هل يصلح العطار ماأفسده الدهرر .. !!

[تركـي]

السلام عليكم ورحمة الله ........

صراحة مادعاني لكتابة هذا الموضوع ........

أنني كنت عند صالون الحلاقة بأنتظار دوري عند الحلاق
ولفت نظري ذلك الرجل وقد غطت ملامح الشيب وكست راسه
وعملت عوامل التعرية فعايلها في وجهه الهرم .....
وبينما كنت آطالع الصحيفة
تطرق الى مسمعي صوت ذلك الشايب الذي يريد التجديد وطريقة
شرحه للمغربي الحلاق كيف يريد أن تكون طريقة تسريحة شعره
ولون الصبغة وطريقة تحديد الشنب والسكسوكه وهي لها لون محدد
والشعر بلون آخر وطبعا الحلاق يلح عليه لزيادة السعر بالبخار واللصقات على الخشم وصنفرة الوجه وتدليك الوجه بجانب كم نوع من الكريمات وغيرها ......

المهم كان هناك واحد من الزبائن بااين أنه عياار ويحب المزااح
قال له يابوفلان
عسااه دااريه المره لاتحسبك بتعرس عليه بس
قال يارجال خله تدري بايدينه ورجلينه
خل نعيش حياتنا ماباقي بالعمر كثر اللي مضى .... آنتهى ....

وايضا طرت ببالي ايضا ماتفعله بعض كبيرات السن من النساء
والذهاب الى المشاغل وتغطية عوامل السن بأيدي الفلبينات
المتواجدات بالمشاغل ...
وصبغ الشعر آشقر تكواازي على قولتهن
وتشقير وتحديد وبوياات وتجديد
وكأنها عروس بهذه الليله ..


رأيكم .....

هل يصلح العطار ماأفســــــــــــــــــــــــــده الدهر ؟؟؟؟؟؟؟؟
مع هؤلاء ....
أم يعتبر ذلك طبيعي في هذا الزمن الآغبر ...!!!!!!!
أو يذهبون الى مطارحهم ويتذكرون البيت الذي يقول
ألا ليت الشباب يعود يوما فأخبره بمافعل المشيب .....

تحيتي ....

[التنين الصيني]

انت بس لو تكمل موضوعك الأول .... !

و لا تصير مثل واحد من العيال معيي يعلمنا " بسوق الخضار " ....

........

بالنسبة لموضوعك ....

يجب ان يهتم بشكله و اناقته اللي تناسب عمره ....

والتجديد يؤثر بجمال الروح و إقبالها على الحياة ....

حتى غسيل السيارة تؤثر على الحالة النفسية ....

سي يو ....

[دِيم]

.
.






حنّا مو مدهورنا إلا أمثالنا المعتّه ..
والله العطار يصلح , والمراكز الصحية تصلح , وأخصائيات التجميل يصلحن ..
أنا لو أحط لون الروج نفسه كل يوم مت من االملل ..
شلون شايب يشوف شكله هو هو ماتغير .. ؟
لا والله خله يجدد شبابه و يصير فريش على حسب سنّه ..
ونفس الحكي بالنسبة للمرأة ..


.
.

[تركـي]

اقتباس:  المشاركة الأصلية كتبت بواسطة دِيم     . . حنّا مو مدهورنا إلا أمثالنا المعتّه .. والله العطار يصلح , والمراكز الصحية تصلح , وأخصائيات التجميل يصلحن .. أنا لو أحط لون الروج نفسه كل يوم مت من االملل .. شلون شايب يشوف شكله هو هو ماتغير .. ؟ لا والله خله يجدد شبابه و يصير فريش على حسب سنّه .. ونفس الحكي بالنسبة للمرأة .. . .

آجل برأيك ياديم
هو محق باللي يسويه ....

طيب ليه آآجل ليه مايخلونهم حريمهم على كيفهم
ويخلونهم يتعطرون ويكفووون السؤال وش عندك ؟؟

[الفتى السمنسي]

اقتباس:  المشاركة الأصلية كتبت بواسطة دِيم     . . .. أنا لو أحط لون الروج نفسه كل يوم مت من االملل ..

شياكة فارق السن لدى المرأة..محاولة أخيرة للبقاء في ربيع العمر. على أنقاض تجاعيد البشرة.، و"انهزامية الجسد. الذي فقد كثيراً من حيويته، وغابت عنه "رشاقة الحضور".. محاولة مستميتة لعودة "روح الجمال" إلى "حياة الصبا"؛ مستعينة بصدمات "المكياج"، و"أشعة الليزر"، و"نفس الأكسسوار الصناعي"، و"مضاد الأناقة"، و"مسكّن الماركات"، و"جراحات التجميل"، وقبل ذلك "تحاليل الريجيم القاسية".. محاولة مستمرة لاستفزاز "ملامح الوجه الطفولي" التي خبت، والتعويض عنها ب"ملامح التركيب..الرموش، العدسات، حبة خال الكريستال، السن الماسية،...".



