ماذا لو كانت (لوحة) سيارتك بهذه الحروف ؟!

[أبوفالح]

[align=center]


مرااحب أخوي فريد ، وشلونك عساك طيب

تحب أقولك شي ولا تعلم فيه أحد .. أبذمك تعلم

أذكر مره أنسرقت سيارتي ويوم جيت أبلغ أبتلشت في رقم سيارتي .. مادري كم ، والله صدق مادري

المهم .. اتصلت على واحد من ربعي مشهور بحفظ أرقام اللوحات .. وعلمني الرقم على طول .. أهب يا ذاك

عموماً .. ودك يكون الرقم عادي وغير معبر .. عشان نطلع من سالفة الهدر واللي ما هدر

بمان الله يالحبيب [/align]

[فريـــد]

تبون الصراحة .. هالمرة عجبتوني .. يعني أجي للموضوع ألقى فيه 18 ردّ
فعلاً : الحي يحييك , والميت يزيدك غبن !

[فريـــد]

الأخ العزيز : أســ الحب ــير

اقتباس: انت ماشفت لوحة سيارتي وربي ان اللي قلتهم اهون من رموز سيارتي ماابغى اقولها لانها لفظ شين ... بس بقولها ( هـ ل ط)

الشكوى لله .. لوحتك هي امتداد لمعاناة صامتة .. وستظل !
لك الشكر

[فريـــد]

الأخت : :: ابعـاد ::
قد تكون ضحكاتنا على حساب غيرنا ..
لكن عزاؤنا أننا نضحك بالفطرة .. دون تشفي أو غلّ .. !
حيث لاذنب لنا فيما حصل ,
وإن كنا نخشى من الابتلاء -عسى الله يستر- !!
لكِ الشكر على تواصلك .

[فريـــد]

الأخت : Oo ManaL oO

اقتباس: في الخطوط الطويلة مايبسطني نهارا ً إلا متابعة الطريق و قراءة لوحات السيارات

ربما أبدأ التفكير مثلك في قادم الأيام .. حيث يغيب عن بالي التمعّن في الكوميديا المنتقلة إلينا عن طريق لوحات السيارات !!
لكِ الشكر لتواصلك .

[فريـــد]

الأخ : ديز ابي لن ننساك
نسأل الله المغفرة والرحمة لعبدالعزيز
وأن يسكنه فسيح جناته
وأشكر لك تفضلك بالتواجد -لاهنت-

[فريـــد]

الأستاذ الكبير : لمبة شارع
جميل أن أرى لك تعقيبًا لطرح متواضع مثل طرحي ..
وأستمتع بقراءة حروفك المصبوغة بالسخرية اللاذعة دون التجريح !
لك الشكر .. وأنتظرك دائمًا .