فيروز .. طفلة تجاوزت الستين !!

[المتزن]

اقتباس:  المشاركة الأصلية كتبت بواسطة تلومني الدنيا     [align=center] ماتفهم وش نكتب لك؟!! عبدالحليم حافظ من الفنانين الكبار وقبل شوي سامع أغنيته المشهورة قارئة الفنجان لكن هل يملك طبقات صوت عليا أم لا ؟!! فانا ما عندي خلفية عن الطبقات والمقامات !! يعني ما اقدر أفتي لك بشيء أنا ما أعرفه!! وهذا اللي من يومين وأنا مختلف معك فيه لكن هاجتن بك فالسؤال هذا لايجيب عليه إلا واحد يعرف بالالحان !! تفهم أو ماتفهم وش نكتب لك وانا سألتك يوم تقول إن فيروز ماتلمك طبقات عليا هل عن خلفية تملكها بمعرفة طبقات الصوت !! أم إنك سامع ناس تفهم بالفن يقولون إن فيروز ماتملك طبقات عليا !!! بس الله يهديك تحب تغرب وتشرق بالردود وتطرح أسئلة غبية [/align]

لا صار ما عندك سالفة وانا اخوك ولا عندك خلفية عن الطبقات والمقامات .. وشوله أجل هاقنا من الصبح وجاي تستهتر وكأنك معترض على هالكلام ؟؟!!

لا صرت ما تدري , لا تعترض ولا تستهتر علشان ما نلومك زود على لوم الدنيا .

وبعدين انت تحسب ان الفنان اللي ما يملك طبقات عليا , يعني مهوب زين ؟؟!!


وتقبل تحياتي 00
المتزن

[المتزن]

اقتباس:  المشاركة الأصلية كتبت بواسطة فتحي الشقاقي     بلا فيروز بلا رومنسيه مصطنعه تتوهمونها .. ترا بحلف ان نصكم يتوسد خيشه الحين وقت اليسا ونانسي والعالم الحيه .. تقول فيروز الحين الصوت تسمعه وبعدها تطرب مسامعك ومع التكرار يكون شي عادي ما تطربله بقوه وما يحسسك بالي تقول البلا يا بعد حيي اذا جتك ( اليسا ) هذي الي كيف تنسى شكلها مع اغنيتها .. من نظره وحده تحس في كل مواصفات فيروز واكثر . وتدخل اجواء ماتدري انت ترجع منها سليم او مو سليم .. من حركاتها تحس بطعم الرومنسيه والاجواء الي من جد مختلفه من وجهها تخليك تكره زوجتك وتحس انك مو عايش الا عند كرب من جمالها من صدرها تحس فيه حنان ينسيك حنان امك وجميع الاشخاص الي مرو عليك بحياتك من صوتها تحس في طعم انوثه يخليك تشك في كل بنات العالم انهم رجال ومافي غيرها تستاهل اسم مرأة >> عاد تصدق اخوي المتزن .. انا كلامك ينطبق معي اذا سمعت ( موضي ) >> الطقاقه معليش ادري ذوقي غلط بس الناس اذواق احمد ربك بس على فكره ترا الغنا بريد الزنا أي الطريق الموصل للزنا لذلك ابتعد عنه نصيحتي لك اخي المتزن

شف يا فتحي ( وفي رواية : فارس ) :

مع احترامي وتقديري للجميع , لكن اللي يسمع لحن بس ولا يهتم للكلمات , هذا قوطي نيدو فاضي .

يعني بس يبي طقطقة وهزهزة دمايج ويمكن هز وسط ( كانه خكري ومهوب رجل ) , وهو درنقة ما يدري وشو الشعر ومعين هو جاي !!

طبعاً فيه ناس العكس , وهم الطبايق ( حقات القواطي اللي فوق ) .. هذولا يدّعون الذوق والرومانسية , فتلقاهم يسمعون لكبار الفنانين يقالـّهم رومنسيين ويقولون لك الصراحة كلمات هالاغنية " قوية " وهم طبايق ما يدرون معين هي جاية , بس يسمعون ان الفنانين الكبار يختارون الكلمات " القوية " .. بس هذا اللي يعرفونه .

