رجاءً للبنات فقط ((اذا دخل ولد الموضوع يبي يخرب))

[ارم سترونق]

الســـــــــــــــــــــلام عليكم / خواتى 0000 اقول

الموضوع طويل بس تراه يستاهل انا اعتبره مفتاح 14 للبنات


اذا وحدة عندها اخو اكبر منها ا واصغر منها ودايم غاثها واذا قالت له تعال ودني السوق قال لها ماني فاضيلج..او تقوله تعال روح جيب لنا سكر وشاي قالها سواق ابوج انا جلبي وجهج..انتي طبعا اكيد انج تنقهرين وتحسين ان ودج تطقينه بس ماعليج هذي كم نصيحة لج جربيها وسويها وبينقهر قهر وبتاخذين حقج منه بس بطريقة غير مباشرة:

1- روحي لمزيل الروائح حق اخوج قبل مايستحمى وافتحي غطاه وحطي فيه استون مزيل المناكير وعصير ليمون وصرافه ....ورديه مكانه...هذا وجهي اذا قدر ينزل يده ويمشي طبيعي ...
2- روحي للجوتي او النعال ( الله يكرمكم ) اللي يحب يلبسها اخوج دايما وكلي لبان علبه كامله طلعيها من حلجج وحطيها في النعال من تحت ومن داخل ....قرف على اصوله...
3- روحي للقلم الباركر اللي يلبسه اخوج مع الثوب وطلعي الحديدده اللي داخل وغطيسيها في الحبر ورديها مكانها ...لما ترجعي القلم لمكانه خليه مفتوح ..يعني جاهز للكتابه....وطبعا اخوج راح يكون مستعجل وماينتبه له ...وينزل الحبر على ثوبه ....قمه القهر
4- خذي مشط الشعر وغطسيها في ماي الحنه او في ماي مخلوط ببيضه نيه ....لا تتركي المشط مبلل مره ..لا خليها رطب بس ..اخوج طبعا بيطلع من الحمام ( عزكم الله ) ويمشط شعره وهو مبلول كالعاده ..شوفي الريحه اللي بتطلع ...كمحاوله للمساعده لاظهار حسن النيه اعرضي عليه انج تستشوري له شعره ...سدي خشمج ...
5- خذي الجوال وفرغي البطاريه يعني العبي فيه لين الشحن ماينتهي ..واذا بغى يطلع من البيت قولي له جوالك بطاريته فارغه ..خذ بطاريتي ....كرم اخلا ق من جد
6- خذي مفتاح سيارته وخبيه ..واذا سال عنه قولي انج شفتيه مع اصغر طفل في العائله وياريت يكون عمره سنه او سنه ونصف ...طبعا مايقدر يخاصمه ولا يضربه على العكس بيتحايل عليه ويحاول يوصله المعلومه باي طريقه ...وانتي اضحكي عليه بس لا يشوفج ..قومي دوري المفتاح معاه لاتفرحي بانتصارك مو وقته ...في النهايه بيتصل على ربعه علشان يمروا عليه ...هنيه اساليه اذا محتاج فلوس ( ايه لا تبخلي عليه ولاتقولين لي ماعندج ..جيب السبع ما يخلى .. وفي النهايه كله لصالحج ) اعرضي عليه من 100 الى 300 في الغالب هو راح يرفض ماله وجه ...ماوداك السوق وبعد ياخذ منج فلوس ؟؟.......
7- قبل ما يطلع من البيت خذي مفتاح غرفته بعد مايقفلها ...حاولي تحصلي على المفتاح ضروري ...لا رجع من السهر ه طبعا يبي ينام ..يدور على المفتاح في الميداليه مارح يلقاه ..اكيد حيتوقع انه ناسيه او مضيعه برا ...طبعا ماله مكان ينام فيه الا الكنبه ....روحي صحيه وقولي له نام في غرفتي انا ماني نايمه ....قممه في الكرم والاخلاق ....هنا من جد انتي كسرتي خاطره ...وضميره اكيد حيصحى ..ممكن مايبين لك لكن ثاني يوم رح يجيك بنفسه ويقلك اي سوق تبغين...

اذا كان مايبغى يوديج علشان يبى ينام .....اليك الحلول :
1 -روحي لمحول الكهربه واطفيها عن البيت كله ....واجري له وقولي في ريحه التماس وانا طفيت الكهربه
اهنيه ممكن يكمل نومه في الحر مسكين ..( عادي المهم انج طفشتيه ) او يروح يجيب كهربائي وياريت يكون هندي ...طبعا اي نوم اللي راح يجي بعد القعده مع هندي .....اول مايخلص الحقيه بكوب نسكافه او قهوه تركي ....مارح يعترض ..تركيه وروحي عنه ...راح يجيج وعيونه اربع اربع ويقولج اي سوق تبين تروحين له ....
2 - جيبي الياهال اللي في البيت وخليهم يلعبون عند غرفته وزوديهم بالالعاب اللي لها صوت ...وروحي قعدي جدتج على التلفزيون وطولي في الصوت علشان تسمع ...وياريت يكون البرنامج مضارب الباديه

اذا كان مايبي يطلعج علشان يبي يشوف مباره او اي شي ...
1- اطلعي انتي والشغاله السطح وخذي معاج مفك ..روحي لذراع الدش وفكي مسماره وحركي الصحن ....ونادي الشغاله تنظف تحته وانتي ابعدي ....طبعا لا طلع اخوج بيشوف الشغاله عنده ...انتي مالج دخل بس فارعي بينهم.......

حلول على الماشي يعني ثقاله دم وبس مالها سبب:
1- اذا شفتيه يقرا جريده خذي عود كمبودي اصلي وعوديه وحطيه في كفوفه وكثري العود لاتبخلين ...روحي بعيد وراقبيه بتلاقيه رامي الجريده بطول ايده ...ليش؟؟؟؟؟ لان يده صارت سوداء من حبر الجريده ..
2- خذي جواله والعبي فيه المهم حسسيه ان في احد مسكه وقرا الرسايل ..( اقول لا تقراين الرسايل عيب احترمي خصوصيته ) ..اهنيه راح يركبه ميت عفريت ..اذا سالج قولي انك شفتي جواله مع الوالد او الوالده ...
3- اذا شفتيه قاعد على النت اجلسي جنبه .....واذا كان يتفرج فلم اجلسي معاه اتفرجي ....صدقين حيسبلك الغرفه بكبرها لكي ....
4- اذا طلعتي سيارته مع العائله اركبي ورا وكتي غرشة ماي كامله بس لايدري عنج ...صدقيني ماراح يطب سيارته الا بعد اسبوع ...
5- اذا طلعتي السياره اسرقي اشرطه كاسيت واحد بس في كل مره علشان مايحس فيج ...
6- كل مايشتري شي جديد وياخذ رايج عيبي فيه وقولي مو حلو ...مطلعك اسمر ..مضعفك حيل ...اللونين مولايقين على بعض ...النظاره
مطلعتك كانك جراده ...
7- كل ماتشوفينه اوهميه ان وزنه زاد او نقص ( على حسب انتي شوفي اخوج شنو عقدته )..