أخي : رحيل العاصفة الجيزاني
أقول على هونك ولا تجيب كل طبلونك على القصمان وتسب من أسميتهم المتشددين ,
أولا : نعرف جميع مناطق المملكة ولا نخلط ونسمي الجميع جازان ؟؟ ترى فيه ابها وقد سكنتها وفيه خميس مشيط والشقيق والمندق ورجال ألمع وبيشة وبلسمر وبلحمر وووو ترى نحبهم وغاليين علينا ( عاد وش نسوي إذا كانوا بهالذكاء والعلم ووو والحكومة ما مسكتهم شيء؟؟؟))
ثانيا :إذاكان لك موقف مع رجال الهيئة الله يعزهم الذين إن كانت لهم أخطاء فهي قليلة بالنسبة لقضاءهم على الفساد , فلا تسبهم لأن خيرهم أكثر من شرهم
ثالثا :أنت قلت (( من المستحيل ان يأتيني شخص ويقول لي قم رح المسجد وانا جالس بسيارتي بالشارع الثاني بعيد عن المسجد !! فهل ينتضر مني طاعته ؟؟؟؟ هذي تعتبر لقافه وشمازه
فهل يعلم ان كنت مريض او مشلول او ماعندي نعال او يمكن لازم اقضي حاجتي ومزنوق ورحت بعيد عن المسجد لأني مقدر انزل من السايرة ؟
طبعا اذا كان بلقافته يفكر انه يسوي الصح !!لا ورب البيت لانزل اتوطاه وان كنت مزنوق فكيت زنقتي على خشته لأن لقافته ما تربحه ))
إن موقفك مع اللي يأمرك بالصلاة وأنت في الشارع الثاني عن المسجد (( يقاله بعيد عن المسجد )) ليش قاعد ماصليت حتى تنتظر أحد يأمرك بالصلاة ؟؟؟ وترى قولة قم صل هي أمر بالمعروف , وبعدين ما أخذ عليك العصا يلوحه بظهرك !!!. فلا تكن ياأخي حساس من يأمرك للخير , أحسن النية بهم ولا تعتبرها لقافة وتدخل فيما لايعنيهم بل هي شعيرة من شعائر الاسلام تكاد تندثر بسبب اشكالك وقوم وش كاري .
رابعا : ترى الحكومة وضعت القصمان بالمناصب القيادية لأنها أبخص بهم (( الشيوخ أبخص )) ومن زينهم وسنعهم وتدبيرهم للأمور تولوا أمور الدولة .
ياأخي لا أريد أن أطيل , مع أننا الكل نحبه وناس متسامحين نعفوا عن المخطي علينا معليش نسامحك //صحيب// (كلمة يعرفها القصمان واللي معاشرينهم )
عذرا للقراء لأنه غصب عني كلما سمعت طاري القصمان فز قلبي وأنا بديرتي
أخي عبدالله الفقير : الله يخليك لعين ترجيك غيير عنوان الموضوع تراه وعـ ع ع ع ع ـــع مهب حنا اللي وعــ ع ع ع ع ـع
العرض الشجري