مبروك انتي (حامل) وتبداء الأهات ودلع البنات!!!!!!!!!!

[قلب الأسد]

اقتباس:  المشاركة الأصلية كتبت بواسطة هامة حاسوبية     [align=center] يأتي نتيجة لتواجد عنصر جديد داخل الجسم فبسببه تتغير هرمونات الجسم لتقبل ذلك الكائن الجديد الذي يحتاج لنظام خاص ومرتب لأجل أن يعيش ويكون على هيئة ضعف شهية ، وأحيانا آلام في البطن ، ودوار واستفراغ في بعض الحالات بشكل عام نعم ولكن ،،، الوحم يختلف من امرأة لأخرى ، ويختلف في المرأة الواحدة من حمل لآخر فمثلا حدثتنا أمي عن قريبة لنا تقول : أنا لا أعلم بحملي سوى بانقطاع الطمث ، فلا أجد ما تتحدثون عنه من وحم ! والمرأة الواحدة كما قلت يختلف وحمها من حمل لآخر ، ففي حملها الأول مثلا يكون الوحم خفيفا ، وفي الثاني يكون أشد وهكذا بالتأكيد ، ففي القديم تجد المرأة يمكنها أن تحمل إناء ماء كبير وتمشي به كيلوات !! وهذه من رحمة الله بعباده ، فلو كُنّ قديما بقوة نساء اليوم لما استطعن أن يجارين الحياة ! أما بالنسبة للولادة فهي مختلفة في الوقت الحالي ، بشكل يؤثر سلباً على المرأة أكثر من ولادة الزمن الماضي ، ولاداعي للتفصيل فالنساء يفهمن ما أقصد [/align]

هامه حاسوبيه الف شكر على هالمعلومات واعتقد
الكل فهم وعرف ماتقصد بدون الخوض في تفاصيل
سررت لمرورك مره ثانيه .

[قلب الأسد]

اقتباس:  المشاركة الأصلية كتبت بواسطة توتي     ادري اني داخلن بالغلط بس ودي اصــدق بس عجزت حاولوا تقنعوني << يحك راسه ههههههههههـ بالعقل يعني تولد باخر المزرعه وتحط ولده بمحفر وتجي انا ما اشك فيك اختي بنت البدايع لكن اشك بالمصدر ترا الناس تحب التهاويل

تووووووووووووووووتي
من قال انك داخل غلط انت الصح كله ياغالي
ياليت بس ابديت رايك ابي رجل يبدي رايه .

[توتي]

[align=center]

اقتباس:  المشاركة الأصلية كتبت بواسطة قلب ضب     تووووووووووووووووتي من قال انك داخل غلط انت الصح كله ياغالي ياليت بس ابديت رايك ابي رجل يبدي رايه .

ياخي تكفى لاتشحطن تراي اروح وطي

<< بدا التفلسف الله يعينك عليه

شف اخوي ترا الحين الزمن تغير .. صحيح الحمل صعب وما احد ينكر ان المرأه تشوف الموت بعينه ..
لكن اللي يقهرن انه بعض الناس بالشهر الثاني او الثالث وتلقاه تقل ملكه البياله ماتشيله
ورجله ادبش منه << خصوصا اذا صار اول حمل انواع الطفه
تلقاه يقول لاتشيلين شي ولا تسوين شي وانوع الحدحده بالسياره يخاف ياخذ مطب وتروح فيها << متعقد منهم اللي يحدحدون العالم او يوقف عند المطب ساعه لا الوحه والمشكله انه يوزع ابتسامات مع مرته عند المطب وين ..!! تقل بهولندا
وتلقاه يجي للمواعيد << حط تحته مليون خط

كل عمر حريمنا يولدن وهن ماطبن المستشفى ابد مدري وراه كل شهر يروح مرتين للمستشفى وتلقاه معسكر يحجز مكان قبل بيوم بس حق الضيق
واشعه صوتيه وذبذبات سمعيه ومدري ايش بس صراحه معذورين خصوصا اللي اول حمل خلهم يستانسون وشوله نحوس عليهم خخخخخخـ [/align]

[عجت!]

حقهـــــــــــا

[قلب الأسد]

اقتباس:  المشاركة الأصلية كتبت بواسطة أريج الحياة     اي دلع يامعوود الله يرحمهن برحمته بس البنات مشكورات قالن كل شي .

هلا اريج الحياة ايو الله الله يرحمهن يارب
وبصراحه البنات مره مره كفن.