أما سالفة أليسا , فبصراحة ان ذوقك لك عليه يا فتحي .

أنت ما شفته بدون مكياج ؟؟!!

تحوّم التسبد .

ياخي على شيافة السعوديات , إلا إنهن أحلى من أليسا وطقته اللي هن ثقيلة الطينة هيفاء وهبي والطفلة الدلوعة نانسي ( اللي تسحر بدلعها الطفولي مهوب بشكلها الأقل من عادي )

لكن أبشـّرك , تراك منتب تعبان بالتدوير لا جيت تعرس .
اللي جايزتن لك أليسا , أجل تراك تبي تلقا مثله بالديرة ( بس مع شوية جلافة , يعني أليسا وارد بريدة )


وتقبل تحياتي 00
المتزن

[لمبة شارع]

اقتباس: يانااااس نشيدكم هذا بدعه...

النشيد لا يُستمع اليه كعبادة تقربية حتى يقال انه بدعة...فهو من امور الدنيا التي جاءت كبديل لاستماع الغناء..واعتقد ان من فضل الله على الناس ان يجدو فيها بديلا اذا كانوا ممن يحبون الطرب ويستطربون بالنشيد...



ورغم تحفظي على الاتجاه التصوفي في الأناشيد التي تسمى (اسلامية) إلا انها خير من الغناء التقليدي على كل حال وأبرأ للدين..



من الاشياء التي اتابعها في هذا المتصفح طبيعة الاتجاهات التحاورية ومطابقتها للمعتاد في الانكماش الطرفي ومعاداة المــُخالف واستدعاء الدين عبر تحويل المتصفح من الحديث عن صوت فيروز كظاهرة بشرية الى الحديث عن حرمة الغناء وفسق أهله وهي نزعة معتادة لا غضاضة فيها مادامت نابعة من ارادة معبرة..لكن المشكلة في اسبابها ذات الطبيعة الاقصائية...

[the-moon]

لا يالمبه مو أقصائية الله يصلحك
هذا تعبير حقيقي عن منهج ديني يلتزمه الإنسان
ولا يلزم مناقشتنا وإستلامنا للمدعوين اعلاه
هو فرض رأينا عليهم بقدر ماهو عرض رؤى
وإستظراف بشكل او بآخر بغض النظر عن الفهم الشخصي له

أما الأناشيد بدعه هذي مو تضحك لا تجيب النوم
أجل الاناشيد بدعه وفيروز حلال مزكى
أقول الله يصلحك بس شكل الطباقه طايره

بس حلوه يالمتزن نانسي دلعها طفولي
يالمتزن والله من البحلقه بهالبنيات
ركز أكثر علشان أحسن هع
8
8
8
ترى بيجي لمبه هالحين يقول إقصاء هع

[تلومني الدنيا]

[align=center]

اقتباس:  المشاركة الأصلية كتبت بواسطة المتزن     لا صار ما عندك سالفة وانا اخوك ولا عندك خلفية عن الطبقات والمقامات .. وشوله أجل هاقنا من الصبح وجاي تستهتر وكأنك معترض على هالكلام ؟؟!! لا صرت ما تدري , لا تعترض ولا تستهتر علشان ما نلومك زود على لوم الدنيا . وبعدين انت تحسب ان الفنان اللي ما يملك طبقات عليا , يعني مهوب زين ؟؟!! وتقبل تحياتي 00 المتزن

إيه أعترض على كلامك

لإنه منهو أنت علشان تقول إن فيروز ماتملك طبقات عليا ؟!!
عندك خلفية عن طبقات الصوت والالحان ؟!! يعني دارس موسيقى ؟!!

أنا ادري إنك ما استوعبت مداخلتي ولاتدري وشوله حشرتك بهالسؤال !!

أبرسل رسالة لك وللي يقرون هنا إن مهب حيا الله واحد قال كلام عن فن أو علم تصدقونه
يقول رأيه ميخالف لكن يفتي أو يتكلم بشيء وكأنه مختص بهذا العلم نقوله انثبر ولاتدعي عندنا

تجي وتقول إن أم كلثوم ما تعجبني هذا رأي لك ولالوم عليك
تجي وتقول إن أم كلثوم تنشز أو ماتلك طبقات عليا
نقول من أنت علشان تتكلم بعلم أنت لاتفقهه !!

