اللي قد ولعت لمنبة عند رأسه يدخل سيدا للموضوع

[فتاة المستقبل]

بسم الله الرحمن الرحيم

والسلام عليكم ورحمة الله وبركاته

والحمدلله والصلاة والسلام على رسول الله وعلى آله وصحبه أجمعين

أما بعد أيها الجمع الكريم , يا ساده ياكرام , ياعضاء وياعضوات ,ياقراء ويازوار, يا عجز وشيبان , يا بيض وسمر , يا صقع وشوش

<< لا تشرهون علي ,ترى من زمان ما كتبت موضوع



المهم نطب بالموضوع ..

كثير منا تتوارد في ذهنه أشياء وأشياء ,, لكننا لانترجمها على أرض الواقع ..

قد يتوارد في ذهننا خطط , أفكار عبقريه لكننا لانعيرها أي أهتمام وتبقى في طي الكتمان ..

أويجتاحها غبار النسيان ..


لابد وأن أي منكم كد ولعت عند رأسه لمنبه فكره , ومع ذلك أهملها الين طفت ..

في هذا المتصفح نطلب من الساده الأعضاء أسترجاع أفكارهم والبحث عن نقطة إيجابيه في صفحات أفكاره ..وهل من الممكن تطبيقها ..


قد تطري علينا أفكار خياليه , أفكار انتقاميه ,أفكار شيطانيه ,أفكار حالمه رومانسيه ,


أتحفونا بأفكاركم التي خطرت عليكم << بس أنتبهوا لا تكبكون كل عشياتكم , الشين غبوه عندكم


تاتينا أفكار غريبه تكون قابلة للتطبيق وبعضها غير قابل ..

فمثلا محدثتكم فكرت مره, لو فيه جهاز يحتوي على أزارير ملونه توضع على جدار المنزل ..

نضغط على الأزرار الأزرق فتنغسل المواعين , وعلى الزر الاحمر فيكنس المنزل , وعلى الزر الأصفر فيطبخ العشاء المكتوب بالجهاز
وعلى الأخضر فتنغسل الملابس

طبعا هذا من ضمن الأفكار والله أعلم يمكن يجي يوم وتحقق الفكره , مافي شئ مستحيل بالوقت الحاضر ...

وقد تكون الفكره عندي لكن التعبير يتمخض تمخض الجمل ..

[روشن]

اقتباس:  المشاركة الأصلية كتبت بواسطة فتاة المستقبل     نضغط على الأزرار الأزرق فتنغسل المواعين , وعلى الزر الاحمر فيكنس المنزل , وعلى الزر الأصفر فيطبخ العشاء المكتوب بالجهاز وعلى الأخضر فتنغسل الملابس طبعا هذا من ضمن الأفكار والله أعلم يمكن يجي يوم وتحقق الفكره , مافي شئ مستحيل بالوقت الحاضر ... وقد تكون الفكره عندي لكن التعبير يتمخض تمخض الجمل ..

الرقي لا يتأتى الا بالجد والعمل والكفاح ومكابدة الصعاب

هذا هو حالنا دائما نبحث دائما عن من يخدمنا ويكفينا حتى عناء غسل الصحون والملابس
فكيف بنا ان نسعى لتطبيق افكارنا ذات المشاريع الضخمة على ارض الواقع

والله حالنا يرثى لها وبس

[فتاة المستقبل]

اقتباس:  المشاركة الأصلية كتبت بواسطة روشن     الرقي لا يتأتى الا بالجد والعمل والكفاح ومكابدة الصعاب هذا هو حالنا دائما نبحث دائما عن من يخدمنا ويكفينا حتى عناء غسل الصحون والملابس فكيف بنا ان نسعى لتطبيق افكارنا ذات المشاريع الضخمة على ارض الواقع والله حالنا يرثى لها وبس

أهلاً بك روشن ..


لاينبغي لنا أن نقلل من قيمة الفكره وإن كانت ناتجه عن تكاسلنا وبحثنا عن الراحه ..ولولاها لما أخترع الغساله والماكينه وحتى الرجل الألي ..



وكلما وجدنا الراحه أكثر , كلما أتيحت لنا فرصة للبحث عن طرق أخرى نقضي بها اوقاتنا ونستغلها استغلال حسن ونبدع بمجالات اخرى ..


نحن نعلم أن الرقي لايأتي إلا بالجد والعمل , نعم نجد و نجتهد في عملنا ونجد ونجتهد في تفكيرنا ..


ماقصدته في موضوعي هو دع لخيالك التفكير وحلق به عاليا ولا تجعله يقف محصورا في أطار ضيق ..
ولا تستهينوا بأمر الفكره ..


فرب فكرة صغيره أنتجت عملا جبارا ..

شكرا لك روشن ..

[خربشآت نآعمه]

فتآآة تدرين هالموضوع من يصلح له لعآشق ديرتي بريده والله يبي يعطيك من الأفكآر إلين مآتصيرين خليفة أين شتآين ...


