الــمجــلس الإجتـمــاعـي /// لـ النقاش والحـوار الهادف !!

[عازفة ألحان الليل]

الله يجزاك خير اخي شديد الملاحظة

لا يهمك انا عندي مو عد بالمستشفى بكرى طبعا اخر موعد انشاء الله

وانشاء الله خير

[لمبة شارع]

اقتباس:  المشاركة الأصلية كتبت بواسطة جلمود     [align=center] تختلف عن لمبة شارع اللي قاعد يقرى وتسنه ماهمه [/align]

[align=center]
[/align]






















إلا على طاري الـ ...


وين اختنا منال ياجماعة!!!



كل الثلاث صفحات السابقة مافيها ردود لمنال!!!


ارسلت الي قبل عشرة ايام رابط المجلس فدخلت فوجدتها تبحث ماذكرتْ ...فلم أرد على دعوتها الكريمة لأني آثرتُ ان تقرأ المشهد بدلا من أن تقرأ ردا مني....ولذلك اعتذر لها ....



.........................


يعني جبت الأبعدية يا مون !!


واحد مثلي قضى مئات الساعات في هذا المتصفح هل تعتقد انه يمكن ان يتجاهله بكبسة إكس أحمر في اعلى الشاشة...؟ولذلك هو هامُّـه...وليس (تسنه ماهمه)

لكن التواجد من عدمه متعلق بقناعات انت أعلم بها مني...
إتخذت ُ مؤخرا مع بعض الاصحاب استراحةً صغيرة لقضاء الفراغ خلال ايام الشتاء حيث يطيب إيقاد النار...سميناها (وكر الحمير)تيمناً باسم هذا الكوكب ...




راشد...يظهر اني سأعترف لك للمرة الألف...أن كل ماكان يقول فيك المعرف تلومني الدنيا كان حقاً...

مع خالص عزائي بفقيد اسرتكم هذا اليوم رحمه الله ..ارجو ألا تؤذي الإخوان هنا بمطاريسك البربقندية....هؤلاء منتدون...وليسو جمهور خطبة ثورية تلقيها من شرفة قصر....أترك هذه اللغة الإذاعاتية الستيناتية إذا غشيت مجلس القوم وادخر ملكاتك الأحمد سعيدية لمتصفحات التسول العاطفي التي تملأ أرجاء المدينة....لطالما قلت لك تعامل مع المجلس بجدية ...ولا تضف الردود لمجرد اضافتها...



الاستاذ شديد الملاحظة
اهنئك بمولودك الجديد وارجو الله ان يبارك فيه وفي إخوته...



قصمنجيه...


نعم....حتى مون !! ولعلك بذلك تدركي حجم المأساة ..!



اطيب الاماني بالعافية اختنا الفنانة...

[ابوخالد382]

تحية طيبة لأستاذنا الحاضر الغائب لمبة شارع,, فالطرقات أصبحت مظلمة ..دمت بخير

[عازفة ألحان الليل]

الله يعافيك انشاء الله اخوي لمبة شارع

[شديد الملاحظة]

الأخت الكريمة : قصمنجية ..

اقتباس: بالنسبة لك أخ شديد .. أولاً مبروك الضيف و عساه خير خلف .. .

الله يبارك فيك ..

اقتباس: و الله يطلع أمه من باقي شرّه..

آمين .. ولو إن وقع هالدعوة كان قاسي شوي على نفسي .. لأني بصراحة طايرن به وجالس أكتب به قصيدة بعد .. هــه

اقتباس: بالنسبة للأسم خصوصًا ( الذكر ) خل الأسم ثقيل يستطيع ( شيله ) فيما بعد

اقتباس: بعدين فيه حاجة في كثيرًا من الأحيان قبل التسمية, لا يستطيع الشخص تقبل أي أسم خصوصًا إذا ما شاف المولود( يعني المفروض يجزم الواحد قبل يجيء) يبدأ كل أسم يظن أنه ليس مناسب له,

