الــمجــلس الإجتـمــاعـي /// لـ النقاش والحـوار الهادف !!

[تلومني الدنيا]

[align=center]

اقتباس:  المشاركة الأصلية كتبت بواسطة لمبة شارع     صدقت راشد..ولاينبؤك مثل خبير..فهي متصفحاتك وانت اعلم مني بها...لكن لا ادري اين نقد؟ زارتنا في هذا المتصفح ثم غابت كمايغيب مذنــّب هالي... كنت اشرتُ الى الاخوين عيون الصقر والذاهبة لأنهما استاذاي الأولين في هذا المنتدى وكنت أقرأ في الايام الماضية في تلك المتصفحات فأراهما كيف يستوعبان المجريات ويسيطران على الاتجاهات بحذاقتهما التي لاتخفاك...حيث ساهما في تسهيل انتقال المنتدى من طوره الاستنساخي..الى طوره الراشدي ....فيما يسيطر على وجداني اثناء القراءة اخينا احمد الروضان الله يمسيه بالخير الف<<<<احمد الروضان_العلقم ..امريء القيس...!!! لا وكاتبن في التعريف (جاهليُ ُ متطرف)!! ..أنت لاحظت..!! ولذلك فهمت الآن لماذا هو تلك الايام متسلط علينا!! بسبب عقليته الجاهلية المتطرفة..نسأل الله العافية... ماعلينا... هل تعتقد ياراشد أن المنتدى يستوعب هذه الايام متصفح يتناول القيم القبلية المتزايدة هذه الايام ووضعها على محك المعاينة العقلية الفاحصة..مثل قيم الفزعة و(الكرم البطوني )(لأن العربي يختزل الكرم في اطعام الطعام بسبب خلفية الجوع التاريخية)..وقيم انصر اخاك ظالماً أو ظالما<<<نعم مكررة عمدا... وقيم إحراج ابناء القبيلة والفخذ الذين يسكنون المدن عبر تقاليد ذبح الذبائح وقضاء الحاجات والتسدح في المجلس إلى أن يصل ابن القبيلة ساكن المدينة الى الإفلاس والسلف بسبب ميراث تقاليدي ما انزل الله به من سلطان إن هو إلا اتبــّاع الباطل وإن الباطل لايغني من الحق شيئا... هل تعتقد ان العقل الجمعي داخل المنتدى قادر على استيعاب اطروحات من هذا النوع في الوقت الراهن..؟

الله يرحم والديك يالمبة لاتسطحنا بمثل هذي المواضيع
مثل هذي المواضيع تسكب الزيت على النار وتزيد الفتنة أكثر وأكثر
فألعن شيء بالدنيا إن تصادر حق من حقوق فئة معينة من الناس !!
هم يعتبرونها حق شرعي تتفق أو تختلف معاهم مايهم ولاجو اصلا يشاورونك
ولم يتناقش فيها خير البشر بل قال دعوها فهي منتنة !!
فانت دعها فهي منتنة واقصد الزواج والنسب فقط
أما خلافه فخذ راحتك بالنقد
تبي تنقد تصرفات او افعال معينة فخذ راحتك انت وغيرك
وهو اللي يبي يستفيد منه القاريء

اما ذاك اللي في بالي تراه يزيد الكراهية والبغضاء بيننا وشفت موضوع التويجري
وش فسره صاحبه العضو التويجري ؟!!
وهم ماوقفت الدنيا علينا شفهم ما اكثر من بزارينهم !!
وحنا ماوقفت عليهم الدنيا !!

شف الانسان ايا كان اهم شيء عنده العدل وعدم التمييز بسبب لون او دين او منطقه
وغيره يهون عند الناس
والقران والسنة النبوية ركزت على نشر ثقافة العدل وان الاسلام دين عدل ومساواة
في الحقوق والواجبات
لاحظ الواجبات والحقوق مهب اللي في بالك او في بال الطباقة اللي تعرفه
لانه هو المهم والدليل هنا شف الاعضاء وش يطالبون الادارة !!
يطالبونها بالمساواة والعدل مع المشرفين واللي لهم مكانة عندهم

خطابي مع عيال اخوي وخوياي اللي اعرفهم إنهم يتمسكون بالعادات الجاهلية حسب وصفكم لها
لكن يراعون مشاعر الاخرين وان يقيموا العدل معهم حتى لو كان بدوي !!!!
او ايا كان لونه وجنسيته


فيه شيء ثاني واظن إنك منتب مثل الدبشة اللي في بالي
لايصير تعتقد وتجزم بان سبب تخلفنا هو التمسك بالعادات الجاهلية حسب وصفكم
إذا كنت يالمبة تجزم بذلك فاسمح لي ان اقول لك تراك حمار يعني غبي
وانا اقول هالكلمة لخوياي اذا شفت منهم تفكير غبي واستنتاجات مثل هالاستنتاج
يا اخي شف امريكا بلد الحضارة وبلد القوة وسيدة العالم فيها عنصرية بغيضة
ومع ذلك حاكمينك وواطين على راسك
السود والمسلمين والعرب هناك يواجهون عنصرية بغيظة بعدم المساواة من بقية الشعب

يعني المبالغة الزايدة بالطرح القبلي وتصويره بانه هو سبب التخلف للامه
مهب بعيد من المبالغة من الطرح الديني والاسلامي بأنه هو سبب تخلف العرب
الذي يطرحه الليبراليين وأذناب الغرب !!
وش الفرق بينهن ؟!!
كلا الاثنان تافهان وكلاهما يوقدون نار الفتنة !!!!
التخلف والفساد معروف وين محلهما ؟!!
لكن وين الجريء واللي بايعه بتبن يجزم عليهم

واذا كنتم تناقشون اشياء اجتماعية فزي ماقلت لكم ناقشوا بيديكم ورجليكم
ولا احد منعكم ولاتتهمون الادارة بأنها مانعتكم !!
واتحداك يالمبة إن تثبت لي إن ادارة المنتدى مانعتكم قبل ذلك غير ذاك الموضوع
المكرر واللي نوقش بالمنتدى 1000 مرة وانا خابرك ضد تكرار المواضيع
اتحداك ان تثبت لي ذلك يالمبة !!

وياليت تناقش غلاء المهور وتناقشون الكرم المحيميدي
وتناقش تخلف بعض الاعراب بسبب ايدلوجيتهم المختلفة مع ايدلوجية الحضر !!
فنشوف ان البدو غير مرغوبين من قبل الحضر
هل الخلل بالحضر ام في البدو !!!
مافيه احد يبي يردكم بطرح هالمواضيع مع ان بعضها مطروح من قبل !!

لكن ترى اسلوب وطرح الموضوع مهم يالمبة
مايجي يالمبة واحد كربة مايعرف يعبر زين ولايعرف يركب الجمل مع بعض يطرح
مثل هذي المواضيع الحساسة اللي أي خطأ غير مقصود أو جملة مبهمة تقلب الموضوع
على عقب وانت شايفن بعض المواضيع اللي جاب بعض الكرب فيها العيد
ويجون ناس يفزعون معه ويحاولون يغطون ويلملمون اللي حاسه

وماتبي واحد كربة مايعرف يرد على الاعضاء يحور ردود الاعضاء ويخلق من
اللامشكلة مشكلة
بعض الكتاب اللي يعرفون يكتبون تلقاه يسبك وانت ماتدري إنه يسبك
مهب ينقدك لا يسبك ومع ذلك مايستفزك ولاتحمق عليه وتصفق له بعد


اخيرا تقبل تحياتي
وقل عني اني جاهل او طابوري او من هالكلام اللي تلعب عليه على بعض الدبش [/align]