الأدباء والشعراء في قفص الاتهام ... بين الادعاء والدفاع

[الامل الظامي]

اقتباس:  المشاركة الأصلية كتبت بواسطة عجوز سمنسي     اللي دخل البنات الباب تجين وتتكلمين عن الرجال وتقولين بعضهم بالدس يحاولون يوقعون البنات وهم اللي يستفزونهن لا ياستي البنات هي اللي تستفز الرجال وتجيك الوحدة تتميلح قوة الين تخلي اكبر شنب يطيح لكن العاقل اللي يدرك نفسه قبل مايطح وينفذ بجلدة قبل ان يقع في هيام انسانه مريضة نفسيا

المعذره

لكن المريض هو من يقع في الفخ


مو مشكلة البنت اذا كانت بطبعها حنونه

او ناعمه..

العتب على اللي ما عنده بريك ويجي مجاوب على وجهه

على العموم احنا نتناقش ونتحاور

ماله داعي الانفعال


صباحك فل..

[عجوز سمنسي]

اقتباس:  المشاركة الأصلية كتبت بواسطة الامل الظامي     المعذره لكن المريض هو من يقع في الفخ مو مشكلة البنت اذا كانت بطبعها حنونه او ناعمه.. العتب على اللي ما عنده بريك ويجي مجاوب على وجهه على العموم احنا نتناقش ونتحاور ماله داعي الانفعال صباحك فل..

لا لا يا امل الله يسلمك

احيانا يعيش الرجل على وهم ويكون غبي او غافل

لكن تجيه اوقات الصحوة لينتشل نفسه منها ومن براثن الوقوع في شباك الحمقاء ومن شباك اللبوة

انا ماعصبت واللي اني اناقشك بنظريتك هذي وانا بقمة الروقان ياستي

وانا اشكرك على طرح جانب اخر من القضية حتى تكون متكاملة ونقدر من خلالها تحديد الهدف اللي نوصل له

[خربشآت نآعمه]

^
^
أموله أحييك

العجوز لا والله مآهي لي .. للشآعر سعود الحآفي مع تشديد اليآء في أبيآت الصدر ..

[عجوز سمنسي]

اقتباس:  المشاركة الأصلية كتبت بواسطة الديماسه     ^ ^ أموله أحييك العجوز لا والله مآهي لي .. للشآعر سعود الحآفي مع تشديد اليآء في أبيآت الصدر ..

ايه جميل

مع التشديد تتقن الابيات

شكرا لك ياديماسة

[الامل الظامي]

اقتباس:  المشاركة الأصلية كتبت بواسطة عجوز سمنسي     انا ماعصبت واللي اني اناقشك بنظريتك هذي وانا بقمة الروقان ياستي وانا اشكرك على طرح جانب اخر من القضية حتى تكون متكاملة ونقدر من خلالها تحديد الهدف اللي نوصل له

ان شاءالله ع طول مروق

والله يعطيك العافيه ويكثر من امثالك

من جد استاذ سمنسي

انت مفخره للمنتدى بحرصك على طرح المواضيع المهمه

دمت رائعا..

خيتك/الامل الظامي

[رتاج]

الشعراء من اصدق الناس مشاعر فهم يترجمون عما بداخلهم من حب عن طريق الشعر
احاسيسهم تخرج من القلب و تصل الى القلب مباشرة ما اجمل احاسيسهم و ما اصدقها
اكثر من يستطيع ان يصف حال الحب و فراق المحبوب هم الشعراء لانهم عاشوا هذه الحالة بكل امانة ووفاء

[عجوز سمنسي]

اقتباس:  المشاركة الأصلية كتبت بواسطة شمعة امل     موضوع حلو شكراً وبارك الله فيك ,,

الحلو مرورك

الا وش سر الابتسامة الصفراء اللي توزعينها ؟

شكلها حلوة عليك

[عجوز سمنسي]

اقتباس:  المشاركة الأصلية كتبت بواسطة طاليس     [align=center]الشعر هو أقرب طريق لضرب الوتر الحسي عند المرأة وإلا لما كانت الأشعار المغناة بريدا للزنا ![/align][align=center] شكرا لطرحك أخي .[/align]

