أيجابيات وسلبيات الاعضاء ...هنا

[ام غميزه]

اقتباس:  المشاركة الأصلية كتبت بواسطة منصورعبدالله     ام غميزة... انا احط لك لو اني ماشوف مشاركاتك كثير... ايجابياتك:: انكـ ..خفيفة طينه.. تحبين الضحك دايم.. ماعليك من احد ولاتغلطين على احد.. سلبياتكـ.:: دايم تاخذين الامور هزلية مافيه جدية ابد ردودك غير منظمه انواع الحوسة.. وبعض النوبات ردودك خارجة عن الموضوع.. هذا الي قدرت عليه ياوخيتي.. تحياتي ليكـ..

مشكوووور اخوي منصووور..

بس مناحيه انو ردودي دايم هزليه انا اخالفك انت
شكلك ماتشوفني الا بالستراحه..
انا ردودي بالاستراحه مزح وبس لانه سوالف وماتحتمل الجد..

لكن مواضيع اخرى مثل الاسره والمجتمع والقسم العم
اتكلم بكل جد..

واعطي الجد جد والمزح وقته..

ومناحية الحوسه مالي خلق ازين ردودي مستعجله الله يهدين..

ومناحية ردودي خااارج الموضوع تراه احيانا تكشتبي الذاكره اشوي
بس اعذرووون كله مزح..


يسلمووووووووو ومشكووور على الرد..

وان شاء الله اعدل حوستي..ههههههههه


لك تحيتي..

[شموووخ]

[align=center]

اقتباس: أولآ .. أنتي كتبتي رساله لي في موضوع ( الرسائل ) الخاصه للعضوه أنا هيفاء لا أعلم لماذا تراجعتي ومسحتي هذه الرساله وغيرتي مضمونها من شمال إلى جنوب !

كلامك صحيح بس كانت رسالتي مقرونه بالوقت نفسه وقلت بداخلي اذا مارد الحين ولا علق مو لازم فكرتك ماشفتها فقلت اهميتها بنظري عشان كذا غيرتها
وسحبت نفسي

اقتباس: ذكرت لك ما تبين لي في بضعة أيام قليله فقط بيننا ولا أعرف عنك الكثير هنا ! لكن ذكرت معلومات بسيطه لاحظتها عليك !

صحيح انا ردودي قليله واميل للصمت اكثر ولا امون على احد الا قليل عشان كذا ممكن تلاقي صعوبه باكتشاف جوانب شخصيتي

اقتباس: من حيث الإستفسارات فا المجال مفتوح لك وجميع الأمور في وسط ملعبك أسألي ما شئتي .. فكلنا خلف كيبورد لا يعلم أحدهم من نحن !

هي استفسارات بسيطه في تحليلك ابي اعرف ليش حكمت علي
باني متيمه جدآ في هذا المنتدى ..؟؟
وياليت تفصفص لي السلبيات كل واحد على حدا
وشكرا[/align]

[عاشق ديرتي بريده]

اقتباس: ومواظبة على أداء الصلوات في وقتها

برمودا هذي كنها حركة مشعوذ !!

اكيد انها مواظبه على صلواتها !!

تذكرت المشعوذيين يقولون لكل واحد انت تعاني من هموم وسوف تسمع خبر مفرح !!

[ام غميزه]

اقتباس:  المشاركة الأصلية كتبت بواسطة بــرمــودا     أم غميزه فتاة صغيرة بعقل إمرأة كبيرة ,,,على نياتها وذروووووق إلى أبعد حد.....ماتواطن الهوشات والمشاكل بس عيبه الوحيد أنها جامده ولاتسعى لتطوير ذاتها وإمكاناتها وهذا واضح حتى في تكرارها للعبارات أثناء كتاباتها ....متدينه ومواظبة على أداء الصلوات في وقتها .....بس اللسان يبي له قص شوي علشان تصير عشره على عشره

اللسان يبله قص شوي>>ماتت ضحك

برمودا وش اسوي احس بوناااسه اذا عاندت احد>>ترااه نجسه..ههههه

مشكور برمودا على كلامك بصراااحه كلامك قريب للواقع
من ناحيت عدم تطوير الذااات بس عندي سبب تقدر تقووول
هو الي خلان مااطور ذاااتي..وان شاء الله اطور من ذاتي..


لك كل الشكر..

