من يطعن حريتي .. قتلوني قتلهم الله

[عجوز سمنسي]

[align=center]

اقتباس:  المشاركة الأصلية كتبت بواسطة الملاك الوردي     السادة الاعضاء يجب ان يقف الجميع دقيقة تحية لهذا المنتدى ومشرفيه انا اشوف ان المنتدى يتعامل بذوق مع الاعضاء صحيح ان تواجدي قليل هنا ونادرا مااكتب بس برضوا هذا المنتدى رائع بالقائمين عليه ياحلوين كنت في منتدى قبل مااكتب الموضوع دايركت يحذف بدون اي سبب بل احيانا يكون استفسار وفي الموضع المخصص له وفيه منتدى جار لكم اول ماتكتب الموضوع يرسل لك خاص تم نقل الموضوع المشكله في مكانه والله في مكانه والمنتدى الثالث عندهم قسم من زين الادب اسمه(قسم الموضوعات الماصله) واي موضوع من عضو جديد يحول له اما المنتدى المحترم وهو منتدى مشهور وله جمهوره مايحذفون الموضوع لا يوقفون العضو الى يوم القيامه كل المنتديات السابقة ما القيت لهم بال لاني ماعدت ادخل ولااكتب بس اللي حاز فيني المنتدى الاخير لازم اكتب فيه لاني احبهم واحب ميولهم دخلت بالف معرف والف ايميل وراسلت الادراة مليون مرة بس مايتكلمون منهم لله ع ايه وقفوني ماادري تحيـــــــــــــــــــــــــــــــاتي للمنتداكم والمشرفين عليه

ونحن بدورنا ياملاك ياوردي نقول شكرا للمشرفين اللي هنا

والله مانلحق جزاهم ابدا ولهم جهود مشكورة والله يعينهم علينا

حنا اللي صرنا ماصلين معهم بزيادة بس عاد الله يعينهم على المشاكسات

كل اللي نطالب فيه فقط هو ايجاد الآلية الواضحة لأغلاق الموضوع

لماذا يغلق الموضوع بسبب تراشق الاعضاء خارج نطاقه والضحية هو صاحب الموضوع؟

صاحب الموضوع يجتهد في الكتابة وبالاخير تروح افكارة وجهده سدى

شكرا لمرورك الوردي[/align]

[شموع تحت المطر]

ياعجوز..

مايصير أنت( ماصل) على كلامك.. بعدين تطالب بآلية واضحة لإغلاق المواضيع...

شلون تجي هذي..؟؟؟؟

أتوقع لو أحــــــد غيرك اللي مطالب بهالشي..كان عطوة وجــــــــــة..

بس شوفة عينك.. ماحد عبـــــــــــــــرك..!!!

[عجوز سمنسي]

[align=center]

اقتباس:  المشاركة الأصلية كتبت بواسطة شموع تحت المطر     ياعجوز.. مايصير أنت( ماصل) على كلامك.. بعدين تطالب بآلية واضحة لإغلاق المواضيع... شلون تجي هذي..؟؟؟؟ أتوقع لو أحــــــد غيرك اللي مطالب بهالشي..كان عطوة وجــــــــــة.. بس شوفة عينك.. ماحد عبـــــــــــــــرك..!!!

انا ياشموع ما انتظر احد يعبرني

تكفيني ردود الاعضاء ومشاركتهم وهذا اكبر فخر لي

لابد ان احترم من يمر ويبدي رايه وارد عليه

تبين نغلق الموضوع ؟ لابأس خير الختام

تحياتي لك[/align]

[شموع تحت المطر]

وش دخلني تسألني تبين نغلق الموضوع...!!!

أقلبها هوشة ويقفلونـــــــة..>> اضحك عليك..

[عجوز سمنسي]

[align=center]

اقتباس:  المشاركة الأصلية كتبت بواسطة شموع تحت المطر     وش دخلني تسألني تبين نغلق الموضوع...!!! أقلبها هوشة ويقفلونـــــــة..>> اضحك عليك..

