لو خيروكم ماذا تختارون من بين هؤلاء الأزواج ولماذا

[أمــ الحب ــير]

اقتباس:  المشاركة الأصلية كتبت بواسطة مياسة     نسيت اقول كلام تابع لـ سؤال امير .. وش جاينا ع النسيان هاليومين؟ احد ماكل باذنجان؟ ذكرت في اخر كلامي انه اذا وجد الحب اوالميل في الاقارب.. فالزواج فيه مُستحب,, لكن هذا لا يمنع من وقوع المشاكل .. ولكن في سبيل الحب (على وزن في سبيل التاج للمنفلوطي ) كل شي يهون ... وسلامتكم

أن دوم نساي أنسى عشاي اللي كليته قبل ساعات
الباذنجان ما أكله عندي حساسيه
أنتي خففي من أكلة المصقعه صدقيني تسبب لك هلوسه هه

بلا سبيل حب بلا خرابيط هذا كله من خرافات عنتر وعبلة وروميو وجولييت ,,

مافيه أحلا من ارتباطك بشخص لآتعرف عنه شئ إلآ فليلة الدخله يكون له طعم خاص ومميز
<===أنا ماجربت للحين بس أحساسي يقول كذا

الظاهر متأثره في روايات أحلام الرومنسيه ,,
أنتبهي كلها نصب × نصب على أسمها أحلام

نصيحة لآتتزوجي من قرايب إذا بترتاحي <== مجرد وجهة نظر

آورفوآر

[أمير الزين]

مياسه / مرحبا بك ,,
بصراحه كلامك صحيح ,, بس وشلون ينسى الواحد وجرحه ماتداوى ,,
بس أبشرك بديت أنساها ,, شو أساوي فكرت فكر عدل وقلت يا امير انسى عاد مابقى بالدنيا الا هي!

بس القلب والحب انما للحبيب الأولي !!

كيف كتبت القصه ماأدري ,, حسيت اني اذا كتبتها أفضفض عن قلبي شوي ,
صح ان اعضاء بريدة مو بالحيل يجيك واحد بالرد ماتدري وش يبي ! بس ذولا اهل ديرك مالك الا خشمك ولو كان عوج!

والله يرحمك يامزنه متي وانتي ماتهنيتي !!

بعض العقول ودك تدخلها فرمته وتنسخه نسخه جديدة من شان يطلع صح !!
وبعض البشر ودك تحطه بمخباك كل شوي تطلعه وتبوسه !!

ودمتم

[البـــBADERـــدر B.D.Q]

جبل عمر
بالنسبه لي لا اعتقد ان في يوم من الايام سوف اقترن باحد منهم
لا اسباب عديده منها
ان ماعندنا بنات عم وبنات خال كلهن معرسات
واعتقد ان نفس حياتك ماراح تتغير شي من ناحيه الاطباع ونفس الوجيه ماراح تشوف ناس جديده

وبالنسبه لي اغلب بنات اقاربي اعتبرهم مثل خواتي ولا استطيع في يوم من الايام ان اعتبره زوجه لي

الف مبروك الزواج مقدما جبل عمر

[جبل عمر]

اقتباس:  المشاركة الأصلية كتبت بواسطة البـــbaderـــدر b.d.q     جبل عمر بالنسبه لي لا اعتقد ان في يوم من الايام سوف اقترن باحد منهم لا اسباب عديده منها ان ماعندنا بنات عم وبنات خال كلهن معرسات واعتقد ان نفس حياتك ماراح تتغير شي من ناحيه الاطباع ونفس الوجيه ماراح تشوف ناس جديده وبالنسبه لي اغلب بنات اقاربي اعتبرهم مثل خواتي ولا استطيع في يوم من الايام ان اعتبره زوجه لي الف مبروك الزواج مقدما جبل عمر

عذراً سأقفز الردود لبعض الوقت

بالعفل إحساسي مثل إحساسك قريباتي أعتبرهنَ مثل خواتي ولا أستطيع يوم من الأيام أن أعتبر إحدهن زوجة ليه هالإحساس ما أدري بل أخاف حينما تتزوج إحداهن ويكون زوجها مش ولا بد أحس نفسي ودي آطى على راسه

دمتَ بعزٍ وخيرٍ وفلاح

[&تذكار الرحيل&]

طبعاً كلهم مرفوضين

طبعاً الافضل نكون نعرفه حتى ان كان قريب بشرط من بعيد....