في كل مجال لابد أن نحثي التراب على من يتكلمون بعلم لايفقهونه !!
وهنا أحثوا التراب عليك ومعي ناس هنا يحثون التراب عليك
طالما أنك لم تخبرنا من قال لك أن فيروز لاتملك طبقات عليا ؟!!
هل هم ناس مختصون بهذا العلم ؟!! أم أنك أنت لديك خلفية بسيطة عن هذا العلم وتستطيع
أن تقول أن فيروز لاتملك طبقات عليا !!!
نحتريك تجاوب علشان نزيح التراب عن وجنتيك

ايضا
استح على نفسك وافهم وش الناس تكتب لك علشان ماتطول الكلام معك ولاتتقول عليهم
وش اللي أحسب أن الفنان اللي مايملك طبقات عليا مهب زين ؟!!
وأنا سائلك إن فيروز تبي تصير شينة لو كان كلامك صحيح عنها ؟!!
افهم .. لاتصير عاد هاجتن بك قوه

هاه تبي تعلمنا من اللي قايل لك إن فيروز ماتملك طبقات عليا ؟!!
أو أنت عندك خلفية عن الطبقات وتستطيع أن تفتي بذلك ؟!!
اتحداه يجاوب

يبي يكذب ويدعي علينا ويبينا مانعترض عليه بحجة إننا مانفهم العلم اللي تكلم فيه عبدالوهاب
مانفهم بهذا العلم لكن نفهم ونعرف إنك منتب من أهل هذا العلم وهذا اللي خلانا مانقتنع بك
وش الذكاء الخارق لك يامتزن

تقبل اعذب تحية [/align]

[لمبة شارع]

اقتباس: أما الأناشيد بدعه هذي مو تضحك لا تجيب النوم أجل الاناشيد بدعه وفيروز حلال مزكى أقول الله يصلحك بس شكل الطباقه طايره

مون

هذي من المرات القليلة اللي ماتفهمني فيها...

مهوب انا اللي اقول ان النشيد بدعة..اللي يقول انها بدعة هو صاحب الرد اللي فبلي ($@$خــاص جــدا$@$) فاقتبست عبارته ورديت عليه بقولي ان التبديع يكون في ابتداع الاشكال التعبدية...وهو ماذهب اليه العلماء في تفسير قول النبي صلى الله عليه وسلم (وكل محدثة بدعة ...الحديث)
ولذلك فتبديع مستعمي النشيد ماهو الا افتراء يحتاج دليل..فالمعلوم (أصولا) ان الاعمال بالنيات ..والناس لاتستمع النشيد بنية التعبد به الى الله وبالتالي فليست بدعة..هذا ما افهمه انا من معلومات ديني بالضرورة ..وبالتالي فأنا وانت متفقان لولا ان الاستعجال أخذ منك ما أخذ..




آتي الى الجزء الاول في تعليقك الذي تقول فيه...

اقتباس: لا يالمبه مو أقصائية الله يصلحك هذا تعبير حقيقي عن منهج ديني يلتزمه الإنسان

يا مون ماتقول هو امر من الابجديات.. ولكني لم اعنيه عندما قلت...

اقتباس: من الاشياء التي اتابعها في هذا المتصفح طبيعة الاتجاهات التحاورية ومطابقتها للمعتاد في الانكماش الطرفي

وانا هنا لم اعني ضمنيات وتفاصيل ذات الطرح حول الغناء او فيروز او تهاني او خديجة ..بل اتجاهاته الانفعالاتية ..التي تؤثر في اتجاهه الموضوعي جهة اقصى اليمين او جهة اقصى الشمال...وهذا الامر..اقول انه معتاد في حواراتنا ..ولذلك اتابعه للتمعن في سلوك الناس الحواري بغض النظر عن سلامة هذا القول او ذاك...

ارجو ان تكون فهمتني مون هذه المرة....

[لمبة شارع]

ياشينك ياتلومني اذا تولجت احد!!!!