طاليس

نعم هو بريد الزنا كما قال ابن مسعود

ولهذا تفنن المخنثون على هذا الوتر في تعدد الألحان والتغني بتلك الكلمات التي تلامس شغاف قلب المرأة

لكن الا ترى ياسيدي ان المرأة اصبحت ساذجة بدرجة مقززة بحيث اصبحت الكلمات هي من تحركها يمنة ويسرة ؟

شرفتني

[رتاج]

مدام مافي احد من المشرفين خلوني اخذ راحتي و اسمعكم كم بيت عن الفراق


إش فايدة نبكي على شي قد راح
وإحنا قتلنا الحب من دون رحمة
المشكلة جيتك وبي حب يجتاح
جيتك طفل محتاج من الوقت ضمه
جيتك وله وأشواق والشوق فضاااح

رد الصدى ياصاحبي صاحبك راااااااااااح!
ومن يومها كل الفرح صار صدمة

***********************************


طمـنوني شـلونـهـا كيـف حـال عـيـونـهـا ؟؟
الله يـسـامح هـالـزمـن خـلانـي أحـيا بـدونها
مـدري كـيـف أوضـاعـهـا ؟
عـصاها الزمن أو طاعـها ؟
تسعـدها ذكراهـا معي أو تـزيـد أوجـاعـهـا
الحـب بعـدي شـافـته والا مـثـلي عـافـتـه ؟
تضحك حياتي وتبتسم والا حـزينه وساكته ؟

*********************************

وش حيلتي مادام حظي عصاني ,,, أصبحت عاجز حاير في مكاني
وخدي بدمع العين ياما كويته ,,, هذا القدر مكتوب والعمر فاني
لكن امانه كان موتي لفاني ,,, قبري تحطونه على باب بيته
يمكن إذا شافه بلحظة بكاني ,,, وإلا ترد الروح في نفس ميتة

******************************


أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات


**************************

أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني

[عجوز سمنسي]

اقتباس:  المشاركة الأصلية كتبت بواسطة الديماسه     [align=center] هجمة مرتدهـ من حسب الله المهمـ : أي وآحه تسكب فيهآ العباير والمشآعر أقدرهآ تقدير الأجوآد للضيف,, مآدري يمكن هالكلآم موجود عن كل حد إلا في منتدآنآ الموقر... بس لا أنكر هالشي إنه بيصير .. خصوصا إذا فيه كم شخص مداومين هنآك حضور وانصرآف وهآت يآحب وحبيب ... خلهم يستآنسون ...>> عجزوآ عن الحشره,,/[/align]

هلا بعائشة الكيلاني

نورتي الصفحة انتي وشظافك

تصدقين تصلحين جناح ايمن بس من برا الخط

ياست عائشة الكيلاني الكلام هذا موجود في كل المنتديات ولانلعب على بعض

العزف على اوتار الوجدان والحان القلوب هو مطية الخبثاء الذين يلجون الى تلك الاماكن لاغراضهم المشبوهة

فبعضهم للاسف يلج تلك الاماكن من اجل اغراضة فقط العاطفية ليشبع نزوته ويترك خليلته جريحة من بعده

شرفتي ياجناح ايمن

[عجوز سمنسي]

اقتباس:  المشاركة الأصلية كتبت بواسطة الأسترليني     قاعد بجنب واحد من العيال قبل لا ارد عليك وقلت ولف لي بيت قال ابعطيك بيت بس لا تسأل عن الوزن ولا وش معناه لاني ما اعرف المهم قلت مخالف عطن اي شئ قال خذ هالبيت هجير الشمس بوسط و جنتي من كثر دمعي~~ و عيني من كثر السهر صارت تنافس القمر المهم بعد ما قريتة الصراحة انقرص قلبي بس يوم شفت وجنت خويي حامت تسبدي وجنتة تقل جدران الحمامات اللي على طريق القصيم الرياض من كثر الخرابيط به يعني شف وانا الاسترليني انقرص قلبي اجل وشلون الصبايا اللي يعيشن اجواء الحرمان من الحنان و الحرمان من الابوة و الحرمان من العطاء

