الــمجــلس الإجتـمــاعـي /// لـ النقاش والحـوار الهادف !!

[لمبة شارع]

اقتباس: أهّااااه ... شفتِ يا ريتاج هاللي أنزويو..؟؟ يا قلّ ملحمهم , يبي يقولوا أسكتن ما عرفوا .............. ماااش ثاقفة طابور

السلام عليكم ورحمة الله وبركاته...

شوفي قصمنجية....
انا مريت هنا اتصفح امس لقيت السالفة مالي فيها...يعني تنورة وبنطلون ومدري ايش وهذا قصير وهذا طويل كلام نسوان مالي فيه ومايلزمنيييييييييش....

المهم قلت اسوي رد مرور بس...وبعدين وشلون تتهمينا بالطابورية رغم انزواءنا على السالفة كتعبير عن الاعتراف بحريتكم المطلقة بتعاطي ماتشاؤون والانتداء حوله...؟؟؟منطق الطابور ممكن يقول لكم: ماهذا الموضوع الخارج عن نص المتصفح ؟؟؟يجب ان نكون ونكون ونكون..وينبغي ولابد من...!!!وما الى هنالك من التوجيهات الابوية الخائبة....

أما نحن فاستسلمنا امام حقكم المطلق في التعاطي...ثم لا يوجد عندي ما اقوله في صدد مقابلة الخطبة...قبل بضعة اشهر تابعت حوار في منتدى آخر يتناول الموضوع وشفت هناك من الحريم غرائب وعجائب وتناقضات وتمثيليات وشفافية وتساؤلات متنوعه حول مقابلة الخطبة اوما أسموه بالـ (الشوفة)....ثم تناولوا اعادة الشوفة مرة ثانية والآراء حول الاعادة عندما لايكتفي بها الخاطب المبجل المسدد....







بالنسبة لموضوع تقديس المشرف فهو جزء من البنية التخلفية المهيمنة على طبيعة مجتمع الطابور..الذي ينظر الى سيكورتي الطابور نظرة العسكري والحرامي المهيمنة على طبيعتنا المعتادة على أن (تستبــِد) أو (تُستبــَد)...وهي تطابق ماقال الكواكبي ثم مالك بن نبي حول القابلية للاستبداد و القابلية للاستعمار...ثم قال المعاصرون القابلية للاستحمار.!!ثم قال لمبة شارع من بعد هؤلاء القابلية للاصطفاف!!!...وتلك الطبيعة المناوءة للشعور بالحرية....ولكن والحمد لله ان الناس بدأت تنعتق من هذه النظرة بمرور الوقت ....




منال....

اقتباس: و هل يـََـــصح في الأذهان ِ شيء ُ ُ إذا أحتاج النـهار ُ إلى دلــــــيـــل ... ؟؟ !!

قيل لي مرة..أنك اذا أردت ان تفرق بين همزتي القطع والوصل فضع قبل الكلمة واو أو فاء العطف...ثم انطق الكلمة ..فإن خرجت الكلمة والهمزة منطوقة فيها فتلك همزة قطع..وإن لم تنطق فالهمزة همزة وصل..ولا أدري عن صحة القاعدة!!!

وعليه فإني اتساءل...هل الهمزة في( أحتاج) التي في توقيعك همزة قطع؟؟؟...لأني نطقتها بعد واو العطف فقلت (واحتاج)..فوجدتها غير منطوقة...ففهمت انها قد تكون همزة وصل...ولذلك نورونا ياجماعة ايش الحكاية؟؟هل القاعدة التي استخدم خاطئة؟؟أم ان نطقي غيرسليم أم ما ماذا؟؟؟؟

ثم انها حتى لو كانت همزة قطع فهي الى الكسر اقرب منها الى الفتح..وقد كتبتيها بالفتح..؟؟؟

الصراحة الحكاية هذي سببت لي عسر هضم وتلبك دماغي...ولذلك شوفو لنا صرفة...

[قصمنجيه]

و عليكم السلام و الرحمة ...