في النهاية (لايصلح العطار ماأفسده الدهر)

[دِيم]

اقتباس:  المشاركة الأصلية كتبت بواسطة الفتى السمنسي     شياكة فارق السن لدى المرأة..محاولة أخيرة للبقاء في ربيع العمر. على أنقاض تجاعيد البشرة.، و"انهزامية الجسد. الذي فقد كثيراً من حيويته، وغابت عنه "رشاقة الحضور".. محاولة مستميتة لعودة "روح الجمال" إلى "حياة الصبا"؛ مستعينة بصدمات "المكياج"، و"أشعة الليزر"، و"نفس الأكسسوار الصناعي"، و"مضاد الأناقة"، و"مسكّن الماركات"، و"جراحات التجميل"، وقبل ذلك "تحاليل الريجيم القاسية".. محاولة مستمرة لاستفزاز "ملامح الوجه الطفولي" التي خبت، والتعويض عنها ب"ملامح التركيب..الرموش، العدسات، حبة خال الكريستال، السن الماسية،...". في النهاية (لايصلح العطار ماأفسده الدهر)

مابعد عمري عمر لازم أمكن روحي قبل الطيحة الصدقية .. هه ..

ماخليت ولا بقيت من عيادات التجميل والصنفرة إلا زرتها ..

يارب لا تردكم لأرذل العمر ,

تصيرون من قو الزبرقة سيارة أفغاني .. هه ..

[الفتى السمنسي]

اقتباس:  المشاركة الأصلية كتبت بواسطة دِيم     مابعد عمري عمر لازم أمكن روحي قبل الطيحة الصدقية .. هه .. ماخليت ولا بقيت من عيادات التجميل والصنفرة إلا زرتها .. يارب لا تردكم لأرذل العمر , تصيرون من قو الزبرقة سيارة أفغاني .. هه ..

الرجل مهما بلغ من العمر فلايضره شيء بل يزيده الشيب وتجاعيد الزمن هيبة ووقار ويمكنه أن يقترن بفرفوره ويبسط عمره .
لكن المرأه مشكلتها عويصه فهي كالتفاحة مجرد ماتذبل يصبح الطلب عليها معدوم .
ياريت تهتم المرأه بجمال روحها والإهتمام بتطوير قدراتها العقلية والفكرية ولايمنع أن تهتم بجمالها دون إسراف .
هنا سنجد نساء عظيمات وواثقات بأنفسهن وسينتجن جيلا عظيما

[shahd2007]

اقتباس: رأيكم ..... هل يصلح العطار ماأفســــــــــــــــــــــــــده الدهر ؟؟؟؟؟؟؟؟

ايه يصلح العطار مآآفسده الدهر ..
اذا اهتم بشكله ونظافته واناقته حتى لو كان عمره فوق50 احسن
من اللي عمره 20 وموب مهتم بشكله ..
اممم قريب لي ماشاء الله ماتفرق بينه وبين عياله الشباب اكشخ منهم ,,

[تركـي]

اقتباس: انت بس لو تكمل موضوعك الأول .... ! و لا تصير مثل واحد من العيال معيي يعلمنا " بسوق الخضار " ....

هلا بالتنين ......

الموضوع الآول وااضح المعالم بس وين اللي يفهمه مضبوط ...هع
ماعليك حق سوق الخضار مستحيل تمسك له طرف .....
والآيام كفيلة بظهور الجزء الثالث ....

[متعاااليه جداا]

وهل كبار السن منتهيي الصلاحيه؟!!

نستكثر عليهم سكسوكه وصبغة شعر!!!

[الأرجوانه]

ههههههه موب مسألة انهم يرجعون الـ شبابهم
هم فقط يريدون التغيير , !
ههه مثل امي الله يحفظه ماتقول انه بهالعمر ههههههه > مكآفحة شيخوخه درجه أولى
,
لكَ ودي

[ناقه فسفوريه]

بالعكس يازين اللي يهتم ويكشخ ان شاءالله لو عمره 90

البلا لا جاك صغير وأنوااع الحوسه والهراديس

[باسم الثغر]

أيامنا هذي
صار العطار يواكب الموضة
ويضبط كل حوسة الدهر

المهم
تضبيط الشكل ، وهندسة الهندام والكشخة ، شي حلو ومطلوب
مادامت تتوافق مع العمر

يعجبني
لاشفت الواحد كل ماتقدم فيه العمر ، زان شكله واحلو ، مع التزامن مع سنين عمره
ومثله
الحريم تلقاهن بعمر الأربعين
ووحدة منهن كأنها عجوز بالستين ، والثانية كأنها بعمر بناتها

[الورده الجريحه]

أنا مع التغيير لكن بأعتدال حتى لو وصل عمره لستين سنه

البلا بالي يزيدون الكيله شويتين لاشفت بعض هالحريم لا بستن جنز وكعب

ولون الشعر ثلجي ومن ضيق البلوزه البطن ناطن مترين لقدام لا وعمرها متعدي

الخمسين الي مثل هالأشكال ماتحترم سنها ولا عياله الي صار عندهم عيال

[| ~ ســمــو ~ |]

لا اطلاقا ..

لا يصلح العطار ما افسد الدهر ...

وهذي دايما اقولها اذا دخلت فندق مسوين له ترميم وبويات جديده وديكور جديد
لو تبتل تزين باااااين عمر المبنى انه كبير ..!

وهو الشايب والعجوز تبتل الرقبه متعرفطه لو صبغ الشعر وحدد اللحيه


اشكرك