لمبة شارع.......والثقافة المتمردة!!!!!!!!!!!!!!!!!!!!!!!

[لمبة شارع]

اقتباس:  المشاركة الأصلية كتبت بواسطة سيبويه القحطاني     [align=center] لكن يا ناس أنظروا الى قلم خفي أكاد و أجزم أنه سوف يكون له شأن في الكتابة الساخرة... فهو يملك ثقافه واسعه و يصوغها بقالب ساخر و من ثم يصيب هدفه و أنا من المتابعين له جدا..... إنه تلومني الدينا ....... و يلوموني فيك يا تلومني.[/align]

اي خفي ياسيبوية !!!

هذا المعرف من العام وهو عربجي حرف !!
وياما قلت له انك عربجي بس ما يستوعب !!!
العام تهاوشنا حنا واياه يوم قال الصليحان ان اهل الشماسية والطرفية ومدري وش بعد اهل نحاته

المهم جاء ها الحقير وقعد يحن ويون تقل منطولتن فسحته

وقضت السالفة وتصالحو الناس وصلحنا سياراتنا ورحنا لبيوتنا ونمنا وهو قاعدن هنا يلعي والعالم ظالين عليه يقولون منهو له هالولد الضايع!!
الشاهد راحو حقين العام واللي اختفى واللي صار مقل واللي اعتزل واللي يقال له بدا مايلعب إلا آخر ربع ساعة وهذا من ضمنهم...

بس بقت فيه غصتن ذابحته!!!
قل له شارون ولا تقول له راشد الصليحان!!
وبحكم اني يشتبه في انتمائي الى جماعة صليحانية محظورة (وهذا محض دباشة) فهو يرقى على كتوفي ويقعد يهيض عشان يبرد كبده من راشد الصليحان!!
وأنا عاد تخبر لازم ( أطبطب!!!)

إيه بحكم اني انا وراشد شلة مدري حزب مدري عصابة بهالمنتدى !!!

ابوخالد...

المنتدى مهوب للنقد الله يبارك فيك...
المنتدى للتميلح !!

يعني تميلح وترزز عند هالبنيّات الضعيّفات !!

لا تهرج بالنقد..هذولا بعضهم.<<<<بعضهم اقول !!
اقول بعضهم ينحاس مريره اذا قلت له ثوبك متعرفط!!
أو مرزامك مايل
او زرارك ما انصك!!
لأن المسألة كلها تشخيص وانا اخوك !!
.....

البقية ...

أتحدى اي واحد يجيب كلام موضوعي ومحدد لماقال ويستعد للحوار حوله.!!

شف يبو خالد شرط ما احد يرد!!

يعني ماحولك احد ...
رمي كلام عام كذا بس!!
واذا جاء الصامل غاضت الحروف وفاضت النفوس!!
ولأن النفوس في بعضها محلية الطابع فيها الكثير من مخلفات البداوة والتصحر فلن تجد لسُنّــة الخيل والليل والبيداء تبديلا!!
وياسلامي عليكم يالسعوديي

ابدع شي التفرج عليكم من ورا الشبكي ..

[كـامـو]

[align=center]

اقتباس:  المشاركة الأصلية كتبت بواسطة لمبة شارع     اي خفي ياسيبوية !!! هذا المعرف من العام وهو عربجي حرف !! وياما قلت له انك عربجي بس ما يستوعب !!! ..

لمبة عربجته (بغض النظر عن ثقافته) هي اللي أعجبتني فيه و حتى أعجبتك أنت لا تتغافل عن هالشي.

حتى أذكرك كنت تلزم عليه يجي لمكم بالمجلس الاجتماعي.

عاد تلومني ما وده يجي يخاف يحجره راشد بموضوعه .

بس تلومني صار ذهين ما يجي الا بآخر الليل اذا نام راشد.

لمبة اللي يشوف راشد و تلومني كأنه شايف توم و جيري.:::>>ما غير يتناطحون بكل مكان.

عاد لمبة أصدق معي

لو تلومني يعطي المنتدى أهتمام أكثر... أليس راح يكون له شأن كبير ؟؟؟

تحياتي لك[/align]

[ابوخالد382]

اقتباس:  المشاركة الأصلية كتبت بواسطة لمبة شارع     ابدع شي التفرج عليكم من ورا الشبكي ..

قويه ياللمبه بس يالله لابد لحرية الحرف من ضريبة......تحياتي