المشكلة عندي إن الاسم يتنازع تسميته أكثر من شخص .. أنا وزوجتي وأبوي وأمي .. وطبعا الملاقيف إخوتي والعيارين أقاربي وخوياي ..كل واحد يبي نصيبه من الكعكه .. طبعا راح تقولين لي أجل أنت وين دورك يالثور .. ! أنا دوري طال عمرك أغتصبه أبوي بتسمية الولد الأول وهذا الثاني .. الأول صراحة ماكنت مستعد أزعل ابوي ولا حتى أخالف رغبته بتسميته .. أما الثاني قلت خلاص أبي أمارس دوري ...اعترضت زوجتي علي وطبعا هالاعتراض مستمر حتى قبل ماتحمل به .. طبعا راح تكلمينن عن أهمية التوافق بين الزوجين واتفاقهما على اسم معين لكن وش الدبرة إذا ماحصل التوافق على الاسم !؟ أفرض رأيي بالقوة !؟ طيب وذا ماكنت واثق من سلامة اختياري وخايف يجي احد يوعوع به وخاصة زوجتي اللي راح تعتبر اني اغتصبت حقها بالتسمية بعد ماعطيتها وعد أنه راح يكون لها الدور الأكبر بالتسمية !؟ أكيد ماراح ترحمني من الزن على الدماغ خاصة بعد تجربتي مع ولدي الأول ..! وهي كوم وشلة الملاقيف كوم .. خليه على ربك بس .. تقولين الولد ولدهم ! يحددون لي اسم ويقولون وراه ماتسميه تسذا وش تبي بهالاسم !؟
وععع !؟

اقتباس: هو مناسب في كثير من الأحيان و لكن يحتاج جزمة..

فعلاً ... خاصة لما تكون مقاس 48 على روس العيارين ..

اقتباس: بالنسبة للمدة الناس هالحين هابين بتطويلها و أنت ناوي تقصرها ..؟!

اللي إيده بالماء موهوب مثل اللي إيده بالنار ..

اقتباس: لكن إذا كنتم تنوون تقصير المدة جيب لها خادمة _ إذا لم يكن عندها في الأساس _ و إذا في حالة وجود الخادمة

موجودة ...

اقتباس: و أم العيال ترغب في التواجد عند أهلها فالأمر لها لأنه كما يقال ( ريحة الام تلم ) يعني المرأة تمر بحالة نفسية بعد الولادة أظنك لا تجهلها , هي أشد من الآلم العضوية, و هو ما يعرف طبيًا ( اكتئاب ما بعد الولادة)

المشكلة في هالاكتئاب ان الزوج يدفع ضريبته أحيانا حتى وهو ببيته .. يالله سترك ! تعال ودن .. ودي أطلع .. مليت ...! أحس صدري ضايق وماغير أصيح .. تعال در بي بالسيارة على الأقل مادري وش بي !

وبالنسبة لريحة الأم . مو مشكلة نطلب من الأم ماتسبح كل الأسبوع الأول لما تطلع ريحتها . حنا مانقول اسبوع واحد . خليها اسبوعين ..

اقتباس: لا تحسبونهن رايحات يتونسن و ألا يطقنها سواليف مع اهلن, اسألوا الحريم ترى أكره ما يشوفن فترة (النفاس) لأن حنا بصراحة لدينا جهل عظيم في التعامل مع الأمهات في مشاكلهن ما بعد الولادة, و أول هالجهل اللي يحطون دورية الخميس عند النفسا..!!! و الداخل و هالطالع ..!!! الغريبة أن كل الحريم ما يحب أحد يزورهن, و كل الحريم يزورن ..!!!!!!!!!!

يُنقل للمعنيين بالأمر لإبداء وجهة نظرهم أو بمعنى أصح وجهة نظرهن ..