بعدين على فكره وين مواضيعك ماصرنا نشوفها

[قلب الأسد]

اقتباس:  المشاركة الأصلية كتبت بواسطة علشانك بس     أهلا قلب ضب ,, أولا عنوان الموضوع حلو مره ,, يعني مناسب للنص ,, مو مثل بعض المواضيع اللي نشوفها النص بالشرق وعنوان الموضوع بالغرب ,, المهم نخش بالموضوع ,, قلب ضب ,, الحين انت مستكثر كلمة آآآه على البنت الحـامل ,, ومستكثر عليها تتدلع بهالكم شهر اللي ماتشوف ملاحظه و عناية الا فيهم !! وهي اللي تحمل و تولد و تربي وتتحمل جميع مسؤوليات الزوج و الأولاد و البيت ,, وتتحمل همهم وغمهم ,, ودراستهم وتشكيهم ومرضهم ,, حتى انت يالزوج لو تطلع من دوامك متضايق جيت تتشكى لها ولا تحط حرتك فيها ,, وهي ياويلها وياسواد ليلها ان فتحت فمها بكلمة وحده ,, صابره على غثاكم وغثى عيـالكم من ينخلق برحمها الين يتزوج ويجيب عيال وهي شايله همه وهم عياله بعد ,, وتموت وهي على هالحال شاقيه ,, كل هذا ومستكثر عليها كلمة آآه ,, ومستكثر عليها الدلع بعد !! صدق مابقلوبكم رحمه ,, من الغباء مقارنة جيل امهاتنا بجيلنا الجديد ,, طبيعة المعيشه قبل تختلف اختلاف جذري عن طبيعتها في الوقت الحالي ,, سبحان الله ,, انا احسدكم يالرجال ,, كل شي ماشي على ماتبون ,, وبالشرع بعد ,, الحين القوامـه لكم ,, وحقكم بالإرث الضعف عنـّـا ,, وموعودين بالحوريات غير زوجـاتكم اللي دابلين تسبودكم بالدنيـا ,, وشهادتكم عن شهـادة حرمتيـن ,, وكلمتكم الماشيه علينا ,, طبعا انا ماأعترض ,, لكن دايم أفكر بالأشياء هذي ,, شلون تستكثرون علينا نعبر عن تعبنا ,, وحنا متحملينكم بغثاكم وغثى عيالكم ,, لكن هذولا الرجال مايشكرون ,, والواحد منكم لو تقول حرمته راسي يعورني حط فيها مليووون عيب وعيب ,, عشان يتزوج عليها ,, ومن يتزوج ينسى حرمته الأولى وينسى تعبها عليه وعلى عياله ,, لكن والله ماجبت شي جديد ,, هذولا رجال السعوديه ,, يبون الحرمه تكد مكدة حماااار ولا تتكلم ولا تعبر عن تعبها ولا بكلمة آه ,, حنا مانبي منكم شي ,, نبي الأجر والمثوبه من الله ,, ولا أنتم ماوراكم الا التشكـي ,, الله ياجرنا بس ,, ويرزقنا الجنه وماقرب اليها من قول وعمل ,, يالله فتـّـكو بعافيه يارجال آخر زمن ,, رجال بقلوووووب من حجـــــر ,,

علشانك بس ///// ياااااااااااااااااااااااااااااااااساتر كل هذا للرجال
حرام عليك لها الدرجه حنا ولاندري .علشانك لو بتكلم عن
مجمل الحياة الزوجيه كان بالاخر راح يكون الرجل هو اللي ينرحم
يكد ويتعب الصبح الى الظهر ومشاوير وماينام لين يوكل عياله
وغيره وغيره والله لاجلس الى بكرى اعد اتعابه .بس مابي اطلع
عن الموضوع .وهالزوجه نايمه الى الظهر بس تاكل وتشرب
وتلبس وتطلع هذا همه.
المهم انا ما استكثر عليكم الدلع بعدين وش حنا من دلع زوجاتنا
بس في وضع الحمل احس فيه مبالغه .

علشانك بس ::شكرا لمرورك العطر .مع انه قاسي شوي .

[هامة حاسوبية]

[align=center]

اقتباس: يخاف ياخذ مطب وتروح فيها

نعم هذا هو المفروض

هل تعلم أن جلوس المرأة على الكرسي بشكل فيه شي من العنف قد يسبب الإجهاض ؟!

هذا ليس كلام (كتب) وإنما واقعي !