[ام غميزه]

اقتباس:  المشاركة الأصلية كتبت بواسطة عاشق ديرتي بريده     برمودا هذي كنها حركة مشعوذ !! اكيد انها مواظبه على صلواتها !! تذكرت المشعوذيين يقولون لكل واحد انت تعاني من هموم وسوف تسمع خبر مفرح !!

عااااشق انت متأكد من الكلااام الي تقوله..

اخااااف ان برمودا مشعوذ ونا مادريت..>>مصدقه..ههههههههه

برمودا قلبت عليك..هههههههههههههه

امزح..

تحيتي..

[عاشق ديرتي بريده]

والله انا بديت اشك ببرمودا انه يتعامل مع الجن !!!

<<<< حلله صح !

[جوان2007]

8


8


عاشق حللن لو سمحت قل سلبياتي انتظرك

[عاشق ديرتي بريده]

انا تحليلي يجرح خليني ساكت افضل ,

[جوان2007]

عادي ياعاشق عندي لزقات جروح كثيره

[شجووون]

ماشاء الله

مادريت ان الموضوع تسذا فيه طلبات تحليل

اجل الله يعافيكم حللون وانتم بحل خخخخ

[منصورعبدالله]

اقتباس:  المشاركة الأصلية كتبت بواسطة ام غميزه     مشكوووور اخوي منصووور.. بس مناحيه انو ردودي دايم هزليه انا اخالفك انت شكلك ماتشوفني الا بالستراحه.. انا ردودي بالاستراحه مزح وبس لانه سوالف وماتحتمل الجد.. لكن مواضيع اخرى مثل الاسره والمجتمع والقسم العم اتكلم بكل جد.. واعطي الجد جد والمزح وقته.. ومناحية الحوسه مالي خلق ازين ردودي مستعجله الله يهدين.. ومناحية ردودي خااارج الموضوع تراه احيانا تكشتبي الذاكره اشوي بس اعذرووون كله مزح.. يسلمووووووووو ومشكووور على الرد.. وان شاء الله اعدل حوستي..ههههههههه لك تحيتي..

هلا ام غميزااات..
انا قلت لكـ اني ماعرفك زين بس حبيت
ابدي رأيي.. ..
ولاشوفك والله الا هنا..
بس ان شاءالله اني وصلت اقل شي لشي
واحد صح.. سواء سلبية او ايجابية..

اتمنى لك التوفيق.

تحياتي ليكـ.

[صاحي ورايق]

[align=center]شموووخ

اقتباس: كلامك صحيح بس كانت رسالتي مقرونه بالوقت نفسه وقلت بداخلي اذا مارد الحين ولا علق مو لازم فكرتك ماشفتها فقلت اهميتها بنظري عشان كذا غيرتها وسحبت نفسي

لا شفته وقرأته كمان .
لكن ! كنت بلحظه النوم وقتها والأنوار مطفيه لدي
وغير قادر على إني أكتب
فقلت بكرا بإذن الله راح أنفذ ما طلبته مني هنا !
تحسبين أنني كسرت بالخاطر أو تجاهلت ما كتبتيه
مستحيل ومو من عادتي هذه الصفه يابنت الرجال !

اقتباس: صحيح انا ردودي قليله واميل للصمت اكثر ولا امون على احد الا قليل عشان كذا ممكن تلاقي صعوبه باكتشاف جوانب شخصيتي

صحيح
وهذا ما خلاني إنك ما أكبكب العشيات تبعك هنا
لو عندي معلومات كافيه كان قلتها بدون أدني تردد !

اقتباس: هي استفسارات بسيطه في تحليلك ابي اعرف ليش حكمت علي باني متيمه جدآ في هذا المنتدى ..؟؟

ذكرت هذا الشيء لك
لإنك في أحد الأيام أعلنتي الرحيل من هنا بسبب ردة فعل أحد الأعضاء من ذكور وإناث لا أعلم من هو بالضبط ؟
فا الشخص منا عندما يكون غير مهتم أو غير مبالي للمنتدى أو لمن هم هنا يرحل بدون ما يعلن رحيله أو يجلس هنا غير مبالي لردة فعل هذا العضو !
فا المتيم لهذا المنتدى ويحب الأعضاء اللي فيه مجبور عليه أن يعلن الرحيل لهم لكي ينتظر ردة الفعل منهم وبما فيهم هذا العضو الذي سبب لك الرحيل هنا !