اقتباس: و من ناحية الزيارات لا تصير لزقة, ترى يضايقونن بعض الرجال خواتي, خل بالفترة ثلاث مرات و صلى الله و بارك ..بعدها بينكم اتصالات..

أوف ! على هالحالة أنا باتيكس لأني قضّيت كل هالزيارات بأول اسبوع .. هـه ! مافي خيارات ثانية طال عمرك !؟

اقتباس: و لا تقطع من ناحية الصرفية عليها و على عيالك أكرمهم عند خوالهم..

أبشرك ماعليهم قصور .. بس اشلون تبين أنفذ طلباتهم المستمرة واليومية وبنفس الوقت تحصرين زياراتي بكل الفترة ثلاث مرات بس ؟

اقتباس: الوالد عندنا يسفل برجال بناته اللي يجيب شيء

حتى انسباي يبدون رفضهم خاصة وأنهم أثرياء .. بس المشكلة إن العادة تحكم وبعدين اشلون ما أجيب لهم وعدلاي كلهم يجيبون !؟ الناس ماترحم وعيونه نقّاده ! خاصة وانه بعد الله مغنيني ! لكن العادة السيئة هذي ترتب التزامات مادية حتى على المعوزين علشان يجارونها !

اقتباس: في المقابل أخواني أوقات سفرهم ناهيك عن فترة الأقامة الأربعينية.. يكون أجود من الريح المرسلة عليهم .. يعني كل الأمر أنه يبي يكرم عياله ... أحس المسأله هذي فيها أكرام .. أنا أأيدها أكثر من الهدايا و غيرهن.. بعدين عيالك لا قالوا هذا من أبوي ترى له لذة لو هي كيسة فيشار.

فعلاً ... كلامك صحيح لكن في نقطة مهمة هنا أحب أشير لها .. إن غالبية شيباننا يتعاملون مع المولود القادم إلى بيتهم على أنه ولد الناس مو ولدهم يعني الاحتفاء بالمولود الجديد احتفاء قاصر ( هذا إن وُجِد )باعتباره ولد بنت وليس ولد ولد .. واللي راح يشيل اسمهم مو مثل اللي ماراح يشيل اسمهم ..

يقول شاعرهم :

بنونا بنو أبنائنا وبناتنا ...... يلدن أولاد الرجال الأباعد

اقتباس: نرجع بعدين لباقي النقاط, بصراحة مهمة ..

بانتظارك ..

تقبلي تحياتي ..

[الحصان الأسود]

دخلت هناء لألقي سلامي على الجميع وبالأخص الأستاذ لمبة شارع

[المتزن]

اقتباس:  المشاركة الأصلية كتبت بواسطة جلمود     [align=center]يالله حيهم كلهم ماتسوى جمعتكم مير عموماً أنا اللي قلته بس إنه أحياناً يكون فيه معرفين قريبين من بعض من حيث الأسلوب والأفكار واللغة يعني مثل هالحين المتزن جاء يدعدع ويقول إنه الناس يقولون إننا شاكين إنك لمبة وش نقوله ؟ نقوله تعقب لأنه ولا حرف [/align]

والله اني صاز ومنب ادعدع لا أجي أزحلق عليك يا دب .

وبعدين انا وش دخلن .. هو انا اللي قايل ان لمبة والمتزن واحد ؟؟؟!!!

وبعدين أنت وش يدريك بأوجه التشابه بيني وبين الأستاذ لمبة ؟؟؟!!!

الزبدة :

بما أني توي ادري انك انت القمر الكندي

وش صار على البحث اللي ارسلته لك ؟؟؟!!!

قريته والا الى الحين ؟؟؟!!!

تراي عدّلت وزوّدت به شوي وغيـّرت عنوانه بعد

=========

لي عودة بإذن الله بعد قراءة الردود والتعليقات .

جازت لي الشغلة

وبصراحة راشد أحسن يوم حط هالموضوع , فشكراً له وللجميع .


