الــمجــلس الإجتـمــاعـي /// لـ النقاش والحـوار الهادف !!

[الملتاعه]

حيا الله قصمنجيه

أنا أستخدم موباااااااااااااايلي والله جدا روووووعه وفيها دي إس إل

إشتريت الشريحه بـ 75 ريال وشحنتها بـ 30 ريال ولي أكثر من 20 يوم أستخدمها

وصار تواجدي أحسن بكثير وصراحه تصفح سريع

بس لازم الحي اللي أنتي ساكنه فيه يخدم ( جي 3 ) تطلع عندك في أبراج جهازك

وأنا مسويه إتصال بين جوالي واللاب توب عن طريق ( كيبل ) وهذا أحسن بكثير

من ( كونكت / بلوتوث )

إستخدميها صدقني روووووووووووووعه

[فاطمة الوليعي]

هلا وغلا قصمنجية ..

وه بس الحين ارتحت >> وجه باسم ..

[فاطمة الوليعي]

يا جماعة الخير ..

ياليت أي واحد عنده زوجه أو أم .. تروح للمسجد

يعلمها فقه .. متابعة الإمام .. !!!!

قسم بالله نشوف عجب ..

وحده .. فاتته ركعة مع الإمام .. ويوم سلم .. سلمت معه
وبعدين صلت ركعه لحالها ..

بعد ما خلصت .. قلت له .. قالت إيه المره الثانية
ما فيه أمل تعيد صلاته



ومره .. وحنا جالسين بالتشهد الأخير .. فجئت .. باللي بجنبي
ضرب ركوع .. مسرعة مره .. قبل يسلم الإمام ..

وطبعا سألته .. قالت أبصلي اللي فايتن .. قبل يسلم

[جورينا]

فاطمة الوليعي ؛؛
حياك الله أختي ؛؛

اقتباس: قسم بالله نشوف عجب ..

وربي صدقتي لو يجلسن ببيوتهن ابرك لهن تصدقين دايم الاحظ عليهن تصرفات غريبه غير فوات الركعات
والا اللي تجيك والإمام صاف تبدء تروكع لحاله والا اللي تسلم مع الإمام والا اللي تحلفين مسوية سباق
تخاف يوصل قبله (( ربي يغفر لهن ويهديهن ))
تدرين بقولك عن أشياء شفته بهن ؛؛
وحده الله يذكره بالخير تحلفين مروحه قعادية من كثر ماتتلفت بوجيه الحريم بتشوف من حضر اليوم ؛؛ والا السواليف الجانبيه حدث ولاحرج من شدة ارتفاع اصواتهن بعض الاحيان يغطن على صوت الإمام تعالي عاد افقدي التركيز والمتابعه واللي اعظم من هذا كله إذا صليتي بجنب عجز يجنك حريم الحاره لمّ هالعجز يبن يسلمن عليهن مساتس الله بالخير وماغير تسمعين صوت هالتغجيف تحلفين تبي تشفطه ولا انسى إذا صادفت آية سجده هاذي حدث ولاحرج .....ولو بعد لك من الحين الي بكره من تصرفاتهن ماخلصت ؛؛(( ربي يغفر لنا ولهن ))

[بنت البدائع]

خواتي الحبوبات فراشه وفاطمة

لاتنسون إن أغلب الأمهات الكبار بالسن <<يعني من الأربعين وفوق

يجهلن الكثير من أمور الدين ولازم يبن توعية من أهاليهن

بس ضحكت على كلامك فراشه كركر

أيه تعالي شوفيهن آخر يوم برمضان يجتمعن بربعه من المسجد وماتسمعين إلا مشاهقهن عشان الشهر خلص

ياحبيلهن هن وعشوائيتهن

[بنت البدائع]

نسيت أقول حاجه ملفته إنتباهي

مالاحظتوا إن العجز الطايحه اللي تجي للمسجد معهن جوالات

قسم شي يضحك تلقينه يالله تشوف اللي قدامه من قل الشوف وبشنطته جوال

وحده يرنن جواله أزعجنا ويابعدي هي ماتدري إنه حقه <<< يابعدي ماتعودت على البريستيج

