متى فتح التسجيل بكليات البنات الاقسام الادبيه؟؟؟

[نقد التعليم]

[align=center]

اقتباس:  المشاركة الأصلية كتبت بواسطة قهررررر أحبه     موفقين .. إذا طلعتوا بنتيجه عطون خبر ........

يابن الحلال وسع صدرك ..
اصلاً لادامها انقلبت لهوشة ( وملاغى ) فمهيب منتهية ابد إلا باعتراف المخطي ورجوعه ( وهذا من المعجزات ) !!
عموماً الهوش ( بالنسبة لي ) عادي ولايفسد للود قحفية
( لأنه بالعربي كل شخص يمثل نفسه وثقافته وبيئته ) !!
واللي يرشني بالموية ارشه بالدم !

الموهم .....
إن هالآدمي ( ثامر ) يبي يسوي فيها يعننا راعين خبطات وسبق صحفي وإن ادارة الكلية قد اختصته ( بدليل القبول ) برغم إن الدليل ( وزع ) في نفس يوم كتابته للموضوع !

حتى شف تاريخ كتابته لموضوعه ووقته

اقتباس: #1 30-06-07, 04:05 pm ثامر الناصر عضو لجنة العلاقات والأعلام تاريخ التسجيل: Nov 2005 الدولة: في دمعة الام ! المشاركات: 617 حصريآ .. شروط وارشادات القبول لكليات التربية للبنات ( جميع الكليات )

يعني تاريخ الموضوع ( نفس اليوم ) اللي بدأوا يوزعونه به مجاناً .. وهذا يفقد الخبر عنصر ( الحصرية والسبق ) في الحصول عليه !

فما بالكم اذا زود ( العيار ) حبتين وقال :

اقتباس: في اطار التعاون بين عمادة كلية التربية و( منتدى بريدة ) سنقوم هنا بنشر شروط وارشادات القبول في اقسام الكلية تسهيلآ للطالبات الراغبات في التقديم على اقسام الكليات .. ونشكر عمادة الكليات على تعاونهم الرائع معنا .. والذي نرجو ان لايكون الاخير وهو باكورة تعاون بين الكلية والمنتدى في سبيل خدمة الجميع ..

اقتباس: وعمادة الكلية حرصت ان تكون الطالبة تعلم عن الشروط والمواعيد وهي في بيتها في خطة لجعل الطالبات لايعانين عناء البحث عن هذه الاشياء بالمستقبل , وهي خطة رائعة تقدم للطالبات تشكر عليها عمادة الكلية ..

بالله عليكم
هل هذه الديباجة تدخل العقل وحال الدليل - كما وضحت لكم سابقاً - من توزيعه بكل قرنة بالكليات وقت كتابته للموضوع !!

لو قلت ياثامر ( حصرياً صورة الدليل وانا حبيت اوفر على الطالبات عناء الذهاب للكلية ) ايه نقبلها منك !
لكن تشكر الكلية وتجعل حصولك على الدليل ( حصري ) وبفضل ومنة وباكورة تعاون ومدري وش بعد .. وهي مجرد نقطة توزيع - حالها حال غيرها من الكليات - فهذا من الضحك على الذقون والاستغفال للناس !
والله لو انها عمادة القبول والتسجيل اللي تكفلت بإخراج الدليل !
والله عيب اللي تسويه ( الله يفشلك )

عاد أنا حبيت ابين له هالشي وإننا مناب ( مغفلين ) وكلش نلقفه ونصدقه وننسب الأفضال الوهمية لمُدّعيها ..
عشان مرة ثانية يحسب الف حساب الناس اللي قاعدة تقرأ ولايتفلسف عليهم ويحط بباله إن الناس تسمع وتشوف وتدري وش يصير !

وبس هذي الحكاية .. والناس يقرأون ويحكمون








[/align]