نسانكم

و لك انت شخصيا

باقة ورد يفوح عبقها صباح بريدة

[عجوز سمنسي]

[align=center]8[/align][align=center]
8
8

اصبروا يالشيبان يالعرد انت واياه

صدق عرب ماتعرفون شي اسمه بالدور

تراكم عند واحد خبّاز

تبي بنص والا بريال ؟ هههه

ايه نسيت بعد

تراكم ماتجوزون لي انت ياتوبي وخويك عاشق

انتم رافعين لواء الدفاع عن المرأة بالحق والباطل

وانت ماتعجبني حركات التميلح هذي بس سنعكم عندي [/align]

[X 7oor S3od X]

.
.

عوداً حميداً ياعجوز

اقتباس: قالت : هووو مهب انت الشيخ المطلق؟

وراك خرّبت التميّز ؟! وإلا تحكك يدك على المواضيع يالمطلق

الحين بعـض الناس لو يغـفي ربع ساعه ويبرك عليه جاثوم
راح يتصل على المفسرين : ياشخ رأيت ورأيت في المنام !!
وهي كله جاثوم وبرك عليه < متعقده من هالجاثوم بغـيت أموت يالله التوبه بأسبابه
مااحب تفسير الأحلام بتاتاً

طيب عندي سؤال سريع إذا سمحت لي ياشيخ عبدالله

[عجوز سمنسي]

اقتباس:  المشاركة الأصلية كتبت بواسطة x 7oor s3od x     . . عوداً حميداً ياعجوز وراك خرّبت التميّز ؟! وإلا تحكك يدك على المواضيع يالمطلق الحين بعـض الناس لو يغـفي ربع ساعه ويبرك عليه جاثوم راح يتصل على المفسرين : ياشخ رأيت ورأيت في المنام !! وهي كله جاثوم وبرك عليه < متعقده من هالجاثوم بغـيت أموت يالله التوبه بأسبابه عندي سؤال سريع إذا سمحت لي ياشيخ عبدالله

تطنزين يالمشرفة ؟

ايه يازمن
يوم شيبنا صاروا يناقزون فوقي وينطنطون على بطني
وراه ماصدقتون ان وحدة متصلة علي تحسبن المطلق ؟

عاد قولي لبنات جنسك ياحور لايقعد يكثرن ضرب من الكراث على العصرية ويكملنها بطاسة لبن بالليل وقرصان وجريش وضرب خذاريف وسمفونيات على قولة عسولي

همن يقومن الصبح ياكافي كل وحدة نافشة شعرها وخشتها مشسفة تقل متبوبحة على غبار وتفتيش بارقام المفسرين

شرط ان ارقام المفسرين عند الحريم محفوظة بالاسماء وبالوارد وبالمستندات

ولو هو رقم زوجها والا ابوها يمكن ماحفظته ولا بذاكرة الهاتف

فوتك بصباح رايق

[عذبـــــة]

اقتباس:  المشاركة الأصلية كتبت بواسطة عجوز سمنسي     تقل متبوبحة على غبار [/center]

ترجم ماتحته خط

اقتباس: تراكم عند واحد خبّاز تبي بنص والا بريال ؟ هههه

عط عاشق وتوبي بخمستريل خبز على حسابي يستاهلون لأنهم من ضمن المناصرين للمرأة السعودية اطال الله في أعمارهم على طاعته ومتعهم بحوريات الجنان .

[عجوز سمنسي]

اقتباس:  المشاركة الأصلية كتبت بواسطة عذبـــــة     ترجم ماتحته خط عط عاشق وتوبي بخمستريل خبز على حسابي يستاهلون لأنهم من ضمن المناصرين للمرأة السعودية اطال الله في أعمارهم على طاعته ومتعهم بحوريات الجنان .

مالون بالاحمر ماراح افسره بمعناه المعروف عند الشيبان

ترى توبي وعاشق الخير يعرفونه

بس ابشرحها لك مبسط

يعني اللي تفرك خشتها بالغبار

عاد الله يقويك ياعذبة تبرعي لهم

لكن انا لو يبون بربع ريال ماعطيتهم

رافعين راية التميلح

اصبري علي بس وتبين تشوفين وش اسوي بهم شيبان قريح

ودهم يتشببون ويعرسون من جديد وقالوا مالنا الا التميلح يقالنا رومنسيين والحنان يذرف ذرف بين جنوبهم وهم من جنب القدة

لاتتوهقون فيهم ياما تحت السواهي دواهي

[عذبـــــة]

اقتباس:  المشاركة الأصلية كتبت بواسطة عجوز سمنسي     مالون بالاحمر ماراح افسره بمعناه المعروف عند الشيبان ترى توبي وعاشق الخير يعرفونه بس ابشرحها لك مبسط يعني اللي تفرك خشتها بالغبار عاد الله يقويك ياعذبة تبرعي لهم لكن انا لو يبون بربع ريال ماعطيتهم رافعين راية التميلح اصبري علي بس وتبين تشوفين وش اسوي بهم شيبان قريح ودهم يتشببون ويعرسون من جديد وقالوا مالنا الا التميلح يقالنا رومنسيين والحنان يذرف ذرف بين جنوبهم وهم من جنب القدة لاتتوهقون فيهم ياما تحت السواهي دواهي

داخلة على الله ثم عليك ماتهوشهم ترام عهده عن العضوات بالمنتدى
هذولا هم الباقين لنا بعد الله يناظرون خواطرنا ويدافعون عنا
لأنها لو تصفي عليك كان تخلينا نمشي بلا عبايات بالشوارع
خلهم يتشببون ويعرسون بس هم يأشرون على أي بنت من بنات المنتدى ومالهم الا يكونون بعرس الألف عريس بجدة بس هم يشدون حيلهم ويختارون
<< تهف عن وجيههم غايبتن عن ....