[عازفة ألحان الليل]

زواجكِ من ولد عمك
زواجكِ من ولد عمتك
زواجكِ من ولد خالك
زواجكِ من ولد خالتك

لا اوافق.. غالبا يكون بين الأقارب مشاكل وهذا فعلا لاحظته
وإذا لم يكون مشاكل تكون مشاكل صحية وراثية بسبب القرابة وهذا معروف طبيا مثل ضعف النظر
وامراض اخرى وراثية
ولكن في بعض الحالات لامانع من زواج الأقارب

[مياسة]

اقتباس:  المشاركة الأصلية كتبت بواسطة أمــ الحب ــير     الله يوفقهم ويزيدهم محبه وترابط بس قولي لهم أكيد تسوون فحص قبل الزواج لآن 80% من الأقارب لآيتناسبون للزواج حسب نتائج فحص ماقبل الزواج للأمراض الوراثيه ,,

امين الله يوفقهم يارب,, والعقبى عندكم
بس بسألك يا أمير..
إذا اثنين يبون بعض... وكل شي بينهم تمام بالتمام..
لكن طلع التحليل مو مناسب لهم ..
تتوقع ينسون شي اسمه زواج ؟




اما موضوع الزواج عن حب.. فهو واقع محسوس ليس حديثاً يجوس الطبقة السريالية من عقولنا..
ولكنك مع الاسف.. شوهت صورته ايها الامير حينما قارنته بـ سريالية شكسبير.. والعصر الجاهلي,, واخيلة أحلام الجزائرية..
الحب موجود منذ زمن بعيد وحتى اليوم.. وإلى الغد.. لكنه ليس بـ لقاء الاحباب اسفل شجرة الزيزفون.. او قبلة مسروقة عبر النافذة المنفوشة بـ الورود,, الحب في مجتمعنا المسلم يرتقي عن مثل هذه الحركات المحرمة..
أن تحب ابنة عمك.. او ابنة جارك.. هذا لايعني أنك تُمارس معها مايمارسة أبطال أفلام هوليود ,, انما هو عفاف وصبر.. ينتج عنه رضى الله جل في علاه.. ثم توفيق ومحبة
ربما لم ترى تجارب ناجحة من حولك.. لذلك رؤيتك عنه ضئيلة.. لكن هذا لا يجعلنا ننكر ثمارة!
والله ياليت نتزوج عن حب او ميل.. بس الدنيا حظوظ,,

بالنسبة لنصيحتك.. فهي بعين الاعتبار.. فهم كما قال البدر وجبل عمر.. اخوة واخوات.. لا اكثر

[جبل عمر]

اقتباس:  المشاركة الأصلية كتبت بواسطة •°سـرىآ اللـيـل°•     ياجبل الله يهديك إلا هذا مقصدك من الموضوع مو أنت تقول وش تختارين ؟! قلت لك أختار من العايلة لأني أفضل يكونوا عيالي منها لأسبابي الخاصة بس ماأبي قريب ., وقصدي بهذي أنه يكون بعيد جداً فقط تربطني فيه العائلة مو ولد عمي !!! ماأبي أعرف أمه وخواته وداخله وطالعه ماصارت زواج هذي لعبة دور < ياقدمه هه يعني مثلاً أجدادنا عيال عم بس المهم يبقى في إطار العائلة الكريمة ., صحيح بس شخصياً أتحسف بالقريبات المزايين فقط قهر يروحن لعيال الناس كذا يضيع ملحهن تباً الوالدة العزيزة عادي عنده الأقارب وخاصة عيال أخته ياهي تحبهم حب عظيم ., هذا الناقص أتزوج ولد خالتي حافظ سرىآ حفظ وماعليه إلا التسميع لامايصلح أبد ., أنا لو بيدي ماتزوجت سعودي والله مليت من المجتمع ودي أغيير أهذب تاهيه’

آه كذا قصدك فعلاً البعيد القريب ماشي حاله وبعض المرات على قولك قهر يروح دين وزين وأخلاق أحد أفراد العائلة لشخص أجنبي قد لا يتحسق تلك المواصفات أما إذا كان يسوى ويستاهل يعني ماشي الحال

فعلاً التغيير جيّد وترى فيييه صوماليين عندنا بهالبلد وش كثرهم وأغلبهم حفظه وش تبغين أكثر من كذا

دمتِ بعزٍ وخيرٍ وفلاح

[جبل عمر]

اقتباس:  المشاركة الأصلية كتبت بواسطة عبدالله بريدة     أذا كان ماذكرت انت !!!!!!!!! أطق القــرعه !!!!! صراحة كان اخـتار بنت خالـــتي لأن خــالتــي تكــون متربيـــه مــع الوالده وأكيـــد طبايــع الخــاله مــن طبايــع والدتـــي لأنهم متربين ســواء وتعــرفون عاد المشاكـل مــن أم العــروس شــف أمها قبــل ماتخـــطب !!![/size]

