الــمجــلس الإجتـمــاعـي /// لـ النقاش والحـوار الهادف !!

[كـامـو]

.......................................

[الذاهـبـة]

هههههههههه

مشكور مشكور استاذ سيبويه ..

و تراه ممنوع .. بسرعة حرره .. قبل يصكونك مخالفة ..

مشكور مرة ثانية ..

[الذاهـبـة]

رتاج ..

I Love U

[الذاهـبـة]

استاذ فتحي الشقاقي ..

ام فيصل هذي اللي انت مبسوط عليها تحسبها خـــــــــــــارقة ..

تراها مشعوذة ..

أنا قد رحت لمها بالغماس .. مع وحدة من العائلة الله يذكرها بالخير ..

و تستقبل الحريم في حوش جنب بيتها ..

يا حليلها معلقة شهادات باسم أميرات .. يشكرونها و يمدحون علاجها

شكلها هي اللي كاتبه الشكر لنفسها ..

عاد جايين الساعة 5 الفجر على بالنا بدري .. و صفينا عندها إلى الليل ..

زحمة و حريم و حر و روائح .. ياربي تعافيهم ولا تبتلينا ..

و الأرضية كلها ريش طيور .. و فيه ديكه ( جمع ديك ) حاطتهم على جنب ..

و كل شوي واحد يويق علينا .. يبقبق و يروح ..

الله العالم إنه الجني حقها ..

نسأل الله العافية و السلامة ..

أول ما شافت الحرمة اللي معي .. قالت أنتي صايبتك عين يا حبيبتي ..

حتى شوفي المارية .. رقبتك حمرا .. دليل إنك راعية لبس ذهب و تكشخ ..

* مع العلم ان الطبيب قايل لها بك حساسية *

إيه .. عاد عطها علاجات و حنـــّه .. و بلاوي متلتله ..

ولا طابت .. بس توهمت إنها طيبة ..

سبحانك اللهم و بحمدك .. ولا حول ولا قوة إلا بالله ..

[قلم بنسل]

[align=right]

اقتباس:  المشاركة الأصلية كتبت بواسطة الذاهـبـة     استاذ فتحي الشقاقي .. ام فيصل هذي اللي انت مبسوط عليها تحسبها خـــــــــــــارقة .. تراها مشعوذة .. أنا قد رحت لمها بالغماس .. مع وحدة من العائلة الله يذكرها بالخير .. و تستقبل الحريم في حوش جنب بيتها .. يا حليلها معلقة شهادات باسم أميرات .. يشكرونها و يمدحون علاجها شكلها هي اللي كاتبه الشكر لنفسها .. عاد جايين الساعة 5 الفجر على بالنا بدري .. و صفينا عندها إلى الليل .. زحمة و حريم و حر و روائح .. ياربي تعافيهم ولا تبتلينا .. و الأرضية كلها ريش طيور .. و فيه ديكه ( جمع ديك ) حاطتهم على جنب .. و كل شوي واحد يويق علينا .. يبقبق و يروح .. الله العالم إنه الجني حقها .. نسأل الله العافية و السلامة .. أول ما شافت الحرمة اللي معي .. قالت أنتي صايبتك عين يا حبيبتي .. حتى شوفي المارية .. رقبتك حمرا .. دليل إنك راعية لبس ذهب و تكشخ .. * مع العلم ان الطبيب قايل لها بك حساسية * إيه .. عاد عطها علاجات و حنـــّه .. و بلاوي متلتله .. ولا طابت .. بس توهمت إنها طيبة .. سبحانك اللهم و بحمدك .. ولا حول ولا قوة إلا بالله ..

مشعوذه وبالغماس ..

معقوله ياخاله

لكن على فكره ماقالت ححححوووو .. تراى هذه حقت المشعوذين



..

...

....[/align]

[الذاهـبـة]

لا كانت تقول حابس حابس .. و ترش بخور على الجمر .. و حنا نغمض ..

[قلم بنسل]

[align=right]

وأنتي مبسوطه جالسه تراقبينها ..

والله شكل الديكه أرانب ؟!!





الله يصلحك قولي آمين


...


..[/align]

[الذاهـبـة]

آمين الله يصلحني و يصلح لي ..

بس ما شفت أرانب .. و السوالف خذ و خل .. هه !!

[قلم بنسل]

[align=right]

اقتباس:  المشاركة الأصلية كتبت بواسطة الذاهـبـة     آمين الله يصلحني و يصلح لي .. بس ما شفت أرانب .. و السوالف خذ و خل .. هه !!

إيه ..

أجل كذا ..

تصدقين بعد إن أمي قالت لي إن في وحده في حويلان

عندها بخور و ( حححححووووو ) بس ماعندها ديكه ..



..