وتقبل تحياتي 00
المتزن

[جلمود]

[align=center]

اقتباس:  المشاركة الأصلية كتبت بواسطة شديد الملاحظة     السلام عليكم اسمحوا لي ... انا الحين فاضي وودي أجلس وأهذر وراح أطول بالحكي >>>>>>> تهذر يعني هي نفسه تطول بالحكي ! واضحه الهذرة من أولها .. أول شي أحب أخبركم إن الله رزقني بولد أسأله الله أن يجعله من مواليد السعادة وأن يجعله برّا تقيّا .. الحدث هذا شبه قديم لأنه صار له أكثر من أسبوعين , لكن الجديد إني للحين ماحددت الاسم بشكل نهائي أنا وأمه .. مع اننا حتى أثناء فترة الحمل كان فيه كذا اسم مقترح لكن يبدو ان مرحلة دراسة القرار لها جو يختلف عن مرحلة اتخاذه والبت فيه .. مشكلة ! المفروض ماتاخذ أكبر من حجمه .. لكن التباطؤ بالتعامل معها وحسمها يعطيها أكبر من حجمه .. طبعا المطلوب منكم طالت أعماركم على خير وبركة مو أسماء مقترحة لأني ماودي أكبّر المشكلة وأزيد لخبطتي .. أبي تشجيع بس باتخاذ القرار أو إني أترك الموضوع كله على الأم ! هذا أمر .. الأمر الآخر اللي حبيت اناقشه معكم هي قضاء فترة النفاس لأم المولود عند أهلها ومايصاحبها من عادات وتقاليد .. تلك العادات التي ما أنزل الله بها من سلطان ! انبسط ياراشد لقيت لك موضوع جديد عنها ... أولا : بالنسبة للمدة وهي أربعين يوم ! مو كثيرة !؟ صحيح بعض الأزواج _ ويمكن الزوجات _يعتبرها فترة نقاهة زوجية ! لكن برضه فترة طويلة بنظري خاصة لما تكون بوقت الدراسة ! بلشه ! العيال ومدارسهم , العزوبية ومشاكلها ! البروتوكولات الملازمة لأم المولود وأهلها طول فترة النفاس ..طويلة بصراحة ! لاحد يقول مو طويلة ..ولاينبؤك مثل خبير ..! ثانيا : العادات المصاحبة : ( يمكن توجد عند البعض ويمكن لا ...ويمكن توجد وتتأكد أهميتها ويمكن مافي تشديد عليها ) 1- عدّة الأم قبل الذهاب لبيت أهلها : سرير خاص للولد ومستلزمات المولود وسرير خاص لها ومفرش معتبر تنجضع به طول فترة النفاس وقمصان رضاعة وباقي المستلزمات التي يكلف التحضير لها وتجهيزها وقتا وجهدا ومالاً .. 2- إهداء أهل الزوجة : يختلف الأزواج فيما يقدمونه .. وهذه العادة ترجع إلى زمن قديم ربما تأسست في سنة المجاعة ..لكن غالبيتهم ( حسب ما أعرف ) يقدمون كرتونين أو أكثر من زيت الطبخ كيس رز كبير وكيس سكر كبير وكرتون أو أكثر من المناديل <<<<<<<< لاحد يضحك .. وذبيحة , وماجي وأشياء شبيهة من مستلزمات الطبخ . المشكلة أن الواحد يستحي يقدمها خاصة إذا كان أهل زوجته أثرياء لكن العادة تحكم ! 3- الارتباط المستمر بزيارة أهل الزوجة بالنسبة للزوج .. إن خليتهم مشكلة وإن صرت لزقة مشكلة ! فيه حرج بصراحة .. إن زاد حرجك وخففت الزيارة تخليت عن عيالك وزوجتك وان حبيت تتابع عيالك ضايقت أهل الزوجة ويمكن الزوار ومواعيدهم .. 4- الزوار و حفايلهم اللي يقدمونها وهداياهم اللي يستلمونها : القريبين يقدمون غالبا هدايا مادية تتراوح بين الخمس مية والثلاثمية والميئتين بينما يقدم آخرون هدايا عينية .. مفرش أو خلافه وباقي الزوار يلتزمون بشراء حلا أو ماشابه بمبلغ غالبا قريب .. وفي الوجه المقابل <<<<<<<<< ياشين اللي مايعرف يحتسي مثل الناس ! أمّا فصيح ولا عامي .. ماعلينا ! الزوجة أيضا تقدم هدايا ولكن أقل قيمة غالبا ماتكون رمزية لكل زائر عبارة عن تحفة صغيرة مكتوب عليها شكر للزيارة مقدمة باسم المولود .. 5- هدايا انتهاء فترة النفاس : ( الطلاعه ) يلتزم الزوج بتقديم هدية غالبا ماتكون طقم ذهب قبل خروجها أو بعد خروجها بقليل من بيت أهلها .. الحين كسر الجرام من الذهب تعدى 80 ريال ! وشكله يبي يصير على حظي وقت الطلوع فوق المية ! وطبعا هدية ثانية لأم الزوجة وأم الزوج عبارة عن ذهب يمكن أقل قيمة اشوي من هدية الزوجة ! 6- مابعد بعد فترة النفاس : لازم أنت يالرجال تبيّن الاحتفاء بعودة الزوجة وعشقك وهيامك بها من خلال كسرة ظهر جديدة وحاسمة بالضربة القاضية .. وهذي الكسرة للعمود الفقري تكون بسفرة <<<< تقول زوجتي انه الحين جوّ الإمارات يهبل ! موهوب حر ولابرد ! وانه جاك يامهناّ ماتمنىّ ! 7- فيه أمور عاطفية تمنعن نعارتي العربية وكيد الرجال أذكرها <<<<<<<<< امحق كيد ! بس يمكن أذكرها لاحقا حسب الظروف النفسية اللي أمر بها .. شكلي طوّلت بس والله مادريت إلا يوم راجعت اللي كتبت .. هه تقبلوا تحياتي ..