يسلام علييك عز الله جبتها القرعة

هذا رأي من يؤيد بنت الخالة وسبب منطقى وهذا أكثر ما يتداوله الناس عن بنت الخاله أو ولد الخالة

دمتَ بعزٍ وخيرٍ وفلاح

[جبل عمر]

اقتباس:  المشاركة الأصلية كتبت بواسطة نـــnaــونا     أنا من أكثر المؤيدين لزواج الأقارب بكل بساطه نادر عندنا الزواج من خارج الجماعه وينعدون على الأصابع اللي ماخذين من برى العائله ماهو إنقاص في البعيد بالعكس فيه ناس بعيدين أخلاقهم تمام وولد عمتي متزوج من برى العائله وزوجته عسل وإجتماعيه وتزورنا لكن بما إن علاقة أبي بأمي قبل الزواج هو ولد عمها من ناحية أمها وولد خالها من ناحية أبيها وأخي متزوج بنت عمي وأختي ماخذه ولد عمتي وأخوالي ماخذين بنات عمهم بالمختصر المفيد أحب الزواج من العائله لأن العلاقه داخل عائلتنا قويه جدا ويجمعنا جدي لأمي اقصد أولاده وبناته كلهم يعيشون في منزل العائله لو كل ولد تزوج من بعيد ما نجد الترابط هذا نلاقي كل واحد في حاره عشان بنات الناس اللي ما راح يرضن يعيشون قريب من العائلة وبالنسبه لي أختار ولد الخال من ناحية إن الخال والد على ما يقال وعلاقتي بأخوالي أقوى من أعمامي طبعا نظرا لتأثير الأم وأيضا لأن عائلة أخوالي أكبر والعيش عندهم وووووناااااسه وترى عندنا إثنين في واحد يصير خالي ماخذ عمتي وولدهم يصير ولد الخال وولد العمه وبعدين صعب حياة الناس المتزوجين كل ولد من عائله وبكره بتكبر الفجوه بين الاولاد هذا خوال عياله غير عن الثاني ما أدري ما أتخيل أخذ احد بعيد عن القرايب مهما كان أحس القريب بيتحمل أكثر من البعيد اللي ما أعرف عنه شيء على الأقل ولد الخال والعم أنا رابيه معاهم وأعرف أخلاقهم أكثر من كلام السؤال أنا أعرف عنها من غير سؤال وطبعا لازم أولا من نرضى دينه وخلقه وما ندري النصيب وين قريب وإلا بعيد ولا ندري وين الخيره

الله يجمع شملنا وشملكم وشمل كل مسلم

صحيح علاقة الأقارب إذا كنت قوية يكون لها تأثير في مسيرة الحياة الزوجية وسعادة الزوجين وأيضاً معرف الزوج بزوجته من إلى يساعد على فهم الطرفين لبعضهما لكن المشاكل العائلة أمر طبيعي حدوثها وإذا كانت العائلة زواج بناتهم لعيالهم وسمننا في دقيقنا أقول لو حدث مشكلة ألا يكون امرها خطير لأن التزعز لن يقتصر على زوجين فبحكم قوة القرابة وتداخلها قد يمتد إلى أرطراف آخرى وقد سمعنا وقرأنا اثنين كل منها ياخذت اخت الثاني وإذا حصل لأحدهما شيء قد يتأثر الآخرون كيف لا وأخوت ذلك الرجل طُلقت وتدمرت حياتها فبعضهم تأخذه العزةبالأثم ويطلق اخت زوج اخته مثلً بمثل

وأنتي من خلال ردك أيدتي ولد الخال كما قلت لأن الخال اعتبرتيه كالأب هذا احدى وجهات النظر شكراً لك

دمتِ بعزٍ وخيرٍ وفلاح

[جبل عمر]

اقتباس:  المشاركة الأصلية كتبت بواسطة بــرمــودا     هلا بحبيبي جبل ,,تبي رأيي ,,غير البيئه والبلد كله بكبره وشف لك فرفورة غندورة من ريف الشام أو ريف مصر (جمال طبيعي ) ودلال وجمال ومادبغتها الشموس والمربعانيه وبعدين بكره تلقى عيالك دكاتره ومهندسين مو عرابجه وماغير تبطح بالإستراحات ...وش لك بوجع الرأس ياخوي (طع شوري أدامك على بر قبل ماتتورط .)

