(عيل) .. من عيال الهيئة يمد يده على بنت في اليوم الوطني

[شمس بريده]

الله المستعان هذولي بنات بريده كيف تغيرت الدنيا
صدق رسول الله صلى الله عليه وسلم حين قال من يعش منكم فسيرى اختلافا كثيرا...الحديث
والله البنت تستاهل خيزرانه تلاح به لما تنسى الدنياوالله يعافي المبتلى
وخلوكم من رجال الهيئه اله يحرسهم ويخليهم لنا والله يقويهم على نكار المنكر

[النسيان]

[align=right]برغم ايماني التام واعجابي بدور رجال الهيئات وفقهم الله وانهم حصنا منيعا يدرء به الله سبحانه عنا وعن عوراتنا وبلادنا الكثير والكثير من الامور العظام .
الا انني لازلت اقول ان رجال الهيئة يجب ان يرفقوا بالنصح فالزمان قد تغير قديما كانت نظرة رجل الهيئة تكفي لتغيير منكرا شاهده وأما الآن فالسكينة السكينة وعسى ان يستجاب لكم .
واما الأذى فقد أوذي نبينا محمد ومن قبله موسى وغيرهم من الانبياء والرسل صلوات ربي وسلامه عليهم فكانت لهم الرفعة في الدرجات العلى من الجنة .
وتقبلوا تحياتي [/align]

[ابوقش]

بصراحه غلط واكبر غلط من رجال الهيئه وخاصه ( الطافين )

صحيح انهم رجال خير ولكن لو كانت تلك البنت احد محارمي وربي

ان يشوف شي ماقد شافه بحياته والظاهر مافيه احد مايغار على محارمه الا الديوث

وحتى لو البنت اخطاءت وقالت مالك دخل هي صادقه لانه ماهو محرم لها ولا له خص فيها

لكن من واجب عمله ان ينصحها بأن تتستر بس خلاص ما استجابت لكلامه مايقعد ويطولها بالكلام

وبصراحه ( بعض ) رجال الهيئه هداهم الله اخذين الشيئ بالقوه يعني كلامهم الصحيح وانت الكاذب

لا و ( بعضهم ) يظلمك عينك عينك والكلام طويل عنهم لكن الله يستر على المسلمين اجمعين ..

[معذب الجرابيع]

اف اف اف بس لوموجود قسم بالله لدخل فيه قصاص كل شي الا مدة اليد وش يحسب نفسه الحقير [COLOR="Blue"][/COLOR

[ليتك وفيت]

بصراحه الهيئه ماقصروا وجزاهم الله الف خير بحرصهم الزايد بس المفروض النصيحه ماتجي بمدت اليد او التلفظ الخاطئ احيانا البنات يصيرن يعاندن اذا طول صوته عليه او فشله لابد يجي بالنصيحه بهدوء والله راح تفشل من نفسه علطول هذي من ناحيه اما من ناحية البنت فهي غلطانه ليش ترد عليه عيب البنت ترد على الرجال شوفوا العصبيه بينهم ايش وصلتهم وهذي المواقف كثيرة والله يستر من هذا الزمان صرنا نشوف العجب............

[أماسي كاملة]

الله يستر على بنات المسلمين
والله ان البنات اليوم مايستحن ولا يحترمن احد الله يهديهن بس
لوكانت البنت مؤدبه ومحترمه نفسه كان ماصارله كذا وش كان بيضره لو ماردت عليه
بس بعض البنات يحبن لفت الانظار وفيهن جرائه ماله داعي


ورجال الهيئه بعضهم الله يهديهم ماعنده اسلوب للنصح
خاصه مع البنات المراهقات المفروض انه جايه باسلوب زين والله لو انه بنت ناس كان تستحي من نفسه ولا تسوي كذا مره ثانيه.....
( وجهت نظر)

[شموع تحت المطر]

والله لو اني بمكان رجل الهيئة مهب بس سطرته كف الا وطيته تحت رجلي

اذا هي وقحة وقليلة ادب..ماتستاهل من يتكلم معه بذوق...!!!!

المفروض جارينه مع شوشتة للقسم عشان تأدب وماتسوي من نفسة مسخــــــــــرة..