يامسكيييييييييييين أوجسي رحمتك
أقول يالحبيب جد خفف الزيارات ياشين الواحد لاصار نشبة
ترى الأهل يتضايقون وإسأل مجرب زين تجبر بخاطر حريمك وتسير عليه بس عاد لا تكثر مسوي فيها راعي واجب كل شوي داخل طالع
بعدين أنت صادق ولا تستهبل ذهب لأم المرة ومدري من ياخوي هذا حركات بعض العربان
الحريمة ميخالف إن كانه متيسرة أمورك بس عاد أمه وش دخلة إلا إذا كانت متزحرة مع المرة وشايلتن عنه الطلوق ميخالف
أما غيره تهبى وكل ولد به ذهب أو الله الدجة
بعدين وش هالحركات والدلع الزوار يعطون هدايا أخاف إلا الزوار يجون علشان هالهدايا
بعدين أحس أنه قديمة الواحد يدخل نص حاشي وكم كيس رز وكراتين فاكهه مدري وشلون ماخشت مزاجي
والله يبارك لك فيه ويعينك على وجع الراس ودمتم[/align]

[آمـــال]

الأخ شديد الملاحظة

ألـــــــف مــــــــــبروك المولود اللي بدون اسم



بالنسبة للفترة هذي والعادات المصاحبة لها حبيت أقول لكم عن وضعي

فأنا لي أخوات متزوجات نصف درزن >>قولوا ما شاء الله

وأحيانا تكون فترات الولادة متقاربة.. يعني قد صار النفاس ثمانين يوم >>ليتنا على أربعين

بعد ما طلعت وحدة وراحت لبيتها ولدت الثانية..