بالنسبة لنغزة الطابور كان الهدف منها اخراجكم من الإنزواء و أعطاء درس مجاني بشكل غير مباشر لمشكلة
رتاج و نظرتها لـ الطابوريين اللي إذا مروا امامهم المشرفين دقوا تحية ..
و ردّدوا.. سارعي للمجد و العلياء *** مجدي لخالق السماء
( وجه يناظر القناة الأولى )

اما مسألة الشوفة لا والله مابلا هالبني ألا أنتم .. و تقولوا مالنا دخل ..؟؟؟؟
لا و الأخ أسمر أكتفى بدعاء بزوجة الصالحة و انزوا مع اللي من انزوو ... !!!
طيب يا أساتذة ريحوا هالبني و قعدوا قلوبهن على كراسيها زي ما يقولون ... افتوهن مأجورين .
و إلا الواحد عجل على التنقد .. إذا جت بنت الحلال ..؟؟

ثم ذكرت نقطة مهمة بالنسبة للخمباقيين اللي طال عمرهم يحسبوهم داخلين لمعارض سيارات ..؟؟
(خلوها ترجع ما شفتها ) ( خلوها تدور ) ( خلوها تمشي ) ..!!!
الشرهه مير ما هيب عليهم الشرهة على اللي ديورت و رجعت .

.

[قصمنجيه]

يا جماعة ترى حرف الذال عندي طاحت قحفيته ..!! و يا كود بقلم أضغط عليه
بس تراي أببدله برقم سبعة .. يعني لا خطم عليكم رقم سبعة .. تراه ذال .

[ماجدمحمدماجد]

انا اشوف مشاكل الطلاق حقيقه الزمن كثيره والسبب الاساسى من الزوج صراحه الوقت ذا فيه شباب ما يعرفون معنى الزواج قال له ابوه ياوليدى ابى ازوجك يقول والله ما مثله يبه متى وهو صرااااااااااااااااحه لا يزال طفل مو بعمره لالالالا عمره زين لكن المشكله فى عقله لا يزال تفكيره طفل كشتاااات كل يوم كشته صيد فى الموسم ما كان عنده زوجه طااااالع وين الصيد واذا صار بينه وزوجته ادنى مشكله راح امه وبوه يقول لهم كل شى عاااااد انتم تعرفون ومع كل اسف كيف تعاااامل كثير من الامهات مع زوجات ابنائهم كأنه ضره له ممكن تقولون انى مزودها شوى لكن هذا الواقع

[مــنــال]

مرحبا ..

اقتباس: شوفي قصمنجية.... انا مريت هنا اتصفح امس لقيت السالفة مالي فيها...يعني تنورة وبنطلون ومدري ايش وهذا قصير وهذا طويل كلام نسوان مالي فيه ومايلزمنيييييييييش.... المهم قلت اسوي رد مرور بس...وبعدين وشلون تتهمينا بالطابورية رغم انزواءنا على السالفة كتعبير عن الاعتراف بحريتكم المطلقة بتعاطي ماتشاؤون والانتداء حوله...؟؟؟منطق الطابور ممكن يقول لكم: ماهذا الموضوع الخارج عن نص المتصفح ؟؟؟يجب ان نكون ونكون ونكون..وينبغي ولابد من...!!!وما الى هنالك من التوجيهات الابوية الخائبة....

بالعكس لمبة أنتوا المعنيين في الموضوع ولو ترجع لمشاركة رتاج أو أقتبسها هنا أفضل وشوووف :

اقتباس: طيب يا اخواني مدام انتم تتكلموا عن مسألة الخطبه ابغى اشوف وجهة نظركم في موضوع انا ناقشته مع صديقاتي وشفت وجهة نظرهم ،،،، وابغى اشوف وجهة نظركم انتم انتا لما تخطب اما انك تشوف البنت او اهلك يشوفوها طيب تفضل تخرج البنت وهي لابسة تنوره طويلة وبلوزة ومتحجبة او تخرج باللبس اللي هي متعودة عليه مثل البنطلون او تنوره قصيره و ما تكون متحجبة عشان تشوف شعرها طويل ،،، قصير ايش لون شعرها طبعاً ما تضع مكياج عشان ما يكون فيها غش وخداع اذا الخاطب اعجبته البنت يا هلا ويا مرحبا واذا ما اعجبته الله يستر عليها وعليه .

وهنا واضح أن رتاج أحبت وجهة نظركم أيضا ً .

