الــمجــلس الإجتـمــاعـي /// لـ النقاش والحـوار الهادف !!

[كـامـو]

الملتاعه

حمدا على سلامتك و سلامة نواف و جعلها سلامة دايمه.

بس يا ويلي يا نواف تلقينه ألحين يحس بتأنيب الضمير لأنه هو السبب.

و الله يحفظكم أختي وين ما رحتوا

[إشراق]

الملتاعه حمدا لله على سلامتك وسلامة نواف

والله يخليه لك ويرزقه برك



أما توقيف لمبة شارع خساره للمجلس وخساره للمنتدى


الله يرده

[الناقد1]

لأول مرة أتشرف أخي راشد بدخول مجلسكم العامر

لعلي في تواجدي أوقد شمعة صغيرة تضيء شيئاً من العتمة التي أحدثها سلب نور لمبة ، أتشرف بتواجدي بينكم

أم نواف ، حمداً لله على سلامتك وابنك ، رزقك الله بره ، ورزقه منك إعانة على هذا

دام الجميع بخير

[العندليب]

الف الحمد لله على السلامة الملتاعه ..

وما يشوف شر نواااااااااف .. وعسى الله يعافيكم .. وجميع المسلمين من كل شر ..

تمنياتي لكم بالصحة والعافية ..


تحيتي

[جلوي العتيبي]

لك هذا أختنا فاطمة الوليعي ونعتذر إن كان اسمك حاف حمل لك شيء لم نقصده .

أم نواف الله يحفظ نواف ويجعله قرة عين لك وماتشوفين شر

نعم الأطفال يتأثرون كثيراً بأمهم ..

عندي شهوده ماعمرها صارت بصفي

دايم بجانب أمها وحقهم أخذته واااااااااااااافي

[شمعة امل]

[align=center]ألف الحمدلله على سلامتك أختي الملتاعة وعلى سلامة أبنك نواف....

وجعله باراً بكِ .....يااااااااارب


.


.

أحترامي وودي للجميع

[/align]

[فور يو]

الأخت الملتاعه

متعك الله و إبنك نواف بالصحه والعافايه ولا اراكما اي مكروه ...

اعذب تحيه للكل .

[الملتاعه]

لا أحد يقول شي

أنا قلت لكم إذا طال الحديث عن إيقاف لمبة شارع راح أحذف الردود

لست مع ولا ضد

إحترامي للجميع هنا

[شموع تحت المطر]

فديت نواف وكل من اسمه نواف

الملتاعه..الله يخليه لك ويقر عينك فيه

بوسية لـــــــــــــي...

[الملتاعه]

اقتباس: ملتاعه عسى ربي يخلي لك نواف ويخليك له ... البر سلف سبحان الله ..

كوين تسلمين يارب ... ويخليك لعين ترجيك

[الملتاعه]

اقتباس: أسال الله العزيز القدير ان يأتي اليوم ...الذي تشاهدين فيه نــواف رجل كبيرالعقل والعمــر ..بار بأمه إنه على ذلك قدير ..<<<<<<<< بشرط ماتصيرين (ام حقنة ) فعلا قصة فيها معان حب الأم وتعلق الأبن بأمــه

راشد الله يسمع منك يارب

أبشر والله إني أم حليله مب حقنه

[نـدى الـورد]

[align=center]

اقتباس:  المشاركة الأصلية كتبت بواسطة الملتاعه     [align=center]بسم الله الرحمن الرحيم أبدأ القصه :: هذا ولدي ( نواف ) الله يسلمكم حصل له كـسـر في رجله وسوينا له ( جبيره ) وولدي صغير يعني لازم أشيله وين ما يبغى يروح بعد اللي صار له بـ 8 أيام كنت شايلته أنا وأمشي فيه بـ ( الدرج ) وقدر الله علينا إني أطيح با الدرج أنا وياااااااااه وللأسف والله أصبت من طيحة الدرج ( أخر فقره من العامود الفقري متحركه عن مكانها ) <<< شافت صورتها با الأشعه جلست تصيييييييييح بعد ما رجعت من المستشفى لزمت السرير وقالت الوالده لنواف الدكتور طالب من أمك ترتاح لذلك لا تشغلها تبغى شي تنادي علي وذاك اليوم كان نواف جالس جنبي يطالعني وهو ساكت سألته قلت نواف قال ( ســـــــمـــــــــــــــي يــــمـــــــــــه ) قلت سم الله عدووووك وش فيك ؟ ما دريت إلا والولد يصيح يقول ( يا ليتني يـ يمه ولد كبير أشيلك مثل ما شلتيني ) تصدقون بعدها ضميت ولدي وبكيت معه بقوه لأنه فعلا الأبناء يتربون على الأشياء اللي يشوفون أمهاتهم وأبااائهم متربين عليه وكنت دايم أتكلم له عن جزاء ( بر الوالدين ) شفتوا شلون نتيجة بر الوالدين إنتقلت لولدي نواف أتمنى من الجميع يحطون بر الوالدين نصب أعينهم دااااااائما دمتم بووووود [/align]

ياللهي ما حلى بر الوالدين

يارب ترزقني مثل هذا البرمع اولادي

الف لابأس الملتاعه لك ولإبنك نواف

واجر وعافيه ان شالله

.[/align]

[مــنــال]

الله يجعلنا من البراين بوالدينا في حياهم و عند مماتهم ..

شكرا ً لك ِ الملتاعة على هذه القصة .

و بارك الله في ابنك و جعله من البارين بك .

[راشد الصليحان]

اقتباس:  المشاركة الأصلية كتبت بواسطة الناقد1     لأول مرة أتشرف أخي راشد بدخول مجلسكم العامر لعلي في تواجدي أوقد شمعة صغيرة تضيء شيئاً من العتمة التي أحدثها سلب نور لمبة ، أتشرف بتواجدي بينكم أم نواف ، حمداً لله على سلامتك وابنك ، رزقك الله بره ، ورزقه منك إعانة على هذا دام الجميع بخير

أزدان المجلس نوراَ بدخولك مجلسنا وزدنا شرفاَ بحضورك هنا ...!
اهلابك اخي الغالي الناقد1 ...بين اخوانك واخواتك ...ننتظر العطاء والتواجد بالحرف والفكرة ...! كما عهدنا هذا الشيء من قلمك أيها (( القــلم )) المعطاء

..........................

<<<<< تضامناَ مع الحملة ..!!

[الناقد1]

اقتباس:  المشاركة الأصلية كتبت بواسطة راشد الصليحان     أزدان المجلس نوراَ بدخولك مجلسنا وزدنا شرفاَ بحضورك هنا ...! اهلابك اخي الغالي الناقد1 ...بين اخوانك واخواتك ...ننتظر العطاء والتواجد بالحرف والفكرة ...! كما عهدنا هذا الشيء من قلمك أيها (( القــلم )) المعطاء

أنظر إلى مجلس أنس زهى ** لصاحب زار وخل يزور
قد قـُصر الحوار عليه فما ** ترى بحمد الله فيه قصور
لا أحضر الله مستبدا به ** ما دامت الأحرار فيه حضور

الشرف كل الشرف لي بالتواجد بينكم يابن الكرام

دام الجميع بخير