بعض أعضاء وعضوات منتدى بــــــــريــــدة وللأسف

[عاشق ديرتي بريده]

مشكور اخوي على هذا الموضوع ,

فعلا الغزل وضح وضوح الشمس والمشرفين متسترين بكلمة لانعرف النيات !!!!!

ايميل موضوع امام الملاء !

وصوره شخصيه وضعت بجانب الايميل !

واهدأت بين البنات والشباب !!

لكن انت بلغت والاثم كله يتحمله اخونا عبدالله الحلوه ومشرفينه ,,

وهذا الظاهر لكم والخافي اعظم !!

كتبت كثيرا عن هذا الموضوع ولكن اسكتوني بكلمة لايجوز سوء الظن !

[منصورعبدالله]

اقتباس:  المشاركة الأصلية كتبت بواسطة هامة حاسوبية     [align=center] أها تعني أن الشبكة العنكبوتية (مرقص) أو (كازينو) أخي الكريم هناك من اهتدى بسبب الإنترنت وهناك من (فسد) بسبب الإنترنت وهناك من (تعلم) ، وهناك من (عـَلم) هناك مواقع غنائية ، وهناك مواقع إسلامية هناك مواقع (دردشة) ، وهناك مواقع (تعليمية) وكل امرئٍ يستخدم الإنترنت بما يشاء [/align]

والله انك مدرسة ياهامة...
وكلامك عين الصواب...
المشكلة ان البعض ينظر بمنظار واحد
ومن طرف واحد فقط...

كفيتي ووفيتي والله ياأستاذه هامة..

[فتحـية]

[align=center]

اقتباس:  المشاركة الأصلية كتبت بواسطة فيصل...........     ياقدمك يافتحية هالحين الغزل في السوق وفي البالتوك وفي كل مكان عينك عينك يعني اصبح افري في كل مكان عاد امسكت معك علي هالمنتدي اللي خائفه ان احد يعطيها وجه لا تحتك مع الشباب ولا ترسل رسائل خاصة تقول ايش رايك في كلامي وردي

معليش بس تراه عذر أقبح من ذنب !
الحين وش خلى الغزل ينتشر على قولتك بالسوق والبالتوك إلا لأن الناس سكتوا وكل مال الأمور تتطور ولا ندري وش راح يوصلون له بالأخير !
بعدين اللي خايفة احد يعطيها وجه ماراح ترسل على قولتك !
جديدة ذي الحركة أجل يرسلن بنات خيخي !!
لو انا مكان المرسل له كان أروح لكلامه ولرده وأسفّل فيه تسفيل
عشان غير هالمرة تعرف تتميلح ![/align]

[مهب الريح]

مرحــــبأأ أستاذ استيشن ..

من خلال حروف النــــاس قد يهيم القلب إلى من يكتب الحروف , لكن من يكون جاعلا ربه من ناظرا إليه فهذا الصـــائب ,,

كل الموده لكَ

[هامة حاسوبية]

[align=center]




منصور عبد الله


حياك الله أخي الكريم

وأنا لم أذكر ماقلته عبثاً

فهناك من أعرفهم وقد اهتدى أحدهم بالفعل بسبب الإنترنت وبسبب امرأة بالتحديد

وهناك من فـُتن بسبب الإنترنت وبالضبط بسبب امرأة

ونحن تعلمنا وعلمنا في الإنترنت

ونفعنا وانتفعنا

ولكن للأسف تجد غالباً أن من يستخدم الإنترنت للفساد لا يرضى لأهله للدخول فيه ، لأنه يعتقد أن الإنترنت فقط يقدم ما استخدمه له هو فقط !

وأنا هنا لا أعني الأخ أبو تهاني ، حاشاه ذلك ، ولكني أتحدث عن الفكرة هذه بشكل عام

تماماً كمن كان يستخدم الجوال للمغازل ، فإنه بعد ذلك يشك بكل من بيده جوال أنه يغازل !

ولكن العاقل هو من يحسن الظن طالما أنه لم يتبين له العكس


بارك الله فيك أخي الكريم



[QUOTE=عاشق ديرتي بريده;1540551]




لا حول ولا قوة إلا بالله







[/align]

[جلوي العتيبي]

أختلف معكم كثيراً في تأويل المعنى والهدف .