المهمـ أفكآري >>بس لاتضحكين ..
أتخيل لو الجدرآن تسووولف لأن مآآعندي حد الصبح ... أتخيل الجدآر يطلع له شفايف ويعطس آآتشووو وأقوول قصر حسك امي نآيمه
وبعد فيه فكره متووزيه ع جنب .. إن ليه مآنفتح قنوآت إتصآل مع أخوآننا في الله >>بسم الله الرحمن الرحيم عرفتيهم...
يعني الحين وصلنآ الفضآء وآخر العالم تكلم مع أوله والضعوف ذوولي مآقدرنآ نتفآهم معهم يآحبي لهم ...؟!
وودي أشبك مع وآحد عشآن أنآ وإيآه نختل اليهود واوبآمآ ونذبحهم,,.!



ودي أرجع استكمآلا لأفكآآآري ..!

[فتاة المستقبل]

[quote=الديماسه;2323747]

اقتباس: فتآآة تدرين هالموضوع من يصلح له لعآشق ديرتي بريده والله يبي يعطيك من الأفكآر إلين مآتصيرين خليفة أين شتآين ...

عاشق وينه ؟ ماغيرصاكن على رويحته بهالمدونات ..عقبهن ماصرنا نشوفه بالمجلس

لا والله وأنتي الصادقه وأنا اكتب الموضوع جيتي على بالي ..عارفه ماشاء الله خيالك واسع

اقتباس: المهمـ أفكآري >>بس لاتضحكين .. أتخيل لو الجدرآن تسووولف لأن مآآعندي حد الصبح ... أتخيل الجدآر يطلع له شفايف ويعطس آآتشووو وأقوول قصر حسك امي نآيمه وبعد فيه فكره متووزيه ع جنب .. إن ليه مآنفتح قنوآت إتصآل مع أخوآننا في الله >>بسم الله الرحمن الرحيم عرفتيهم... يعني الحين وصلنآ الفضآء وآخر العالم تكلم مع أوله والضعوف ذوولي مآقدرنآ نتفآهم معهم يآحبي لهم ...؟! وودي أشبك مع وآحد عشآن أنآ وإيآه نختل اليهود واوبآمآ ونذبحهم,,.!

هههههههههههههههههه ههههههه والله أنك تحفه ,, يوم قلتي أخواننا في الله راح بالي للفلسطينين بنتصل بهم مباشره

أيه صح أقله لاضاق صدرورنا نشبك مع وحدتن منهم <<بسم الله
بس بشرط عليه هي اللي دايم تجيب القهوه والحلى ,,والعشاء عليه يوميا ..


يا حبيلك ودك تسولفين على الجدار ,أجل لا تحمقينه أخاف يلبط عليك

سولفي على رويحتك بالمرايه أجمل لك علشان لا شفتي شكلك تنفتح نفسك للسواليف ..



يا حبيل لك أنتي وياأفكارك ..


بخصوص التخاطب مع الجن ..سبحان ربي خلق الجن والأنس وجعل أتصالنا بهم ضيقا لحكمة ارادها لا نعلمها نحن البشر ..

اقتباس: ودي أرجع استكمآلا لأفكآآآري ..!

أستمعت كثيرا بخيالك الذي طار بي نحو أفاق بعيييد
وبانتظار رجعتك الحلوه يا عسل ..

[المعروف]

هاللمبة .. اقصد الفكرة

هي اساس الاختراع والتطور

ومن تابع سير العظماء بيلقى ان اختراعاتهم كانت مجرد فكرة ..

المهم هو بعد الفكرة

كيف يعمل الشخص على تنفيذها ؟؟؟

[فتاة المستقبل]

اقتباس:  المشاركة الأصلية كتبت بواسطة المعروف     هاللمبة .. اقصد الفكرة هي اساس الاختراع والتطور ومن تابع سير العظماء بيلقى ان اختراعاتهم كانت مجرد فكرة .. المهم هو بعد الفكرة كيف يعمل الشخص على تنفيذها ؟؟؟

هلا بك المعروف..

فعلا صدقت الأختراع يبدأ من فكره ومن ثم تشغيل مخ و محاولة تحقيقها والبحث عن السبل المساعدة لأخراجها بالصورة المطلوبه

أو على الأقل نرمي مالدينا من افكار و غيرنا يبحث في تفيذها ..

المهم انها لا تبقى حبيسة جدران المخ ..

شكرا لك ..

[محمد المعتق]

لحظات العصف الفكري لا تتكرر ..
لكن ..
احمل ورقة و قلما ..
لتبدأ تسجيل أفكارك ..

[فتاة المستقبل]

اقتباس:  المشاركة الأصلية كتبت بواسطة محمد الغرابي     لحظات العصف الفكري لا تتكرر .. لكن .. احمل ورقة و قلما .. لتبدأ تسجيل أفكارك ..

أهلا بك ..


