حرام عليكم كفاية لحسة مخ

[خطاوينا]

[align=center]بصراحة وبلا مقدمات..
اليوم صار عندي لحسة مخ..
صرت ما اميز بين الصح والخطأ..
عاد هماكم اخواني وحبايبي ..
قلت يا ابو خطوة ما لك الا حبايبك في بريدة تطرح عليهم مشكلتك..
بلكي يحلونها..
:
بقصة لكم القصة اللي صارت لي.. وانلحس مخي بعدها..
قريت رد لأحد الأخوة..
جميل جدا..
فيه من المثالية الكثير..
كان فيها وعظ لأحد الأخوة..
ونصح وارشاد..
وفيه قيم ومُثل.. وتعليم لمفهوم الرجولة..
وتعليم للأدب.. وما يفترض ان يقال ولا يقال.
أعجبني الرد..
تأملته ونويت أن لا أحيد عنه..
:
بتقولون وين المشكلة..
بقول لكم..
قبل أطلع من الموضوع .. زحلطن أصابعي على الماوس..
إلا وتنزل الصفحة لتوقيعه.. إلا وشوف أيميله في التوقيع..
عاد أنا بطبعي سطحي..
وأي واحد حاط أيميله اتهمه مباشرة انه يغازل..
يعني بصراحة ما أتخيل أنه حاط ايميله لتبادل الأناشيد الاسلامية..
تبون الجد النصيحة اللي أعجبتني ما صارت تعجبني ..
والسبب أن فيها تذكير بالله سبحانه وتعالى.. واستغربت كيف واحد يخاف من الله وحاط أيميله لاصطياد الفرائس..
بالله يا شباب اذا فيه أهداف غير الغزل من وضع الإيميل على التوقيع قولوا لي.. لأني بصراحة ما أبي أنصدم في الشخص اللي يعظ وينصح..
وودي اتابعه واستفيد منه..
حرام سطحيتي تقضي على شخص مميز كهذا..
ودمتم بنقاء وبلا ادعاء للمثالية..
:[/align]

[فيصل...........]

خطاوينا

اقتباس: وأي واحد حاط أيميله اتهمه مباشرة انه يغازل..

مو انت بس وليست غريبه منك لكون مجتمعك مجتمع الا تهامات

اقتباس: يعني بصراحة ما أتخيل أنه حاط ايميله لتبادل الأناشيد الاسلامية

كثير من المشائخ والعلماء يضعون اميلاتهم وارقام هواتفهم في الجرائد والمنتديات اذا
لا مانع ان تصنفهم ضمن دائرة الاتهام لديك

[توتي]

اقتباس: وأي واحد حاط أيميله اتهمه مباشرة انه يغازل.. يعني بصراحة ما أتخيل أنه حاط ايميله لتبادل الأناشيد الاسلامية..

ياخي صف النيه يمكن المقصد تعارف او تبادل اغاني هع

بس شف يابعدي

جدي الله يرحمه كان يقول
كلن يشوف الناس بعين طبعه

والـــســــلامــ ..!!

[مـنـار]

اصابعك مو سوا كل واحد وله نية في قلبه ممكن يكون الايميل خير وممكن شر
وفي بعض الشباب يستغلون هالنقطة للتعارف والخرابيط بس مين البنت الي عندها جراة تضيف شاااب ...!!؟

[غلا قلبي]

[align=center]وانت للحين مخك ملحوس..

هو عاد بقا فيك مخ؟!

اخي خطاوينا هو حاط ايميله بالنهايه يبي يتعرف يبي يتناقش يبي يكشخ بايميله جديد بكيفه شي راجع له..مع انه الغالب للتعارف واضحه مثل عين الشمس..والله اعلم بالنوايا..

بس المهم والاهم انك ماشفت شي علني على الرجال يضره..

بس كل المشكله عشان ايميل دا حتة ايميل لا راح ولا جاء..

ممكن يطيح من عيني الشخص المميز لو شفت له رد يناقض نفسه فيه..

بس حرام تظلم الرجال مره وحده وخذ من العلم ماينفعك وخل الايميل اذا لم ينفعك..

يمكن الرجال حاط ايميله عشان تتناقش معه انت مثلا وتستفيد اكثر..

خذ بنادول بلكي تخف لحسة المخ هالمره ولا لامريت من هالعضو غمض عيونك عشان ماتشوف ايميله هع[/align]

[تالا miss,,,]

طيب...... مافيهاا شي اساله وقوله :الاخ الكريم ليه حاط ايميلك في توقيعك؟؟؟؟
هو راح يرد عليك ويقول :كيفي مالك خص .ولعيونك راح احط رقم الجوال .
بعدين المغازل مو صعب اللي يبي يغازل حتى بدون الايميلات .
عااااادي كل واحد يسويي اللي يبي حتى اللي يبي يحط صورته عااادي ((((اخاف يطردوني
هذا نفس اللي يقول ترى اللي عنده جوالين واحد للمغازل .....هههههههههههههههههههههه

[فتاة المستقبل]

إن لله يهاالمخ اللي بلشنا به ...وش سالفته ؟؟

اقتباس: وأي واحد حاط أيميله اتهمه مباشرة انه يغازل..

كثــــــــروا اللي بصــــــف عاشـــــق ..