فلا يعلم النوايا إلا الله ولايمكن تفسير الحروف بطريقتنا وقراءتنا لها.

فتحيه مارأيك لو وصفت حروفك بهذا الوصف ..أو نقلك لواقعك الدراسي ومذاكرتك بأنه تميلح أو شيء من هالقبيل

الحكم بهذه الصوره جائر وظالم

لا أبريء الجميع لكن في نفس الوقت لاأظلم الجميع ممن أتصفت حروفهم بهذا الوصف وهذه الطريقه .

عاشق

الصوره الشخصيه والأيميل حريه شخصيه للعضو ..ياشيخ عندنا أعضاء كبر ابوي الله يغفر له حاطين صورهم هل تضمهم لوصفك وتحليلك !!؟؟

[الحنتريش]

الي الحين انتم وهالغزل؟؟
مير منتدانا اهون من بعض المنتديات والله اني اقرا حتسين مب لم جاده بهن ومايحذف
بس الصراحه بعض المشرفين هنا يقشعون المشاركه الي ماتجوز لهم ويتغاظون عن بعض الغزل بحجة النيه

[عاشق ديرتي بريده]

اقتباس: عاشق الصوره الشخصيه والأيميل حريه شخصيه للعضو ..ياشيخ عندنا أعضاء كبر ابوي الله يغفر له حاطين صورهم هل تضمهم لوصفك وتحليلك !!؟؟

اخوي الزعيم
الغزل ليس له عمر معين وبالعكس بالوقت الحالي الكبارين اهبل من المراهقين !

واقوله واتحمل مااقول من وضع صورته وايميله لايريد الا الغزل !

[هامة حاسوبية]

[align=center]




عاشق


وأنت ماتقولي ليش راز صور بساسة بتوقيعك وصورتك الشخصية ؟

يعني ماتدري إن البسة ترمز للنعومة والرقة والحنان ؟

وماتدري إني أدوووخ من أشوف صورة بسة ؟

يعني وش تقصد من وضعك لهالصور ؟





[/align]

[ام المقداد]

ياحبيلك يافتحيه
ياقافشتهم ..
وانت بليستيشن اسود
كلن بما اكتسب رهين..
انت احسنت النصيحه
يااخي ..
والحساب على رب العالمين..
لعلمك من يستغل كونه مجهولا
ليشتم او يتحلل من خلقه..
انسان حقير جدا في ذاته
جبان استخدم التقنيه
ليقضي فيها مآربه (الواطيه)
سواء كانت انحلالا اخلاقيا
او انحرافا فكريا..

[فتحـية]

[align=center]

اقتباس:  المشاركة الأصلية كتبت بواسطة الزعيم     فتحيه مارأيك لو وصفت حروفك بهذا الوصف ..أو نقلك لواقعك الدراسي ومذاكرتك بأنه تميلح أو شيء من هالقبيل

ياشيخ حدث العاقل بما يعقل أول مرة أشوف إن الكلام بالمذكرات والدراسة تميلح !!!!!!!!!!<==إلى المليداء تعجبات
بعدين أنا على ماأظن أسب واقعي الدراسي وما أذكر إني مدحته بتاتا البته !
إذا هذا تميلح أجل توصيف الشكل وش يصير !!
معليش يالزعيم بس أحس هالإقتباس اللي فوق خاطم بقوة على التميلح ولا يدل دربه

سلملم[/align]

[فيصل...........]

فتحية

اقتباس: معليش بس تراه عذر أقبح من ذنب !

سمي طال عمرك انا احسبني جبت كلام هائي هائي

اقتباس: الحين وش خلى الغزل ينتشر على قولتك بالسوق والبالتوك إلا لأن الناس سكتوا وكل مال الأمور تتطور

السكوت علامة الرضى
عاد انتي او انا بمشي الناس علي كيفة؟

اقتباس: ولا ندري وش راح يوصلون له بالأخير !

انا افهمك زين هماهم سمحوا للمراه بالسكن في الفنادق والشقق بدون محرم
يعني بنصير مثل دبي

اقتباس: بعدين اللي خايفة احد يعطيها وجه ماراح ترسل على قولتك !

ليه وين راحت المغامرات ياست فتحية؟

اقتباس: جديدة ذي الحركة أجل يرسلن بنات خيخي !!