لفتة رائعه أن يهتم الفرد بتدوين أفكاره والتي يعتقد بمدى

تحقيقها ..ولا يكتفي بذلك بل ينشرها على الملأ فقد يرزقه من يعمل

لفكرته ويجتهد بها ليحققها له..

شكرا لك

[العبرى]

كل الخدمات التي نستخدمها
كانت فيما مضى مستحيلة..بل أغلبها أفكار مجنونة..!

المهم وأنت تفكر أن تسعى للتحقيق..!



تحيتي,,,

[فتاة المستقبل]

اقتباس:  المشاركة الأصلية كتبت بواسطة العبرى     كل الخدمات التي نستخدمها كانت فيما مضى مستحيلة..بل أغلبها أفكار مجنونة..! المهم وأنت تفكر أن تسعى للتحقيق..! تحيتي,,,

أهلا بك

نعم أحسنتي في قولك أفكار مجنونه ..

وكلنا نعلم سابقا في زمن أجدادنا وما قبلهم لو فكر أحدهم بجعل كومة من الحديد تتطير في السماء فسيتهمونه بالجنون كما ذكرتِ ,
و ها نحن في زمننا هذا نرى الطائرات بكبرها وبثقلها تجوب السماء جيئة وذهابا ..


نشغل تفكيرنا ونطلق له العنان والتحقيق قد يتحقق بعد عشرات السنين ومثل ما قلتُ سابقا قد تتحقق على يد الغير ..ونعطيهم أشاره بدء غفلوا عنها


فاصلة استطلاعيه بلاغيه ..


وشو اللي خلف الشفق ؟؟ .. ضغطت عليه بشوف هو رابط وإلا لا ؟؟ طلع ماكو رابط ..
تسانه سر علمين أقرب أذني


شكرا لك ..

[عمدخ امل حياتي]

انا فكرت فكرة انما ايه

ودي بريموت كنترول لا ابلشوني عيالي ولا اي احد اسكته بزر ولا بغيته رجعته يتكلم مثل

التلفزيون صجونا الله يصلحهم

بعد براسي فكيرة اني لا بغيت احد بعيد عني بمنطقة ثانية اسفط الكرة الارضية ويصير قريب

ولا بغيت ارجع لهدوئي واستقراري امغط الارض ههههه افكار مجنونة بجد

مشكووووورة يالغلا شغلتي الخيال عندي مع اني من زمااااااااااان معطيته اجازة


تذكرت فكرة موت هذي عاد من وليدي موب مني يقول الغالي وش رايك لو حنفيات الماء

تصب عصير بدل الماء وكل مابغينا غيرنا النكهة ههههه ابلشتونا لاتروح البقالة نخاف عليك

[مآلے مثيل]

اقتباس:  المشاركة الأصلية كتبت بواسطة عمدخ امل حياتي     تذكرت فكرة موت هذي عاد من وليدي موب مني يقول الغالي وش رايك لو حنفيات الماء تصب عصير بدل الماء وكل مابغينا غيرنا النكهة ههههه ابلشتونا لاتروح البقالة نخاف عليك

والله عليه افكار حلوه اتوقع له مستقبل بسم الله عليه



اما فكرتي

انه يكون اي شي عندي يحس فيني مثلا اذاء بغيت موياء تجيبلي البراده

واذاء بغيت منديل يجي لمي

وكذاء يعني

وانشالله تتحقق بلقريب العاجل

[فتاة المستقبل]

اقتباس:  المشاركة الأصلية كتبت بواسطة مآلے مثيل     والله عليه افكار حلوه اتوقع له مستقبل بسم الله عليه اما فكرتي انه يكون اي شي عندي يحس فيني مثلا اذاء بغيت موياء تجيبلي البراده واذاء بغيت منديل يجي لمي وكذاء يعني وانشالله تتحقق بلقريب العاجل

أهلا بك .. أجل على كذا لازم تطلع سلك من رأسك يرسل الأحاسيس للجهاز الناطق ..وبعده يقوم الجهاز التنفيذي ويجيب لك اللي تبي ..

أو أقول ..الله يرزقك حرمه تحس باللي تبي وتجيبه لك على طول ..

شكرا لك على طرح أفكارك وباذن الله ينحقق ما تتمناه

[ابو صالح الجنوبي]

الصراحه عندي شوية افكار هاليومين شاغلتني وهي
كيف اسوي سوبر ماركت بطلبات سياره
يعني ادخل بسيارتي بين الرفوف وانقي اللي ابي وانا بالسياره
لاكن خفت تجي البلديه ويعطوني مخالفة سوء تخزين

فغيرت الفكره وفكرت اسوي آله تطبخ من نفسها
يعني يكون فيها اماكن للمقادير مثل مكان للرز ومكان للمكرونه ومكان للحم ومكان للدجاج
ويكون فيها اكثر من نوع وماعلي إلا اني اظغط زر الوجبه اللي ابي وتجيبه لي