البارحة في منامي شفت خلي ... هــوس الــنــســاء فـي تـفـسـيـر الاحــــــلام

[shahd2007]

عودا حميدا السمنسي ..

اشوف المجلس مستلج وزحمه ..


حتى الحلم محاسبه عليه زاد الحرمه الله يصلحه وشوله تنام وتحلم ..

مسأله تفسير الاحلام ... ماعمري سمعت او شفت حرمه اللحين تقول حلمه وتبي تفسير ..

اللحين اكثرهن متعلمات ويعرفون ان الحلم مايفسر ..

[عجوز سمنسي]

اقتباس:  المشاركة الأصلية كتبت بواسطة مامثلي أحد     ماعليك منهم ياشايب بليس اجمد يااااله والله ماصدقنا انك جيت الصراحه انك منور الحته كلها غصبن عنهم كل ابوهم وتفسير الاحلام تراووه يصدق احيانا يعني ماهو دايم من غراش اللبن احيانا اقرطع قوطي ببسي واحلم حلمن يهبل وافسرووه ويطبق طبقتن سنعه وترى الحريم اكثر حلوم من الرجال لقوة ايمانهن مو يقولك من علامات قوة الايمان تحقق الرؤى والاحلام !!! انتم ياحول من الفتن اللي حولكم والبنات المماليح مهتز ايمانكم شوي يعني ببساطه ماصدقت علومكم تصدق حلومكم

اهلا بك مامثلي احد

الله يسعد الطلة ويخليك

انتبهي بس لاتكثرين شرب البيبسي تراه يخلي الحلوم تتضارب مع بعضها وماتدرين انتي تبين تاخذين رجل صالح والا تبين تركبين سيارة بي امم دبليو

اعتمدي على الله واتكلي عليه فهو المعين وانصحي من تعرفين بالايتعاد عن تلك المواقع المشبوهة

شرفتيني

[باسمة]

[align=center]أنا ما أأيد تفسير الحلم إلا إذا تكرر على الشخص نفس الحلم وسو له قلق
أو بعض الرؤيا الي يحس الواحد أنه تستاهل أنه يفسرها وخاصة لما يراه بعض الأشخاص الذي يكون مصابون بمرض أوعين ممكن تكون بشاره لهم أن الله سيشفيه أو سيفرج عليه قريبا إن شاء الله
أما مثلا تجيك وحده وتقعد تقول حلمه للمفسر مثلا(شفت بالحلم ولد جيرانا ولما دخل بيتنا صارت عمتي ماصارولد جيرانا بعدين فجأة دخل ولد جيرانا وأنا ماكنت لابسه الحجاب ..... )وغيره من الخرابيط ..وأصلا يعرف الواحد إن بعض الأحلام خرابيط حتى لو ماكنا عنده مهاره في تفسير الرؤى والأحلام ..

واتمنى للجميع أحلام سعيده[/align]

[عجوز سمنسي]

اقتباس:  المشاركة الأصلية كتبت بواسطة قلب الأسد     [align=center] الشيخ ابن عثيمين ,, قال :: على الأنسان ان لايتعلق بالأحلام ولا يهتم بها ,, لأنه اذا اهتم بها لعب بها الشيطان الخ ........ على هذا الرابط ,,, http://www.islamway.com/?iw_s=fatawa...fatwa_id=10128[/align]

شكرا لك قلب الاسد

لاعطر بعد عروس

كلام الشيخ محمد بن عثيمين الجم كل مدعي

كل الشكر لك ياقلبي

[باسم الثغر]

صدقت ياعجوز

ياكثر حلومهن
الوحدة منهن لو تنام بين عشوين شافت لها حلمين أو ثلاثة
ثم يروح عليها الليل وهي تدور أحد يفسر
والغريب إنهن ماينسن الحلم أبد

تصدق
فكرة قناة لتفسير الأحلام مربحة جدا
مهنا شغل ولا كلافة
خل عندك تليفون
وإذا اتصلت الوحدة فالتفسير أحد أمور
ياتبين تتزوجين أو يجيك ولد أو أبوكم ماعنده نية يعرس عليك
وهن مايقصرن يتخابرن بمفسر الأحلام المتفائل
وصدقني
الدراهم راح تكب كب

تحياتي

[دِيم]

عوداً حميداً

بالنسبة لتفسير الأحلام صدقت النساء هن من يلهثن وراء المفسرين
لربما لأنهن يلهثن خلف تحقيق الأمنيات ولو كانت أحلاماً


مضطهدات على كل حال
*
مرحباً بعودتك

[هلاوين]

ياليت الواحد يشوف حلم زين علشان يروح يفسره

شكرا لك

[عجوز سمنسي]

اقتباس:  المشاركة الأصلية كتبت بواسطة فديكا بريده     انا اموووت بالتفسير من حبي للتفسير اتمنى اني افسر بس ماعمري دقيت على احد استحي

اقتباس:  المشاركة الأصلية كتبت بواسطة فديكا بريده     اهارجه اذا به احد يقدر يسال عن تراي جامعتهن ....... <<<تخاااف من حلومه دايم يصدقن ....