هماني قائل لك يافتحيه هانم انك قديمه؟

اقتباس: لو انا مكان المرسل له كان أروح لكلامه ولرده وأسفّل فيه تسفيل عشان غير هالمرة تعرف تتميلح !

لا عيب احفظ سر اخيك يحفضك ربك

[ملاك الحبر]

ليش الظن السيء يغلب ،،،
ليش عندكم هذي الثقافة عن الانترنت ...
وليش تخلون الفئة السيئة ترسم لك خلفيات وتبقى ببالكم...
بعدين اصحاب الردود السئية ،،، عارفين انفسهم وعارفين الاشكال اللي بيطيحون فيها
واذا على الردود اعتقد ان الكـــل أذكياء وليسوا عاجزين عن فهم مقصد ونية الآخر ،،
والعضو أو العضوة يستطيع أن يتخذ الاجراء المناسب في حال تعرضه لحالة خاصة
الانترنت ياناس صار أشمل من التلفاز والجريدة ،، والكل لايجهل هذا
الانترنت يقوم فيه التعليم ، الصحافة ،الاعلام ، البنوك ، الاقتصاد ، الدعوة ، الارشاد ، الطب
والكثير الكثير من المنتديات والتي لايسعني ان اذكر مجالاتها
ولكن الوعي معدوم عند البعض
ولايعني هذا ان لايقوم نقاش بين امراءه ورجل،،،
بل ان يكون هناك وعي ،،، وثقافة الاستخدام
فهو سلاح ذو حدين

الآن الحكاية هي الانترنت ،،،
ولو تجلس على الكمبيوتر وتفتح الوورد وتكتب
قالوا لك : الحين انت وش تسوي بالانترنت
ضخمتوا امر الانترنت لدرجة ان الكمبيوتر ماله قيمة بلا انترنت، وان الانترنت شر


كثير من الآباء ياناس قالوا بنلغي الانترنت من البيت
وليش؟؟؟

خايفين منه طبعاً

والمزعج انهم عمرهم ما ثقفوا اولادهم ثقافة الاستخدام لأي تقنية او اي شيء غيره بالحياة
لانك اذا ماعلمته الصح من الغلط !!!!
ابشر بأخطاءة لما يروح لشلته ، لمدرسته ، لجامعته ، لأقاربه ، و و و أماكن كثيرة بعيدة عن نظرك


الله يهدي الجميع
ومشكور على الحرص

[هامة حاسوبية]

[align=center]

اقتباس:  المشاركة الأصلية كتبت بواسطة فتحـية     [align=center] ياشيخ حدث العاقل بما يعقل أول مرة أشوف إن الكلام بالمذكرات والدراسة تميلح !!!!!!!!!!<==إلى المليداء تعجبات بعدين أنا على ماأظن أسب واقعي الدراسي وما أذكر إني مدحته بتاتا البته ! إذا هذا تميلح أجل توصيف الشكل وش يصير !! معليش يالزعيم بس أحس هالإقتباس اللي فوق خاطم بقوة على التميلح ولا يدل دربه سلملم[/align]

يالغالية أنتِ ، إذا الواحد بيفسر على كيفه فأنا أقدر الآن أفسر كلامك على كيفي >> يعني سئ مثل مايسوون بعض الناس

يعني مب العبره بإنك مدحتي الدراسة أو سبيتيه ، هذا ماله علاقة بالموضوع

ممكن أفسر ذكرك لدراستك وامتحاناتك على إنك تميلحييييييين إنك للحين صغيرة وشباب فرفوشة ، بنت جامعية ويااااااااي تخصص حاسب آلي

يعني مطلوووووووبة وبقوة من الجنس الآخر

وذكرك للمليداء إنك تدرسين بجامعة القصيم ويمكن واحد من شباب الجامعة وسيم وزقرت يراسلك !

عرفتي كيف ؟!

اللي بيفسر كلام الناس على كيفه وليس على ظاهره والمتوقع الغالب بيطلع من النصيحة بعد ريااااااء وإظهار حب الخير عشان يكسب الجنس الآخر !!





[/align]

[عازفة ألحان الليل]

احيانا يتعرض الشخص مثل هذة الامور

ولكن هي ترجع للشخص نفسة ومدا احترامه لنفسة