..[/align]

[شمس الرياض]

ياجماعة الخير اصبحت المدارس الاهلية منتشرة بكل المدن وبشكل ملفت

واصبح الكثير من الاهالي يفضلونها لابنائهم

ياترى ماهي الاسباب ؟ وماهو راْيكم انتم هل تفضلون المدارس االاهلية ام الحكومية؟

[لمبة شارع]

الإسم الكريم؟

سامج بن تافه السخيفان

العمل؟
مشرشر صحي

منذ متى بدأت الصيام ؟
بدأت به في سن مبكره حيث كان والدي يربينا تربية اسلامية وتعودت على الصيام في سن الخامسة


ماهو برنامجك اليومي في رمضان؟بعد تناول السحور أخلد الى الراحة قليلا ثم اصلي الفجر والسنة الراتبة جماعة في المسجد ثم اقرأ القرآن الى شروق الشمس ثم أؤدي السنة ثم أخلد الى النوم الى حين موعد العمل ثم أذهب الى عملي بجد ونشاط وأنهي معاملات المواطنين والابتسامة تعلو محياي ثم بعد العمل اذهب الى السوق لأشتري مانحتاج من لوازم الافطار دون اسراف ولاتبذير ثم اعود الى البيت لأقرأ القرآن الى ان يحين موعد الإفطار ثم ابوس ماما وبابا ونقعد نفطر.ثم بعد الصلاة نجلس نرتشف الشاي والقهوة العربية الاصيلة ونتبادل الحديث في شؤون ديننا وسيرة الخلفاء الراشدين ثم اذهب لى صلاة العشاء والتراويح ثم اذهب الى زيارة الأهل والاقارب والاصدقاء وصلة الارحام ثم اعود الى البيت وأنام الى موعد السحور لأصحو على صوت زوجتي الحبيبة وهي تقول لي: قم ياسموجي يازوجي العزيز فالسحور جاهز..فأقول لها شكرا يازوجتي الحبيبة طيب هالحين أقوم



ماهي اكلتك المفضلة في رمضان
التمر والشوربة والسمبوسك

وماهو برنامجك التلفزيوني المفضل؟
برنامج ربوع بلادي ووطني الحبيب والمملكة هذا الصباح

موقف طريف حدث لك في رمضان؟
مرة كنت ذاهب الى السوق لشراء المقاضي فعندما أردت دفع القيمة ماصار معي إلا ورقة فئة 500 ريال وكان البائع ماعنده صرف فكان موقف طريف هههههههههه ولذلك يجب علينا عندما نذهب الى السوق ان يكون معنا صرف

موقف محرج حصل لك في رمضان؟

مرة كنت أتناول طعام الافطار فدق جوالي ولم استطيع الرد عليه لأن الطعام في فمي وديننا الحنيف يحثنا على عدم الكلام اثناء تناول الطعام ...


كلمة تود قولها للاخوة المواطنين ؟

اقول لهم لا احد يرمي قشر الموز في الشارع عشان ما احد يتزحلق فيه وعشان تبقى بلدنا جميلة وحلوة كمان ومظهرها حضاري..


كلمة اخيرة تود قولها..؟
اهنيء خادم الحرمين وولي عهده والنائب الثاني والأمتين العربية والاسلامية بمناسبة شهر رمضان المبارك

[عاشق ديرتي بريده]

المدارس الاهليه نظامها لين والغياب مسموح والنجاح مضمون والطالب غير محاسب

ولم يخرج طالب من مدرسه اهليه فالح بالحياة كل طلابها مامنش !!!


واصبري يااختي شمس شوفيها السنه هذي والجايات من بعد ماصار ثالث ثانوي الاسئله من المدرسه نفسها !!

[Queen of buraydh]

طلاب وطالبات المدارس الاهليه راح يبتلشون بالكليات والجامعات

بيجيهم شي ما عرفوله .. بيجهم مذكرات ومجلدات ماعمرهم شافوها ,, خلو الدلع ينفعهم

[راشد الصليحان]

صراحة ياشمس المدارس الأهلية ...أصبحت عبء على المساكين غير القادرين ..!

اما المقتدرين تعتبر مدارس جيدة يتوفر فيها مميزات كثيرة لاتوجد بالمادرس الحكومية ..!

عموما اتمنى ان تقدم المدارس الأهلية افضل الخدمات ...لأن معظمها تمنح النجاح والتفوق لمن لايستحق

.....................


لمبة ......

اقتباس: وأنام الى موعد السحور لأصحو على صوت زوجتي الحبيبة وهي تقول لي: قم ياسموجي يازوجي العزيز فالسحور جاهز..فأقول لها شكرا يازوجتي الحبيبة طيب هالحين أقوم

اكيد زوجة ...سموجي أسمها دبوشي بنت دبيشان الدبيشي ...من فخض المدابشة ...!!

[لمبة شارع]

معليش ياجماعة مادريت انكم هنا...كنت سارح شوية...

اقتباس: وماهو راْيكم انتم هل تفضلون المدارس االاهلية ام الحكومية؟

مرحبا شمس...

والله التقسيم وفق حكومي وأهلي مش كفاية لإعطاء نتيجة منصفة...فمن خلال تجربتي الشخصية وصلت الى أن الأمر مرتبط بذات المدرسة وسمعتها بغض النظر عن مرجعيتها الاهلية او الحكومية...كما أن سمعة المعلمين او معلم ذات الصف تؤثر كثيرا في قرار الالتحاق بها من عدمه...
هناك مسائل فرعية تتفوق بها(بعض) مدارس التعليم الاهلي تتعلق بالنقل ومراعات الطالب او الطالبة شخصيا ونفسيا وأمنياً...