اقتباس: وياليت تفصفص لي السلبيات كل واحد على حدا

على راسي << تراتس أشغلتي أمي بكثرة طلباتس
- (( متقلبه نوعآ ماء )) تراني ما أقصد الردود في الأقسام العامه !
عندما طلبت منك العوده لهذا المنتدى أستجبتي لطلبي وطلب غيري من الأعضاء .
وعندما كتبت لك وداعيه تخص ذاتك وأطلعتي عليها أنتي بذاتك لا رأيت منك لا شكر ولا ردة فعل منك بخصوص هذا الشيء
فا حسيت بتقلب مزاجك في المعامله لإن ردك الأول أختلف جذريآ !
أو ممكن حصل أمر ماء لا أعلم ما هو بالضبط ؟
- (( حالمه وهايمه فوق المعقول )) هذا ما شاهدته في مضمون مدونتك
لديك أحلام كثيره وكل حلم أكبر وأسمى من الثاني
تحقيق الحلم لا يأتي على ما تشتهين في كل ما ذكرتيه بوسط المدونه
ونفس الشيء لي أنا ولغيري .. أحلامنا كبيره لكن لن تتحقق !
- (( ليس لديها الثقه بالنفس )) برضه كنت أقصد رحيلك من هنا
فيه مثل يقول (( المستاذي يرحل )) وأنتي من أعلنتي الرحيل لإن الثقه لديك مهزوزه نوعآ ماء
لو ثقتك عمياء في نفسك تأكدي لن يؤثر عليك ما أصابك من شرر هنا
ثقتك تجبر من سوى لك الأذيه هو من يرحل من هنا وأنتي ساتبقين شامخه بنفسك !
- (( توجد مثاليه زائده في ذاتها )) هي طبعآ يتسم فيها معظم الأعضاء هنا وأنا أولهم !
قرأت أسطر في مدونتك فيما معناها (( التقرب إلى الله شيء مهم وعلى الإنسان أن يحاسب نفسه على أشياء يقع فيها وهي من كبائر الذنوب ))
مثلآ .. دائمآ نكتب مواضيع أو نكتب ردود ننفي عمل هذا الشيء مثل الأغاني الغيبه والنميمه ...... ألخ وغيرها الكثير
نأمر الناس بتركها وأحنا من روادها وأهل لها
ليش ما نصلح من حالنا بالأول وبعدها ننشر ما طلب منا
هنا نأمر الناس بالمعروف وننسى أنفسنا غير مبالين
كأن كل ناصح نقي كالثوب الابيض وبلاوي الدنيا كلها تلازمه !

اقتباس: وشكرا

العفو
أتمنى إن كلامي ما يحز بالخاطر ![/align]

[عجوز سمنسي]

صاحي ورايق

شاب في مقتبل العمر له طموح في ان يكون ذا شأن

مستقل برأيه لكنه صريح بعباراته صاحب قلم قوي يعجبني كثيرا ( بالع رادو) لايمل ولايكل من الحوارات والنقاشات التي تثري اي موضوع

من سلبياته انه ثرثار مايسكت ابد اذا صار يكتب يوجعني راسي وانا اقرأ

من سلبياته انه خراره يكب العشاء وانت تناظر

من سلبياته عصبيته التي تؤدي به الى الوقوف بوجه العجوز السمنسي احيانا مما يجعله في ورطة كبيرة امامي لانه يعلم ان مصيره دردبيس

بس ومع هذا احبه الملعون

[أمــ الحب ــير]

اقتباس:  المشاركة الأصلية كتبت بواسطة **غلا الدنيا**     يحووووووووووووووول والله لو أطر فلوس كان جتني ........ جاري الإنتظار

مشكلتك يآغلآ آلدنيآ دورت لك ردود مآحصلت كثير عشآن كذآ مآفيه آحد قدر
يحللك ,,

طيب شآركي لو يومين وآنا آوعدك آول شخص يحلحل شخصيتك

[شموووخ]

[align=center]

اقتباس: لا شفته وقرأته كمان . لكن ! كنت بلحظه النوم وقتها والأنوار مطفيه لدي وغير قادر على إني أكتب فقلت بكرا بإذن الله راح أنفذ ما طلبته مني هنا ! تحسبين أنني كسرت بالخاطر أو تجاهلت ما كتبتيه مستحيل ومو من عادتي هذه الصفه يابنت الرجال !