[/align]

[عازفة ألحان الليل]

طيب سؤال لقلب الضب

لو اقول لك احمل كيس تسعة شهور وكل شهر راح ازود الحمل عليك

ومب بس كذا هذا الكيس راح يمتص دمك وغذائك وصحتك الجسديه والنفسيه

وبعد هذه التسعة الشهر راح ينفصل منك هذا الكيس من جسمك بعد ان زاد وزنه اعتقد كيلو يمكن ؟؟

ومو بسهولة ينفصل راح تحس بالموت اعني صدق الموت الموت الحقيقي راح تطلع روحك

اذا اليس من حقك تدلع على زوجتك وتدلعك بعد التعب والنصب من هذا الحمل ؟؟؟

اسأل نفسك هذا السؤال ..

[قصمنجيه]

8

8


8

هامـــة ..

خليك منهم ..

ترى اللي يطهبلون قبل العرس, هم أكثر ناس عرضةٍ للجيّه على وجيههم بعده..
يعنى بصورة أوضح. اللي يجي على باله قوي الحين, أعلمي جيدًا بأنه شنطة المدام فيما بعد

[شاطئ الراحة]

[align=center]

عزيزي ..

لكل زمن أهله .. ولك ان تقيسها على كل شئ من حولك .. ليس على الحمل فحسب !!


تحيتي لك

[/align]

[قلب الأسد]

اقتباس:  المشاركة الأصلية كتبت بواسطة عجت!     حقهـــــــــــا

،،،،،،،،،،،،،،،،،،،،،،،،،،،، عجت ،،،،،،،،،،،،،،،،،،،،،،،،،،،،،،

بالطبع حقهــــا

[دلوعة جدها]

الله واكبر حتى الحمل والولاده ماخليتوها

الموهم

الحريم قديما من باب الحياء ماتقول والرجل ذيك الايام مايعطى الحرمه وجه حتى لو تتالم وتكبت بقلبها

بس الحين زمن الدلع بكل شئ فمابالك بالحمل والاولاده خلها تتدلع وتعلم ان شاء الله السى ان اى

انها حامل لا و ترا يشترون دباديب يحطونها بجنبهم لاصارن حوامل انواع الدلع

يعنى الحين زمن الحريم الرجال ملعوب بحسبته والحرمه تتدلع

احسن يوم لك ويوم عليك

قصدى زمن لك وزمن عليك

[قلب الأسد]

اقتباس:  المشاركة الأصلية كتبت بواسطة الفنانه والمبدعه     طيب سؤال لقلب الضب لو اقول لك احمل كيس تسعة شهور وكل شهر راح ازود الحمل عليك ومب بس كذا هذا الكيس راح يمتص دمك وغذائك وصحتك الجسديه والنفسيه وبعد هذه التسعة الشهر راح ينفصل منك هذا الكيس من جسمك بعد ان زاد وزنه اعتقد كيلو يمكن ؟؟ ومو بسهولة ينفصل راح تحس بالموت اعني صدق الموت الموت الحقيقي راح تطلع روحك اذا اليس من حقك تدلع على زوجتك وتدلعك بعد التعب والنصب من هذا الحمل ؟؟؟ اسأل نفسك هذا السؤال ..

والله مانب حاط اكياس ولا غيره الحين ما اقوى اشيل
نفسي اشيل اكياس الله لايقوله لا والله اقتنع ولا اشيل
شي الله يفرج عن كل حامل يارب .

[قلب الأسد]

اقتباس:  المشاركة الأصلية كتبت بواسطة قصمنجيه     8 8 8 هامـــة .. خليك منهم .. ترى اللي يطهبلون قبل العرس, هم أكثر ناس عرضةٍ للجيّه على وجيههم بعده.. يعنى بصورة أوضح. اللي يجي على باله قوي الحين, أعلمي جيدًا بأنه شنطة المدام فيما بعد

قصمنجيه وش فيك شكلك بتردين في موضوع ثاني
وصار الرد هنا (نقل الموضوع الى مكان اخر)
قصمنجيه وش دخل الرد بالموضوع.
شكرا عاى المرور

[تلميذة الحياة]

دلع !!!!!

وانت وش محرقن جريشك خلهن يتدلعن ..!!

ويحق لهن بقوووه الدلع اللي انت تسميه ..

واللي اشوفه انا انه مو دلع هذا خوف من الولاده
وخوف على الجنين بنفس الوقت ..

يعني ماسمعت عن اللي يموتن وهن يالدن

خلهااا على ربك واحمد ربك انك مارح تجرب الولاده ..