قصمنجيه :

اقتباس: ثم ذكرت نقطة مهمة بالنسبة للخمباقيين اللي طال عمرهم يحسبوهم داخلين لمعارض سيارات ..؟؟ (خلوها ترجع ما شفتها ) ( خلوها تدور ) ( خلوها تمشي ) ..!!! الشرهه مير ما هيب عليهم الشرهة على اللي ديورت و رجعت .

هههههههه خلوها تدور

بجد وقتها أحب يمسكني عناااااااد و ماأرجع ....

اقتباس: يا جماعة ترى حرف الذال عندي طاحت قحفيته ..!! و يا كود بقلم أضغط عليه بس تراي أببدله برقم سبعة .. يعني لا خطم عليكم رقم سبعة .. تراه ذال .

صحيح بأسأل ..

لو الكيبورد حق اللاب توب أتمسح أحد حروفه أو مثل ماقالت قصمنجيه سقط حرررف أو أنتحر يمكن من الضغط عليه خخخ

هل توجد قطع غيار له ؟؟

[مــنــال]

اقتباس: قيل لي مرة..أنك اذا أردت ان تفرق بين همزتي القطع والوصل فضع قبل الكلمة واو أو فاء العطف...ثم انطق الكلمة ..فإن خرجت الكلمة والهمزة منطوقة فيها فتلك همزة قطع..وإن لم تنطق فالهمزة همزة وصل..ولا أدري عن صحة القاعدة!!! وعليه فإني اتساءل...هل الهمزة في( أحتاج) التي في توقيعك همزة قطع؟؟؟...لأني نطقتها بعد واو العطف فقلت (واحتاج)..فوجدتها غير منطوقة...ففهمت انها قد تكون همزة وصل...ولذلك نورونا ياجماعة ايش الحكاية؟؟هل القاعدة التي استخدم خاطئة؟؟أم ان نطقي غيرسليم أم ما ماذا؟؟؟؟ ثم انها حتى لو كانت همزة قطع فهي الى الكسر اقرب منها الى الفتح..وقد كتبتيها بالفتح..؟؟؟ الصراحة الحكاية هذي سببت لي عسر هضم وتلبك دماغي...ولذلك شوفو لنا صرفة...

كل الذي أعرفه عن همزة الوصل و القطع هذا الشيء :

أن همزة الوصل تأتي في بداية الكلمة و أما همزة القطع هي التي تأتي في وسط الكلام و ا ّخره ....

و الأولى تسقط وصلا ً و الثانية تثبت وصلا ًَ ..

و إن كان ماهو غير ذلك ، فليأتي من يشرح لأنني لست ُ ملمه في هذه القواعد .

[لمبة شارع]

مرحبا بالجميع...

منال

انا مثل ماقلت لك صابني عسر فهم وغلب حماري ولعل الله يرزقنا هنا بتسييره من اخونا العصامي عشان يفهمني ويدخلها في راسي بالطيب او بالقوة....

اما بخصوص الشوفة وإن الرجال هم اساس البلاء فهذا صحيح كما قلتي قصمنجية ...لكن بنات الناس يحتارن في الامر بطريقة غير عادية رغم ان الموضوع كله يقوم على الشوفة المجردة...يعني ما تم وصفه باللسان عبر اهل الخاطب تتم معاينته عبر العين بخصوص الشكل طبعا...
لكن بمرور الوقت تتعقد هذه البروتوكولية بشكل غريب بسبب ان اللائي يدرنها نساء وبسبب ان طالبيها في العادة شباب صغار معظم تخيلاتهم لاتخرج عن صورة ايمان بندورة ومشعان بسكلاني....

انا شخصياكمثال بسيط ذيك الايام دخلت بيت خوالي من باب المجلس وبعدين ودوني ناحية المقلط على غير العادة مدري ليش؟؟؟!!

المهم اثاري فيه باب يودي على المطبخ مباشرة وفيه وحدة واقفة تجلي صحون على المجلى ومتحمسة في الجلي...
المهم صراحة يوم شفتها طاحت قاعتي بالعربي !!!
قال لي واحد حسبي الله عليه: هذي فلانة..!!!!هذا الواحد يتشرف حاليا بحمل لقب خال عيالي!
كان عليها قميص بيت من هذوليك اللي عشرة بريال!!!
عاد بعدين قلت لها قالت انا في دريشة الدور الثاني اللي على حوش الرجال في كل مرة تجي لبيتنا وحافظتك صم !!!

