غلطتك ما هي صغيرة ولا عمرك صغير
ولا أقدر أسمح لك ولو قلت مليون اعتذار
لا تساهلها عليه وأنا عقلي ..كبير
من رضى بالذل يعيش عمره باحتقار
أنت ياللي تمشي الدرب وتعكس المسير
وشتبي وأنت كلك تعرج وانحدار
اعترف ضغوط وقتي مع الوضع العسير
أخدمك وصرت لي شيء من لاشيء صار
كنت أوهم نفسي أنك القلب الكبير
وأتخيل فيك هيبة وعزة وانتصار
هاربة من ضيقي للي على حد الهجير
كنت أبفتح للفرح باب لو بالابتكار
انكساري يوم أشوف الزمن حزنه كثير
أخدمك في وسط عيني وخلا لك وقار
ما حسبت أحساب الأيام وش يمكن تصير
بعدما شافت عيوني محاصيل الفرار
ولا اكتشفت أن الهزيمة على دربي تسير
لين سال الدمع والقلب شاف الانكسار
وشلي أبدرب المتاعب وأنا أدري بالمصير
الفراق اللي اعرفه وهذا آخر قرار
تعتذر بس المفارق هو الحل الأخير
وآخر الأسباب كلمة واحدة باختصار
لا تعذر وفّر العذر ما اقدر استخير
يا حبيبي عزة النفس فوق أي اعتبار
العرض المتطور
