في زمن برميل البترول بسبعين دولار مالذي يجري في السعــودية ؟؟؟

[بايعها بايعها]

ها لحين يا الربع ابي اسولف معكم عن شنو تسولفون عن الوظايف او عن الخمر او عن المنتخب خبروني عندي سوالفن واااااااااااااااااااااااااااجد

اقول يا شباب احد يسلفني حق بنزين اردها باذن الله بعد الوظيفة لا تخافن ما كل حرام

اقتباس:  المشاركة الأصلية كتبت بواسطة الذاهـبـة     ياخي هايط .. وش وراك !! !

وانت يا الذاهبه متعوده ع المهايطه وتبي تعودي غيرك ام العوايد ما تترك عوايدها

تحياتي

[المتزن]

شف يا راشد :

أنا من يوم زادوا الرواتب 15% وانا قايل ان الدعوى تبي تدحدر لأن الطبقية تبي تتضح ..
ويوم زاد سعر برميل البترول لمـّيت راسي وقلت الله يعين على غلاء السلع ..
ويوم جت الاسهم على وجهه , قلت راح الشعب بخرايطها .

عاد تدرون وش اتوقع في المستقبل القريب ؟؟!

أتوقع والعلم عند الله أننا قد نرى ما يشبه الكساد الاقتصادي ( يعني فيه أشياء تبي ترخص لأن الناس ستعزف عنها لعدم قدرتهم على الشراء مثل الأراضي والملابس وتوابعها وغير ذلك , وراح يتجه الكثير من المواطنين مضطرين إلى شراء شقق التمليك ذات المدخل المشترك بدلاً من شراء فيلا أو وحدة أو دوبلكس .
طبعاً في المقابل يمكن ترتفع أسعار بعض الأشياء مثل المساكن ومواد البناء وغير ذلك )

الزبدة :

هم يبون المواطن يرضخ ويشتغل أي شيء ويترك عنه الاتكالية والعنطزة .


وتقبل تحياتي 00
المتزن

[ابوخالد382]

اقتباس:  المشاركة الأصلية كتبت بواسطة المتزن     هم يبون المواطن يرضخ ويشتغل أي شيء ويترك عنه الاتكالية والعنطزة . وتقبل تحياتي 00 المتزن

والمواطن الغلبان هو لقى وظيفة ورفض!!!!!ياحبيبي البيوت مليانه خريجين وقاعدين ,يبون أي شغلة يأكلون منها عيش....شكلك يالمتزن منتب عايش معنا ......قال إيه...قال إتكالية وعنطزه....

[شرق]

[align=center]غازي القصيبي تغريبي

الغربيات يعملن خادمات لذا يجب على السعوديات فعل ذلك

حسب معادلة غازي.....

عند غازي وامثاله يجب ان نفعل مايفعله اسيادهم الغربيين

غازي القصيبي عدو الصحوه الذي شرب من مياة بريطانيا حتى الثماله..

غازي القصيبي كم راتبه اربعين او خمسين الف من غير ال... وال...

وين بيته بشمال الرياض ليس بيته بل قصره...

وش سيارته ربما لم نتشرف برؤية مثيلتها حتى في الصور...

غازي القصيبي عندما يتحدث يريد ان يرضي العم جورج والعم ريتشارد...

لا يريد رضا العم طليحان الي يسكن في خيمه بعرجاء...

او العم عبده الي يسكن عشه في ضواحي صبيا...

غازي القصيبي يريد من المرأة السعوديه ان تعمل عنده حتى تجيبله الشاي

في غرفة نومه ..........غرفة نومه ............

ربما زوجة غازي تلك اللحظه تكون عنده اهلها.............

