قصيدة تحت " الإنشاء " لا أريد أن يقرئها قبلكِ كائناً من كان !!
الغلا والشوق واحساس الحنين
___________ والعيون اللي ضوى فيها السهر
اعْشَقـَك واموت بك .. شك / ويقين
___________ قلتها لك سر واعلنها جهر
شابت ايديني وانا احْـلَف لك يمين
___________ ما بقى بالروح عرق وما انصهر
من بَعَدْ عطرك ورود الياسمين
___________ اكتسا صدر المواعيد الزهر
كيف كنت ؟ ووين كنت ؟ وصرت وين !!
___________ يا زمن كم فات من عمري شهر ؟
آااه واويلي عسى ربي يعين
___________ والله أن الموت طعنات الظهر
ضاعت احلامي على مر السنين
___________ ساعتي من طاري الفرقا دهر
ما بقا الاّ خوف وآلالام وأنين
___________ الدموع اربع وخامسها القهر
العرض المتطور
