حرام عليكم كفاية لحسة مخ

[خطاوينا]

[align=center]بصراحة وبلا مقدمات..
اليوم صار عندي لحسة مخ..
صرت ما اميز بين الصح والخطأ..
عاد هماكم اخواني وحبايبي ..
قلت يا ابو خطوة ما لك الا حبايبك في بريدة تطرح عليهم مشكلتك..
بلكي يحلونها..
:
بقصة لكم القصة اللي صارت لي.. وانلحس مخي بعدها..
قريت رد لأحد الأخوة..
جميل جدا..
فيه من المثالية الكثير..
كان فيها وعظ لأحد الأخوة..
ونصح وارشاد..
وفيه قيم ومُثل.. وتعليم لمفهوم الرجولة..
وتعليم للأدب.. وما يفترض ان يقال ولا يقال.
أعجبني الرد..
تأملته ونويت أن لا أحيد عنه..
:
بتقولون وين المشكلة..
بقول لكم..
قبل أطلع من الموضوع .. زحلطن أصابعي على الماوس..
إلا وتنزل الصفحة لتوقيعه.. إلا وشوف أيميله في التوقيع..
عاد أنا بطبعي سطحي..
وأي واحد حاط أيميله اتهمه مباشرة انه يغازل..
يعني بصراحة ما أتخيل أنه حاط ايميله لتبادل الأناشيد الاسلامية..
تبون الجد النصيحة اللي أعجبتني ما صارت تعجبني ..
والسبب أن فيها تذكير بالله سبحانه وتعالى.. واستغربت كيف واحد يخاف من الله وحاط أيميله لاصطياد الفرائس..
بالله يا شباب اذا فيه أهداف غير الغزل من وضع الإيميل على التوقيع قولوا لي.. لأني بصراحة ما أبي أنصدم في الشخص اللي يعظ وينصح..
وودي اتابعه واستفيد منه..
حرام سطحيتي تقضي على شخص مميز كهذا..
ودمتم بنقاء وبلا ادعاء للمثالية..
:[/align]