يا عيب الشوم يا سري للغاية !!

[أبوفالح]

[align=center]


مع سري للغاية .. أكيد المصداقية غير

ذياك الموضوع هو أقل من متابعته فضلاً عن التأثر بمحتواه .. لأن الدليل لا يوجد .. بس كلام

والمضحك جداً في مصداقية أخونا ( سري للغاية ) هو كتابته جميع الموضوع بخط كبير ..

لكن في نهاية الموضوع هناك خط صغير جداً يحوي عبارة ( من الإيميل ) ..

وش ذا الفوضى ، يبي يهك علينا .. يبينا ما نشوفه .. إيقاله بالساحات يكتب من الإيميل

خف الله يا سري ولا تكن مطيّة التجني على خلق الله

تدرون عاد .. هاذي مشكلة ( النت ) .. كل من هب ودب يكتب اللي يبي .. وهــ


حبيبي نبض القلم

أعتقد ما فيه حل .. إلاّ تسوي أنت وسري للغاية ( مباهلة ) .. أيّكم أبخص بمور الحريم ..

عاد أنت ضليع بالمباهلات والعبارات الباكية .. تذكر ذاك وذاك

يا بعدهم .. أشوفك تشدد على الأمانة والصدق وعلوم فهد العبيد ومحمد العليط .. أسمع يا هدد حصة المهنا

أنت آخر واحد يتكلم عن الأمانة والنقل الصادق .. فأنت ببساطة لا تملك في نظري بصيص مصداقية .. تدري ليش أقول كذا ؟

صح عليك .. عشان ردودك المتهجمة والمغرقة في التهم والدخول في النيّات في موضوع ( مراقبة الرسائل )

حدث هذا منك بدون أي دليل غير دليل البزعة والسطحية .. تماماً كما يحدث مع حبيبنا سري للغاية

والله أدري انه موضوع قديم .. لكن أعذرني ياخوك .. لأني منقهر من وقت مضى كنت مخدوع فيك وحسبك رضي الله عنه

وكل ما شفتك تبربس في تعليم البنات .. تذكرت المفارقة بين توهقي فيك وبين ردودك الرابصة في التهم ودخول النيّات

طبعاً .. كان تهجمك ودخولك في نيّة شخص كان له فضل عليك ( الرمادي ) .. عاد وشلون نصدقك في ناس ما ندري وش سالفك معهم

ممكن تكون حاقد .. ممكن تكون مكزوز .. ممكن تكون عاطفة وعجلة .. أهم شي لست ورع في طروحاتك ونقلك

والسبب اللذي حداني لقول هذا .. دخولك في نيّة من أحسن إليك أمام ناظرينا ، فتعليم البنات المغيب هو من باب أولى

أدري وش يعتلج بقليبك الحنون .. تبي تقول وشو الفضل اللي أسداه الرمادي لنبض القلم ؟؟

أنا أعلمك هالحين .. أنت أربص ، أربص وخل الرجّة عنك وراح تدري .

يابعدهم الرمادي هو اللي ثبت موضوعك والرمادي هو اللي منحك الحصانة المنتداوية ضد حذف أي عبارة

يعني أنت بدون الرمادي ولا شئ في ذلك الموضوع فأنت تعيش بظلة وتحت حمايته النتيّة ..

والرمادي تراه ما فعل خير بمنحك الثقة والمصداقية ، لا والله لأنه وهقني ووهق غيري بخرابيط تكتبها

عن تعليم البنات .. والأثر يا حبيبي يدل دوماً على المسير والبعرة تدل كذلك على البعير

حبيب عمري

ضروري تسامحن .. لأني كل ما شفتك تمطرس في مواضيع تعليم البنات أبدخل وعلمهم أن ماحولك أحد

باختصار شديد .. أنت وسري للغاية فرسي رهان بمواضيع البربسة والتجني على خلق الله دون تثبت أو دليل

خلاص حبيبي .. رح تغط ونم [/align]