الهندوس يقدسون البقــر والبعيرعندنا بالملايين ..!!

[الحنتريش]

راشد احس انك اكلن شي ملحوس والا ان الموضوع الي بينك وبين الاحوال المدنيه مأثر عليك
اسمع وانا اخوك شكل العتبان مسببين لك أزمه قويه والدليل ان كل القبايل خلصو مزايناتهم ولا قيل عنهم نص ماقيل عن العتبان ومااخذو من الاعلام نص مااخذوه العتبان فهمت علي والحين مابقى الا مزاين القحاطين
وين انت ايام مزاين القبايل الثانيه مسكت؟
لكن موضوعك يذكرن بواحد عتيبي من قوة تعصبه يقول مزاين الهيلا مسح سمعت كل مزاينات البعارين مثل الاسلام مسخ الديانات الي قبله
وصدق شيخ العتبان يوم يقول (( حنا سوينا الي علينا واتعبنا الي بعدنا ))
من زين مزاين العتبان حتى الحريم الي من غير قبيلة عتيبه وازواجهن عتبان بدن يتفاخرن وياليت الفرح يدوم على السعوديه وانا اخوك خل العالم تنبسط
بعدين احس ان البعارين احسن من اللاعبين والمليارات الي تروح للرياضه على الفاضي والمكافأت الي ياخذونه لاعبين المنتخب على لا شئ

[رتاج]

اقتباس:  المشاركة الأصلية كتبت بواسطة الحنتريش     وصدق شيخ العتبان يوم يقول (( حنا سوينا الي علينا واتعبنا الي بعدنا )) من زين مزاين العتبان حتى الحريم الي من غير قبيلة عتيبه وازواجهن عتبان بدن يتفاخرن

الحنتريش
مين الشيخ اللي قالها وفين قالها هااااه لا تكذب ترى ما يكذب الا الهايمات من النساء او الرجال اللي ما يحز العاقبة

[راشد الصليحان]

اقتباس:  المشاركة الأصلية كتبت بواسطة الحنتريش     راشد احس انك اكلن شي ملحوس والا ان الموضوع الي بينك وبين الاحوال المدنيه مأثر عليك اسمع وانا اخوك شكل العتبان مسببين لك أزمه قويه والدليل ان كل القبايل خلصو مزايناتهم ولا قيل عنهم نص ماقيل عن العتبان ومااخذو من الاعلام نص مااخذوه العتبان فهمت علي والحين مابقى الا مزاين القحاطين وين انت ايام مزاين القبايل الثانيه مسكت؟ لكن موضوعك يذكرن بواحد عتيبي من قوة تعصبه يقول مزاين الهيلا مسح سمعت كل مزاينات البعارين مثل الاسلام مسخ الديانات الي قبله وصدق شيخ العتبان يوم يقول (( حنا سوينا الي علينا واتعبنا الي بعدنا )) من زين مزاين العتبان حتى الحريم الي من غير قبيلة عتيبه وازواجهن عتبان بدن يتفاخرن وياليت الفرح يدوم على السعوديه وانا اخوك خل العالم تنبسط بعدين احس ان البعارين احسن من اللاعبين والمليارات الي تروح للرياضه على الفاضي والمكافأت الي ياخذونه لاعبين المنتخب على لا شئ

اهلا ياحنتريش ..

إحساسك نابع من وجهة نظرك القاصرة ..! ولأن إدراكك لم يكتمل بعد سوف اعذرك ..!!
الأزمة النفسية الي اعاني منها هي بسبب تحجر العقليات وعدم تحضرها رغم العلم والإنفتاح ومعرفة مايدرو بالدنيا وتهافت نتاج حضارة العالم علينا ..! ونحن لانزال نضع حيوان خلقه الله لنا لنستفيد منه بماينفعنا بحياتنا ومأكلنا ..! نضعه وكأن المزاين به هو التميز الذي يجعلنا تنفاخر به والعالم من حولنا يتربصون ..!
هذا الإهتمام التخلفي هو الذي سبب لي أمة مزمنة مما أشاهده ..! وليست قبيلة معينه هي المقصودة كما هو أستنتاجك القاصر ..!


http://buraydh.com/forum/showthread.php?t=97036
أدخل على هذا الرابط لموضوع كتبته عن مزاين ام أرقيبة العام الماضي لتدرك ان الهدف ليست تعصب ضد قبيلة معينة ..! لذا انصحك انت ومن هم على شاكلتك أصحاب النظرات المحدودة الرقي بالتفكير .. وقبول النقد حتى لو كان على انفسنا لنتعلم من الأخطاء وليس دفاعاَ عن امور تسبب في عودة تفاخر الجاهلية ..

دعواتي لك