ماهذا القرار التعسفي ياكلية إعداد المعلمات

[شجــ ون]

يوم أمس يوم الأحد قامت كلية التأهيل لإعداد المعلمات
بمنع الطالبات من احضار وجبة الافطار من منازلهن !

قامت المستخدمات بالوقوف والترصد للطالبات وسحب اكياسهن وماأحضرن معهن من وجبات افطار , وامتلأ المدخل من الاكياس حوالي 400 كيسه كلها تحتوي على قهوه وشاي ووجبات افطار !

لكي ينجبرن الطالبات على الشراء من كفتريا الكليه الفاحشه الغلا
والتي تبيع الساندويش الواحد بقيمه 4 ريال
وايجار زمزميه القهوه ب 12 ريال !!!


يسحبون قيمه المكافأة ورواتب الموظفات من الطالبات
ماهذه المهزله وماهذا القرار التعسفي الظالم منك ياعميده الكليه

حشى ماصرنا بمقر حكومي صرنا بجهه اهليه على هالقرار


الا تعلمون ان من هؤلا الفتيات من هي بحاجه ؟
الاتعلمون ان من هؤلا الفتيات تصرف على اهلها من هذه المكافأة والتي تريدون ان تسحبونها منها بأي وسيله كانت !
لا من مقر التصوير وطلبات الكتب ولا من وجبات الافطار الغاليه

حسبنا الله ونعم الوكيل

[المراقب]

شجون ... هذه دبرت بعض الحريم .... ولكن ممكن ايصال الصوت للاداره ... وحسب سؤالي ان الكليه لايوجد بها عاملات نظافه ... وبالتالي لاتستطيع العميده ان تترك مخلفات الافطار في فناء الكليه ... فالعميده الخلوقه د وداد الحربي شخصيه متفهمه ولايرضيها ان ترهق الطالبات .. ولكن ادارة الجامعه احرجتها ... وبامكانكم الاتصال على د احمد الرقيبه او نائبه دالعبدالمنعم .. بجامعة القصيم ونقل المعاناة ...... و ان دخل المقصف لتنظيف المخلفات ...اعانكم الله ....ليت نسمع السبب من داخل المسؤلات بالكليه حتى لانتهم احد ..... تحياتي ...

[تلميذة الحياة]

شجون ماذكرتيه صحيح

كنت متواجده أمس بالكليه وذهلت من مشهد تكدس أكياس الطالبات فوق بعضها !!

الله يرحم أيام زمان كانت كلية التأهيل مضرب المثل للكليات بحسن تنظيمها وبقراراتها الصائبه

والآن نراها تتراجع بسبب هذه القرارت التعسفيه ..

اقتباس: وحسب سؤالي ان الكليه لايوجد بها عاملات نظافه ... وبالتالي لاتستطيع العميده ان تترك مخلفات الافطار في فناء الكليه

الكليه مليئه بعاملات النظافه

والمخلفات ليست سببا او علثه لهم ليصدروا هذا القرار!!

[مخرج تلفزيوني]

طفح الكيل والمكيال في فوضوية إدارة البنات في جميع المراحل
ولم أكتب من عاطفة
فمن المقربات من تدرس هناك
ولكم أن تسجلو كل يوم 7777 ملاحظة
هي عنجهية إمرأة أو سلطة رجل ..
إحباط جارف يأخذنا كل يوم فيما نراه في دوائرنا الحكومية .

[بنت البدائع]

[align=center]هذا قرار ؟؟
ياربي لك الحمد ...

أتذكّر قبل أتخرج من الكليه جتنا دكتورة زائرة من أحد كليات الرياض وأشارت لعميدة الكلية بمثل هذا القرار بالظبط .. بأن يكون أكل البنات من كفتريا الكلية بس
تقول إندهشت من طاولات ومقاعد الطالبات الموجودة في الساحة كلها ترامس قوة وحلويات وأكل
هذا صار منتزة نسائي مو كلية ومكان لطلب العلم

وإذا جينا نطلب العلم يعني نصوم عن الأكل لين نرجع بيوتنا
بس الحمد لله ماشفنا تطبيق لهذا القرار الخربوطي


دمتِ بخير آنسه شجـ وون [/align]




[align=center]؛[/align]

[الــرزيــن]

قرار مالغ


وماله سنع


أنا مع وضع ضوابط لإحضار الفطور من برّا


بس منعه نهائي

تعسّف

يجب أن يصل الأمر إلى أعلى سلطه

مابقوا الا يعلقون الواحد في مروحه وينفضونه لين يطيح كل شئ

[Queen of buraydh]

يؤ يؤ

قرار غير صائب للأسف ..! ومالهم حق يمنعون احضار الاكل من البيت

اضيفي لمسألة انه فيه بنات ما يقدرون يدفعون يومياً هالمبالغ برضو فيه بنات مايشتهون ياكلون من الكفتريات وقهاويهم >> كرّم الله النعمه اموت جوع ولا اشتري قهوة من برى بترمس مادري هو مغسول كويس والا لا ..