وحسب ما تعودنا إنها تجي من بيت زوجها بثيابها وثياب عيالها بس

يعني سرير أو مفرش أو قمصان الرضاعة هذا كله علينا وكل وحدة مفرشها يختلف عن الثانية>>الله يعين

ولا يهم أفرح والله إني أخدمهن لكن .. حالي أنا بالفترة هذي

ما أفكر إني أطلع من البيت لغير الدوام لا عزيمة ولا سوق ولا غيره >>تقل أنا اللي والدة

ولا بد تكون النفسية زينة يعني أضحك وأسولف لو ما ودي علشان أختي الوالدة ما تضايق

وعادي جدا تجين هوشة بدون سبب لأن النفسية تعبانة وهي بحاجة لراحة

وطبعا عيالها أحيانا وخاصة الأيام الأولى يصيرون بحلوقنا يعني نبعدهم عن أمهم علشان ترتاح


طيب... أنا متى أرتاح..!!!!؟؟؟؟؟؟


إذا جيت من الدوام أبي أرتاح آخذ عيالهم وألبسهم وأحيانا ينامون عندي لكن بعد جهد جهيد وفك هوشات وغرابيل

وبعدين.. العصر لازم أقوم بدري ويصير كل شي جاهز

ألبس أنا وألبّس الصغارين

وأجهز القهوة والحلا والشاهي وووووو......

وبعدين.. أجلس أنتظر الضيوف وطبعا الضيوف قليل منهم اللي يعرف الأصول ويكلم قبل ما يجي

يعني ما ندري يبي يجي أحد وإلا لا..؟؟

والمعتاد عندنا إنه كل يوم فيه ضيوف حتى وقت العشاء >>هذولا بس اللي يبي يسيرون

وقت الضيوف لابد من التقديم اللي على سنع يعني وقّافي على روسهم وهم يتقهوون أصب لهم وأشوف رغباتهم شاهي زنجبيل نعناع سكر أو بدون


وطبعا لازم أكون موجودة علشان أضيفهم

وبعدين.. العشاء وبعد العشاء غالبا يجي زوجها ويبدأالاستعداد له قهوة أو عصير مع شي يحرك الضرس ويجلس لحد ما يطيب خاطره

وبعدين.. يجي وقت النوم يلبسون الصغيرين وينامون

أبدأ أنا بأشغالي يا إما أشغال الدوام أو أشغال البيت ولا أنام إلا بعد منتصف الليل

هذا إذا كان الضيوف اللي جايين مسيرين فقط وإلا لو كانوا يبي يتعشون اختلف الوضع..>>اضطر للغياب

يعني حالة استنفار بالبيت..

وبآخر أيام النفاس تبدا تطلع للسوق وطبعا البزارين تخليهم وكل يوم سوق لحد ما تنتهي الأيام

وبعدين.. تروح لبيتها..الله يساعدها..

وبعضهن إذا جت تسافر أو تروح لعزيمة جابت الصغير عندنا لأنه ما يفهم ويبلشها وأريح لها إنه تخليه عندنا..


طيب وأنا ..؟؟؟!!!!!!!!!!!!

لا أحد حس بمعاناتي ولا أحد داري عني..


يعني إذا كنتم (يالرجال) تعانون .. فأنتم فيه مقابل جاكم عيال

بس حنا نعاني دون مقابل إلا من رب العالمين

** لم أكتبه تذمرا وإنما وصفا للحال فكلانا يعاني..


ترا جاني ما جا شديد الملاحظة بديت أهذر وهذيت المسبحة..

لكم خالص امتناني وشكري


أستودعكم الله.

