من هنا تأتي المطالبة .. الان (ميترو) في مدينة بريدة

[أبو عبدالله - 1]

الظامي
يا أخي انا اغيب عن بريدة كم شهر واذا رجعت القا عدد السيارات دبل!

قبل ثلاث سنوات تقريباً دايم اصير الأول أو الثاني عند الاشارات لكن الآن تخضر وتحمر الاشارة ثلاث مرات ما خلص السرا

القطار داخل المدينة سهل وأسهل من الجسور والأنفاق والبدء فيه لا يعيق العمل بالجسور والأنفاق لكن حتماً سيعيق تطور الزحام.

[attractive]

مشكورين جميعا على المرور والاهتمام بموضوعي المتواضع ..

عموما ..
هلالي صميم ... ميترو اسطنبول يعتبر حاليا من اقصر المتروات بالعالم وبالرغم من كذا الان هم جالسين يمدون السكك بحيث انه راح يغطي مدينة اسطنبول كامله وخاصه اللي في الجزء الاوروبي ... للمعلومية بس تركيا لاتقارن ميزانيتها بميزانية السعودية ومع ذلك جالسين يرتبون المدن ومرصفين الطرق بحيث يخدم المواطنين والسياح بشكل عام وهذا انا شفته بعيني وشعرت فيه ...

من الردود اللي شفتها من الاخوان .. تبين لي هناك تفاوت .. البعض يضحك والبعض مستغرب والبعض بالعكس اعجبه الموضوع بحيث الفكره مقتنع فيها وهم يشكلون الاغلبيه ولله الحمد ..

انا لما قلت المفروض يكون الارصفه الجميله وبناء محطات المترو تحت الارض هي اللي لازم تكون عليها الاهتمام الاكبر من المسؤولين والمواطنين ايضا ليس القصد منها ان المدينة تظهر بشكل جميل وعصري فقط وانما القصد ان نخلق جيل جديد بثقافه جديده زي في المدن الاوربيه والعالم كله وهي ان التنقل لايقتصر بوسيله واحد فقط وانما تعدد الطرق ..

راح اضرب مثال ..

لو اردت على سبيل المثال انك تروح لمطعم في الويك ايند .. و ذهبت وعدت في السياره راح يكون هناك نوع من الملل والروتين .. ولكن لما تطلع مثلا من المنزل وتطلع على الشارع التجاري القريب من مكان سكنك ونزلت تحت في الميترو ومن ثم ذهبت للمحطه القريبه من المطعم وخرجت واكملت المشوار مشيا على الاقدام ... هنا راح تفرق كثير .. راح يكون فيه نوع من النغامره وقتل الروتين اللي تعودنا عليه ..

انا اعرف ان كلامي كثير بس عندي افكار ولا اعرف كيف اوصلها ... بس اتمنى ان فكرتي وصلت ..

[الظـــامي]

اقتباس:  المشاركة الأصلية كتبت بواسطة أبو عبدالله - 1     الظامي يا أخي انا اغيب عن بريدة كم شهر واذا رجعت القا عدد السيارات دبل! قبل ثلاث سنوات تقريباً دايم اصير الأول أو الثاني عند الاشارات لكن الآن تخضر وتحمر الاشارة ثلاث مرات ما خلص السرا القطار داخل المدينة سهل وأسهل من الجسور والأنفاق والبدء فيه لا يعيق العمل بالجسور والأنفاق لكن حتماً سيعيق تطور الزحام.

[align=center]أنا معك أخي ابو عبدالله .. وتلك أمنية ..
لكن نبدأ أولاً بالجسور والأنفاق ..
وبعدها ننتقل إلى مرحلة الميترو ..
شكرا لك ..[/align]