والله مشكلتي ما أعرف هكالديار وحدّي حايل من شمال خاربك مرة قلتي لي إنك أخذن لك غندورة من ذيك الديار شف لي إختها أو قريبة خلن أصير أنا وإياك عدَّلا

ماأضفت شيء بكم خبرك المديدة بالحياة وش رأيك بالأقارب وأيهم تفضل لو أفترضنا إن كلهم سواسية في كل شيء أو ترفض فكرة الأقارب

دمتَ بعزٍ وخيرٍ وفلاح

[جبل عمر]

اقتباس:  المشاركة الأصلية كتبت بواسطة أمــ الحب ــير     بآك اخوي جبل على فكرة فيه نقطة نسيت أذكرها لك في الموضوع أغلب الدراسات التي أجريت في فحص ماقبل الزواج عن الأمراض الوراثيه أثبتت أن نسبة الأمراض الوراثية تكون من تناسب أفراد العائلة إذا تمعنا في الأسباب ممكن يكون هذا السبب رحمة من الله هذا والله أعلم ,, على فكرة أهي مجرد دراسات سمعتها لآ أكثر <=== بعدين تقول أمير اللي يقوله برايفت لـ مياسه ,’, بنظرك أيهما أكثر مشاكل زواج الأقارب أو الغرباء (ليس لهم صله في العائلة) ؟؟؟ آورفوآر ,,,

أهلا بك وبعودتك

بالفعل زواج الأقارب ينتج عنه بعض الأمراض الوراثية بحكم تشابه الصفات الوراثية والجينات

سأعلق على البرايفت الموجه لمياسة لو سمحت لي
كلما كان الزوجان بعيدان فالمشلكة تنحصر بينهما فقط أما إذا كانا قريبين فالمشكلة قد يطول تأثيرها على العائلة

دمتَ بعزٍ وخيرٍ وفلاح

[ღوحيدة كالقمرღ]

وعليكم السلام ورحمة الله وبركاته:

والله ياأخ جبل...لاولد الخالة ولا ولد العم ولا ولد العمة ولا ولد الخال!!


بالرغم من إن غالب الأقارب عندنا متناسبين...لكن بنظري المشاكل كبيرررررررة جدّاً....

إذا كنت مناسب آقارب!!


وبصراحة تامة نبي نغيّر....مثلكم..نبي نشوف وجيه جديدة...بالرغم إن عيال خالتي عقب من يوم تغطيت عنهم وأنا وربي ماعرف ولا ملامح وجيههم,,,إلى يومك هذا!!ولاشفتهم


لأنّهم من سكّان مدينة ثانية ولايبون القصيم....وووالخ...وهي كلّها خالة وحده...!!!


وعيال عمومتي تخيّل ألعب معهم يوم أنا صغيرة وبالأخير يناسبوننا...وووواع


كسل أحس ماكأنه عرس...تقل نلعب<<<لاعمرتس تحسّين أولاه


زبدة الهرج خلقه أمّي الله يحفظه ماتبي أقارب...بتاتاً البتّه!!!


ومحسوبتك أكثر ماتخاف منه المشاكل من ناحية زواج الأقارب....


وسلام الله عليكم جميعاً

[رحيل]

مو صحيح إن اذا كان الزواج زواج قرايب تزيد المشاكل وإذا بعيد تقل

المشاكل تزيد ويتدخل كل من هب و دب بين الزوجين واللي يفهم في حل المشاكل واللي مايفهم

إذا كان أحد الزوجين (سلبي) وأقل مشكله يدخل اللي حوالينه بالسالفه <<<<هنا ابشرو بالمشاكل

ولا حد يفهم اني مع زواج الأقارب أنا مثل اي شخص عاش عمره مع اللي حوالينه ولعب معهم

ولا يحس لهم إلا إحساس الأخوه

وكلهم عندي سواسيه (مرتبه وحده )

ولد عمي مثل ولد خالي
ولد عمتي مثل ولد خالتي

[نـــNAــونا]

اقتباس:  المشاركة الأصلية كتبت بواسطة رحيل     مو صحيح إن اذا كان الزواج زواج قرايب تزيد المشاكل وإذا بعيد تقل المشاكل تزيد ويتدخل كل من هب و دب بين الزوجين واللي يفهم في حل المشاكل واللي مايفهم إذا كان أحد الزوجين (سلبي) وأقل مشكله يدخل اللي حوالينه بالسالفه <<<<هنا ابشرو بالمشاكل

والله كلامك عين العقل وصحيح المشاكل مو سببها إنه قرايب لكن تعتمد بالدرجة الأولى على الزوجين إذا كانوا عاقلين يحلون مشاكلهم بينهم ولا يدخلون أحد في خصوصياتهم وإذا زاد الشيء عن حده يدخل الأب في الصورة سواء أبو البنت أو الولد يأخذ الأكثر رجاحه فيهم
وإبعدوا عن الأمهات لأنهن أكثر عاطفيه وتهويل للأمور