اجل رايك نقلبها هوشة ؟

مايحتاج هوشة

اصلا انتي خلقة من شكلك كذا هوشة

الله يعين اللي يبي ياخذك شكله يبي يجيب معه عجرا من اول ليلة

عاد لعبتك ياشموع

يقولون الحريم طايحة بموضة جديدة

طايحات بالسواطير بمصر والتغليف الىلي بالاكياس وللزبالة سيدا

الله يكفينا شركن مابكن ملح اذا استشريتن

دعوووووووة للرجال كل يتميلح عند مرته احسن له
[/align]

[ღعبدالله العطيشانღ]

[align=center]

اقتباس:  المشاركة الأصلية كتبت بواسطة عاشق ديرتي بريده     قهوري الا على طاري التوقيف انت وره بتله موقف !!! لاتكسر عيال الناس عشان مايجيك كرت احمر !!! خلك مثل فهد المصيبيح ماعمره اخذ كرت اصفر !!

والله يا حبي عشاني أحليو ومزيون وأنويعم وجذاب وكمان بعد أباري الساس ودائمآ الضعيف يوكل حقه أمام عينيه .. وأنا ما أحب أني أطالب بالأشياء اللي مو مهمه بحياتي !
تعرف الزين اللي يلفت الأنظار غصب على العينين إذا ما أعطى أحد ما وجهه يكثر أعداءه وحاسدينه هنا !
وأنت عارفني يا عشوق كد قريت لي رد فيه آنا أو تكسير قلب أحد الأعضاء !
وبس خلصت .... مو الإعتراف بالحق فضيله يا خلفهم .. هذا هو ![/align]

[شموع تحت المطر]

اقتباس: اصلا انتي خلقة من شكلك كذا هوشة الله يعين اللي يبي ياخذك شكله يبي يجيب معه عجرا من اول ليلة

الشايب أنا قلت لك قبل ماتعلمت كل هالعلوم الا منك انت..

ولا وش يعلمني..كل عمري مسالمة ومؤدبة ومثالية بعد..!!

بس كل هذا منك.. الله يعين لسانك عليك..

اللهم لاشماته..

[&نجدية كووول&]

والله أني شاهده مؤدبه وماعليك من أحد>>>>الله يعين عليهم

[اعلامي متعقل]

سمنسي .. وينك .. صدق ما يحس بنار إلا واطيها .. توني احس

بمعانتك .. جالس ادور موضوعي اللي حطيته اليوم .. اجده في المجتمع ..

نفسي ومنا عيني .. اعرف .. ... سبب حقيقي لنقل ... الموضوع

خله يتفلق هناك ماراح اطلع من المنتدى قال ... مجتمع قال ..

مواضيع .. جديدة بطلنا ... صدقت .. توي احس

بحجم معاناتك

تحياتي .. لمن يطعن حريتي

[هامة حاسوبية]

[align=center]

أخي سمنسي

لا أذكر موضوعك الذي أقفل فيبدو أنني لم أطلع عليه

وعلى أية حال أنت تعلم أن الديمقراطية هي السياسة الوحيدة التي يقبلها العقل وإن كانت أبعادها تختلف برؤية شخص عن آخر

وكذلك قد تُتخذ بعض الإجراءات ونخالفها فهذا أمر وارد وإلا لما أوجد قسم الإقتراحات والشكاوى

وأيضا يجب أن تدرك أن المنتدى ليس للعب فقط ، فهناك أناس تقرأ وتتأثر ، وأناس يدخلون ليعطوا فائدة ويستفيدوا ، فيجب إحترام المكان والأشخاص ، وإلا لما أصبح هناك طاقم إداري يمضي الوقت الكثير لمتابعته

فمن أراد الضحك والأنس فاستراحة المنتدى موجودة وفيها من الشباب والبنات من فيهم الخير والبركة



سؤال خارج الموضوع

اقتباس: ( وجية كشبارة )

كثيرا ما أسمعكم ترددون كلمة كشبارة فماذا تعني ؟؟

أنا لا أعرف سوى مفردة (بشكارة) الإماراتية




تحيتي

هامة حاسوبية

[/align]

[ღعبدالله العطيشانღ]

هامه حاسوبيه معنى كشباره الله يغفر لك !
يقولون أنه كشباره يعني من الوجيه الشيون اللي إذا عضها الكلب أنغلث !
هذا بقاموسي أنا .. عاد ما أدري وش هو معناها بقاموس غيري !