وه!!! والله يا انت غلتز بعد وكريب ومافيه امل تجدع ولا ربع ريال!!!

[تلومني الدنيا]

[align=center]

اقتباس:  المشاركة الأصلية كتبت بواسطة لمبة شارع     ياشينك ياتلومني اذا تولجت احد!!!! وه!!! والله يا انت غلتز بعد وكريب ومافيه امل تجدع ولا ربع ريال!!!

انت ماتدري وراي اسوي كذا

علشان ماتلومني الدنيا
لوبزعت وقلت بمجلس إن فيروز ماتملك طبقات عليا
لاحشرن واحد وقال من اللي يقوله ؟!!
او قالي تولف وماعندك سالفة فيروز عندها طبقات عليا بشهادة الموسيقيين !!!
وهزأن وقالي أنت رقلة تصدق ماهب ودب من الناس

وين اودي وجهي يالمبة من الناس

هذه من ناحيتي

ومن ناحية المتزن ومن هم بمثله

ياشيخ من كثر نمونة المتزن إلا حنا
شف القنوات الفضائية تعج بالسحرة والمشعوذين على أنهم مشائخ وعلماء
وشف الغنامي و بجاد وغيرهم يتكلمون ويفتون بأمر الدين

لو فيه ناس غلتزه مثلي كان اقل شيء تخفف اللي مثل نمونة المتزن

يمكن تعرف طبيب الاعشاب القحطاني اللي يجي بقناة الاخبارية كشف حقيقة الهاشمي
اللي يدعي العلم وإنه من مشائخ الرقية الشرعية وسوى قناة باسم الحقيقة
ادعى الهاشمي انه دكتور وإنه حاصل على شهادات في الطب وحشره القحطاني وقاله إنك دجال
ولاعندك سالفة وطلب منه الحضور في قناة الاخبارية ورفض الهاشمي لانه جاهل بهذا العلم

مداخلتي يالمبة من اجل العلم ولاشيء سواه
فيه بعض العلوم لازم تكون متخصص او عندك خلفية علشان تفتي فيها

تخيل تجي انت وتقول إن الدخان يسبب الايدز وانت مالك دخل بالطب
لو تقولها هنا صدقوك بعض الشلة فانت هنا وصلت لمرحلة الدجال ابو علي اللي يطلع بقناة شهرزاد
اي شيء يقوله تصدقه الحريم اللي يتصلن عليه

لكن من اللي يبي يفكك مني ومن اللي مايدربون روسهم
ومن اللي مايجاملونك واللي مهب من الطابور

ابحشرك مثل ماحشرت المتفيقه المتزن اللي عجز يجاوب على سؤالي
وإلا وش دخل أصالة وماجدة الرومي يقول لي إن فيروز أفضل منهن
أنا سائله السؤال هذا ؟!!
ووش دخل طبقات صوت عبدالحليم حافظ بسؤالي

لا ومن زود البجاحة يبي يضفي على نفسه القداسه.... حلوه القداسه
يقول لي إذا صرت ماتعرف وشوله تهقنا وتطرح أسئلة علي
حنا مانعرف لكن نقدر ناصل لناس تعرف لو بزعت وولفت من عندك
وحنا ماحنا طبايق نصدق ماهب ودب زي نمونتك

انا جازم يالمبة انك فاهم مداخلتي وانها مالها علاقة بالدفاع عن فيروز وطبقات صوتها
فالمتزن يحسبني ضاق صدري يوم قال ان فيروز ماتملك طبقات عليا
جاي يقول لي لاتحسب الفنان اللي مايملك طبقات عليا مهب زين
وش رايك بهالعقلية اللي ماتفهم مثل الناس

ترى الهذر الطويل مهب لك
اياك اعني وافهم ياطباقة

تقبل تحياتي[/align]

[the-moon]

