سم الله عدوك ..

[خالد العبدالله]

اقتباس:  المشاركة الأصلية كتبت بواسطة الفنانه والمبدعه     اعتقد ان سم معناها سم ماتريد او اطلب ماتريد(يعني قل اسم طلبك او حاجتك) وليس لها علاقه بالسم القاتل

بما أنك قلتي اعتقد..مازال الجواب غامض..
لكن عند تسمية الشي نقول سم...مثال : اعطني قلم ..الرد يكون سم.. يعني هذا مناقض لجوابك... ولا وش رايك

والغريبه اننا نكرركلمات في حياتنا..والمعنى لانعرفه ولا نجزم في تعريفه..مجرد عدات اندرجنا عليها..

[عازفة ألحان الليل]

اقتباس:  المشاركة الأصلية كتبت بواسطة خالد العبدالله     بما أنك قلتي اعتقد..مازال الجواب غامض.. لكن عند تسمية الشي نقول سم...مثال : اعطني قلم ..الرد يكون سم.. يعني هذا مناقض لجوابك... ولا وش رايك والغريبه اننا نكرركلمات في حياتنا..والمعنى لانعرفه ولا نجزم في تعريفه..مجرد عدات اندرجنا عليها..

اعتقد نفس الشيئ
يعني عطني قلم ..وبعدين انا ارد عليه اقول سم ماتريد وهذي من باب الاحترام
يعني موبس قلم سم اي شي تريده <<مادري وصلت المعلومه
والله دوختني صراحة

[عبدالله30]

[align=center]
أهلا أخي خالد0

اقتباس: اذا أحد ناداك .. او طلب منك شي .. أنت تقول له : سَــــم ْ .. و هذا فعل أمر .. و كأنك تطلب منه يسمي باسم الله .. الرد المناسب لهذه الكلمة .. هو : سَـــمّ الله عدوك .. من سم ّ - يسم ّ - سمــّـــا .. و كأنك تدعي على العدو بان يسمه الله في بدنه .. طبعاً .. الكلمة الأولى و ردها .. كلاهما " جناس " و في العبارة صورة بلاغية جميلة .. هذا و الله اعلم .. عاد ترى مو تخصصي لغة عربية .. يعني لا تعتمد قوة .. !

أعتقد هذا أفضل رد مقنع جدا0

تحياتي0[/align]

[تلومني الدنيا]

[align=center]
سم

يعني : سم طلبك !!
اذكر اسمه بس ويجيك !!
وهذي تاكيد على ان طلبك ملبى بدون تردد !!

سم الله عدوك

يعني إن الله يبي يسمي عدوك !!
يعني يذكر اسم عدوك علشان تحذر منه!!

أو إنه السم الذي يسمم الجسد !!

وفيه كلمات باللغة العربية متشابهة لكن تختلف بالمعنى !!
فسم الأولى تختلف عن سم الثانية !!
مثل ذهب بفتح الباء وهو فعل ماضي
وذهب بسكون الباء وهو المعدن النفيس !!
ذهب زيد إلى السوق ليشتري ذهب لأمه !!
قوية ياخالد إنك ماتفرق بين سم الاولى وسم الثانية !!
وش اللي يبي يسم أبوه وأمه لاقال سم !!
لاقلت لابوك سم فانت فتحت حرف السين !!
والسم الذي يسمم الجسد هو بضم السين !!
فإذا كنت تريد لو افترضا المعنى الثاني !!
فأنت تبي تقول للشخص سم بضم السين !!
علشان يفهم الشخص انك تقصد السم اللي يسمم الجسد !!
لكن انت قلت سم بفتح السين !!
فالشخص حتى لو كان بدوي يبي يفهم إنك ماتقصد السم اللي يسمم الجسد !!

جاز لي موضوعك !!
ليتك تزين موضوع ثاني او تخلي هالموضوع
يكون استفسار عن الكلمات والعبارات الي نقولها ولانعرف معناها !!
قل سم
بس اخاف افهم مثل فهمك واظن انك تبي تسممن


تحيتي لك [/align]