[علشانك بس]

وهو صادق كشباره يعني تجيب حومان التسبد

[عجوز سمنسي]

[align=center]

اقتباس:  المشاركة الأصلية كتبت بواسطة ღعبدالله العطيشانღ     صدقتي والله يالله يالشايب احمد ربك بس .. المفروض الحين تروح تصلي لك ركعتين حمدآ وشكرآ لله ! بس سبحان الله ابن آدم طماع ويحب أنه يسوي كل اللي في باله بدون تدخل الغير .. يبي يحوس المكان اللي به ويروح ! هههههههههاااااي أشم ريحة توقيف لك يالسمنسي يارب يا كريم يتوقف عاجلآ غير آجل

والله شكل التوقيف حاصل حاصل مادام فيه ناس مسوية فيها لوبي نتي في هالمنتدى ويبون يمشون كل شي على كيفهم

يبوننا نكتب على هواهم وعلى كيفهم ويبوننا نرضخ لافكارهم ونسير مع تيارهم

انا العجوز السمنسي طول عمري حر وراح اكون حر ولن يفرض احد تفكيره ورايه علي

الكلام بعيدا عن المشرفين فلهم التقدير انما موجه لذلك اللوبي النتي [/align]

[عجوز سمنسي]

[align=center]

اقتباس:  المشاركة الأصلية كتبت بواسطة شاطئ الراحة     الفاضل عجوز سمنسي .. أوافقك .. !! هذه الحياة عشنا فيها و عاش فيها من قبلنا .. فلم نرى أو نسمع ان احدً .. عاش طول عمره في هذه الحياة سعيد من مولده إلى مماته .. ولكن لنا طريقة او أخرى لكي نعبر عن مابداخلنا .. من هموم .. المنتدى قد نشكو فيه عن هموم إجتماعيه و نريد حلول لها او نقدم فيه و جهت نظر الغير و نسعى لأن نحلها او نوجد لها حل .. ولكن هنالك أمور خاصة .. نقتصر عن ان نقدمها للمنتدى كونها تحمل من الخصوصية الكثير .. ... أصبحت المنتديات متنفس كبير للجميع .. فهنالك أنفاس قابلة لتبادل الحوار لقرب نظرتها و حسن معاشرتها .. و هنالك انفاس كريهه .. مهما فضفضة و قدمت تضل كريهه .. تحيتي لك

اخي شاطئ الراحة: تحياتي لك ياعزيزي

دائما اقولها ان هذا المنتدى بالذات هي متنفسي وحياتي

حتى اصبحت لا اطيق الحياة والجلوس بدونه

لكننا نطمح للكثير من الادارة

تدري وش يضيق صدري احيانا ياشاطئ الراحة ؟
الازدواجية من البعض في التعامل

في احد المواضيع كتب احد رد ضدي ولأن هذا العضو من المرضي عنهم فقد حذف ردي عليه

هنا اقف تحية للبعض من المشرفين

شكرا لمرورك[/align]

[عجوز سمنسي]

[align=center]

اقتباس:  المشاركة الأصلية كتبت بواسطة ღعبدالله العطيشانღ     [align=center] والله يا حبي عشاني أحليو ومزيون وأنويعم وجذاب وكمان بعد أباري الساس ودائمآ الضعيف يوكل حقه أمام عينيه .. وأنا ما أحب أني أطالب بالأشياء اللي مو مهمه بحياتي ! تعرف الزين اللي يلفت الأنظار غصب على العينين إذا ما أعطى أحد ما وجهه يكثر أعداءه وحاسدينه هنا ! وأنت عارفني يا عشوق كد قريت لي رد فيه آنا أو تكسير قلب أحد الأعضاء ! وبس خلصت .... مو الإعتراف بالحق فضيله يا خلفهم .. هذا هو ![/align]

انت مصدق روحك انك مزيون ؟

ترى ماحذفوك وشوتوك الا لما هنق المنتدى من شين وجهك يادب

بس يوم توعدت لهم تسوي عملية تجميل لكشرتك اللي كنها مرصاع وافقوا

واحمد ربك ان العجوز السمنسي حولك والا تسان ماتشم ريحة المنتدى

هب ياناكر المعروف خذ البي وروح[/align]