[ابو ريما الخالدي]

مهما كان قولها تاجه رجل الهيئة
فاليس لرجل الهيئة الحق بأن يمد يده عليها
لماذا الهيئه
دائماً تحارب
دائماً مكروه
دائماً يبحثون عن أخطائها
بسبب وجود مثل هؤلاء القوم أصحاب الأفكار العقيمه والسقيمه في التعامل مع الناس
عن تميم الداري - رضي الله عنه - قال: قال رسول الله - صلى الله عليه وسلم -: الدين النصيحة، الدين النصيحة، الدين النصيحة، قالوا: لمن يا رسول؟ قال: لله، ولكتابه، ولرسوله، ولأئمة المسلمين وعامتهم رواه مسلم.
هل فهمت يارجل الهيئه

[ضحاوي]

أستغفر الله على ردودكم

نحترم الهيئه .......بس هذا تصرف خاطىء

ومستغربه منكم لا من دافعت الوحده عن نفسها صارت قليلة أدب وماتربت؟؟

[عاشق ديرتي بريده]

نزلي الطرحه !!!!!!!!!!!!!!!!! وشلون هي فاتشه والا وشو ؟

يعني اذا هي مافتشت وش دخل الملقوف يكلمها !!!!

[بندر بن عبدالعزيز]

اقتباس:  المشاركة الأصلية كتبت بواسطة شموع تحت المطر     والله لو اني بمكان رجل الهيئة مهب بس سطرته كف الا وطيته تحت رجلي اذا هي وقحة وقليلة ادب..ماتستاهل من يتكلم معه بذوق...!!!! المفروض جارينه مع شوشتة للقسم عشان تأدب وماتسوي من نفسة مسخــــــــــرة..

والله يا شموع اذا انت رجل فالشرهه عليك ولا تشتغل خلك ببيتك احسن
واذا انتي مره ناقصات عقل ودين
قال جارينه قال

[عبدالرحمن 2007]

اقتباس:  المشاركة الأصلية كتبت بواسطة خازوق     واجب النصح والامر بالمعروف والنهي عن المنكر ليس حصرا على رجال الهيئة وفقهم الله وليس بالضرورة ان يكون من نصح او امر بمعروف او نهى عن منكر عضوا او متعاونا مع الهيئة فقد يكون شخصا اطلق عليه تسمية ....مستقلا ...فقد يمكن انه راى من هذه الفتاة هداها الله افعالا وحركاتا لاتليق بمسلمة وتخدش الحياء العام والذوق فنبهها ولاسيما ان الكاتبة ذكرت ان هناك شباب شاركوا في الواقعة -ولااظن انهم شاركوا من مبدأ الغيرة بل لصرف ذلك الناصح عن فريستهم -والفتاة لعدم وجود محرم لها فقد تساهلت بالحجاب وبالرد على الناصح ...والله يرحم زمان امهاتنا التي تتمنى الواحدة الموت ولايوجه لها توجيه بمكان عام

نعم بارك الله فيك هذا ما يجب على كل عاقل ان يفهمه

[نجد نت]

الخبـــــــــــر منقول خطأ وفيه كـــــذب وتعدي على رجل الهيئة والدليل عند الشرطة الشمالية .

كم من قصة نقلت ضد الهيئة ويخرج الخبر غير صحيح بل تشهد الأمارة والداخلية مع رجال الهيئة ولله الحمد
لكن من يكذب ويكره الآمرين بالمعروف عليه الخوف من الله وعدم الانصياع خلف الليبراليين المنافقين .

[قروي فاهم]

الامر بالمعروف والنهي عن المنكر واجب وهو ليس مقتصر على عضو في الهيئه او اي شخص متعاون مع الهيئه


والله تعالى يقول

كنتم خير امة اخرجت للناس تأمرون بالمعروف وتنهون عن المنكر

واذا كانت البنت قد تلفظت بقولها مالك دخل فهي بالحقيقه مخطئه بحق من امرها بالتستر 000

[نور المملكة]

اقتباس:  المشاركة الأصلية كتبت بواسطة قروي فاهم     الامر بالمعروف والنهي عن المنكر واجب وهو ليس مقتصر على عضو في الهيئه او اي شخص متعاون مع الهيئه والله تعالى يقول كنتم خير امة اخرجت للناس تأمرون بالمعروف وتنهون عن المنكر واذا كانت البنت قد تلفظت بقولها مالك دخل فهي بالحقيقه مخطئه بحق من امرها بالتستر 000