حريم !!! فاضيات

بخصوص كلام العمة رتاج اقول ان خير الامور الوسط ..مقدر ازيد على كذا...
وبعدين يارتاج ياكثر حنتك وونتك!!!!

تقولي

اقتباس: طيب يا اخوان انا كتبت موضوع المشرفين بسرعة عشان انهي الموضوع الاول بناء على رغبة احد الاعضاء .

بالله عليك يارتاج مين اللي ابدى رغبة كذا عشان تقولي رغبة احد الاعضاء!!! حرام عليك يامفترية !!!!

كل مافي الامر ان الواحد ماعنده شي يضيفه ...وحبيت اعبر عن اني مش غايب عن المجلس بحكم محبتي له ....قلت ماله داعي يالمبة تحشر نفسك في سالفة مالك فيها..لقيتكم تحكوا في امور اذا سمعت خواتي يحكن فيها طلعت من عندهم لأن مالي في الهرجة...ونفس الشيء سويته معاكم هنا....
وعلى كل حال كلنا لك ياعمة ..والمحل محلك ومعازيبنا راشد وشمس هم اهلها واحكي ياللي بدك ياه..أجل على ايش الواحد داخل المجلس...

لاتقعدين ياقصمنجية تحطين فيني خصائص طابورية وتلزقينها فيني والعياذ بالله!!! مالي دخل.. كل واحد كيبورده معه وهو حر فيه...

ولعل الله يجيب راشد اليوم واخوي اسمر وتصطفلوا معاهم....

[مــنــال]

اقتباس: بالله عليك يارتاج مين اللي ابدى رغبة كذا عشان تقولي رغبة احد الاعضاء!!! حرام عليك يامفترية !!!! كل مافي الامر ان الواحد ماعنده شي يضيفه ...وحبيت اعبر عن اني مش غايب عن المجلس بحكم محبتي له ....قلت ماله داعي يالمبة تحشر نفسك في سالفة مالك فيها..لقيتكم تحكوا في امور اذا سمعت خواتي يحكن فيها طلعت من عندهم لأن مالي في الهرجة...ونفس الشيء سويته معاكم هنا.... وعلى كل حال كلنا لك ياعمة ..والمحل محلك ومعازيبنا راشد وشمس هم اهلها واحكي ياللي بدك ياه..أجل على ايش الواحد داخل المجلس...

أيوووه ايووووه أثرنك انت يالمبة اللي مسحت في رتاج بلاط المنتدى ؟؟

انا ماقلت شيء هي قالت كذا .. !!

تمااااااااام عليك ياقصمنجيه خرشتيهم على قولتك و بانت الحقيقة <<< وجه يضحك

[قصمنجيه]

مسألة تعقيد البنات بلاهن ما بلاهن , من ما يطولهن .. يعني نحن امام ناس إذا ما حصل توفيق قالوا هي غاشته , كانت يوم الشوفة كذا و كذا .. و فيه ناس تتنقد لبسها مثل ما قالت رتاج .. ممكن حنا ببريدة أخف لكن نسمع دائمًا بأن لا تظهر الفتاة بكم قصير أو ميدي .. وش راح يقول عنها ..
أنا لا أؤيد بطبيعة الحال ..و لكن المجتمع هو من يضخم الامور على الفتاة .. نتيجة و ضعها في دائرة العيب ..فبتالي تنصرف إلى اشياء تافهة على حساب أشياء أهم ..
و هذا ما وضحته لريتاج بأن تنصرف عن صغائر الأمور إلى كبارها ...
.

.

اما مسألة شوفة أم العيال عسى مثواها الجنة أنا أحس هنا بأنه أكرم للمرأة
و هذا أظنه االمقصود في الحديث ..


.

[قصمنجيه]

هلا والله و غلا منال ..

على سالفة لو فقدتِ حرف أو امسح ...تخيلي لو يضيع عليك الأف أو الياء ..
نقدر نعبرها مثل ما أنا معبرة الوضع ..؟؟

[مــنــال]

هلا قصمنجيه ..

