هلا بحبيب القلب (مواضيعك تذكرني بعاشق ديرتي) ,,بس الله يهديك ماضبطت السالفه زين ,,,هذا سلمك الله واحد إسمه (ابوعلي) و(أبوصالح) ذبحهم الجوع أيام الجوع والفقر طبعا قبل توحيد المملكه ,,وقررا السفر للهند ,,وبعد وصولهم وجلوسهم فيها ,شافوا أو لا (الرادو) وكان عبارة عن صندوق خشبي ويتكلم وبعدها شافوا (الطياره) وكانت بنظرهم عبارة عن حديده تطير ,,,,وبعد مارجعوا لبريده وكان الناس في ذلك الوقت منغلقين والجهل متفشي ولكنهم متمسكين بالدين كثيرا ,,,,راح أبو علي للجماعه وهم عبارة عن إمام المسجد والمذن وبعض الشيبان وجلس يسولف لهم عن الصندوق اللي يهرج والحديده اللي تطير بالسماء ,,,نظر الجماعه لبعضهم البعض وقالوا إن (أبوعلي) فيه مس من الجن أو رأسه فيه هواء وهذا ماجعله يهذي بهذا الكلام اللي غير معقول ,فإتفقوا الجماعه على تربيط أبوعلي (طبعا يبون يتسوونه مع رأسه) وشبوا النار وحطوا أسياخ الحديد و(أبوعلي) طبعا يحلف لهم أيمان مغلظة إن مايقوله حقيقة وإستشهد بأبو ناصر صاحبه وطلب من الجماعه قبل مايتسوونه مع رأسه إن يسألون (أبوناصر) ..طلب الجماعه ابوناصر وعند حضوره ومشاهدة رفيق دربه (ابوعلي) مربوط بالنخله مع إيديه ورجليه وشاف النار والأسياخ وهن حمر يلقن لق ,,,سألوه عن ماذكره ابوعلي فأنكر ذلك وقال : أبد ماشفنا كرتون يهرج ولا حديدة تطير ,,وأبوعلي يصيح ويقول له : أخس يابوناصر ...المهم قام الجماعه ومسكوا (أبوعلي) مع إيديه ورجليه وعطوه كم تسويه مع الرأس وبدت هالدخنه تطير من شعر ابوعلي وهو يصرررررررخ من الألم ....جاء صديقه ابو ناصر وهم يتسووونه وهمس بإذن صديقه ابوعلي وقال له : إذا تسوووك الجماعه مع رأسك قل : لا إلا إلا الله ,أنا وش جابن هنا ,علشان الجماعه يصدقون إن الجني اللي بك طلع ,,,وفعلا يوم تسوووه وعجعجت هالدخنه من رأس الضعيف صرخ قائلا : أن وش جابن هنا ,,لا إله إلا الله ,,,,بعدها صاحوا الجماعه بصوت واحد : لا خطاوه الشر الحمدلله ,,وفكوا رباطه وتركوه يروح لأهله ,,,,بس ابوعلي زعل على ابو ناصر لأنه ماقال الحقيقة ويوم سأل ابوناصر عن السبب قال ابوناصر :يوم شفتهم مربطينك قلت لو ابشهد معك كان ربطوني معك وتسووون مع علباتي ...هه وش رأيك حبيبي السحاة على هالقصه
العرض المتطور
