العودة   منتدى بريدة > منتدى المجلس العام > المجــلس

الملاحظات

المجــلس النقاش العام والقضايا الإجتماعية

 
 
 
أدوات الموضوع انواع عرض الموضوع
 
قديم 17-08-07, 01:44 am   رقم المشاركة : 24
رايق
مشرف سابق
 
الصورة الرمزية رايق






معلومات إضافية
  النقاط : 10
  المستوى :
  الحالة : رايق غير متواجد حالياً


السلام عليكم ...

أشكرك أخي سيبويه على طرح مثل هذه المواضيع !!!

والتي كنت أتمنى طرح مثلها من زمان ولكن مراعاة لخصوصية هذا المنتدى لم أكتب شيئا منها !!!

عموما سأرد على مواقفك , وسأذكر مواقف أخرى مشابهة ....

الموقف الأول : لن أزيد على ماقاله الاخوان هنا , فهم لم يقصروا في طرح أكثر من حل !!
ومن ناحيتي فأقول : عليه بالصبر ولينظر دائما إلى من هم أقل منه ولاينظر إلى من هم أرفع وأغنى منه فإنه سيتعب !!
ولو نظر إلى حال بعض الأسر ومايعانونه في هذه الحياة من فقر وسوء معيشة لحمد ربه على ماهو فيه !! ومن رأى مصيبة غيرة هانت عليه مصيبته !

الموقف الثاني : عزيزي صديقك يستطيع ترك هذه المرأة !! ولكن الشيطان يزين له هذا الطريق ويدفعه إلى الإستمرار فيه !!!

عموما سأذكر لك قصة مشابهه لقصة زميلك !
هذا واحد من الشباب تعرف على إمرأة مطلقة فعلا وليست متزوجه كحال زميلك !
استمرت علاقتهم أكثر من سبع سنوات , كانوا لايفارقون بعضهم طوال تلك السنين , كانت البنت تحبه بشكل جنوني , حتى أنها كانت تعطيه مايريد من مال وتسديد فواتير وغير ذلك !

المهم بعد هذه السنين أراد صاحبي الزواج !!!
فكيف سيتركها وهو يعلم أنها يستحيل أن تتركه ؟؟؟؟؟

بدأ يغير معاملته معها فأخذ يقلل من المكالمات والطلعات !
استغربت هي هذا الشي !! فصارت تعاتبه ليش تغير ؟؟؟؟؟؟

طبعا لم يخبرها بالزواج حتى لاتنصدم !! وأخذ بعد ذلك ينصحها ويبين لها أن هذا الطريق طريق خاطئ وأنها يجب أن تتزوج حتى تكفي نفسها عن الحرام !!!

تفاجأت من كلامه وعرفت أنه يريد تركها !!! تدرون وش صار ؟؟؟؟

أغمي عليها ونقلوها أهلها للمستشفى !!!!
المصيبة الكبرى أن كل أخواتها يعرفن صديقي طبعا عن طريق التلفون فقط !!
يقول أنا لاأدري مالذي حدث لها !!!
بعد ذلك توالت الإتصالات من أخواتها ولم أكن أريد الرد ! ولكنهم أخبروني عن طريق الماسج أن فلانه في المستشفى وأنا السبب !!!!!!!!

ذهبت إلى المستشفى وشافتني وارتاحت وقالت ترا إن تركتني بموت نفسي !!!!

صاحبي صار بين نارين ! يا يتركها ! أو يترك الزواج !!

خرجت البنت من المستشفى وصارت تدق على صاحبي كل دقيقة وثانية وهو مطنشها !!
طبعا لاتقولون ليش ماغير رقمه ! لأنه تعرف عنه كل شي رقم بيتهم ومكانها !!!

بعد ماطفش من اتصالاتها قال برد عليها بطريقة ثانية !
رد عليها وقالها أنا ماأبيك أنا تبت خلاص اتركيني في حالي ماأبيك ماأبيك !!!

يقول قفلت جوالي ولاأدري وش صار ؟؟؟
بعد كم يوم كلمتني اختها الكبيرة وقالت ليش سويت كذا ؟ قلتلها الكلام اللي قلته لاختها !!
وأرجوك تفهمينها وتقتعينها إننا إنتهينا !!!!

في القصة تفاصيل أخرى مثيرة ولكن لن أطيل عليكم بسردها بعطيكم الزبدة !!!

بعد مرور حوالي الشهر كلمته وقالت إذا كنت مصمم نترك بعض خلني أتطمن عليك بين فترة والثانية !!! أهم شي لاتنقطع عني !!!

وافق صاحبنا على هالإتفاق ! ومع الأيام صار يطنشها إلى أن ملت ! بعدها تزوج زميلي ودخل القفص الذهبي ونساها !!!!

عموما هي إلى الآن تتصل عليه بين الفينه والأخرى ولكنه لايرد عليها !!!

نصيحتي لخويك إنه يتركها خصوصا إنهامتزوجه !! ولايغريه الشيطان ويقوله لاتتركها علشان ماياخذها غيرك !!

خلها تتعرف على غيرك ذنبها على جنبها !! إلا إن كانه يخاف يندم إذا تركها وتعرفت على غيره فهاذا اسمحلي لايريد تركها فقط يضع أعذارا واهية للإستمرار معها !!

الموقف الثالث : ههههههههههههههههههههههههه
ياكثرها مواقف المتزوجين !!!!
لعلمك مو بس خويك اللي يعاني من هذه المشكلة !!!
لي صديق تزوج منذ خمسة أشهر ويقول نفس كلام صاحبك مافيه نوووووور !!!
شي ثاني , يقول بعد زواجي بشهر وبعد مارجعنا من السفر صحيت الظهر ولقيت الحرمه نايمه !!! يعني مافيه غدا !
يقول قمت للمطبخ وأزبط ذيك النثرية اللي تاكل اصابيعك وراها !!!!
طبعا الاخ مسوي طير بر !! قدام المرأة ومادرى إنها بتجي على راسه في النهاية !!

الزوجة عجبها الوضع وصارت ماتطبخ الغدا إلا نادرا وخوينا كل يوم بهالمطبخ !!!
واذا قلنا له ليش ماتامرها تطبخ ؟؟؟ قال : تونا معاريس أخاف أجرحها !!!!!!!!!

ياعيني على الحنية !!!!
المهم إلى اليوم وخويي يعض أصابع الندم إنه طبخلها ذاك اليوم !!

شي ثالث : ماني قايله لأنه يتعلق بالفراش وماأدراك والفراش !!

اللي أبي أقوله ياجماعة المرأة عند الزواج كالعجينة ( عذرا على هذا الوصف !) تستطيع أن تصفصفها على ماتبي !
أما إنك تشوف السلبيات على زوجتك وتسكت وتقول تونا معاريس وشهرعسل وغيرة
فستندم بعد ذلك !! ولن تستطيع تعديل سلوكها بعد ذلك !!! والعود من أول ركزة !

تحياتي وآسف على الإطالة







التوقيع

كــــل عــــام وأنــــتــــم بــــخــــيــــر

رد مع اقتباس
 
مواقع النشر
يتصفح الموضوع حالياً : 1 (0 عضو و 1 ضيف)
 
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع
:: برعاية حياة هوست ::
sitemap
الساعة الآن 12:33 pm.


Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة

المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها

 

كلمات البحث : منتدى بريدة | بريده | بريدة | موقع بريدة