لا مو القصد انك تطنش عارفه انه مو من عادتك
حسبتك ماشفته عاد هذا اللي صار

اقتباس: ذكرت هذا الشيء لك لإنك في أحد الأيام أعلنتي الرحيل من هنا بسبب ردة فعل أحد الأعضاء من ذكور وإناث لا أعلم من هو بالضبط ؟ فا الشخص منا عندما يكون غير مهتم أو غير مبالي للمنتدى أو لمن هم هنا يرحل بدون ما يعلن رحيله أو يجلس هنا غير مبالي لردة فعل هذا العضو ! فا المتيم لهذا المنتدى ويحب الأعضاء اللي فيه مجبور عليه أن يعلن الرحيل لهم لكي ينتظر ردة الفعل منهم وبما فيهم هذا العضو الذي سبب لك الرحيل هنا !

بالعكس انا ماهمني احد وكان من الممكن ارحل بدون ما اسوي زحمه وبدون ما التفت وراي
بس اللي خلاني اسوي اللي سويته واعلنت امر رحيلي وما اخفيته
مابي مدونتي تكون موجوده وانا بروح مالها قيمه بدوني وبعدين معظمها من نزفي الخاص ووجودها ماله داعي بدوني

اقتباس: على راسي << تراتس أشغلتي أمي بكثرة طلباتس

والله اني داريه انك بتقول كذا هههههه
سوري تعبتك معاي

اقتباس: - (( متقلبه نوعآ ماء )) تراني ما أقصد الردود في الأقسام العامه ! عندما طلبت منك العوده لهذا المنتدى أستجبتي لطلبي وطلب غيري من الأعضاء . وعندما كتبت لك وداعيه تخص ذاتك وأطلعتي عليها أنتي بذاتك لا رأيت منك لا شكر ولا ردة فعل منك بخصوص هذا الشيء فا حسيت بتقلب مزاجك في المعامله لإن ردك الأول أختلف جذريآ ! أو ممكن حصل أمر ماء لا أعلم ما هو بالضبط ؟

اسفه,, اشكرك عليها كانت وداعيه مؤثره

اقتباس: - (( حالمه وهايمه فوق المعقول )) هذا ما شاهدته في مضمون مدونتك لديك أحلام كثيره وكل حلم أكبر وأسمى من الثاني تحقيق الحلم لا يأتي على ما تشتهين في كل ما ذكرتيه بوسط المدونه ونفس الشيء لي أنا ولغيري .. أحلامنا كبيره لكن لن تتحقق !

نحلق مع احلامنا ويصدمنا جدار الواقع بقسوة ومع هذا لانتاثر الا قليل ونرجع نحلم

اقتباس: - (( ليس لديها الثقه بالنفس )) برضه كنت أقصد رحيلك من هنا فيه مثل يقول (( المستاذي يرحل )) وأنتي من أعلنتي الرحيل لإن الثقه لديك مهزوزه نوعآ ماء لو ثقتك عمياء في نفسك تأكدي لن يؤثر عليك ما أصابك من شرر هنا ثقتك تجبر من سوى لك الأذيه هو من يرحل من هنا وأنتي ساتبقين شامخه بنفسك !

مو مسألة عدم ثقه بالنفس
هذا الموضوع مرتبط بالمشاعر وردة فعل اثر الحساسيه الزائده وعدم تحمل المكان

اقتباس: - (( توجد مثاليه زائده في ذاتها )) هي طبعآ يتسم فيها معظم الأعضاء هنا وأنا أولهم ! قرأت أسطر في مدونتك فيما معناها (( التقرب إلى الله شيء مهم وعلى الإنسان أن يحاسب نفسه على أشياء يقع فيها وهي من كبائر الذنوب )) مثلآ .. دائمآ نكتب مواضيع أو نكتب ردود ننفي عمل هذا الشيء مثل الأغاني الغيبه والنميمه ...... ألخ وغيرها الكثير نأمر الناس بتركها وأحنا من روادها وأهل لها ليش ما نصلح من حالنا بالأول وبعدها ننشر ما طلب منا هنا نأمر الناس بالمعروف وننسى أنفسنا غير مبالين كأن كل ناصح نقي كالثوب الابيض وبلاوي الدنيا كلها تلازمه !

بالعكس انا اعترف بذنوبي واحاول اصلح من نفسي
ولا انهي عن منكر وانا اسويه بس اتوقع تقصد العباره اللي كانت راسخه في مخي من زمان لاتنظر الى صغر المعصية ولكن انظر لعظمة من عصيت
هذي العباره مأثره فيني وتستوقفني عند كثير من الامور

اقتباس: العفو أتمنى إن كلامي ما يحز بالخاطر !

بالعكس الصراحه حلوه [/align]