[جلمود]

[align=center]

اقتباس:  المشاركة الأصلية كتبت بواسطة لمبة شارع     [align=center] [/align] إلا على طاري الـ ... وين اختنا منال ياجماعة!!! كل الثلاث صفحات السابقة مافيها ردود لمنال!!! ارسلت الي قبل عشرة ايام رابط المجلس فدخلت فوجدتها تبحث ماذكرتْ ...فلم أرد على دعوتها الكريمة لأني آثرتُ ان تقرأ المشهد بدلا من أن تقرأ ردا مني....ولذلك اعتذر لها .... ......................... يعني جبت الأبعدية يا مون !! واحد مثلي قضى مئات الساعات في هذا المتصفح هل تعتقد انه يمكن ان يتجاهله بكبسة إكس أحمر في اعلى الشاشة...؟ولذلك هو هامُّـه...وليس (تسنه ماهمه) لكن التواجد من عدمه متعلق بقناعات انت أعلم بها مني... إتخذت ُ مؤخرا مع بعض الاصحاب استراحةً صغيرة لقضاء الفراغ خلال ايام الشتاء حيث يطيب إيقاد النار...سميناها (وكر الحمير)تيمناً باسم هذا الكوكب ... راشد...يظهر اني سأعترف لك للمرة الألف...أن كل ماكان يقول فيك المعرف تلومني الدنيا كان حقاً... مع خالص عزائي بفقيد اسرتكم هذا اليوم رحمه الله ..ارجو ألا تؤذي الإخوان هنا بمطاريسك البربقندية....هؤلاء منتدون...وليسو جمهور خطبة ثورية تلقيها من شرفة قصر....أترك هذه اللغة الإذاعاتية الستيناتية إذا غشيت مجلس القوم وادخر ملكاتك الأحمد سعيدية لمتصفحات التسول العاطفي التي تملأ أرجاء المدينة....لطالما قلت لك تعامل مع المجلس بجدية ...ولا تضف الردود لمجرد اضافتها... قصمنجيه... نعم....حتى مون !! ولعلك بذلك تدركي حجم المأساة ..!

يالله حيه الله يبارك بالإتهام اللي جمعكم
أولاً سؤالك عن الأخت منال فهي تجهز لعرسه واللي بيكون بإجازة الحج
بارك الله لهما وبارك عليهما وجمع بينها بخير

أنا قايل لهم الولد 23 ساعة بهالمنتدى وتبونه بيوم وليلة يهجره هي هبال
وأدري إنك تحقرص بس الشكوى لله
إيه أبد خذ لك استراحة ووسع صديرك مير لو رجعت ولاك مب زي منول لو تمشى بالحوش أخذت الاب توب معك
ونوصل أحر تعازينا لأسرة راشد والله يغفر لميتكم ويتغمده واسع رحمته
بعدين يالمبة صدق مالك خاتمة الولد يدافع عنك ويحلّف ويقسم علشانك وآخرته هذا جزاه
والله ماتسوى ولا حلفه من حلفاته الله يهديك بس
بعدين الله يهديك أي مأساة يعني ترى كلنا طينة وحده وبلاش مثالية حتى لما نقول فيه اتفاق عجيب صرنا مانعزل الأفكار عن الشخوص الله يهديك بس هذا وأنت الفهيمي
بالله ممكن توضيع لمعنى هالكلام

اقتباس: أترك هذه اللغة الإذاعاتية الستيناتية

قاعد أقلبة كذا وكذا مو راكبة وش معناها بالله
بعدين فيه سؤال هالحين أنت ليش تعطي راشد رأيك علشان يكتبه بالمتصفحات
يعني بلاش هيلمة تعال انت وقل رايك حتى تطيح الأقسام المغلظة عن الرجال[/align]

[فتحـية]

[align=center]


ياشعب المجلس معليش خطمة وبحاول إني أتوب وما أعود له

اقتباس: لا أبشرك الذاهبة جابت له بنية ماهنا حليوه وسمته غُسينة

اقتباس: أولاً سؤالك عن الأخت منال فهي تجهز لعرسه واللي بيكون بإجازة الحج بارك الله لهما وبارك عليهما وجمع بينها بخير

الحين أنت متأكد إنك عضو !!
لاتصير جلموده وحنا ياغافلين لكم الله !

سلملم[/align]

[فاطمة الوليعي]

ما شاءالله ..