اقتباس:  المشاركة الأصلية كتبت بواسطة لمبة شارع     مون هذي من المرات القليلة اللي ماتفهمني فيها... مهوب انا اللي اقول ان النشيد بدعة..اللي يقول انها بدعة هو صاحب الرد اللي فبلي ($@$خــاص جــدا$@$) فاقتبست عبارته ورديت عليه بقولي ان التبديع يكون في ابتداع الاشكال التعبدية...وهو ماذهب اليه العلماء في تفسير قول النبي صلى الله عليه وسلم (وكل محدثة بدعة ...الحديث) ولذلك فتبديع مستعمي النشيد ماهو الا افتراء يحتاج دليل..فالمعلوم (أصولا) ان الاعمال بالنيات ..والناس لاتستمع النشيد بنية التعبد به الى الله وبالتالي فليست بدعة..هذا ما افهمه انا من معلومات ديني بالضرورة ..وبالتالي فأنا وانت متفقان لولا ان الاستعجال أخذ منك ما أخذ.. آتي الى الجزء الاول في تعليقك الذي تقول فيه... يا مون ماتقول هو امر من الابجديات.. ولكني لم اعنيه عندما قلت... وانا هنا لم اعني ضمنيات وتفاصيل ذات الطرح حول الغناء او فيروز او تهاني او خديجة ..بل اتجاهاته الانفعالاتية ..التي تؤثر في اتجاهه الموضوعي جهة اقصى اليمين او جهة اقصى الشمال...وهذا الامر..اقول انه معتاد في حواراتنا ..ولذلك اتابعه للتمعن في سلوك الناس الحواري بغض النظر عن سلامة هذا القول او ذاك... ارجو ان تكون فهمتني مون هذه المرة....

[align=center]تدري فيه مشكله الواحد يرد وهو عجل يبي يروح ينام
ياخوي أنا خلصت من سالفتك عاد رحت ابرد على خاص جداً بس نسيت احط إسمه
ولا منب اعانيك
تشوف رديت عليك همن خاص جداً همن المتزن بس خاص سقط إسمه سهواً
يعني الكلام ماكان موجه لك[/align]

[the-moon]

[align=center]

اقتباس:  المشاركة الأصلية كتبت بواسطة $@$خــاص جــدا$@$     والله اني حاس ان فية ناس تحب تكبر الكلام اللحين انا قلت الغناء حلال؟ اسألك بالله قلت؟ والمشكلة كاتب اخر ردي انا ماجلست احلل واحرم..بس فية ناس مادري هي دباشة او (يسدبشون) انا كنت اتكلم عن سالفة النشيد اللي كل يوم عن الثاني جالسة تتطور لحد مادخلوا الالحان فيها وصرنا زينا زي الاناشيد حقات الشيعه.. ابي افهم لية تثور ثايرة الواحد لو بس قلنا وش حكمها هي حلال او حرام .. اجل امام اكبر مسجد بالكويت على ماعتقد اللي هو العفاسي كل يوم طالع لي بأنشوده واللحان واخراج وحركات؟ بعدين بعرف اخوي لمبة لية عطى معنى كلمة (بدعه) معنى واحد اللي هو جاء بسياق الحديث؟ تعريف البدعه (بدع) حسب معجم الصحاح يقول: أبْدَعَ الشيء اخترعه لا على مثال والله بديع السماوات والأرض أي مُبْدعهُما و البديعُ المبتدع و المُبْتَدَعُ أيضا و البديعُ أيضا الزق وفي الحديث {إن تهامة كبديع العسل حلو أوله حلو آخره} شبهها بزق العسل لأنه لا يتغير بخلاف اللبن و أبْدَعَ الشاعر جاء بالبديع وشيء بِدْعٌ بالكسر أي مبتدع وفلان بِدْعٌ في هذا الأمر أي بديع ومنه قوله تعالى قل ما كنت بدعا من الرسل {و البِدْعةُ الحدث في الدين بعد الإكمال و استَبْدَعَهُ عده بديعا و بَدَّعَهُ تبْدِيعَاً نسبه إلى البدعة ا((لزبده ان البدعه يعني اختراع الشي وانا اخوك)) المهم انا منيب احب اكثر ردود بموضوع واحد تحياتي

تدري احياناً أضحك من كل قلبي لما يجيك واحد من كمبيوتره ويلغي ويقدم ويأخر
ويفتي ويتفلسف وهو من جنبه