[خطاوينا]

[align=center]فيصل...........>> خطاوينا

اقتباس: مو انت بس وليست غريبه منك لكون مجتمعك مجتمع الا تهامات

وش اسوي سطحي جدااا.. اذا فيه اهداف أخلرى يا فيصل عطنياااااه وأكون لك من الشاكرين.. لأن ودي احط ايميلي..

اقتباس: كثير من المشائخ والعلماء يضعون اميلاتهم وارقام هواتفهم في الجرائد والمنتديات اذا لا مانع ان تصنفهم ضمن دائرة الاتهام لديك..

لا المشايخ ضروري يحط جواله وايميلة الناس في حاجة لهم ولفتواهم.. من مهامهم التواصل مع النااااااس..
:
فيصل شرفني مرورك..[/align]

[خطاوينا]

[align=center]توتي.. حياااااك..

اقتباس: ياخي صف النيه يمكن المقصد تعارف او تبادل اغاني هع

ياخي عجزت اصفي النية.. اعترف ان سوء النية كان حاضر..
ولا كتبت الموضوع الا علشان اصفي النية وتنوروني..

اقتباس: بس شف يابعدي جدي الله يرحمه كان يقول كلن يشوف الناس بعين طبعه

الله يرحم جدك.. وهو صااااادق.. عني اللي في مخيلتي في وضع الايميل هو الغزل..
فلووووو وضعت ايميلي في توقيعي وقلت لكم للتواصل من اجل تفسير الأحلام لا تصدقوني.. ترى هدفي إن وضعت ايميلي هو الغزل وقد اعذر من انذر..
:[/align]

[خطاوينا]

[align=center]

اقتباس:  المشاركة الأصلية كتبت بواسطة مـنـار     اصابعك مو سوا كل واحد وله نية في قلبه ممكن يكون الايميل خير وممكن شر وفي بعض الشباب يستغلون هالنقطة للتعارف والخرابيط بس مين البنت الي عندها جراة تضيف شاااب ...!!؟

اكيد اصابعنا مو سواااااااااااا.. بس ابي مبرر منطقي لوضع الايميل..
على العموم انا لا اتحامل على اصحاب الايميلات ولا لي شغل في خصوصياتهم..
ما عنيته فقط.. ((لا ترمي الناس بالحجارة وبيتك منزجاج))..
:[/align]

[بــرمــودا]

شف ياخطخوطي هه تراه اسم الدلع ,,, شف يابو لحسه انا معك بذي تدري ليش لأننا saudi arabiaوتفكيرنا دايم بالجنس اللطيف وتقديم أرقى الخدمات له والبحث عن سعادته هع ,, إيه بعضهم تراه داعيه ويجسم شرطان دينيه على البنات وينصحهن بالماسين ,,,دمت بخير خطخوطي

[خطاوينا]

[align=center]غلا قلبي..

اقتباس: وانت للحين مخك ملحوس.. هو عاد بقا فيك مخ؟!

وش اسباقي شوووووي..

اقتباس: اخي خطاوينا هو حاط ايميله بالنهايه يبي يتعرف يبي يتناقش يبي يكشخ بايميله جديد بكيفه شي راجع له..مع انه الغالب للتعارف واضحه مثل عين الشمس..والله اعلم بالنوايا..

هي تبقى أمور شخصية.. لا تهمني..
ولكن لا تنه عن خلق وتاتي بمثلة أو على حده..

اقتباس: بس المهم والاهم انك ماشفت شي علني على الرجال يضره..

للأمانه ما شفت شيء..

اقتباس: بس كل المشكله عشان ايميل دا حتة ايميل لا راح ولا جاء..

صح هو حتت ايميل.. بس يخفي خلفه الكثير..

اقتباس: بس حرام تظلم الرجال مره وحده وخذ من العلم ماينفعك وخل الايميل اذا لم ينفعك..

اوكي.. بس بسألك النصيحة لما تكون قدام النااااس مو شتيمة..

اقتباس: يمكن الرجال حاط ايميله عشان تتناقش معه انت مثلا وتستفيد اكثر..

يمكن..

اقتباس: خذ بنادول بلكي تخف لحسة المخ هالمره

ابشر ولا يهمك...
شرفني مرورك..[/align]

[فتحـية]

[align=center]

والله على حسب العضو ...
إذا هو راعي آراء ومقالات فأنا ما أشوف فيها شي أما غير كذا فهذا يفتح باب على نفسه ..
ورحم الله امرء ذبّ الغيبة عن نفسه !

سلملم[/align]

[& جمال الطفوله &]

الله أعلم بنياتهم ....

يمكن البعض منهم يحب التعاارف من بني جنسه << متعووب عليها

واذا كان كاتب ... يحب يشوف آراء الناس في مقالاته ..


الناااس تختلف في تفكيرهــم خيووو....



تشااااااااو

[جورينا]

*

ياكثرهمـ هالنمونة بس أرهب شي اللي يكتب لك فقط الجنس الخشن لا للنعومة ..!!
عاد هاذي تبي له مليون لحسة مخ من شان تنفهمـ .. عاد انت وانا اختك خذهم على
قد نياتهمـ ..!! يمكن النية مطية ..!!
والله يعين لحسات مخكـ ..!!


*