لاكن لاتخافون غازي لن يلمس المرأة فهو اميييييييييييين على اعراض المسلمات

ان من تعاسة هذا الزمان ان ترا اراذل الناس يتحكمون في اكارمهم.........[/align]

[راشد الصليحان]

اقتباس:  المشاركة الأصلية كتبت بواسطة ابوخالد382     شفت ياراشد إني لك من الناصحين,,,,,ذاموووون وهو ذاموووون..(يبي يوهقه) شف رده على الذاهبه.......يعني ياراشد أنت وراك كوم لحم ومصاريف وغثى....طيب إذا شرفت عند الجماعه من يبي يكد على هالبزارين ....قللي..هع هع

ابوخالد 382


السعودية بلادي ...بلادي والأمــل ..بكل شبرفي ثراها لي محــل ...!

ماعليك ...نحن هنا لم نقــل إلا مانتناه لخير بلادنا وشعبها الكادح ..!

اللهم افرجها يارب العالمين

[راشد الصليحان]

اقتباس:  المشاركة الأصلية كتبت بواسطة فراشة نجد     راشد ؛؛ غازي الحين مسوي نفسه جاب شي يوم اقتراح هالاقتراح الفلته ؛؛ ويوم عارضو قال انه فكرة حبيت اطرحه ؛؛ هذا بدال ماننتظر منه وظائف مرموقه وتلبي طموحاتنا وميولنا وتناسب المرأة جاب العيد الله يصلحه مرة وحده وقال يالله نبي خادمات ذكرتن ياراشد بقول شخص يقول ؛؛ حنا يالشعب نصيبنا من البترول على قولته مثل جبنة المثلث لنا اللي لاصق بالحوايف هذا اذا بقى شيً لاصق ؛؛ شكراً على طرحك ؛؛

اختي فراشــة

غازي القصيبي ...كلامه صحيح واقتراحة سليم ...لو لاقدر الله كانت دولتنا ضعيفة اقتصادياَ ...والفقر الإقتصادي يهز اركانها بأمور عديدة ..لكننا ولله الحمد والمنة الإقتصاد السعودي قوي..والمداخيل الهائلة نتيجة اسعار البترول لم تحدث بالتأريخ السعودي ..يعني دولتنا غنية والحمدالله ...يفترض ان يطالب بإنشاء معامل ومصانع ومراكز تدريب منطورة ...ذات مرتبات عالية تستقبل النساء والرجال ...!

بدلا مايذهب ويفتش عن الأعمال البسيطة التي لاتكفي مداخليها الأسر السعودية المثقلة بالديون والغلا الفاحش بالأسعار ...!

شكرا فراشة لرأيك الذي جاء في صميم الموضوع ..

[عاشق ديرتي بريده]

راشد شكلك من زمان مارحت للطرفيه !!!!!
شف وانت رايح للطرفيه بعد مصنع الاسمنت وقبل الطرفيه التفت يسار وشف المشروع اللي هناك !!!
وابشرك ابن لادن سلم المشروع يعني المبنى خلص ويبون زبون جديد !!!!

[شاطئ الراحة]

راشد ...

سؤالك كبير في مكنونه .. و ثق لو طرح على غازي القصيبي .. لتجاهلة ..!!


تحياتي لك

[طـمـوح]

اقتباس: الطلاب من خريجوا الثانوي لايستطيعون الدخول للجامعات إلا من من كانت نسبته فوق 80%

تبي شخص جايب تحت الـ 80% ويدخل جامعة ؟!

إذا ماجاب بالثانوي فوق الـ 80% فهو ليس أهلاً للجامعة وبعدين الجامعات تقبل تحت الـ 80% للتخصصات اللي مش حالك

وبعدين تبي يقبلون واحد جايب75% هندسة ولا طب ؟!

تبي يطلع لنا مهندسين يموتون العالم إذا سمحوا لطيارة تطير وهي خربانه ولا أطباء يموتون العالم بالعمليات !!

وبعدين اللي مايجيب نسب زينه يشتغل بالمطاعم أو الفنادق أو أي مكان ثاني ..

وإذا كان ما أعجبه الشي هذا التجارة مفتوحة أمامه ويورينا شطارته !!

[امرؤ القيس]

السؤال

خلينا ساكتين احسن 00 مالنا بالسياسة لان الجماعة اياهم جالسين يوسعوا بالزعبلات

[الخل الوفي]

متى يصير البترول بعشره دولار وبس يكفي ؟؟؟

[راشد الصليحان]

الاخوة المتداخلين ...والمتداخلات ...!