اقتباس: انا كنت اتكلم عن سالفة النشيد اللي كل يوم عن الثاني جالسة تتطور لحد مادخلوا الالحان فيها

يرحم أمك قسم بالله حامت تسبدي
سؤال لك يابابا تعرف وشي الالحان
بس ابي اعرف وش قصدك بالألحان اللي دخلوها
يعني فيه يوم من الايام كان فيه أنشوده بدون لحن أنت عاقل ياولد
بالله بس ابي معنى اللحن وش أنت حاط براسك هع والله تنسيم ربعنا[/align]

[فتحي الشقاقي]

اقتباس: ذا مون خلك من هذي كله عمليات وشد وتعديل وسمكره شف بنياتنا يالله من فضلك جمال رباني خلقه كذا لا ولك لحالك يالله من فضلك إرزقنا وحيدة منهن وخل نانسي ولا أليسا تنفعك قابله ليل نهار

ليت بنات ديرتنا يصلحون سمكره بس نشوف شي مثل الي انت خابر ( اليسا والطقه )
اجل رباني ..

وين الذاهبة عنك يوم قالت شف ركبهن سود ههههههه

ليتها تجي تضيف لهذا التعليق من حقرها لبنات الديره والي كانت تقوله


فتحي

[فتحي الشقاقي]

اقتباس: ذا مون يرحم أمك قسم بالله حامت تسبدي سؤال لك يابابا تعرف وشي الالحان بس ابي اعرف وش قصدك بالألحان اللي دخلوها يعني فيه يوم من الايام كان فيه أنشوده بدون لحن أنت عاقل ياولد بالله بس ابي معنى اللحن وش أنت حاط براسك هع والله تنسيم ربعنا

ذا مون ياخي ارفق على الناس

هو يقصد الطق الاسلامي والدسكو الاسلامي الي هابين فيه هالايام

[مياسة]

احس من ردودكم كل واحد وده يطب في بطن الثاني .. ولقيتوا هالموضوع فرصه لنثر الغيــظ
يا ناس عيب والله عيب .. يوم انكم صرتوا باسماء مستعاره صرتوا ماخذين راحتكم بجدع الكلام على بعض

وسالفه ان الذاهبه مستحقره بنات بريده هذا شي ثاني .. موضوع ثاني !!!!

[المتزن]

اقتباس:  المشاركة الأصلية كتبت بواسطة حنيش الملز     ميخالف يخوي المتزن ميخالف أصبر عليهم توهم يشوفون النور ويشوفون حرية ابداء الرأي بصراحة وعلانية ، وكان شيء غريب و محرم مجرم وممنوع ان الواحد يعبر عن رايه الصريح وحبه للفن وأهل الفن والرياضه وغيره ، بين بعض الحلوف هنا للأسف الشديد ( يبي لهم عشرين سنه لقدام بعد ) شكرا لك وأهنئك على اختيار الموضوع لكن انا شايف بعضهم بدا يآخذنا شمال ويمين وحنا نبي نركز على فيروز وصوت فيروز ورومانسية فيروز و حارة فيروز وشارع بيت فيروز .... وعيلتها معروفه ومشهورة وأيضا الأخوين رحباني .... تكفي هي وليش نروح بعيد ....!!!

" بعضهم " اللي يحاولون ياخذوننا شمال ويمين , هذولا مثل اللي لا صار ماعندهم مدرس يبدون يلجون بالفصل ولو بلا معنى علشان لا راحوا لاهلهم والا لاخوياهم قالوا لهم والله يا حنا لعبنا اليوم واستانسنا وناسة ( وهم بس يلجون ) . خخخخخخخخخ

فوسع صدرك وانا اخوك , وعدّهم ماهم به .


وتقبل تحياتي 00
المتزن

[المتزن]

اقتباس:  المشاركة الأصلية كتبت بواسطة $@$خــاص جــدا$@$     ههههههههههههههههههههههه المتزن وقسم انك توسع الصدر انت وتعليقك خصوصا الفئة اللي ترجع اصولهم لقواطي النيدو

قل آمين , جعل صدري وصدرك واسع اليوم ودوم .


وتقبل تحياتي 00
المتزن