[~ مي ~]

حياااا الله الجميييييع .....
قصمنجية .....
صديقتي تمدح موبايلي مررررة والتصفح سريع بعد
جربيه ماراح تخسرين شئ بطاقة ب75 واشحنيه ب30
ومدته شهر بالتمام ....والحجم 1 جيجا ........يعني يكفي تصفح
منتدياااااات أما تحميل ملفات طويلة راح ياخذ حجم أكبر أكيد ...
بس لازم رقم موبايلي مايعرفه أحد لأنه ممكن ينقطع الاتصال
اذا دق عليك >> هذا كلام صديقتي
انا بجربه ان شاء الله واذا صار مزبوط بقولك ......

[فور يو]

اقتباس:  المشاركة الأصلية كتبت بواسطة بنت البدائع     لاتنسون إن أغلب الأمهات الكبار بالسن <<يعني من الأربعين وفوق

الأمهات اللي بالأربعينات يسمن حريم عاقلات ناضجات

و اللي فوق الخمسين يسمن حريم كبار

و اللي فوق الستين يسمن عواجيز ...

اعذب تحيه للكل .

[بنت البدائع]

اقتباس:  المشاركة الأصلية كتبت بواسطة فور يو     الأمهات اللي بالأربعينات يسمن حريم عاقلات ناضجات و اللي فوق الخمسين يسمن حريم كبار و اللي فوق الستين يسمن عواجيز ... اعذب تحيه للكل .

أخي فوريو مابعد الأربعين شي

وذكرتني بكتب علم النفس على هالشرح المتكتك ..

أعذب تحية للكل ......

[فارس الميدان]

الاستاذتين

فاطمة الوليعي وفراشة نجد

هناك توعيه في كثير من الحارات ببريده مثل دار الايضاح وغيرها الكثير .. عن الفقه وجميع مايخص الدين من قران وتوحيد واحاديث

اذكر بالنازيه وحده والمنتزه وحده وحي مشعل وحده وكلها مباني متعوب عليها

بس ياليت ان الابناء يساعدون الامهات ويودونهم لهذي المراكز والدور لان هناك فوائد كثير للنساء .. هذا غير الدعم والجوائز ..

[ابوخالد382]

8
8
8
يأخذ نسبه على كل رأس يسجل.

[فارس الميدان]

8
8
8

انشاءالله اني اباخذ نسبة اجر على كل راس يدخل ..

[Queen of buraydh]

فيه شي معور راسي له كم سنه وماني لاقيه له الجواب الكافي والمُقنع ..

طبعاً الكل يعرف ان الغيبه حراااام وعقابها كبير .. بس نغتاب او نلاحظ احد بس بأنفسنا يعني ما نتكلم .. يعني مثلاً احيان تمر وحده دبه بعدين اقول بنفسي يالله سبحان اللي خلقها

والا وش هاللبس قرويه .. ومن هالحكي ..

غصب والله غصب

يدخل ضمن عقوبة المُغتاب ؟؟؟

الله يخليكم ردو علي ..

[عازفة ألحان الليل]

السلام عليكم
انا اقول لو تغيرون المواضيع عن الناس
وتكلموا بأي شي غير الناس يكون افضل
ولا تفهموني غلط مجرد نصيييييييييييييييييحة

[The star]

السلام عليكم ورحمة الله وبركاته..
(the-moon -بنت البدائع -راشد الصليحان -لمبة شارع )
الله يحيكم ويرفع من شأنكم ،،
ألف شكر لكم .

شموع تحت المطر

،الله يشفي أختك ويخليها لعيالها ويغفر لها ذنوبها ،
شموع يالغالية تصدقي عنها وأدعي لها في هذا الشهر الكريم ،ولا تنسي أن الصدقة فضلها عظيم وقد شفي الكثير ممن تصدقوا بإذن الله تعالى .فيما معنى الحديث (داووا مرضاكم بالصدقة ) .
وخبرينا كيف امتحانك كان ؟ إن شاء الله زين ؟!