بصراحه هالموضوع ما ينسكت عنه .. الله يكون بعونكم

[باونتي]

وات

من جدهم


حركه باشخه جداً

المفروض البنات

دام الحركه جماعيه يقاطعون الكافتيرا ووقتها بيحسون انهم اول يكسبون اكثر

<< مو متصوره انهم كل يوم بياكلون من الكافتيرا

الله يكرم النعمه يارب

[المعروف]

المفروض فعلا تتفق جميع الطالبات على المقاطعة

ولاترضخون بسهولة لهم

[قلم بريدة الأبيض]

الفوضى في الجهات الحكومية و منها كليات البنات بالقصيم

و السَّبب إنعدام الوعي و حب الإستنفاع و من مبدأ المصلحة المشتركة

و من أجل اللي مستأجر الكافتريا بالكلية يهونون الطالبات00

القرار هـذا ذكرني بمنتزة على شواطيء البحر بمحافظة جـــدة و عندما أردنا الدخول بسلطة الأكل

و القهوة و الشاي 00 اعتذر و قال (ممنوع) و الأسعار عندهم نار×نار

مسألة الإحتكار وصلت للكليات00

أعتقد بأنّ العقد المبرم فيما بين مستأجر الكافتريا و الكلية أو بالتحديد

مع صندوق الطالبات فيه شيء غامض00

و لإبطال هذا القرار ، على الطالبات الإضراب عن الشراء من الكافتريا و الصيام تطوعاً حتى تحل المشكلة00

[محبة الخير]

الله يصلح الأحوال بكل مكان سواء فيه نساء أو رجال

[أخودريحم]

اتركوه لهم عدم الشراء من المقصف لوتموتون من الجوع

والكليات كلمة واحدة عدم اشراء البتة

[صـاحي و رايـق]

[align=center]الشكوى لله يابنت الحلال
لو تنظرين لكل دائره حكوميه بهذا البلد راح تلاقين بأن الدرعى تدرعى
أصبح الكبير يأكل الصغير ويتفاخر بهذا الأمر
دام المواطن صامت لا حول ولا قوة له بهذا الشيء فأكيد بأن هذه الأمور السيئه راح تزداد يوم بعد يوم
المفروض يكون فيه أتفاق بين الطالبات يطالبن بحقوقهم التي سلبت منهن دون وجهه حق
لو على أقل الأحوال تكتب معاريض وتسلم إلى العبدالمنعم فهو لا يسمح بحصول مثل هذه الأشياء !![/align]

[&تذكار الرحيل&]

والله حاااااااااااااااااااله

يعني الدعوه غصب الا تشترون منهم

الله معكم

[أنسام]

......

أنا اذكر منعونا من احضار القهوة والشاي في احد جامعات الرياض
لكن ليس لاجل الكافتريا
لأنهم اصلا ما يبيعون قهوة

لكن لاجل حادثة وقعت
وليست في جامعتنا

ان احداهن هربت مخدرات في ترمس الشاي

....

والحقيقة تقال ..
لو أردتي حمل فطورك سنداوشك مثلا ومطارة على قدك فيها شاي ... ما منعك أحد
أذكر كان معنا السندوش والعصير بالشنطة
وكان احلى فطور

مو قصة غلاء
بس زحمــــــة موت .... وبعيده


.........

زبدة الهرج ..
فيه فوضى عندنا الصراحه بكليات القصيم
تحس انك داخل مجلس بو حمدان

وجداول حلى وقهوة وفطور
لو هم الوحده على هم الفطور كان نجحت ممتاز على العالم.

...........................


نزلت في جوله لاحد كليات بريدة
وتعجبت ...!!1

طاولات محجوزة
وأغراض قهاوي واكل وصياني حلى >>> تقولون بمنتزهات

والبنات شلل

أدور وحدة تراجع او تقرأ كتاب او ...

بس حاله غريبه على حقيقه ..


..................


أنا ضد انهم يمنعونكم من حريتكم الشخصية
لكن فكروا شوي كل شي له حدود..


أنسام