حضور قوي .. ونقاش حلو



أخي لمبة شارع .. يكفي تغلي ,,

والله ما عرفلك .. إلا مووون ..!!!

على فكرة .. ما أدري .. راحت فترة الزهد ولا .. لا ..

لأني حاشه فيك .. قبل كم يوم .. ,,



***

أخي .. شديد الملاحظة ..

تصدق .. ثلاثة أرباع اللي كتبت ما عرفهن .. ولا مرن علي ..

شكل المدام .. تدلع شوي ,,

,,,,,,,,


أخي المتزن .. زين أعجبك المجلس ..

يسعدنا ويشرفنا وجودك ..

,,,,

هلا حبيبتي فنانة ومبدعة ..

سلامتك ما تشوفين شر ,,



دمتم جميعا بخير

[فاطمة الوليعي]

اقتباس: الحين أنت متأكد إنك عضو !! لاتصير جلموده وحنا ياغافلين لكم الله !

هههه

أنتي ما تعرفين حركات .. أخي مون ..

لكن فعلا .. أنا قلقانه عليهم

يا ليت أحد يطمنا .. بجد وبدون إشاعات

[قصمنجيه]

مرحبا با الشيخ لمبـة, و نتمنى ما تكون مداخلة عابرة ...

وش السالفة ..؟؟؟
وش اللي قلب الدنيا ..؟؟؟
قبل كم صفحة يسأل الأستاذ المتزن عن أسباب حضر التجول, و التشميعات اللي حصلت, حقيقة قد أكون بحكم المتابعة أعرف الدوافع, لكن مالم أعرفه هي الافعال التي أدت إلى تحريك الدوافع و ظهورها على السطح ؟!!


بالنسبة لمنال حقيقة لا أعلم سبب غيابها,و ما يقلق بغيابها أنها كانت متحمسة لمشروعه و فجأة غابت ...!!
أتمنى أن نطمن عليها, و تكون بخير بإذن الله.

[قصمنجيه]

اقتباس: طبعا راح تكلمينن عن أهمية التوافق بين الزوجين واتفاقهما على اسم معين

لأ ماراح أقول لك من هالرخيص, مسألة المثالية و نشد التوافق بكل شيء, أعتقد ما حصلت بسيرة أعظم الأزواج وهي سيرة المصطفى _ عليه أفضل الصلاة و السلام _ تحصل عندكم يا خمة قرشوع ..
المهم ...
حنا نعرف بأنه و كوننا ( مجتمع مترابط) فـ مثل ما لترابط من مزايا فأن له في المقابل سلبيات و إن قلّت , و منهن الواحد كود يحوف المقبرة حوف لا جاء يسمي..!! هذا على جد أبوي.. و هذا على أخو أمي الله يرحمه.. و هي ودّه تصير أم سمير.. و هو ودّه أبو صالح على أبوه .. و يالله ...

اقتباس: فعلاً ... خاصة لما تكون مقاس 48 على روس العيارين ..

هذي توقعت أحد بيلقطه .. لكن مدري ما جاء على بالي شديد الملاحظة بالذات ..

اقتباس: يُنقل للمعنيين بالأمر لإبداء وجهة نظرهم أو بمعنى أصح وجهة نظرهن ..

إلا ما تلحظ الله يهدينا وياك صرفت هاجزئية المهمة للحريم..!!!
أنا ليه أوردت أهمية الأذى النفسي الذي يرافق الأمهات ما بعد الولادة لأنكم أنتم معشر الرجال, و في رواية الضبان .. تحسبونهن رايحات يهمقن.. هذا دائمًا أسمعه مع الرجال إذا ما جابوا طاري الأربعين..و كوني ذكرت تجاهل و ليس جهل النسوان هذا لا يعفي الرجال.


تراك نشبة على فكرة ..
ما اقول إلا الله يعين نسباك .. أجل يوم وترك عندهم ..!!!