اجل صار الدمع اربع اربع من كثر الشوق والحزن على الفراق

يابعدي انت يالاسترليني

عاد انا اعرفك ياقلبي الدمعة قريبة بمحاجر عيونك وعلى طول تخقها

قلبك مو مثل قلبي

اسد انا ما اصيح على طول وقلبي مو مثل قلبك رهيف ورقيق

الله يعينك ياحبي

قم تكفى كمل صياحك

صباحك عسل ياحبي

[عجوز سمنسي]

اقتباس:  المشاركة الأصلية كتبت بواسطة عاشق الخير     السمنسي الشعراء يتبعهم الغاوين ويا كثر ما بالوقت من غاوين وغاويات ... ولا تنسى اهل الفن والعفن كذلك لهم سطحات و نزوات مع معجبين ومعجبات .. شكرا لروعتك وروعة حروفك

كلهم بالهواء سواء

يعني على الاقل المغنين معروفين بسفالتهم

لكن بعض الادباء يستغل حب الناس لهذه المهنة الجميلة والذوق الرفيع فيها فيستغل وجدانهم وعواطفهم لينصب شباكه على تلك الفتيات الغر فيسقطن في وحل كلماته المعسولة

نعم ان بعض الشعراء يتبعهم الغااووت

عاشق الخير : شكرا لك

[عجوز سمنسي]

اقتباس:  المشاركة الأصلية كتبت بواسطة بياض روح     الشعراء والادباء ماهم رجال؟!!! او باعتقادك ملائكه يمشون على الارض !!!!

الا رجال

لكن لايستغلون قلوب البنات بالصورة البشعة ويستغلون عواطفهن وقلوبهن الفاضية من الحب فيتغنون ويتراقصون ويعزفون على هذا الوتر باسم الادب لانها من قلة الادب

شكرا بياض الروح

[المعروف]

حيا الله العجوز...

ودايم مثير.. ومتجدد

العلاقة بين الرجل والمرأة بدأت من وجود الخليقة

وتأثير كل منهما بالآخر.. أمر من صميم الحياة

وفي القديم الغااااااااااااابر

كانت البنات يتعمدن التعرض للشاعر... عشان يقول فيها قصيدة...!!!

وهذا يؤكد ان البنت فعلا.. ممكن استدراجها بالكلمات الرومنسية

ومصيبة فعلا اذا كان كلام ندى صحيح.. وان مجرد كلمة عابرة ممكن تسوي شي عند البنت..

وانا اشوف ان بناتنا مثل ماطارن بمهند بيه ووصلنه النجوم...

بيطيرين بواحد يقول كلام حلو ومرتب.. ويدغدغ الوجدان

والرابط بين مهند والشاعر.. هو الكلام الحلو والمنمق

وهي رسالة لنا يالشهبان اننا نشبع زوجاتنا عاطفيا.. ومانقصر عليهن بشي

عاد الي توه متزوج وشباب يمكن الامر مو صعب عليه .. يقدر يتاقلم

بس المخضرمين مثلي كيف بيتعودون...

انا عن الشباب والشبابات الابرياء .. قصدي الي توهم مادخلوا دنيا

فالمسالة تحتاج ان الولد يراعي الله ببنات المسملين ويخاف ربه من العقاب

والبنت تتاكد ان الكلام الي قيل لها قيل لمئات قبلها... ولازم تركد وتعقل


الغريب في الموضوع اذا قارنته بموضوع لندى (جـــبــل اذا نــاطحتيــه... وورع اذا لهيتيــــه...!!)

هناك فيه تضخيم لدور الانثى وسطوتها على الرجل

وهنا في ايضا تضخيم لتاثير الشاعر والاديب على البنات ..

يعني مين الي يؤثر في الثاني اكثر..............؟؟؟؟؟؟

[خربشآت نآعمه]

^
^
^
^


صح لسآنكـ ...

دخوول لتسجيل تحيه فقط للمعرف أعلاهـ ...