هلا بالمناضلة عن بني جنسها والمنقهرة من الرجال

وش تبين بتفسير الاحلام

تضربين من المخمس وتطرقعين لبن وتجطلين وتبين تخذرفين

انا افسر لك حلومك على ماتبين

بس كل شي بثمنه
الزوج المزيون بالف ريال

والبيت بعشرة الاف

وكل مازاد زدنا

شرفتي

[عجوز سمنسي]

اقتباس:  المشاركة الأصلية كتبت بواسطة ابو ريما الخالدي     السمنسي عاد السمنسي رجع الى أبداعه السمنسي عد عن قراره السمنسي رجع ليعد للمجلس بريقه الذي فقد هل أتكلم عن العوده أم عن سمنسي عودتك ياسمنسي لها روعه ومتعه عدت وسيعود للمجلس بريقه وجلساته عدت وعودتك لها معنى هل أقول عاد الأسد الى عرينه أو أقول عاد الملك على عرشه حديثي يطووول ويطووول ولاأجد غير أن أقول لك طولت الغياب يازعيم سيدي الغالي سمنسي للأحلام عند النساء قصص وحكايات لاتنتهي أحد محارمي عندما تحدثني بحلم حلمت به أجده سيناريو مسلسل فمن شفت فلانه الى قالت لها فلانه وجاءت فلانه ولابد من أن ترى أحد أقاربنا سوأ الاحياء أو الاموات وأكثر شي الأموات وأذا سمعته تعتقد أن من حلم به قد نام يوماً كاملاً سبق أن أتصلت على أحد مفسري الأحلام وعندما سمع منها الحلم قال لها ياأختي هذه خرابيط شيطان والرؤيا لاتتعدى المشهد والمشهدين والكلام فيها قليل أو لايوجد فيها كلام نهائياً فالاحلام التي تحلم بها تكون من خذاريف الشيطان ولو سمت بالله وقراءة الورد قبل أن تنام ماراح تشوف شي دمت بود وتقدير

اين اقف بين تناثر حروفك

بل اين اذهب من تمجيدك لشخصي الضعيف

اين اخرج من واحتك ونقاء قلبك وصفاء وجدانك

دعني ياسيدي اتجاوز هذا الثناء لانني والله لا استحقه ولا اجد نفسي الا قد توشحت الخجل

خجلا من صدق مشاعرك تجاهي

لكن دعائي لك يجزيك عني فاجزل له ياربي الخير اينما كان ووفقه اليه اينما حلّ

ياسيدي لاتثريب على قريبتك

فعندنا وعندك خير

فكل بيت فيه نساء سيكون مصيره الصداع من كثرة الحالمين

وياليتها احلام على سنع

ثلاثة ارباعها سجات قبل النوم

ان شافت فلم مرعب حلمت بثعابين

وان شافت مهند ويحيى شافت فستان عروس

وان شافت طق وعروس حلمت بشي يقرقع البيبان

خلها على ربك ياقلبي

شرفتني وربي

[فديكا التميمي]

اقتباس:  المشاركة الأصلية كتبت بواسطة عجوز سمنسي     هلا بالمناضلة عن بني جنسها والمنقهرة من الرجال تسيف احبن .... وش تبين بتفسير الاحلام كل نومي علشان هالحلوم .. تضربين من المخمس وتطرقعين لبن وتجطلين وتبين تخذرفين مخمس؟؟؟؟؟؟؟؟؟؟!!!! انا افسر لك حلومك على ماتبين لا ماااش ماتهجان انت مابه غيرك؟؟؟ههه بس كل شي بثمنه الزوج المزيون بالف ريال نبي شين بس حبيب اغديه يصير ارخص؟؟؟؟ والبيت بعشرة الاف وكل مازاد زدنا شرفتي

.......................

[غَسَقْ,]

أَهلاً وَسهلاً بِ حَبيب القَلب
وَعوداً حَميداً !


مُتابِع بِ صَمت

[خن بط]

88
ماخلاهن انواع الكوابيس والحلوم والخذاريف إلا إذا صار العصر إبطشن بالكراث ومعه زنجبيل ودرجة الحرارة حوالي خمسين درجه مئوية وهمن يكملنه عقب المغرب بمكسرات وفطاير وعصير وهمن بعد العشاء يضربن هالقرصان وهالجريش وهمن يختمنه ببسي وهمن تصير بطونهن تقل براميل غاز ابو خمس وعشرين وانواع المر وهمن يمسكن الفراش ولا تسمع بهالليل إلا تقسيمات بيتهوفن مخلوط مع حلوم وهمن إذا قامن هن وشوشهن الصبح اتصلن على المشايخ والدجالين .

[╝◄ ساندرا ►╚]

[align=center]عودآ حميدآ
انا اقول المجلس مب طبيعي !
خرشه وزحمه
...
بصراحه حلو الشخص يفسر احلامه
انا مت وانا ادور رقم مفسر الاحلام بس عجزت القى الشخص الموثوق فيه
مثل الشيخ الرومي [/align]

[وضوح]

اقتباس:  المشاركة الأصلية كتبت بواسطة عجوز سمنسي     ان شافت فلم مرعب حلمت بثعابين

معذوره من الصحراء والقحط اللي هي عايشه فيه ..!

اقتباس: وان شافت مهند ويحيى شافت فستان عروس

معذوره برضوو تعتبرماتراه خيال او حلم يستحيييل تحقيقه ..!

اقتباس: وان شافت طق وعروس حلمت بشي يقرقع البيبان

لأنه متصبحه بهوش ومتمسيه بمثله ماكأنه رايحه لفرح ..!
مو الخلل في الطقطقه بس مااحد يقرأ الورد عليها ومرتاعه من صبحه ..

اقتباس: خلها على ربك ياقلبي شرفتني وربي

سبحانه.....
يعز من يشاء ...،،

[Qassimy]

الحمد لله لم ألجأ إلى مفسر للأحلام أبدا , لا أعلم مالسبب
أما النساء عندهن فراغ وحب استطلاع لما يخبيه المستقبل لهن , ربما للخوف أو للشوق الذي لايستطعن تحمله .
فيه برنامج على الــ mbc يذاع يوم الخميس الساعة الواحدة أغلب المتصلات من النساء حتى أنك تسمع أحلام ساذجة تأتي إلى هذا المفسر لتفك رموزه والشيخ هذا دائما تفسيره يميل إلى الفأل الحسن في الحلم !!