| مشبّ المجلس |

[الـــفـــ@ــــد]

اقتباس:  المشاركة الأصلية كتبت بواسطة تركـي     والبر والعلوم ومقتطفات من بعض ذكريات خالك / ضاري .. خلو الفهد يستانس . ترآآ خذوها مني يحب هالعلوم .. هههه

وانت صاج تركي

والاسبوع الماضي طلعنا طلعة يحبها قلبك انا وموديرنا ابو نورة للدهناء بس استئذنه وباقي اعضاء الرحلة انزل مقتطفات من الرحلة هنا لدى ديم

[أم سلطان]

اقتباس:  المشاركة الأصلية كتبت بواسطة الـــفـــ@ــــد     ام سلطان انا لست متكبر على النصيحة لكن النصيحة والتوجيه دائما مقبول من القدوات وغالبا مقبوله بالخفاء مو شاهر يا ظاهر هناك فرق بين النصيحة والتشهير حتى نصيحتك لي غير مقبوله لدي حبذا لو كانت بالخاص اذا ترين اني جانبت الصواب واذنبت شكرا لك

اهلا باابو محمد .
انت تكلمت على العام ولم تستخدم الخاص بنصيحه وبما انك تكلمة على العام فيحق للعامه الرد عليك وانا من العامه بارك الله فيك.
عذرا لك

[تركـي]

اقتباس:  المشاركة الأصلية كتبت بواسطة دِيم     ^^ تركي قتو ماهي خالة .. مايليق عليها قولة خاله ههه تصلح عمّة أكثر .. + ب الله ضويري مايكتب ويقرا ..؟ يعني يمديه يجي للمشبّ يسولف علينا ..؟

مدري آنتن آبخص عااد ..
خاله والآ عمه ..

ليتها تجيب ( ضويري ) هنيآآ ..
يعطينا سويلفات آهل الشمال وهو مميل العقال ..

[دِيم]

اقتباس:  المشاركة الأصلية كتبت بواسطة الفتى السمنسي     مرحبا ديم ..الف الف مبرووك وعقبال حرف الدال بحول الله وقوته . أختي ديم ..من خلال تعاملي مع المجاز في المرحله الثانوية دائما مانؤكد على الطلاب أن يكون إستخدام المجاز تحت مضلة الشرع والدين ولا نفتح المجاز على مصراعيه كما يفعل اصحاب (الرمزيه) والتي مع الأسف يستخدمها مسلمين ومن خلالها دخلوا بالمحضور ومعصية الله وغضبه . بالنسبة لما لونته بالأحمر يعتبر فيه تناقض ياديم . أنتي قلتي (لما نشبه طاغية بفرعون ) أو (أمة عاتية بقوم عاد) ..جميل جدا كلامك ومتفق معك .لكن ماتلاحظين أن الطاغية صفة من صفات فرعون ...وماتلاحظين أن الأمة العاتية عن أمر ربها كأمة عاد التي اهلكها الله بالريح الصرصر العاتيه . لكن هل هناك صفة نتصف بها مع قوم جوج ومأجوج؟؟ ..بمعنى هل نشترك معهم في كفرهم وضلالهم كمثال فقط . بالنسبة للعدد فلا مقارنة نحن معهم وكان بإمكان قتاله إستخدام وصف يليق بأمة التوحيد وتقول : حنا كثر الجراد المنتشر أو أي صفة تتوافق وشريعتنا . اتمنى ياديم تكوني فهمتي القصد وتراي متى ماحسيت إني على خطأ سأتراجع فورا لكن كلامي متأكد منه ومن مشائخ كبار بأن وصفها للأمة بقوم جوج ومأجوج محرم شرعا مهما يكن وعليها أن تستغفرالله .فشتان بين أمة التوحيد وأمة الكفر والضلال .

هلا بأبونا الفتى .. يبارك فيك ربّي ..
أظن (والله أعلم ) إن كلامي واضح تماماً ..
وهي الأخذ بصفة من صفات المشبّة به وهي الكثرة لاغير ..
+ ماعندي إلا ماكتبتُ والله يعلم بالنوايا .. ومن جد ماحب أعيد وأزيد وأكرر بالكلام ماني شاطرة بهالنقطة ..
لكن .. وركز على لكن .. :
ليه تحبّ الجدل ..!
في النصيحة عموماً .. نحن مأمورون .. بالتذكير إن لم يتخطّ الأمر لأفعال .. وإلا لوجب إقامة الحد .. هذا إن كانت كلمة عادية توجب كل هذا الجدل منك ..!!