أنت ِ متعبة روحك شوي أشوف ..

أنا بصراحة كثير صار معاي هالحال و أستبدله بكيبورد جديد هذا سابقا ً أيام المكتبي ..

لكن أنا بجد أستفسر إذا هالحال صار مع كيبورد اللاب توب ، هل يوجد له قطع غيار ؟؟

[فاطمة الوليعي]

مساء الخير جميعا ..

اقتباس: قيل لي مرة..أنك اذا أردت ان تفرق بين همزتي القطع والوصل فضع قبل الكلمة واو أو فاء العطف...ثم انطق الكلمة ..فإن خرجت الكلمة والهمزة منطوقة فيها فتلك همزة قطع..وإن لم تنطق فالهمزة همزة وصل..ولا أدري عن صحة القاعدة!!!

القاعدة .. صحيحة .. أخي لمبة ..

والصحيح انها تكتب .. بدون همزة ..


يالله منال .. بسرعة .. عدليها ..

[فاطمة الوليعي]

مساء الخير .. مره ثانية ..


موضوعي اليوم ..
من فترة طويلة أفكر فيه ..
وحبيت أفرد له موضوع ..
لكن الطرح بالمجلس صراحة .. أسهل ..


المهم ..
ما رأيكم ..

بالزواج بالنسبة لمن ابتلاها الله .. بالمرض النفسي ..
واقصد طبعا الحالة الشديدة منه ..

والتي لا تستطيع .. من خلال النوبات .. التي تصيبها ..
الاهتمام بأطفالها ورعايتهم ..

بل قد يصل الأمر الى أذيتهم من الناحية النفسية والجسدية ..

هل تؤيدون هذا الزواج ..

خاصة ان أغلب الأهل ..
يباركون هذه الزيجات ..
لكي
تنجب أطفال ..
يهتموا بها ويرعوها .. عند كبرها ..

فما رأيكم ..
هل وجهة نظرهم صحيحة ؟؟




عافنا الله وإياكم مما ابتلاهم ..
وكان الله في عونهم ...

[مــنــال]

مرحبا فاطمة ..

و مساء الخير و النور ، أشتقنا لتواجدك معنا .

و حياك ِ الله .

أقبل الموضوع كون المريض النفسي ( الرجل ) مع العلاج ستتحسن حالته ، فلو تزوج من مرأة تعلم بمرضه فتعيش

معه و ترعاه و تعطيه الدواء في أوقاته سيبقى في حال طيبة مع الرعاية و لا مشكل في ذلك ..

و هناك نساء يقبلن بالزواج من رجال مرضى نفسيين و لكن لا علم لي في مسألة نجاح الزواج مع مرأة تكون هي المريضة

لأنك ِ تعلمي أن المرأة في واقعنا تأخذ هي المسؤولية الأكبر من ناحية التربية و الأهتمام و السعي و غيره من المتطلبات

فأمر مرضها قد يعقب مشاكل بعد ذلك كون الرجال قليلي الصبر إلا من رحم ربي و زواج كذلك أعتقد مصيره الفشل .

و الله يشفي مرضى المسلمين .

[الذاهبة]

آهاااا

من اللي ودها تطلع كراعينها أمام الخاطب ؟

هاه ؟

عيب وشق جيب ..

تسيف تسذا !

أو خلصت هالسالفة ؟!


مممممممممم

طيب ليه بعض الأعضاء يمجدون المشرفين اصحاب المناصب ؟

أنا ليه ماحد يمجدني ؟

هاه ؟

مع إن فيه تاج و نجمتين على كتفي

بس مثل قلتهن ..

كخخخخخخخخخخخخ


الصراحة اشتقت للقضايا الاجتماعية ..

ياربي انا ليه ما تخصصت محللة نفسية أو انثر بلوجية ؟





مع السلامة ..

ايه صح متى بتجون لقسم الدببه ؟

استاذ لمبة و استاذ راشد ..

يقال لكم دعمتونا في ذاك ؟

كل واحد كتب نص رد .. و مسوي زحمة ..



مع السلامة .. خلاص خلاص جد