تلذذ بحلمك قدر ما تشاء؟!

[قـتـالـه]

ياخي كلامك يشهي
مادري ليه اذا قريت مواضيعك احس اني توي قايمه من فيلم مترجم
احسك ماتعرف العجاج ولا النفدان
طيب عمرك ذقت حكاكة القرصان
بي فضول غير طبيعي ادري هو انت تفرق بين طعم سكرية القرعا
وسكرية شري :|
ودي اتبجح عليك بلغة الفلاليح الممزوجه بروح البداوه
واقولك ان شري مرتفعه وسكريها انشف واكثر ملوحه بطرف
لسان الخبير
بالنسبه للاحلام خلني اعلمك بفلسفتي
لما يكون الحلم يتعلق بالاساسيات زي امتلاك بيت او ماديات درجه اولى لإمتلاك انسانيه كريمه
هنا يتحول لكابوس للتعب الوارد من عدم توافر المبتغى ..
مهنا أقشر من متابعة الاحلام الخاصه بالاستقرار المادي
ولما تكون احلام خفيفه وخاصه بالارواح
زي قرب من حبيب
انتظار سفره بعيده لمكان الاحلام ..
تحقيق هدف يخص العمل وعلى مستوى الرضا عن الذات

^
الاشياء هذي لذيذ انتظار الحصول عليها
وترتيب الظروف لإقتناص فرصها

أوحيت ياهنري