ترك الجدل في النصح قد يعيد المنصوح إلى رشده .. والإلحاح عليه يجعله ينفر ويصر على ماكان عليه .. !
أنتَ أعلم مني بهذه الأمور .. لكنّ إن أردت لكلامك تأثيراً فاترك الجدل ..
واكتفِ بالإتيان بالأدلة التي تبريء ذمتّك أمام الله عز وجل ..

[تركـي]

ايه يابومحمد .. تكفى
ورنا هالخشيشه بالصور
خل نشوف علومكم آنت وابونوره ..

مني لك .. ديم موافقه ..

[أم سلطان]

اقتباس:  المشاركة الأصلية كتبت بواسطة دِيم     نجححححت والله ...

مبروك وعقبال الشهاده العليا يارب

[الـــفـــ@ــــد]

اقتباس:  المشاركة الأصلية كتبت بواسطة أم سلطان     اهلا باابو محمد . انت تكلمت على العام ولم تستخدم الخاص بنصيحه وبما انك تكلمة على العام فيحق للعامه الرد عليك وانا من العامه بارك الله فيك. عذرا لك

ام سلطان انا مانصح احد انا اوجه وافك النشب بس

الا يام سلطان شويبك ماله حق تروحين تهمزينه وتنومينه ترى له حوبه والاجر فيه

[دِيم]

^^ الفهد .. لاتحط صور من مركز تحميل المنتدى .. ترآ والله ماتطلع عندي هه ..
إذا تبي موقع يحمّل لك أكثر من ثمان صور .. وتكون تاريخ الصورة فيه .. لمدة أطول .. ماتنتهي أنا بالخدمة .. *_*

[دِيم]

قتّالة إن كان ضاري مثل الشايب .. بلبسة الكوفيّة فـ عز الله لايجي
يخرع البنات هنا هههه *_*

[الـــفـــ@ــــد]

اقتباس:  المشاركة الأصلية كتبت بواسطة دِيم     ^^ الفهد .. لاتحط صور من مركز تحميل المنتدى .. ترآ والله ماتطلع عندي هه .. إذا تبي موقع يحمّل لك أكثر من ثمان صور .. وتكون تاريخ الصورة فيه .. لمدة أطول .. ماتنتهي أنا بالخدمة .. *_*

اذا خلصتي امتحان ارسلهم لك ونزليهم انت بطريقتك

اتفقنا؟

[دِيم]

اقتباس:  المشاركة الأصلية كتبت بواسطة أم سلطان     مبروك وعقبال الشهاده العليا يارب

الله يبارك فيك .. عقبال سلطان .. *_*

[أم سلطان]

اقتباس:  المشاركة الأصلية كتبت بواسطة قـتـالـه     أم سلطان لاتطري اسمي انت توحي مايحتاج كل شوي اكررها ديم يبشرتس ربي بالجنه فرحتيني يالعزوه وعقبال التخرج واكمال مشوار الدراسات العليا القصيم بحاجة دكتورات يارب تكوني منهن عن قريب وبالنسبه لطلبتس السموحه ياعوين ابي حقي بالدنيا والاخره اللي جاني ماهو سهل وهذاي انتظر قضاء الواحد الأحد

مثل ماتريدين يالغلا .
لكن ارجو من الاداره توضيح للجميع انني لست الفتى
اخت لكم من الرياض دخلت معكم لاستمتع وسجلت معكم على حسب علمي عن مجتمع القصيم انه محافظ !!!
رجاء من المشرف تركي او احد من الاداره توضيح ذالك
مااحب ان يكون بيني وبين احد زعل حتى لو مايربطني بكم اي صله

شكرا للجميع .

[دِيم]

اقتباس:  المشاركة الأصلية كتبت بواسطة الـــفـــ@ــــد     اذا خلصتي امتحان ارسلهم لك ونزليهم انت بطريقتك اتفقنا؟

وين ترسلهم *_* ..؟ ههه
أنت نزلهم مباشرة هنا يكون أحسن وأدرأ للشبهات تخبر هالمنتدى ع الريحة *_*

[الـــفـــ@ــــد]

اقتباس:  المشاركة الأصلية كتبت بواسطة دِيم     وين ترسلهم *_* ..؟ ههه أنت نزلهم مباشرة هنا يكون أحسن وأدرأ للشبهات تخبر هالمنتدى ع الريحة *_*

ارسلهم بيتكم

عبيط انا صح

[أم سلطان]

اقتباس:  المشاركة الأصلية كتبت بواسطة الـــفـــ@ــــد     ام سلطان انا مانصح احد انا اوجه وافك النشب بس الا يام سلطان شويبك ماله حق تروحين تهمزينه وتنومينه ترى له حوبه والاجر فيه

ونومه بعد ..
كلش الا الحوبه
والاجر ندوره
شكرالك .