فتاة تتهم الهيئه بصدم سيارتها ومصادرة جوالها

[قارب من ورق]

اقتباس:  المشاركة الأصلية كتبت بواسطة غريبة يا زمن     طيب بأي حق يمسكونة ويتناقشون معه وين الدين كان طلبوا رقم ولي أمره وتفاهموا معه ولا أخذوا لوحة السيارة وجابوا ولي أمره<<وهقوتك يبي يصدق ولي امره لاقالو له وش مسويه بنته والدليل انه مخليها تروح مع السواق لحاله؟؟؟؟ ماهو يصدمونه بس هم تحس أنهم بزارين علشان عاندتهم سو حركاتهم هالبايخة ولا لو هي قايلة الله يجزاكم خير كان خلوه قسم بالله تخلف مجربتهم أنا أذا قالو غطي عيونك وليش تطلعين عيونك قلتله الله يجزاك خير راح وتركن هذا دليل على انهم يؤدون الواجب بدون تشدد حتى لو ماغطيت عيوني ويحسنون الظن بكي وأشوف اللي يعاندنهم ليش العناد ويقولن وش دخلك تعالو شوفوا لجة وتسحيب للمركز وحالة أكيد في بطنها ريح والي بطنه ريح مايستريح!!!! بس الله يجزى الأشخاص اللي وقفوا الهيئة عند حدهم وصار لهم حدود ولا كان نشوف علوم مثل منول شكلك خبره وإلا وش الفرق بين الحين ومنول على قولتك. كانوا أول يلاحقون الشباب اللي يغازلون عند المدارس اها ليش يلاحقونهم ويالله خذ سرعة وتفحيط وكد صدم أخوي واخوك ليش يغازل بنات الناس مب عيب من هالحركة وبغى يروح فيها بس ربي ستر عليه ياربي لك الحمد والشكر خلاص خوذو رقم السيارة وقضينا

اقول ياوخيتي إذا صار الأخو يلاحق مغازلجي والبنت تطلع عيونه بالسوق وماتخاف الله اكيد يبي يضيق صدورهم من الهيئة....

[غريبة يا زمن]

اقتباس:  المشاركة الأصلية كتبت بواسطة قارب من ورق     اقول ياوخيتي إذا صار الأخو يلاحق مغازلجي والبنت تطلع عيونه بالسوق وماتخاف الله اكيد يبي يضيق صدورهم من الهيئة....

أولا الله لايحللك لأنك أتهمتنا بشرفنا ولو أجيب الكلام هذا للمحكمة كان أخذت حقي منك


ثانياً : عيوني مطلعتهم لأني البس نظارات وشلون يسكرن العيون بنظارات ها خبرني

وأخوي أقولك صدم يعني صدموه الهيئة وهو ياحبة عيني طالع الظهر يمشي برجولة وجو تقل مراهقين يفحطون وقشوا أخيي وصغير بأول أبتدائي مو قاعد يغازل لا هم يلاحقون الشباب اللي يلاحقون بنات الثانوي والمتوسط وسرعة وتفحيط بالشوارع خلاص خذ رقم لوحة السيارة وأستدعيه بالمركز وتفاهم معه مو تلاحقه

وأنا ماضاق صدري منهم أنا أقول المفروض يعرفون وشلو ن التعامل مو تقل بزارين هم وحركاتهم علشان أعداء الدين والعلمانيين مايلقون عليهم منفذ يترصدونهم فيه يعني هالموقف اللي صار للبنت هذي بيحسب ضدهم وبيحاسبون عليه وبيكرهون فهمت كيف

[نبراس القصيم]

يقال لايوجد دخان بلا نار

والمتهم بريء حتى تثبت إدانته

ولابد من رأي الطرفين

والله يجيب العواقب سليمه

ودمتم بخير

نبراس

[قارب من ورق]

اقتباس:  المشاركة الأصلية كتبت بواسطة غريبة يا زمن     أولا الله لايحللك لأنك أتهمتنا بشرفنا ولو أجيب الكلام هذا للمحكمة كان أخذت حقي منك<<<<لا اعطيك اسمي وعنواني وروحي للمحكمة واثباتك كتابتي هذي وبعدين انا ماأتهمت احد بشرفه يا فهيمة زمانك ولكن إذا كان...... ثانياً : عيوني مطلعتهم لأني البس نظارات وشلون يسكرن العيون بنظارات ها خبرني<<<<<مايمنع تحطين طرحه خفيفه فوق النظارات وأخوي أقولك صدم يعني صدموه الهيئة وهو ياحبة عيني طالع الظهر يمشي برجولة وجو تقل مراهقين يفحطون وقشوا أخيي وصغير بأول أبتدائي مو قاعد يغازل لا هم يلاحقون الشباب اللي يلاحقون بنات الثانوي والمتوسط وسرعة وتفحيط بالشوارع خلاص خذ رقم لوحة السيارة وأستدعيه بالمركز وتفاهم معه مو تلاحقه <<<<وصدم اخيتس وساكتين اهلك والجرايد الي تحارب الهيئة ليل نهار بعد ساكتين اقول فيه مقوله تقال قديماً وخاصة بأهل بريده" السمك يسبح بالنفود" وأنا ماضاق صدري منهم باين واضح وضوح الشمس انه ماضاق صدرك منهم أنا أقول المفروض يعرفون وشلو ن التعامل مو تقل بزارين هم وحركاتهم علشان أعداء الدين والعلمانيين مايلقون عليهم منفذ يترصدونهم فيه يعني هالموقف اللي صار للبنت هذي بيحسب ضدهم وبيحاسبون عليه وبيكرهون فهمت كيف

لا وازيدك من الشعر بيت تراي مب مطوع ومره مسكون الهيئه مع انه ظلم ومن زود ماهو ظلم مسجلين علي تعهد "جالساً بعيداً عن اهله"
ومجرجرينً جرجره ومع كذا اقول جزاهم الله ألف خير لانهم أُناس لايعلمون مابقلوب غيرهم.

سبحانك اللهم وبحمدك استغفرك واتوب إليك