هناك نقطة هامة جداَ ...بالمدن الكبيرة والهامة جدا كالعاصمة الرياض ...تشتهر بالإزدحاااااام الرهيب والتكدس من ارتال السيارات ...!

ليش في زمن الطفرة الهائلة المادية والخير الوفير ..لايتم إنشاء مترو انفاق بالرياض لإيجاد حلول للوضع الصعب بالعاصمــة ..!

طبعا انا سمعت ان هناك نية لإقامة مثل هذه المشاريع ...لكن متى نشاهدها على أرض الواقــع ...؟؟

[فور يو]

بعد اذنك اخوي راشد ..

اقتباس:  المشاركة الأصلية كتبت بواسطة طـمـوح     تبي شخص جايب تحت الـ 80% ويدخل جامعة ؟! !!

ايه نعم يدخل الجامعه من حقه كمواطن , في مصر اي خريج ثانوي يقبل بالجامعه على كثر عدد سكانهم ...

اقتباس:  المشاركة الأصلية كتبت بواسطة طـمـوح     إذا ماجاب بالثانوي فوق الـ 80% فهو ليس أهلاً للجامعة وبعدين الجامعات تقبل تحت الـ 80% للتخصصات اللي مش حالك !!

اللي تحت الـ 80% مؤهل للجامعه والجامعه ليست اصعب من التوجيهي العلمي مثلا ..

و حتى التخصصات اللي مش حالك لايقبل الكثير من الطلبه ....

اقتباس:  المشاركة الأصلية كتبت بواسطة طـمـوح     وبعدين تبي يقبلون واحد جايب75% هندسة ولا طب ؟! تبي يطلع لنا مهندسين يموتون العالم إذا سمحوا لطيارة تطير وهي خربانه ولا أطباء يموتون العالم بالعمليات !! !!

يا اخي مين قال يدخلونهم طب والا هندسه ...؟ يدخلونهم التخصصات اللي تناسب وقدراتهم وهذا غير موجود ...

على فكره وش رايك اللي بالواسطه يدخلون طلبه جايبين اقل من 75% هندسه والا طب ...! هل تعتبرهم مجرمين وخائنين للبلد ويجب محاكمتهم , لأنهم ربما يتسببون بموت الكثير حسب مداخلتك ...؟

اقتباس:  المشاركة الأصلية كتبت بواسطة طـمـوح     وبعدين اللي مايجيب نسب زينه يشتغل بالمطاعم أو الفنادق أو أي مكان ثاني .. !!

يعني الدوله تخسر الملايين على تعليم الطلبه وبالتالي اللي مايجيب نسبه زينه مصير مستقبله مظلم في ظل عدم وجود فرص متاحه لإكمال التعلم وتحسين الوضع ...

[فور يو]

اقتباس:  المشاركة الأصلية كتبت بواسطة راشد الصليحان     طبعا انا سمعت ان هناك نية لإقامة مثل هذه المشاريع ...لكن متى نشاهدها على أرض الواقــع ...؟؟

ونا قريت انه قبل عشرين سنه هناك دراسه لإنشاء قطارات حول المملكه ...

راشد

انا قريت وانت سمعت ان هناك نيه , الظاهر نبي عشرين سنه لإعتماد النيه

و ثلاثن سنه للدراسه ...

[عبدالله الحجيلان7]

ياحنا عايشين بالجنه او حنا كذابين ..... مافيه خيار ثالث

الي يهددون بالسجن علشان كلام وطرح أسئلة مشروعة ... بكل صراحه اقول عنهم ؟؟؟
لاأنهم لو يحبون وطنهم كان صدقوه ... ماغشوه !!!!

الكلام المتزن الهادف لايكون ضده الا من هو ضد الوطن ....

ومثل ماقال عمر الخطاب رضي الله عنه :لا خير فيكم ان لم تقولوها، ولا خير فينا ان لم نسمعها .